Ɔwɔ-mɛ̀n-yrikàn 15:3 - Ɛmɛẅi ankà ankrànkràn 2003

³ Yɔ krɛ́ Mohizì cɔ̀, nɛ́n léyi nɛ̀n dú Ɔwɔ-ci-bɩtan-wrɔn nɔn, kɩ yɔ krɛ́ Ɔwɔ-Kɔ̀kɔ̀sɛ̀-ẅì cɔ̀: “Ɛẅɛnwrɔn, ɛkɔrɛsrɔn Wɔ, V'ɛkɔrɛ̀-ci hɔ̀n sevri kɩ zrɔ! Ɛnhi wú anmàn hɔ̀n nɛ̀ncüì, V'ankɔ́nda-ci-hán hɔ̀n nyrɔn kɩ dú annanwɔrɛ!

Ɔwɔ-mɛ̀n-yrikàn 15:3 Iomraidhean Croise

Zhan 1:17

Ɔwɔ tán bɔ̀ ɛnyanmàn Mohizì tamɛ̀n; tɛ́n nboafɔ̀n mán annanwɔrɛ dú Zhezü yri vá.

Kpàkpà timote 1:17

Ɛnnɛ̀ncüì léyi kè sɩ̀ ẅɛ̀n ɔtrɔ, ke sɩ́ wúɛ, ye sɩ́ kán kɩ dú Ɔwɔ zri nɔn, ɛmrɛ́n mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Ebre-bɔ̀ 3:5

Mohizì tɛn, di ɔmùan zri Ɔwɔ bɩ́ mumù lɔ fɛn mɛ̀n, ɔmuhi nɛ̀n dú eci-bɩtan-wrɔn léyi yɛ wá kè di dalɛfuɛ ankà léyi Ɔwɔ kɛ lɛ dɔ̀ nɔn mɛ̀n.

Ɔwɔ-mɛ̀n-yrikàn 1:8

“Mɛ̀n dú kpàkpà-wrɔn mán ɛmɛẅitrɔ-wrɔn”, ɔmu lɔ de Ɛẅɛnwrɔn, ɛkɔrɛ̀srɔn Wɔ kɛ dɔ̀ nɔn, nɛ́n léyi nɛ́n dù, nɛ́n go dù, kɩ nɛ và nɔn.

Ɔwɔ-mɛ̀n-yrikàn 11:17

kɩ kɛ dɔ̀ le: “Ɛẅɛnwrɔn ɛkɔrɛ̀srɔn Wɔ, vɛ́n léyi e dù, kɩ ɛ gɔ́ dù nɔn, bɔ mrɛ́n mɛ́n, Ɔmuhi è bɩ́ v'ɛkɔrɛ̀srɔn vri lɔ ɛ̀ yrɛ́ v'ɛyri-ẅɛ̀n lɔ nɔn.

Ɔwɔ-mɛ̀n-yrikàn 14:3

Anwrɔn tɛ̀buri kru bobrebe ndɔ hɔ̀n lɔ kɛ krɛ́ ɛcɔ̀ wrù tɔ̀n ɛgbú-tòbù zìwú, ɛci kɔrɛkɔrɛ hɔ̀n anzɔ̀ lɔ mán ɛcüìcüì-bɔ̀ zìwú. Ɔwrɔn zriɛmɛ́n ke sɩ̀ ván ɛcɔ̀ ndɔ lɔ rɔ́, ke dú kɛ kè sɩ̀ dù anwrɔn tɛ̀buri kru ɛkoẅi ɔbɔ̀ɛn mán ɛẅì anzɔ̀ hɔ̀n léyi yɛ mrɛ́n anwɔ̀nẅiemɛ̀n yɛ sɔhɔ́ ɛnhi wú nɔn.

Ɔwɔ-mɛ̀n-yrikàn 14:8

Anhyrɛmɛ̀n Wɔ-kùyüre-wrɔn tɔ̀n kɛ́n kpàkpà tɛn lɔ, kɩ kɛ dɔ̀ le: “Nɛ̀n bore, nɛ̀n bore Babilɔnɛ̀n cüìcüì lɔ! Nɛ̀n hán ɛnhi-wú-anmàn hɔ̀n lɔ fɛn mi n'ɛmɛ̀nhyì wúvà-gbàngbàn-ci-hán tàn wɔnsɛn!”

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 19:16

N'ɛceci she lɔ wú mán n'annan-bɔ̀n-mɛ̀n ye merɛ́n ebi ndɔ lɔ: “Ɛnnɛncüì hɔ̀n Nɛ̀ncüì mán ɛẅɛn-bɔ̀ Ẅɛnwrɔn”.

Ɔwɔ-mɛ̀n-yrikàn 19:2

N'ɛmrɛ̀ncì hɔ̀n dú annanwɔrɛ mán ɛnyrɔnnan mɛ̀n! Ɔmuhi nɛ̀n bó wowie-nyɔnwrɔn vri lɔ nwù, nɛ́n léyi nɛ jrɛ́ ɛnhi, n'eci-gbàngbàn-kɔ̀hɔ̀n-hán mɛ̀n. Ɛẅɛnwrɔn hán nɛ̀n nɛ̀n krɛ́ ɛci, n'eci-bɩ̀tan-bɔ̀ hɔ̀n wù lɔ wú.”

Ɔwɔ-mɛ̀n-yrikàn 4:8

Ɛci kɔrɛkɔrɛ anzɔ̀ lɔ, ɔwrɔnwrɔn ẅɛn ɛtùvàkɔrɛ̀ ɔwole, anvɛ̀ dú ɛwú mán anhɛ̀. Yɔ dú ɛcɔ̀-krɛmɛ̀n ɛnvra lɔ fɛn, ɛnnyran mán ɛcɛ̀n: “Prɔnprɔn, prɔnprɔn, prɔnprɔn dú Ɛẅɛnwrɔn, ɛkɔrɛ̀srɔn Wɔ, nɛ́n léyi nɛ́n go dù, nɛ́n dù kɩ nɛ và nɔn.”