Ɔwɔ-mɛ̀n-yrikàn 14:13 - Ɛmɛẅi ankà ankrànkràn 2003

¹³ Zɛtɛn mɛ̀n yá anhobɩ́ sùva tɔ̀n kɛ dɔ́ mɛ̀n le: “È merɛ́n ankà ndɔ lɔ: ‘Ɛnbɔrɛbru dú anwrɔn hɔ̀n léyi zɛtɛ̀ lɔ ke wú Ɛẅɛnwrɔn ci-bɩ̀tan kɔ̀hɔ́n mɛ̀n nɔn!’ – ‘Hɛ̀ɛ̀, yɔ dú ɛnbɔrɛbruemɛ̀n, ɔmu lɔ de Ɛnhɛ́n kɛ dɔ̀ nɔn. Yɔ lɛ cɔ́ y'ɔkɔ̀hɔ̀n-shishi-hán wrɔncüe, ɔmuhi anvrɛn léyi yɔ hán nɔn, kɛ kɛ́n yɔ ɛsɛ̀n!’ ”

Ɔwɔ-mɛ̀n-yrikàn 14:13 Iomraidhean Croise

Matie 3:17

Kɩ esùva tɔ̀n dú anhobɩ́ kɛ dɔ̀ le: “Ɔwrɔn ndɔ lɔ dú m'ɛcüɛn Ẅì; mɛ́n pɔ̀püɛ̀ lɔ fɛn dú nɛ̀n ɛmɛ̀n.”

Lükɛ̀n 16:25

Tɛ́n Abrahamɛ̀n kɛ dɔ̀ le: ‘M'ɛnẅì kè bru mɛ́n le, ɛ̀ cɔ́ ɛci bobrebe ɛnvra léyi è dú ɛnu ɛnhi, tɛ́n Lazarɛ̀n dú ɛgbàn-kàn brobebe mɛ̀n. Zɛtɛ̀ lɔ, ɛnu lɔ nɛ cɔ́ n'ɛnbɔrɛ-bi-wá, vɛ tɛn è dú ɛgbàn-kán mɛ̀n.

Lükɛ̀n 16:9

Zhezü vru kɛ dɔ̀ le: “Kɩ mɛ tɛn, mɛ dɔ́ nyɛ̀n le: nyɛ́n bɩ́ ɛnhibù wú nɛ̀ncüì-dì-ci lɔ, nyɛ́n ji ny'ɛcüɛn-bɔ̀ ô ɛnbi léyi ny'ɛnnɛ̀ncüì-dì-ci lɔ kɛ lɛ trɔ nɔn, ye bɩ́ nyɛ̀n anhobɩ́ dúyri léyi ke sɩ̀ trɔa nɔn.

Rɔmɛ̀n-anmàn-bɔ̀ 14:8

Ke dú kɛ bɔ́ dù hô, bɔ́ dú Ɛẅɛnwrɔn kruhú, kɩ ke dú kɛ bɔ́ wú hô, bɔ́ wú Ɛẅɛnwrɔn kruhú. Ɔmu lɔ, ke dú kɛ bɔ́ dù, ke dú kɛ bɔ́ wù, bɔ̀ dú Ɛẅɛnwrɔn tɛn.

1 Korɛntɛ̀n anmàn-bɔ̀ 15:18

Ke vru kɛ dɔ̀ le anwrɔn hɔ̀n léyi wú Krisì ankaẅì-bùtan mɛ̀n nɔn, dú ɛzrɛ́n-bɔ̀.

1 Korɛntɛ̀n anmàn-bɔ̀ 15:20

Tɛ́n annanwɔrɛ mɛ̀n lɔ, Krisì dú owú-bɔ̀ mɛ̀n vru vá ɔkɔrɛ-bɔ̀ mɛ̀n, kɩ ɔmu lɔ ne yé tán le anwrɔn hɔ̀n léyi nwù nɔn mán kɛ lɛ frɔ́.

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

2 Korɛntɛ̀n anmàn-bɔ̀ 5:8

Edùyì dú bɔ̀ ɛmɛ̀n kɩ bɔ́ cüɛn ɔmu le bɔ̀ teze edùwrú ndɔ lɔ, ô bɔ̀ hɔ̀n yɛ́ Ɛẅɛnwrɔn tɛ̀sɛ̀n.

Filipɛ̀n anmàn-bɔ̀ 2:17

Me bú tán le m'ɛnkrɛ̀ lɔ ke le cüe, ke le dù kɛ lɛ hán ecice-ci léyi ny'ankàẅì-bùtan kɛ tán Ɔwɔ nɔn. Ke dú kɛ ndɔ lɔ dú eci-hán-ci, mɛ̀n dú ɛnbɔrɛ-bruemɛ̀n, kɩ nyɛ lɛ fɛn lɔ mɛ wá nyɛ̀n mɛ́n pɔpüɛ̀-brà lɔ mɛ̀n.

1 Tesalonikɛ̀n anmàn-bɔ̀ 4:14

Bɔ bú tán le Zhezü nwù kɩ dú owúemɛ̀n frɔ́; ɔmu zri lɔ, bɔ́ bú tán le Ɔwɔ ke le sɩ́ anwrɔn hɔ̀n léyi ke le wù nɔn, yɔ mán Zhezü mɛhi ɔkɔrɛ-bɔ̀ mɛ̀n ke dú kɛ yɔ bú n'ankà yɔ tán ankaẅì.

1 Tesalonikɛ̀n anmàn-bɔ̀ 4:16

Yɛ lɛ yá ɛnyànmàn-tán bobo tɔ̀n, Ɔwɔ-kùyüre-wrɔn cüìcüì sùva mán Ɔwɔ brɛ̀n kù-dì, kɩ Ɛẅɛnwrɔn dùku ke le dú anhobɩ́ kɛ lɛ kàkɛ. Anwrɔn hɔ̀n léyi wú Krisì ankàẅì-bùtan lɔ mɛ̀n nɔn, yɔ le dú kpàkpà-bɔ̀ yɔ vá ɔkɔrɛ-bɔ̀ mɛ̀n;

1 Tesalonikɛ̀n anmàn-bɔ̀ 5:10

Krisì wú bɔ́ kruhú, ô nɛ̀n hán bɔ̀, bɔ́ mán nɛ́n mɛhi bɔ̀ kɔrɛ̀ bɔ̀ dù, ke dú kɛ bɔ́ dú ɔkɔrɛ-bɔ̀ mɛ̀n, kɩ bɔ́ dú owú-bɔ̀ mɛ̀n mán, ɛnvra léyi nɛ lɛ và nɔn.

Kpàkpà timote 5:24

Anwrɔn janbɔ̀ gbàn, yɛ kán kpetee yakɛ ye ci yɔ ɛmrɛ̀n; tɛ́n anwrɔn nyantɛn hɔ̀n yri tɛn, ɛnvra kɛ vacì yakɛ yɔ kɔnbru.

Kpàkpà timote 5:25

Ɛci ankrankran hán lɔ mán, yɔ mán yɛ kán yɔ kpetee, kɩ yɔ hɔ̀n léyi ye sɩ̀ gɔ̀ kàn mán nɔn, ke sɩ́ dú ɛban mɛ̀n.

Ɔwɔ-mɛ̀n-yrikàn 1:11

esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”

Ɔwɔ-mɛ̀n-yrikàn 10:4

Mɛ vá ankà léyi nɛ́n dɔ̀ nɔn e merɛ́n yri, tɛ́n mɛ̀n yá esùva tɔ̀n dú anhobɩ́ kɛ tán mɛ̀n ɛnyanmàn ndɔ lɔ: “Ɛwú kù-dì ɔbɔ̀ɛn mɛẅi ankà lɔ, kè dú v'ankà bán ankà; e bɩ́ merɛ́n nɛ̀n.”

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 11:19

Zɛtɛn, anhobɩ́-cice-wɔn lɔ gbɛ́ ɔmùan, kɩ mìrɛ̀n lakà lɔ srɔ́. Ɛyri kpɛ́n ɛnhyà, yɛ yá esùva hɔ̀n, kù-dì, ɛwú di nkù, ɛnhi jɔkɔ̀ kɩ ɛnshi vri tɔ̀n nnàn.

Ɔwɔ-mɛ̀n-yrikàn 16:17

Ɔbɔ̀ɛn mɛ̀n Wɔ-kùyüre-wrɔn lɔ cüe nɛ́n grashɛ̀n lɔ ɔwràn mɛ̀n. Esùva cüìcüì tɔ̀n dú Ɔwɔ-cice-wɔn mɛ̀n, nɛ̀n dú ɛgbú-tòbù tɛ̀sɛ̀n nɛ và kɩ nɛ dɔ̀ le: “Yɛ hán trɔa!”

Ɔwɔ-mɛ̀n-yrikàn 19:9

Ɔwɔ-kùyüre-wrɔn lɔ kɛ dɔ́ mɛ̀n le: “È merɛ́n: Ɛnbɔrɛbru dú anwrɔn hɔ̀n léyi ye bi Ɔwɔ-Kɔ̀kɔ̀sɛ̀-ẅì yiri ci-zî koran lɔ mɛ̀n nɔn.” Kɩ nɛ́n dɔ̀ le: “Ndɔ lɔ dú Ɔwɔ mùan-ankà-dɔ̀ annanwɔrɛ.”

Ɔwɔ-mɛ̀n-yrikàn 2:1

“È merɛ́n owrú è yüre Ɔwɔ kùyüre-wrɔn léyi dú Efɛzɛ̀n anmàn Wɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi ẅɛn okùcankro hɔ̀n ɔbɔ̀ɛn lɔ n'ezi-kɔrɛ̀ màn mɛ̀n, kɩ kɛ nán esù ansikɛ kɛniɛn hɔ̀n ɔbɔ̀ɛn lɔ y'anwanzi kɛ dɔ̀ nɔn:

Ɔwɔ-mɛ̀n-yrikàn 2:7

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ kɔ́n kà nɔn, mɛ lɛ tán yɔ ɛcizî ɛwùvà-kɔrɛ̀ tɛ̀-ẅì hɔ̀n léyi dú Ɔwɔ kɛ̀tɛ̀ lɔ mɛ̀n nɔn.”

Ɔwɔ-mɛ̀n-yrikàn 20:6

Ɛnbɔrɛbru dú anwrɔn hɔ̀n léyi dú ɛnvrapkà wúemɛ̀n-dùfrɔ́ ndɔ lɔ mɛ̀n nɔn! Yɔ dú Ɔwɔ tɛn, kɩ anhyrɛmɛ̀n wú lɔ kè sɩ̀ ẅɛ̀n ɛkɔrɛ̀srɔn y'ɛwú; Yɔ le dú Ɔwɔ mán Krisì cice-bɔ̀, kɩ yɔ mán Krisì mɛhi yɔ lɛ ẅɛn ɛyri ɛnnànwàn tɛ̀buri.

Ɔwɔ-mɛ̀n-yrikàn 21:5

Zɛtɛn ɔwrɔn léyi yɛ́ ɛgbú-tòbù wú nɔn kɛ dɔ̀ le: “Zɛtɛ̀ lɔ mɛ hán ecì hɔ̀n lɔ fɛn owrù.” Zɛtɛn nɛ dɔ́ mɛ̀n le: “È merɛ́n ndɔ lɔ, ɔmuhi m'ɔmùan-ankà-dɔ̀ hɔ̀n dú annanwɔrɛ kɩ ẅɛn esɛ́ nɔn.”

Ɔwɔ-mɛ̀n-yrikàn 22:17

Ɛnhɛ́n mán eyiri-hi kɛ dɔ̀ le: “Và!” Ɔwrɔn léyi kɛ yá ankà ndɔ lɔ nɔn, nɛ́n mán nɛ̀n dɔ̀ le: “Và!” Ɔwrɔn léyi ɛnshi mùan-wù kɛ ẅɛ̀n nɔn, nɛ̀n và; Ɔwrɔn léyi ke ji ɔkɔrɛ shi nɔn, kɛ̀ cɔ́ ɔkɔrɛ shi lɔ ankora.

Ɔwɔ-mɛ̀n-yrikàn 6:11

Y'ɛmɛ̀n lɔ, yɛ tán ɔwrɔnwrɔn ɛceci wosu she, kɩ yɛ dɔ́ yɔ le, yɔ ẅɛn ɛnbɔrɛ yɔ hɛ́n ɛnvra jan, ô yɔ muanẅì hɔ̀n mán y'ɛkɔrɛ̀-wá-bɔ̀ léyi ye le wrì kɛ̀ hán yɔ hɔ́ nɔn, kɛ̀ sá ɛkru yakɛ.