Ɔwɔ-mɛ̀n-yrikàn 15:4 - Ɛmɛẅi ankà ankrànkràn 2003

⁴ Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”

Ɔwɔ-mɛ̀n-yrikàn 15:4 Iomraidhean Croise

Rɔmɛ̀n-anmàn-bɔ̀ 15:9

Nɛ̀n vru nɛ́n và, ô anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn kɛ̀ mrɛ́n Ɔwɔ n'ɛnbɔrɛ-wɔ̀ lɔ kruhú, hán ɔmu le Owrú kɛ dɔ̀ nɔn: “Hɩ le kruhú de mɛ lɛ mrɛ́n mɛ́n ɛnhi wú anmàn hɔ̀n lɔ fɛn wú, kɩ mɛ lɛ krɛ́ v'ɛmrɛ́n cɔ̀.”

1 Piɛrɛ̀n 1:16

Annanwɔrɛ mɛ̀n lɔ Owrú Prɔnprɔn kɛ dɔ̀ le: “Nyɛ́n dú prɔnprɔn, ɔmuhi mɛ̀n dú Prɔnprɔn nɔn.”

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 14:7

Nɛ dɔ́ esùva cüìcüìemɛ̀n le: “Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n zrɔ nɛ̀n eci! Ɔmuhi, ɛnvra léyi ne le ci anwrɔnẅì ɛmrɛ̀n nɔn ncɔ̀a. Nyɛ́n cüe ɔwrɔn léyi hán anhobɩ́, ɛnhi, ecüe mán ɛnshi-bɛ́ hɔ̀n nɔn, ankɔrɛ̀ ezìwúɛ!”

Ɔwɔ-mɛ̀n-yrikàn 16:5

Zɛtɛn mɛ̀n yá Ɔwɔ-kùyüre-wrɔn léyi ẅɛn ɛkɔrɛ̀levri ɛnshi hɔ̀n wú nɔn, kɛ dɔ̀ le: “Vɛ́n léyi è dú Prɔnprɔn, e dù kɩ e gɔ́ dù, è yé le è dú ɛnyrɔnnan-mrɛ̀nci-wrɔn.

Ɔwɔ-mɛ̀n-yrikàn 16:7

Zɛtɛn mɛ̀n yá esùva tɔ̀n dú ɛcice tɛbrɛ̀ wú nvà kɩ kɛ dɔ̀ le: “Hɛ̀ɛ̀, Ɛẅɛnwrɔn, ɛkɔrɛ̀srɔn Wɔ, v'ɛmrɛ̀ncì dú annanwɔrɛ kɩ nyrɔn!”

Ɔwɔ-mɛ̀n-yrikàn 19:2

N'ɛmrɛ̀ncì hɔ̀n dú annanwɔrɛ mán ɛnyrɔnnan mɛ̀n! Ɔmuhi nɛ̀n bó wowie-nyɔnwrɔn vri lɔ nwù, nɛ́n léyi nɛ jrɛ́ ɛnhi, n'eci-gbàngbàn-kɔ̀hɔ̀n-hán mɛ̀n. Ɛẅɛnwrɔn hán nɛ̀n nɛ̀n krɛ́ ɛci, n'eci-bɩ̀tan-bɔ̀ hɔ̀n wù lɔ wú.”

Ɔwɔ-mɛ̀n-yrikàn 19:8

Yɛ tán nɛ̀n ɛceci tɔ̀n léyi ye bɩ́ jese-ẅì càsa léyi kɛ gbrɛ́n ki fì nɔn, ye dù.” (Jese-ẅì càsa lɔ de dú ɛnyrɔnnan ci-hán hɔ̀n lɔ fɛn léyi Ɔwɔ-fɛcüè-bɔ̀ kɛ hán nɔn.)

Ɔwɔ-mɛ̀n-yrikàn 3:7

“È merɛ́n owrú è yüre Ɔwɔ-kuyüre-wrɔn léyi dú Filadɛlfi anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi dú prɔnprɔn mán annanwɔrɛ, nɛ́n léyi nɛ̀n ẅɛn ɛnnɛncüì Davidɛ̀n safɛ̀ lɔ, nɛ́n léyi ne srú kɩ ɔwrɔn zriɛmɛ́n ke sɩ́ sɛn rɔ́a nɔn, nɛ́n léyi nɛ sɛ̀n kɩ ɔwrɔn zriɛmɛ́n ke sɩ́ srú rɔ́a nɔn, nyan ankà léyi nɛ dɔ̀ nɔn:

Ɔwɔ-mɛ̀n-yrikàn 4:8

Ɛci kɔrɛkɔrɛ anzɔ̀ lɔ, ɔwrɔnwrɔn ẅɛn ɛtùvàkɔrɛ̀ ɔwole, anvɛ̀ dú ɛwú mán anhɛ̀. Yɔ dú ɛcɔ̀-krɛmɛ̀n ɛnvra lɔ fɛn, ɛnnyran mán ɛcɛ̀n: “Prɔnprɔn, prɔnprɔn, prɔnprɔn dú Ɛẅɛnwrɔn, ɛkɔrɛ̀srɔn Wɔ, nɛ́n léyi nɛ́n go dù, nɛ́n dù kɩ nɛ và nɔn.”

Ɔwɔ-mɛ̀n-yrikàn 6:10

Yɔ di bobo ecüiemɛ̀n: “Ankà-yé-wrɔn prɔnprɔn mán annanwɔrɛ, ɛnvra tán de ɛ wá, ô è ci ɛnhibùwú-bɔ̀ hɔ̀n ɛmrɛ̀n, ô yɔ krɛ́ ɛci yɔ tán mɛ́n b'owù lɔ wú nɛ́n?”