Ɔwɔ-mɛ̀n-yrikàn 15:2 - Ɛmɛẅi ankà ankrànkràn 2003

² Zɛtɛn mɛ̀n kán eci cá ecüe léyi ɛmɛ̀n bí hán zɛnci hɔ́, ɛnhyà dú nɛ̀n ɛmɛ̀n. Anwrɔn hɔ̀n lɔ fɛn léyi kɔ́nká ɔnɔ̀n lɔ, nɛ́n picɛ̀ mán eci-krɛ̀ léyi dú n'ebi lɔ wú nɔn, nyɔn ɛwú, ecüe zɛnci ndɔ lɔ wú. Anhɛ́ mràn léyi Ɔwɔ tán yɔ nɔn, dú yɔ antamɛ̀n.

Ɔwɔ-mɛ̀n-yrikàn 15:2 Iomraidhean Croise

Matie 3:11

Mɛ tɛn, ɛnshi de me bɩ mɛ wá nyɛ̀n ɛnkru ô ke yé le nyɛ́n crɔn ɛnkruɛ; tɛ́n ɔwrɔn léyi dú mɛ̀n ɛmɛẅi kɛ và nɔn, kɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n mán ɛnhyà mɛ̀n. Ɛkɔrɛ̀ srɔ́n nɛ̀n vrán mɛ̀n: mɛ̀n sɩ̀ zeze mɛ̀n zrɔa hɩ m'á sɩ́ m'edomɛ̀n ɛnhi ô mɛ̀n gbrɔ n'annanwrú hɛ́ lɔ nɔn.

1 Piɛrɛ̀n 1:7

Ansìkɛ dùku léyi dú eci-jrɛ́ ci nɔn, ɔmu tɛ̀kɩ ɛnhyà kɛ fi nɛ̀n; ɔmu zri lɔ, ny'ankaẅìbùtan léyi ẅɛn vɔ̀nshɛ́ vrán ansíkɛ nɔn, dú ɔwɔ̀ɛn-nyan mɛ̀n, ô nɛ̀n yé nɛ́n vɔ̀nshɛ́ léyi nɛ́n ẅɛ̀n nɔn. Ɔmu lɔ de nyɛ lɛ cɔ́ ɛmrɛ́n, eci-zrɔ mán ezìwú-gbà ɛnvra léyi Zhezü Krisì kɛ lɛ srɔ nɔn.

1 Piɛrɛ̀n 4:12

Annyran anvrɛn hɔ̀n, ke bɩ́ frɛ́n nyɛ̀n anvɛmɛ̀n ke dú kɛ nyɛ́n dú ɔwɔ̀ɛn-nyan shishiemɛ̀n, kɛ hán le eci vɛ́n nyantɛn de kɛ vá ny'ɛwú nɔn.

Ɔwɔ-mɛ̀n-yrikàn 12:11

Bo muanẅì hɔ̀n kɔ́nká nɛ̀n Ɔwɔ Kɔ̀kɔ̀sɛ̀-ẅì krɛ̀ kɔrɛ̀levriemɛ̀n, mán ankà léyi yɔ di dalɛfuɛ n'ɛwú nɔn n'ɛmɛ̀n; yɔ sɩ̀ bàn y'ɛwúvà lɔ, yɔ krɔn kpehɛ́n, ô yɔ wù.

Ɔwɔ-mɛ̀n-yrikàn 13:1

Zɛtɛn mɛ̀n kán ɔnɔ̀n tɔ̀n dú ecüe mɛ̀n srɔ ɛntrɛ. Nɛ̀n ẅɛn ɛtrù ɛvà mán ɛnkru ɔbɔ̀ɛn; kɩ ye merɛ́n n'ɛnkru hɔ̀n lɔ wú Ɔwɔ bɩ́ wora.

Ɔwɔ-mɛ̀n-yrikàn 13:14

Nɛ wá ɛnhi-wú-bɔ̀ ɛzrɛ́n mɛ̀n, n'anvɛmɛ̀n-frɛ́n-ci léyi nɛ hán kpàkpà nɔ̀n lɔ zìwú nɔn. Nɛ dɔ́ yɔ, yɔ hán picɛ̀ tɔ̀n kè dú ɔnɔ̀n lɔ n'ɛmrɛ́n, nɛ́n léyi, eci wri nɛ̀n edù anhà-kɔ́n-nyan she mɛ̀n, kɩ vru kɔrɛ̀ nɔn.

Ɔwɔ-mɛ̀n-yrikàn 13:17

Ɔwrɔn zriɛmɛ́n kè sɩ̀ ẅɛ̀n ɛci-wɔ̀ mán ɛci-hɛ̀ kɔrɛ̀levri ke dú kɛ ɛnrɛ̀n ndɔ lɔ badá nɛ̀n edomɛ̀n, hɩ mɛ̀n kɛ dɔ̀ le, ɔnɔ̀n lɔ n'ebi, mán n'owrúẅì-ci-krɛ̀ léyi ke yé ebi ndɔ lɔ nɔn.

Ɔwɔ-mɛ̀n-yrikàn 21:18

Andrɛn lɔ ye bɩ́ anhàn shishi bù ye ku nɛ̀n, kɩ anmàn mumù tɛn ye bɩ́ ansikɛ-ẅì léyi bí cehɛ́n hán zancí hɔ́ nɔn ye kù.

Ɔwɔ-mɛ̀n-yrikàn 4:6

Ɛgbú-tòbù zìwú lɔ eci tɔ̀n ndù cá ecüe léyi hán zɛnci hɔ́ kɩ vru bi cehɛ́n hán obùẅì ankrànkràn hɔ́. Awanzi, ɛgbú-tòbù dòmɛ̀n lɔ, ɛci kɔrɛkɔrɛ anzɔ̀ nyɔn, anvɛ̀ dú yɔ ezì mán ɛmɛẅi.

Ɔwɔ-mɛ̀n-yrikàn 5:8

Ɛnvra zri lɔ ɛci kɔrɛkɔrɛ anzɔ̀ lɔ mán ɛcüìcüì-bɔ̀ ɛẅia anzɔ lɔ shran annankruemɛ̀n Ɔwɔ kɔ̀kɔ̀sɛ̀-ẅì zìwú. Y'ɛmɛ̀n lɔ, ɔwrɔnwrɔn ẅɛn anhɛ́ mràn tɔ̀n mán ansikɛ grashɛ̀n, anjɔsàn ɛnhyì, hɩ lɔ de dú Ɔwɔ fɛcüè wɔ-sɛ̀n nɔn.