Ɔwɔ-mɛ̀n-yrikàn 16:14 - Ɛmɛẅi ankà ankrànkràn 2003

¹⁴ Yɔ dú anwa-bɔ̀ hɛ́n hɔ̀n léyi kɛ hán anvɛmɛ̀n frɛ́n-ci nɔn. Yɔ hɔ́n ɛnhi mumù lɔ fɛn nɛ̀ncüì hɔ̀n tɛsɛ̀n, ô yɛ bɔrɛ yɔ ɛkru ɛkɔrɛ̀srɔn-Wɔ lɔ n'anhà-kɔ́n bì vri lɔ mɛ̀n.

Ɔwɔ-mɛ̀n-yrikàn 16:14 Iomraidhean Croise

Matie 24:14

Anhobɩ́ Nɛ̀ncüì-dúyri mɛẅi ankà ankrànkràn ndɔ lɔ ke le bonyí ɛnhibù mumù lɔ wú, ô fɛcüè lɔ fɛn kè di nɛ́n dalɛfuɛ. Kɩ zɛtɛn ɛnhibù trɔ vra kɛ lɛ cɔ̀.”

Matie 24:24

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Markɛ̀n 13:22

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci bobrebe yɔ frɛ́n anwrɔn; nyɛ́n sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le dú ɛmɛ̀n.

Lükɛ̀n 2:1

Hɩ vra lɔ, Romɛ̀n ɛnhi wú govràn léyi dú Sezarɛ̀n Ogüsɛ̀n nɔn wá tán le, Romɛ̀n ɛnhi wú bɔ̀ lɔ fɛn, kɛ̀ hɔ́n y'anmàn kɛ̀ wá ebɩ́ owrúemɛ̀n.

Zhan 8:44

Nyɛ́n zi dú anwawrɔn kɩ nye ji nyɛ́n hán eci léyi nyɛ́n zi anwawrɔn ke ji nɔn. Nɛ̀n dú ɔwrɔn wri-wrɔn ɛnkrubɔmɛ̀n hán hɛ́n. Ɛnbi zriɛmɛ́n nɛ vá nyɔn annanwɔrɛ ankà mɛ̀n, ɔmuhi annanwɔrɛ bada nɛ̀n ɛmɛ̀n nɔn. Ɛnvra léyi nɛ dɔ́ ɛyɔ̀n ankà, nɛ dɔ́ yi kɛ hán n'edù-ci hɔ́, ɔmuhi nɛ́n dú ɛyɔ̀n wrɔn mán ɛyɔ̀n nɛ́n zi nɔn.

Rɔmɛ̀n-anmàn-bɔ̀ 1:8

Eci lɔ fɛn mɛ̀n, mɛ tán m'Ɔwɔ ɔkùɛn Zhezü Krisì bɩmɛ̀n, nyɛ́n lɔ fɛn ny'ɛkruhú, ɔmuhi yɛ dɔ́ ny'ankaẅì-bùtan-ẅɛn-ankà ɛnhibù mumù lɔ fɛn wú nɔn.

2 Tesalonikɛ̀n anmàn-bɔ̀ 2:9

Anbɔrɛ-wrɔn lɔ kɛ lɛ vá Anwa-wrɔn cüìcüì kɔrɛ̀-srɔn mɛ̀n, nɛ lɛ hán anvɛmɛ̀n-frɛ́n-ci mɛ̀ntɛ mɛ̀ntɛ mán ɛyɔ̀n ci-woroan-ci;

Kpàkpà timote 4:1

Ɛnhɛ́n kɛ dɔ́ kpete mɛ̀n le: ɛmɛẅi-trɔ vra hɔ̀n mɛ̀n lɔ, anwrɔn ndɔ hɔ̀n ke le tecüe ankaẅìbùtan ô kɛ̀ kɛ́n ɛfrɛ́n hɛ́n hɔ̀n mán ankà-yé hɔ̀n léyi anwabɔ̀ kɛ tán nɔn ɛsɛ̀n.

Zhakɛ̀n 3:15

Ankà-nyrì ndɔ ɔmu lɔ, nɛ̀n sɩ̀ dù anhobɩ́ nɛ̀n và; nɛ̀n dú ɛnu ɛnhibù wú ci mán anwrɔnẅiemɛ̀n ci, kɩ nɛ̀n dú anwa mán.

1 Zhan 5:19

Bɔ̀ nyri ɔmu le bɔ̀ dú Ɔwɔ tɛn, kɩ ɛnhibù mumù dú eci gbangbàn-hán-wrɔn kɔrɛ̀srɔn wú.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 13:3

Ɔnɔ̀n lɔ n'ɛnkru tɔ̀n hán le, eci wri edù ke ji kè wù, tɛ́n owù-ci-fɔn lɔ wrú. Ɛnhi mumù lɔ fɛn dú eci-zrɔ mɛ̀n kɩ dú ɔnɔn lɔ ɛmɛẅi.

Ɔwɔ-mɛ̀n-yrikàn 16:16

Anhɛ́n hɔ̀n lɔ borɛ ɛnnɛncüì hɔ̀n lɔ ɛkru ɛyri léyi ebre mɛ̀n ye bi Harmagedɔn nɔn.

Ɔwɔ-mɛ̀n-yrikàn 16:7

Zɛtɛn mɛ̀n yá esùva tɔ̀n dú ɛcice tɛbrɛ̀ wú nvà kɩ kɛ dɔ̀ le: “Hɛ̀ɛ̀, Ɛẅɛnwrɔn, ɛkɔrɛ̀srɔn Wɔ, v'ɛmrɛ̀ncì dú annanwɔrɛ kɩ nyrɔn!”

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 20:8

kɩ nɛ lɛ hɔ̀n nɛ̀n frɛ́n ɛnhi-wú-anmàn hɔ̀n léyi bonyi ɛnhibù mumù lɔ fɛn wú, hɩ mɛ̀n kɛ dɔ̀ le, ɛnhi-wú-anmàn hɔ̀n léyi ke gbri Ɔwɔ-fɛcüè-bɔ̀ nɔn. Nɛ lɛ borɛ yɔ ɛkru, ô yɛ kɔ́n anhà, kɩ yɔ lɛ cüɛn bobrebe kɛ lɛ hán ecüe gbàta-mùan hiẅia hɔ́.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.

Ɔwɔ-mɛ̀n-yrikàn 6:17

Ɔmuhi y'ɛnbì vri mɛ̀nhyì-bɩ ncɔ̀a, kɩ anton de kɛ lɛ kɛ́n nɛ̀n ezì tɛ̀ nɛ́n?”