Ɔwɔ-mɛ̀n-yrikàn 16:10 - Ɛmɛẅi ankà ankrànkràn 2003

¹⁰ Ɛnriemɛ̀n Wɔ-kùyüre-wrɔn lɔ cüe nɛ́n grashɛ̀n lɔ ɔnɔ̀n lɔ n'ɛgbú-tòbù wú kɩ nɛ́n nɛ̀ncüì-dúyri dú ɛyri-yɔwɔ mɛ̀n. Anwrɔnẅì kɛ kɛ́n ɔwɔ̀ɛn ɛnnyî ɛgbànkan mɛ̀n;

Ɔwɔ-mɛ̀n-yrikàn 16:10 Iomraidhean Croise

Matie 13:42

ô kɛ̀ kɔ́n yɔ ku ɛnhyà vri lɔ mɛ̀n, nanvrɛn lɔ de yɔ le wú ɛyú, kɩ yɔ lɛ rá ɛnnyî.

Matie 13:50

ô kɛ̀ kɔ́n yɔ ku ɛnhyà vri lɔ mɛ̀n. Nanvrɛn lɔ de yɔ lɛ wú eyú kɩ yɔ lɛ rá ɛnnyî nɔn.”

Matie 22:13

Zɛtɛn ɛnnɛ̀ncüì lɔ kɛ dɔ́ ɛci-bɩtan-bɔ̀ lɔ le: ‘Nyɛ́n kora nɛ̀n annan mán ankɔ̀rɛ̀, ô nyɛ́n kɔ́n nɛ̀n die ɛntrɛ, ɛyri yɔwɔ mɛ̀n. Nanvrɛn lɔ de ɛnnyî-rá mán eyú-wù ke le dú nɛ tɛn nɔn.’

Matie 24:51

nɛ lɛ wrɔ́ eci-bɩtan-wrɔn lɔ, kɩ nɛ lɛ hán yi ke le di anmùan-anhyrɛ̀-bɔ̀ gbàn wɔɛ̀n, ɛyri léyi eyú-wù mán ɛhnyî rá dù nɔn.”

Matie 8:12

Tɛ́n anwrɔn léyi dú Anhobɩ́ nɛ̀ncüì-dúyri-bɔ̀ nɔn, yɛ lɛ kɔ́n yɔ cüe ɛntrɛa, ɛyri yɔwɔ mɛ̀n, nanvrɛn lɔ de yɔ le dú eyuwúemɛ̀n mán ɛnnyî-rá mɛ̀n nɔn.”

Lükɛ̀n 13:28

Nanvrɛn lɔ de, nyɛ lɛ wú eyú, nyɛ lɛ rá ɛnyî, ɛnvra léyi nyɛ lɛ kán Abrahamɛ̀n, Izaakɛ̀n, Zhakɔbɛ̀n mán Ɔwɔ-mùanwú-ankà-dɔ́-bɔ̀ lɔ fɛn Anhobɩ́ Nɛ̀ncüì-dúyri, kɩ zɛtɛn yɛ lɛ kɔ́n nyɛ̀n cüe ɛntrɛà!

1 Piɛrɛ̀n 2:17

Nyɛ́n ẅɛn anwrɔnẅì lɔ fɛn wá, nyɛ́n cüɛn nyɛ́n muan-ẅì hɔ̀n ankàẅìbùtan mɛ̀n, nyɛ́n cüe Ɔwɔ ankɔrɛ̀ ezìwúɛ, nyɛ́n wá ɛnhi wú nɛncüì.

Ɔwɔ-mɛ̀n-yrikàn 11:10

Ɛnhi wú anmàn-bɔ̀ ke le dú ɛnbɔrɛbruemɛ̀n y'owù lɔ kruhú, yɔ lɛ koran pɔpüɛ̀-brá mɛ̀n kɩ, yɔ lɛ ce y'edomɛ̀n eci, ɔmuhi Ɔwɔ-mùanwú-ankà-dɔ́-bɔ̀ anhyrɛ̀ ndɔ hɔ̀n lɔ hán anwrɔnẅì kán ɛgbàn nɔn.

Ɔwɔ-mɛ̀n-yrikàn 11:2

Tɛ́n è teze ɔhɔnan, ecice-wɔn bɩ́ lɔ; e bɩ́ wɔɛn nɛ̀n, ɔmuhi ye bɩ́ nɛ̀n yɛ tán anwrɔn hɔ̀n léyi ke sɩ̀ nyrì Ɔwɔ nɔn, kɩ kɛ lɛ nán esù anmàn prɔnprɔn lɔ ɛwú okù ɛkoẅi anhyrɛ̀ mán ɛẅì anhyrɛ̀.

Ɔwɔ-mɛ̀n-yrikàn 11:8

Yɔ ezhe dùwru hɔ̀n lɔ kɛ lɛ dɛ́ anmàn drɛ́nmɔɛn mɛ̀n, ɛyri léyi yɛ gɔ́n y'Ɛẅɛnwrɔn brɛ́ ɛgbàn-hán-tɛ̀ tɔ̀n domɛ̀n nɔn. Anmàn ndɔ lɔ nyàndrɛn ankà-dɔ́ mɛ̀n lɔ ye bi nɛ̀n Sodɔmɛ̀n, ɛnvra tɔ̀n hô Ezhiptɛ̀n.

Ɔwɔ-mɛ̀n-yrikàn 17:17

Ɔmuhi Ɔwɔ wá y'ɛnbɔrɛ lɔ mɛ̀n, n'ɛkɔrɛ̀-zì-ci-hán; yɔ lɛ hán eci ɔmùan krɔn mɛ̀n, ô ɛnnɛ̀ncüì kɔrɛ̀srɔn léyi yɔ ẅɛ̀n nɔn, yɔ bɩ yɔ wá ɔnɔ̀n lɔ ci-bɩtan-kɔ̀hɔ́n mɛ̀n, hàn kɩ kɛ̀ cɔ́ ɛnvra léyi Ɔwɔ-mùan-ankà-dɔ̀ lɔ kɛ lɛ sá nmù nɔn.

Ɔwɔ-mɛ̀n-yrikàn 17:9

Ɛnu lɔ, ke ji ɛnkruemɛ̀n-ẅɛ̀n mán ankà-nyrì. Ɛnkru ɔbɔ̀ɛn hɔ̀n lɔ dú nkpò ɔbɔ̀ɛn hɔ̀n léyi ɛnnyɔnwrɔn lɔ yɛ́ ɛwú nɔn. Nkpò ɔbɔ̀ɛn hɔ̀n lɔ mán dú ɛnnɛ̀ncüì hɔ̀n ɔbɔ̀ɛn:

Ɔwɔ-mɛ̀n-yrikàn 18:2

Ne di bobo ecüiemɛ̀n: “Nɛ̀n bore, nɛ̀n bore Babilɔnɛ̀n cüìcüì lɔ! Zɛtɛ̀ lɔ nɛ̀n srɔ anwa-bɔ̀ dúyri, ɛbán-yri léyi dú anhɛ́n gbàngbàn hɔ̀n mɛ̀ntɛ mɛ̀ntɛ lɔ fɛn tɛn nɔn; nanvrɛn de annrɛn hɔ̀n mán nbrá mɛ̀n nɔ̀n hɔ̀n mɛ̀ntɛ mɛ̀ntɛ léyi kɛ cà nɔn, sɔ́n ebɩ́.

Ɔwɔ-mɛ̀n-yrikàn 18:21

Zɛtɛn ɛkɔrɛ̀srɔn Wɔ-kùyüre-wrɔn tɔ̀n bɩ́ obù tɔ̀n cá ɛci-zhɛ́-bù vri tɔ̀n kɩ kɔ́n nɛ̀n di ecüe wú kɩ kɛ dɔ̀ le: “Ɔmu lɔ de yɛ lɛ kɔ́n Babilɔnɛ̀n anmàn vri lɔ ye ze ecüemɛ̀n, kɩ ye sɩ̀ vru kán nɛ̀n mrìmrì.

Ɔwɔ-mɛ̀n-yrikàn 18:23

Kèniɛn hyà ke sɩ̀ vru kán ɛyri mrìmrì v'ebɩ́ lɔ mɛ̀n. Ye sɩ̀ vru yá eyiri-bɔ̀ ɔmùan. V'anhàn-zhrɛ-bɔ̀ ẅɛn vɔ̀nshɛ́ ɛnhibù mumù lɔ fɛn wú, kɩ vɛ́n seke-kɔ̀hɔ̀n-hán mɛ̀n lɔ, ɛ̀ zrɛ́n fɛcüè hɔ̀n lɔ fɛn.”

Ɔwɔ-mɛ̀n-yrikàn 8:12

Zɛtɛn anzɔmɛ̀n Wɔ-kùyüre-wrɔn lɔ mú ɛbrɛ̀n. Ɛnbri, n'anhɔnmɛ̀n cá ezì murɛn, ɔmu zri lɔ de dú tán okù mán okùcànkrò hɔ̀n, hán tán kɩ y'ɛgbrɛ́n lɔ srɔ anhɔnmɛ̀n cá; ɛcɛ̀n, n'anhɔnmɛ̀n cá mán ɛnnyran n'anhɔnmɛ̀n cá ke sɩ̀ ẅɛ̀n ɛyrikàn.

Ɔwɔ-mɛ̀n-yrikàn 9:2

Okùcànkro lɔ srú ovru lɔ ɔmùan kɩ ɛnhyàbrì tɔ̀n dú nɛ̀n ɛmɛ̀n srɔ hán ɛnhyà gbú hyàbri hɔ́. Ɛnhyàbri ndɔ lɔ hán ɛnbri mán ɛndɔ̀nwrɔ̀n srɔ anhyɔwɔ.