Ɔwɔ-mɛ̀n-yrikàn 14:6 - Ɛmɛẅi ankà ankrànkràn 2003

⁶ Zɛtɛn mɛ̀n kán Ɔwɔ-kùyüre-wrɔn tɔ̀n nyantɛn ke tú ɔwràn mɛ̀n ɛwú-hɛ́n; nɛ̀n ẅɛn Ɛmɛẅi ankà Ankrankran tɔ̀n léyi ke sɩ́ trɔa nɔn, ne ji nɛ̀n dɔ́ tán ɛnhi-wú-anmàn-bɔ̀ lɔ fɛn, ɛmɛ̀n lɔ fɛn, ɛnbrɛ̀ lɔ fɛn mán fɛcüè lɔ fɛn.

Ɔwɔ-mɛ̀n-yrikàn 14:6 Iomraidhean Croise

Matie 10:27

Ankà léyi mɛ dɔ́ nyɛ̀n ɛnẅìemɛ̀n nɔn nyɛ́n dɔ́ nɛ̀n ɛcɛ̀n pupu mɛ̀n; kɩ ankà léyi yɛ yá ɛshremɛ̀n nɔn, nyɛ́n di bobo nyɛ́n dɔ́ nɛ̀n ɔwɔn wú.

Markɛ̀n 16:15

Zɛtɛn nɛ dɔ́ yɔ le: “Nyɛ́n hɔ́n ɛnhibù lɔ fɛn wú nyɛ́n dɔ́ anwrɔn Ɛmɛẅi ankà Ankrànkràn lɔ.

Rɔmɛ̀n-anmàn-bɔ̀ 16:25

Bɔ̀ mrɛ́n Ɔwɔ! Nɛ̀n ẅɛn ɛkɔrɛ̀srɔn nɛ lɛ tán bɔ̀ ecüì ankaẅì-bùtan mɛ̀n, Ɛmɛẅi ankà Ankrankran léyi mɛ dɔ̀ nɔn n'ɛwú, ɛkùyüre léyi mɛ tán Zhezü Krisì ankà wú nɔn, mán Ɔwɔ ankɔ́nda ci-hán ankà-bán-ankà léyi bɔ́ cɔ̀ bɔ́ nyrì nɔn n'ɛwú. Ankɔ́nda ci-hán ndɔ lɔ dú ɛbán mɛ̀n ɛnvra sheshe ɛnbiehɛ́n vra lɔ,

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

2 Tesalonikɛ̀n anmàn-bɔ̀ 2:16

Bɔ́ Ɛẅɛnwrɔn Zhezü Krisì dùku mán Ɔwɔ bo Zi léyi cüɛn bɔ̀ hɩ tán bɔ̀ nɛ́n nboafɔ̀n lɔ mɛ̀n, edùsɔ tɔ̀n léyi kè sɩ̀ ẅɛ̀n ɛnkrutrɔ mán esɛ́ ankrankran nɔn,

Ebre-bɔ̀ 13:20

Ɔwɔ leyi dú anwɔwɔ shi-bɛ, bɩ́ bɔ́ Ɛẅɛnwrɔn Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n, Zhezü srɔ kɔ̀kɔ̀sɛ̀ kua-wrɔn, n'ɛnkrɛ̀ cice nboafɔn mɛ̀n, ɛnkrɛ̀ cice léyi kɛ tán Ɔwɔ mìrɛ̀n léyi ke sɩ́ trɔa nɔn ecüi ɛnvra lɔ fɛn nɔn.

1 Piɛrɛ̀n 1:25

tɛ́n Ɔwɔ mùan-ankà-dɔ̀ dú ɛnvra lɔ fɛn.” Tɛ́n, ankà-dɔ̀ ndɔ lɔ, dú Ɛmɛẅi ankà Ankrankran léyi yɛ dɔ́ tán nyɛ̀n nɔn.

Ɔwɔ-mɛ̀n-yrikàn 10:11

Zɛtɛn yɛ dɔ́ mɛ̀n le: “Ke ji le è vru ɛ̀ dɔ́ ankà léyi Ɔwɔ wá hɛ́n kè dú fɛcüè, ɛnhi wú anmàn hɔ̀n, ɛnbrɛ̀ hɔ̀n mán ɛnnɛ̀ncüì bobrebe hɔ̀n tɛn nɔn.”

Ɔwɔ-mɛ̀n-yrikàn 10:7

Tɛ́n ɛnvra léyi ɔbɔ̀ɛn mɛ̀n Wɔ-kùyüre-wrɔn lɔ ke le mú ɛbrɛ̀n nɔn, zɛtɛn Ɔwɔ kɛ lɛ hán n'ankɔ́nda ci-bán-ci lɔ, hán ɔmu le nɛ̀n dɔ́ n'eci-bɩ̀tan-bɔ̀ léyi dú n'ɔmùan-wú-ankà-dɔ́-bɔ̀ nɔn.”

Ɔwɔ-mɛ̀n-yrikàn 13:7

Yɛ tán ɛkɔrɛ̀levri nɛ̀n kɔ́n Ɔwɔ-fɛcüè anhà, ô nɛ̀n kɔ̀nkà; nɛ̀n cɔ́ ɛkɔrɛ̀srɔn ɛmɛ̀n lɔ fɛn wú, fɛcüè lɔ fɛn wú, ɛnbrɛ̀ lɔ fɛn wú mán ɛnhi wú anmàn lɔ fɛn wú.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.

Ɔwɔ-mɛ̀n-yrikàn 8:13

Mɛ̀n vru mɛ̀n nyan, kɩ mɛ̀n yá gbohò tɔ̀n ɔmùan dú ɛwú hɛ hɛ́n ke tú kɩ kɛ dɔ́ esùva cüìcüì tɔ̀n mɛ̀n le: “Mùzhie! Mùzhie! Mùzhie dú ɛnhi-wú-bɔ̀ tɛn, ɛnvra léyi Ɔwɔ-kùyüre-bɔ̀ anhɔ̀n léyi worɔ nɔn, ke le mú y'anbrɛ̀n hɔ̀n lɔ nɔn!”