Ɔwɔ-mɛ̀n-yrikàn 14:14 - Ɛmɛẅi ankà ankrànkràn 2003

¹⁴ Mɛ̀n vru mɛ̀n nyan, kɩ mɛ̀n kán ɛnwì-gbú wosu tɔ̀n, kɩ ɛnwì-gbú lɔ wú eci tɔ̀n yɛ́, cá ɔwrɔnẅì. Ansíkɛ krusɔn-cí tɔ̀n dú nɛ̀n ɛnkru kɩ kpàndì cici tɔ̀n dú nɛ̀n ɛmàn mɛ̀n.

Ɔwɔ-mɛ̀n-yrikàn 14:14 Iomraidhean Croise

Matie 13:30

Nyɛ́n teze yɔ, yɔ dì, hàn kɩ kɛ cɔ́ ɛci-küɛ vra, kɩ hɩ vra lɔ, mɛ lɛ dɔ́ ɛci-küɛ-bɔ̀ le: nyɛ́n gɔ̀ frɛ́ ɛfi gbàngbàn hɔ̀n lɔ, ô nyɛ́n kora yɔ nyɛ́n ku ɛnhyà, zɛtɛn nyɛ́n sɩ́ antɛ̀-ẅì lɔ m'ɛci-hɛ́n-wɔn lɔ mɛ̀n.’ ”

Matie 17:5

Yɔ dú ankà dɔ́ mɛ̀n, ɛnvra léyi ɛnwì-gbú tɔ̀n gbrɛ́n, kɩ vá murɛn yɔ ɛwú, kɩ ɛnwì-gbú lɔ mɛ̀n esùva tɔ̀n kɛ dɔ̀ le: “Ɔwrɔn ndɔ lɔ dú m'ɛcüɛn Ẅì léyi mɛ̀n bɩ́ mɛ́n pɔ̀püɛ̀ lɔ fɛn mɛ̀n wá ɛwú nɔn. Nyɛ́n die nɛ̀n nukùɛ!”

Markɛ̀n 4:29

Hɩ vra léyi ɛtɛ̀ẅì kɛ wɔ́n nɔn, ɛkɛ̀tɛ̀-nɛ́n-zí ke bɩ́ n'ebre kɛ hán ɔkɔ̀hɔ̀n, ɔmuhi ɛci-küɛ vra cɔ̀ nɔn.”

Lükɛ̀n 21:27

Zɛtɛn, yɛ lɛ kán ɔwrɔnẅì Ẅì ke le dú ɛnwì-gbú mɛ̀n kɛ̀ và nɛ́n mán ɛkɔrɛ̀-srɔn vri mán eci-zrɔ mɛhi.

Ebre-bɔ̀ 2:9

Tɛ́n bɔ́ kán ndɔ lɔ: ɛnvra cá mɛ̀n Zhezü dú Ɔwɔ kùyüre-bɔ̀ ɛnhi, ô Ɔwɔ nboafɔ̀n lɔ mɛ̀n, nɛ̀n wú anwrɔnẅì lɔ fɛn kruhú; kɩ bɔ́ kán nɛ̀n zɛtɛ̀ lɔ eci-zrɔ mán ɛmrɛ́n dú nɛ tɛn, owú-gbàn léyi nɛ́n kàn nɔn hɩ kruhú.

Ɔwɔ-mɛ̀n-yrikàn 1:13

Kɛniɛn hɔ̀n ɔbɔ̀ɛn lɔ y'anwanzi lɔ, eci tɔ̀n nyɔn cá ɔwrɔnẅì tɔ̀n; nɛ̀n cɔ́ ɛceci she tɔ̀n kakɛ nɛ̀n annan mɛ̀n kɩ nɛ̀n mú ansikɛ pɛtɛ̀n tɔ̀n angbà.

Ɔwɔ-mɛ̀n-yrikàn 1:7

Nyɛ́n nyan, nɛ̀n dú ɛwì-gbuemɛ̀n nɛ và! Yɔ lɛ fɛn yɔ lɛ kán nɛ̀n, yɔ hɔ̀n léyi sɔ́n nɛ̀n ebisɛn nɔn mán. Ɛnhibù wú fɛcüè hɔ̀n ke le dú obòtomɛ̀n n'ɛkruhú. Hɛ̀ɛ̀, ɔmu lɔ de ke le dù nɔn! Kè dú ɔmu lɔ.

Ɔwɔ-mɛ̀n-yrikàn 10:1

Zɛtɛn mɛ̀n vru mɛ̀n kán Ɔwɔ kùyüre-wrɔn nyantɛn tɔ̀n dú anhobɩ́ kakɛ. Nɛ̀n dú ɛnwì-gbú tɔ̀n mɛ̀n kɩ nyàngɔ̀dɛ̀n dú n'ɛnkrusɔn-ci; n'ezì ndù cá ɛnbri hɔ́ kɩ n'annan hɔ̀n ndù hán ɛbùnan-hyà hɔ́.

Ɔwɔ-mɛ̀n-yrikàn 11:17

kɩ kɛ dɔ̀ le: “Ɛẅɛnwrɔn ɛkɔrɛ̀srɔn Wɔ, vɛ́n léyi e dù, kɩ ɛ gɔ́ dù nɔn, bɔ mrɛ́n mɛ́n, Ɔmuhi è bɩ́ v'ɛkɔrɛ̀srɔn vri lɔ ɛ̀ yrɛ́ v'ɛyri-ẅɛ̀n lɔ nɔn.

Ɔwɔ-mɛ̀n-yrikàn 19:12

N'anvɛ̀ hɔ̀n lɔ kɛ gbrɛ́n kɛ hán ɛnhyà hɔ́ kɩ ɛnkrusɔn-ci hɔ̀n bobrebe dú nɛ̀n ɛnkru. Nɛ̀n di ebi tɔ̀n ye merɛ́n, kɩ nɛ́n zri kɩ nɛ̀n nyri ebi lɔ.

Ɔwɔ-mɛ̀n-yrikàn 20:11

Zɛtɛn mɛ̀n kán ɛgbú-tòbù wosu vri tɔ̀n mán ɔwrɔn léyi yɛ́ nɛ̀n ɛwú nɔn. Ɛnhi mán anhobɩ́ srɛ́ esù she n'ɛtɛ̀sɛ̀n, kɩ ye sɩ̀ vru kàn yɔa.

Ɔwɔ-mɛ̀n-yrikàn 6:2

Mɛ̀n nyan kɩ mɛ̀n kán kpàngɔ wosu tɔ̀n. Ɔwrɔn léyi yɛ́ kpàngɔ lɔ wú nɔn, anlɛbɛn tɔ̀n dú nɛ̀n antamɛ̀n kɩ yɛ tán nɛ̀n ɛnkrusɔn-cì tɔ̀n. Nɛ̀n hɔ́n ɛkɔ̀nká mɛ̀n, ô nɛ̀n vru nɛ̀n kɔ̀nkà.