Ɔwɔ-mɛ̀n-yrikàn 16:17 - Ɛmɛẅi ankà ankrànkràn 2003

¹⁷ Ɔbɔ̀ɛn mɛ̀n Wɔ-kùyüre-wrɔn lɔ cüe nɛ́n grashɛ̀n lɔ ɔwràn mɛ̀n. Esùva cüìcüì tɔ̀n dú Ɔwɔ-cice-wɔn mɛ̀n, nɛ̀n dú ɛgbú-tòbù tɛ̀sɛ̀n nɛ và kɩ nɛ dɔ̀ le: “Yɛ hán trɔa!”

Ɔwɔ-mɛ̀n-yrikàn 16:17 Iomraidhean Croise

Zhan 19:30

Ɛnvra léyi Zhezü sɔ́n ɛntàn-drɔ lɔ ɔmùan nɔn, nɛ dɔ̀ le: “Eci lɔ fɛn lɔ trɔa!” Zɛtɛn nɛ̀n sɩ́ ɛnkru ɛnhi, kɩ nɛ́n wù.

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Efɛzɛ̀n anmàn-bɔ̀ 6:12

Ɔmuhi bɔ́ mán anwrɔnẅì mɛhi bɔ̀ sɩ̀ ẅɛ̀n anhà-kɔ̀n, tɛ́n bɔ́ mán ɛkɔrɛ̀-srɔn hɛ́n gbàngbàn hɔ̀n léyi dú anhobɩ́ anmàn nɔn, ɛkɔrɛ̀levri-bɔ̀ mán anwrɔn-ẅɛn-bɔ̀ léyi dú ɛnhibù yɔwɔ ndɔ lɔ wú nɔn de yɔ mɛhi bɔ̀ ẅɛn anhàkɔ̀n nɔn.

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 11:19

Zɛtɛn, anhobɩ́-cice-wɔn lɔ gbɛ́ ɔmùan, kɩ mìrɛ̀n lakà lɔ srɔ́. Ɛyri kpɛ́n ɛnhyà, yɛ yá esùva hɔ̀n, kù-dì, ɛwú di nkù, ɛnhi jɔkɔ̀ kɩ ɛnshi vri tɔ̀n nnàn.

Ɔwɔ-mɛ̀n-yrikàn 14:15

Ɔwɔ-kùyüre-wrɔn nyantɛn tɔ̀n dú Ɔwɔ cice wɔn mɛ̀n srɔ ɛntrɛ kɩ kɛ dɔ́ nɛ́n léyi nɛ̀n yɛ́ ɛnwì-gbú lɔ wú nɔn le: “È bɩ́ vɛ́n kpàndì lɔ, ô ɛ̀ kùɛ ɛci, ɔmuhi ɛci-kuɛ vra ncɔ̀ nɔn: ɛci-wɔn krɔn ɛkuɛ!”

Ɔwɔ-mɛ̀n-yrikàn 14:17

Ɔwɔ-kùyüre-wrɔn nyantɛn tɔ̀n dú anhobɩ́ Wɔ-cice-wɔn mɛ̀n srɔ ɛntrɛ; nɛ́n mán nɛ̀n ẅɛn kpàndì cici tɔ̀n.

Ɔwɔ-mɛ̀n-yrikàn 16:1

Zɛtɛn mɛ̀n yá esùva cüìcüì tɔ̀n dú Ɔwɔ-cice-wɔn mɛ̀n nvà kɩ kɛ dɔ́ Ɔwɔ-kùyüre-bɔ̀ ɔbɔ̀ɛn lɔ le: “Nyɛ́n hɔ́n ɛnhi wú nyɛ́n cüe Ɔwɔ-mɛ̀nhyì-grashɛ̀n ɔbɔ̀ɛn hɔ̀n lɔ!”

Ɔwɔ-mɛ̀n-yrikàn 21:6

Kɩ nɛ dɔ̀ le: “Ɔmu lɔ de ndù nɔn! Mɛ̀n dú ɛnkrubɔmɛ̀n mán ɔtrɔmɛ̀n. Ɔwrɔn léyi ɛnshi-mùanwù kɛ ẅɛ̀n nɔn, mɛ lɛ tán nɛ̀n ɛnshi ne le mi ankora ɛwúvà-shi-bɛ́ mɛ̀n.