Ɔwɔ-mɛ̀n-yrikàn 14:3 - Ɛmɛẅi ankà ankrànkràn 2003

³ Anwrɔn tɛ̀buri kru bobrebe ndɔ hɔ̀n lɔ kɛ krɛ́ ɛcɔ̀ wrù tɔ̀n ɛgbú-tòbù zìwú, ɛci kɔrɛkɔrɛ hɔ̀n anzɔ̀ lɔ mán ɛcüìcüì-bɔ̀ zìwú. Ɔwrɔn zriɛmɛ́n ke sɩ̀ ván ɛcɔ̀ ndɔ lɔ rɔ́, ke dú kɛ kè sɩ̀ dù anwrɔn tɛ̀buri kru ɛkoẅi ɔbɔ̀ɛn mán ɛẅì anzɔ̀ hɔ̀n léyi yɛ mrɛ́n anwɔ̀nẅiemɛ̀n yɛ sɔhɔ́ ɛnhi wú nɔn.

Ɔwɔ-mɛ̀n-yrikàn 14:3 Iomraidhean Croise

1 Korɛntɛ̀n anmàn-bɔ̀ 1:18

Annanwɔrɛ mɛ̀n lɔ, anwrɔn hɔ̀n léyi dú ɛzrɛ́n mɛ̀n nɔn, ke tro le, yɛ dɔ́ Krisì wú ankà ɛgbàn-hán-tɛ̀ wú hô, ndɔ lɔ dú nmù ci-hán; tɛ́n bɔ́ léyi bɔ̀ dú ɛnkrukɔrɛ̀ levri wú nɔn, bɔ́ kán Ɔwɔ kɔrɛ̀srɔn owù ndɔ lɔ mɛ̀n.

1 Korɛntɛ̀n anmàn-bɔ̀ 2:14

Ɔwrɔn léyi ke sɩ́ ẅɛn esɛ́ nɛ́n dùku n'ankà-nyrì wú nɔn, ɔwrɔn ndɔ lɔ ke sɩ̀ bɩ́ annanwɔrɛ ankà hɔ̀n léyi Ɔwɔ Hɛ́n ke yüre nɛ̀n nɔn: Ɔwɔ Hɛ́n annanwɔrɛ ankà ndɔ lɔ dú nmù-ci-hán tán nɛ̀n; nɛ́n sɩ̀ nyri hɩ ɛmɛ̀n rɔ́, ɔmuhɩ, Ɔwɔ Hɛ́n mɛ̀n de ye le nyri n'ɛmɛ̀n nɔn.

Ɔwɔ-mɛ̀n-yrikàn 14:1

Mɛ̀n vru mɛ̀n nyan: mɛ̀n kán Ɔwɔ kɔ̀kɔ̀sɛ̀-ẅì nyɔn Siɔn kpò wúɛ, nɛ́n mán anwrɔn tɛ̀buri kru ɛkoẅi ɔbɔɛ̀n mán ɛẅì anzɔ̀ léyi dí n'ebɩ́ mán nɛ́n Zi bɩ́ ye merɛ́n ezìwú.

Ɔwɔ-mɛ̀n-yrikàn 15:3

Yɔ krɛ́ Mohizì cɔ̀, nɛ́n léyi nɛ̀n dú Ɔwɔ-ci-bɩtan-wrɔn nɔn, kɩ yɔ krɛ́ Ɔwɔ-Kɔ̀kɔ̀sɛ̀-ẅì cɔ̀: “Ɛẅɛnwrɔn, ɛkɔrɛsrɔn Wɔ, V'ɛkɔrɛ̀-ci hɔ̀n sevri kɩ zrɔ! Ɛnhi wú anmàn hɔ̀n nɛ̀ncüì, V'ankɔ́nda-ci-hán hɔ̀n nyrɔn kɩ dú annanwɔrɛ!

Ɔwɔ-mɛ̀n-yrikàn 2:17

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, mɛ lɛ tán yɔ anhobɩ́ ci-zî léyi dú ɛbánmɛ̀n nɔn. Me le vru mɛ̀n tán ɔwrɔn zrizri y'ɛmɛ̀n lɔ, obùẅì wosù tɔ̀n léyi n'ɛwú lɔ ye merɛ́n ebi wrù tɔ̀n léyi ɔwrɔn zriɛmɛ́n kè sɩ̀ nyrìɛn, ke dú kɛ kè sɩ̀ dù ɔwrɔn léyi yɛ tán ebi lɔ nɔn.”

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.

Ɔwɔ-mɛ̀n-yrikàn 7:4

Zɛtɛn ye yé mɛ̀n anwrɔn mùan léyi ye di Ɔwɔ nrɛ̀n ezìwú: yɔ dú anwrɔn tɛ̀buri kru ɛkoẅí ɔbɔ̀ɛn mán ɛẅì anzɔ̀, yɔ dú Izraɛlɛ̀n fɛcüè mɛ̀n-bɔ̀ lɔ fɛn mɛ̀n: