Ɔwɔ-mɛ̀n-yrikàn 14:7 - Ɛmɛẅi ankà ankrànkràn 2003

⁷ Nɛ dɔ́ esùva cüìcüìemɛ̀n le: “Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n zrɔ nɛ̀n eci! Ɔmuhi, ɛnvra léyi ne le ci anwrɔnẅì ɛmrɛ̀n nɔn ncɔ̀a. Nyɛ́n cüe ɔwrɔn léyi hán anhobɩ́, ɛnhi, ecüe mán ɛnshi-bɛ́ hɔ̀n nɔn, ankɔrɛ̀ ezìwúɛ!”

Ɔwɔ-mɛ̀n-yrikàn 14:7 Iomraidhean Croise

Matie 25:13

Zɛtɛn Zhezü kɛ dɔ́ n'ɛsɛ̀nkɛn-bɔ̀ le: Nyɛ́n kpri ɛvɛ̀, ɔmuhi nyɛ́n sɩ̀ nyrì ɛnbì mán wacɛ̀n nɔn.”

Lükɛ̀n 17:18

Ɛnzriɛmɛ́n, kɛ sɩ̀ tro Ɔwɔ léyi nɛ lɛ và nɛ̀n tán ɔkuɛ̀n nɔn, ke dú kɛ ke sɩ̀ dù ɛmɛ̀n nyàntɛn mɛ̀n wrɔn ndɔ lɔa?”

Ɔkɔ̀hɔ̀n-wá-bɔ̀ kɔ̀hɔ̀n hán 14:15

“Bɔ́ nyran anvrɛn hɔ̀n, cɛci kruhú kɛ̂ nyɛ hán eci ndɔ lɔa? Anwrɔnẅì kɩ dú bɔ̀, bɔ́ dù bɔ̀ cá nyɛ̀n. Bɔ́ và bɔ́ sɩ́ nyɛ̀n Ɛmɛẅi ankà Ankrankran lɔ, ô nyɛ́n teze antɛ̀-buri-Wɔ woro ndɔ hɔ̀n lɔ, ô nyɛ́n crɛ́ ezì nyɛ́n kɛ́n Ɔwɔ kɔrɛkɔrɛ léyi hán anhobɩ́, ɛnhi, ecüe mán eci lɔ fɛn léyi dú yɔ ɛmɛ̀n nɔn.

1 Piɛrɛ̀n 4:7

Ɛci hɔ̀n lɔ fɛn y'ɔtrɔ vra bá ɛtɛ̀sɛ̀n: Zɛtɛn nyɛ́n dú ɛnkruemɛ̀n-ẅɛ̀n wúvà mɛ̀n, ɛnhɛ́n kè dú nyɛ̀n ɛvɛ̀ kpriemɛ̀n, ô nyɛ́n cɔ́ Ɔwɔ-sɛ́n yri.

Ɔwɔ-mɛ̀n-yrikàn 11:13

Ɛnvra zri lɔ, ɛnhi jɔkɔ ecüiemɛ̀n; anmàn lɔ, n'ɛvamɛ̀n cá gbɔngbɔ̀ kɩ anwrɔn tɛ̀buri kru ɔbɔ̀ɛn wú ɛnhi jɔ̀kɔ̀ ndɔ lɔ mɛ̀n. Anwrɔn nyàntɛn hɔ̀n lɔ gbɔ̀gbɔ̀ bru edù kɩ yɔ zrɔ anhobɩ́ Wɔ lɔ eci.

Ɔwɔ-mɛ̀n-yrikàn 11:18

Ɛnhi wú anmàn hɔ̀n sɩ́ y'edomɛ̀n ɛwú ɛmɛ̀nhyiemɛ̀n, tɛ́n zɛtɛ̀ lɔ, v'ɛmɛ̀nhyì bɩ de ke yé n'edomɛ̀n nɔn, owú-bɔ̀ mrɛ̀nci vra lɔ ncɔa, ɛnvra léyi ɛ lɛ bó, v'eci-bɩ̀tan-bɔ̀, Ɔwɔ-mùan-wú-ankà-dɔ́-bɔ̀ mán yɔ hɔ̀n léyi dú vɛ tɛn, kɩ kɛ wá mɛ́n, ɛcüìcüì mán ɛyriyri, anjakpà nɔn, ncɔa; ɛnvra léyi ke ji le yɛ jrɛ́ anwrɔn hɔ̀n léyi kɛ jrɛ́ ɛnhi nɔn, ncɔa!”

Ɔwɔ-mɛ̀n-yrikàn 15:4

Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”

Ɔwɔ-mɛ̀n-yrikàn 16:9

Kɩ anwrɔnẅì biɛ ɛnhyà-dɔ̀nwrɔ̀n shishi tɔ̀n mɛ̀n; yɔ wora Ɔwɔ bi, nɛ́n léyi nɛ̀n ẅɛn ɛgbàn-hán-ci hɔ̀n lɔ dú n'ɛkɔrɛ̀srɔn wú nɔn, tɛ́n yɔ krɔ yɔ sɩ́ ji yɔ crɔn y'eci-hán-ci, ô yɔ zrɔ nɛ̀n eci.

Ɔwɔ-mɛ̀n-yrikàn 18:10

Yɔ lɛ nyɔn, esù-she ɛnjansuemɛ̀n, n'ɛgbàn hɔ̀n wɔɛ̀ndi tɛ̀sɛ̀n, kɩ yɔ lɛ dɔ̀ le: “Muzhie! Muzhie tán! Ô babilɔnɛ̀n, anmàn vri mán ɛkɔrɛ̀srɔn anmàn! Wacɛ̀n zri kɩ ke ji, ô vɛ́n nwù-bɔ̀ lɔ ke gorɛ mɛ̀n!”

Ɔwɔ-mɛ̀n-yrikàn 18:17

Kɩ wacɛ̀n zri kɩ ndɔ lɔ fɛn lɔ mutù!” Ɛnhyábri-hɛ̀-ẅɛn-bɔ̀ lɔ fɛn mán y'anwrɔn hɔ̀n mɛhi, mán yɔ hɔ̀n léyi kɛ cɔ́ y'ɛcizì ecüe-wú-kɔ̀hɔ̀n-hán mɛ̀n nɔn, kɛ nyɔn esù-she

Ɔwɔ-mɛ̀n-yrikàn 18:19

Yɔ kɔ́n ɔnwɔ̀n ku ɛnkruemɛ̀n, yɔ wú eyú, yɔ botò kɩ yɔ di bobo yɔ dɔ̀ le: “Muzhie! Muzhie tán de dú tán anmàn vri lɔ! N'ɛnnɛ̀ncüì-di-ci hɔ̀n lɔ wú de anwrɔn hɔ̀n lɔ fɛn léyi kɛ hán ɔkɔ̀hɔ̀n ecüe-wú-ɛnhyàbri-hɛ̀ wú nɔn, ke di ɛnnɛ̀ncüì nɔn. Kɩ wacɛ̀n zri kɩ fɛn lɔ mutù!”

Ɔwɔ-mɛ̀n-yrikàn 19:5

Yɛ yá esùva tɔ̀n dú ɛgbú-tòbù wú nvà; nɛ dɔ̀ le: “Nyɛ́n mrɛ́n b'Ɔwɔ lɔ, nyɛ lɛ fɛn n'eci-bɩtan-bɔ̀, nyɛ́n léyi nyɛ́n ẅɛn n'ɛwa, ɛcüìcüì hɔ̀n mán ɛẅì hɔ̀n!”

Ɔwɔ-mɛ̀n-yrikàn 4:11

“Ɛẅɛnwrɔn, b'Ɔwɔ, eci-zrɔ, ɛmrɛ́n mán ɛkɔrɛ̀srɔn dú vɛ tɛn. Ɔmuhi vɛ́n de ɛ̀ hán ɛci hɔ̀n lɔ fɛn, yɔ dú ɛwúvà mɛ̀n ɔmuhi è ji ɔmu lɔ nɔn.”

Ɔwɔ-mɛ̀n-yrikàn 4:9

Ɛnvra totɔtɔ̀n léyi ɛci kɔrɛkɔrɛ hɔ̀n anzɔ̀ lɔ kɛ krɛ́ ɛcɔ̀, kɛ zrɔ eci, kɛ mrɛ́n, ô kɛ̀ tán ɔwrɔn léyi yɛ́ Ɛgbú-tòbù wú ɔkùɛn nɔn, Ɔwrɔn léyi dú ɛwúvà mɛ̀n ɛnvra lɔ fɛn nɔn,

Ɔwɔ-mɛ̀n-yrikàn 8:10

Zɛtɛn anhɔ́n mɛ̀n Wɔ-kùyüre-wrɔn lɔ mú ɛbrɛ̀n. Okùcànkrò vrí tɔ̀n léyi ke wrù kɛ hán ɛnhyà lakà tɔ̀n hɔ́ nɔn, dú anhobɩ́ bore. Okùcànkro lɔ bore mancüè hɔ̀n lɔ y'anhɔnmɛ̀n cá mɛ̀n mán ɛnshi-bɛ́ hɔ̀n wú.