Ɔwɔ-mɛ̀n-yrikàn 16:7 - Ɛmɛẅi ankà ankrànkràn 2003

⁷ Zɛtɛn mɛ̀n yá esùva tɔ̀n dú ɛcice tɛbrɛ̀ wú nvà kɩ kɛ dɔ̀ le: “Hɛ̀ɛ̀, Ɛẅɛnwrɔn, ɛkɔrɛ̀srɔn Wɔ, v'ɛmrɛ̀ncì dú annanwɔrɛ kɩ nyrɔn!”

Ɔwɔ-mɛ̀n-yrikàn 16:7 Iomraidhean Croise

Ɔwɔ-mɛ̀n-yrikàn 1:8

“Mɛ̀n dú kpàkpà-wrɔn mán ɛmɛẅitrɔ-wrɔn”, ɔmu lɔ de Ɛẅɛnwrɔn, ɛkɔrɛ̀srɔn Wɔ kɛ dɔ̀ nɔn, nɛ́n léyi nɛ́n dù, nɛ́n go dù, kɩ nɛ và nɔn.

Ɔwɔ-mɛ̀n-yrikàn 13:10

Ɔwrɔn léyi yɛ wá le ne le dú anwɔn-mɛ̀n-wá-wɔn mɛ̀n nɔn, kɛ zrɔ, nɛ lɛ hɔ́n anwɔn-mɛ̀n-wá-wɔn mɛ̀n; ɔwrɔn léyi yɛ wá le ne le wú anhà-kɔ́n-nyan she mɛ̀n nɔn, kɛ zrɔ, ne le wú anhà-kɔ́n-nyan she mɛ̀n. Nyàn hɩ le kruhú de ke ji le Ɔwɔ fɛcüè kɛ̀ ẅɛn ɛnbɔrɛ kɛ̀ hɛ́n, ô kè dú ankàẅìbùtan-ẅɛn mɛ̀n.”

Ɔwɔ-mɛ̀n-yrikàn 14:10

nɛ́n dùku ne le mí ɛntàn léyi ye ku n'ɛẅì, Ɔwɔ mɛ̀nhyì grashɛ̀n lɔ mɛ̀n nɔn! Anwrɔn ɔmu hɔ̀n lɔ, yɔ le dú ɛgbànkán mɛ̀n ɛnhyà-ẅì-wosu mɛ̀n, Ɔwɔ kùyüre-bɔ̀ prɔnprɔn hɔ̀n mán Ɔwɔ Kɔ̀kɔ̀sɛ̀-ẅì zìwú.

Ɔwɔ-mɛ̀n-yrikàn 14:18

Ɔwɔ-kùyüre-wrɔn nyantɛn tɔ̀n léyi ẅɛn ɛnhyà wú kɔrɛ̀levri nɔn, dú ɛcice tɛbrɛ̀ wú nvà. Ne di bobo ecüiemɛ̀n tán nɛ́n léyi kpàndì cici dú nɛ̀n antamɛ̀n nɔn le: “È bɩ́ vɛ́n kpandì lɔ, ô ɛ̀ kuɛ ɛnhi tàn-wɔnsɛn-tɛ̀-ẅì lɔ: y'antɛ̀-ẅì lɔ wɔ́n.”

Ɔwɔ-mɛ̀n-yrikàn 19:2

N'ɛmrɛ̀ncì hɔ̀n dú annanwɔrɛ mán ɛnyrɔnnan mɛ̀n! Ɔmuhi nɛ̀n bó wowie-nyɔnwrɔn vri lɔ nwù, nɛ́n léyi nɛ jrɛ́ ɛnhi, n'eci-gbàngbàn-kɔ̀hɔ̀n-hán mɛ̀n. Ɛẅɛnwrɔn hán nɛ̀n nɛ̀n krɛ́ ɛci, n'eci-bɩ̀tan-bɔ̀ hɔ̀n wù lɔ wú.”

Ɔwɔ-mɛ̀n-yrikàn 6:9

Ɛnvra léyi Ɔwɔ kɔ̀kɔ̀sɛ̀-ẅì srú ɛnriemɛ̀n ci-tɔ́n-ci lɔ nɔn, mɛ̀n kán anwrɔn hɔ̀n léyi ye wri y'ɔmùan-zri-dì kruhú Ɔwɔ ankà-dɔ́ mɛ̀n mán yɔ dalɛfuɛ ankrànkràn dìemɛ̀n nɔn, y'anhɛ́n hɔ̀n lɔ Ɔwɔ-cice-tɛbrɛ̀ krugbɛ̀n.