Ɔwɔ-mɛ̀n-yrikàn 14:11 - Ɛmɛẅi ankà ankrànkràn 2003

¹¹ Ɛnhyà-bri léyi kɛ hán yɔ, yɔ kán ɛgbàn nɔn, kɛ hɔ́n ɛwú ɛnvra lɔ fɛn. Yɔ sɩ̀ ẅɛ̀n ɛwrɔncüe ɛnnyran mán ɛcɛ̀n, anwrɔn hɔ̀n léyi ke cüe ɔnɔ̀n lɔ mán nɛ́n picɛ̀ ankorɛ̀ ezìwú mán ɔwrɔn totɔtɔ̀n léyi kɛ cɔ́ n'ebi lɔ n'ɛnrɛ̀n edòmɛ̀n nɔn.”

Ɔwɔ-mɛ̀n-yrikàn 14:11 Iomraidhean Croise

Matie 11:28

Nyɛ́n và cɔ̀ mɛ̀n, nyɛ́n léyi eci srɔnsrɔn ẅɛ̀n dùkà dú nyɛ̀n edomɛ̀n kɩ mɛ lɛ tán nyɛ̀n ɔwrɔncüe.

Matie 25:41

Zɛtɛn, ɛnnɛ̀ncüì lɔ kɛ lɛ dɔ́ yɔ hɔ̀n léyi nyɔn nɛ̀n ebrì-kɔrɛ̀a nɔn le: ‘Nyɛ́n sɔ̀n hɔ́n ɛmɛẅi esù-she m'ɛtɛ̀sɛ̀n, Ɔwɔ-ẅiɛ̀-dá-bɔ̀! Nyɛ́n hɔ́n ɛnhyà léyi ke sɩ́ zɛ́n hán, hɩ yɛ hán dú anwa-wrɔn mán n'ɛsɛ̀nkɛn-bɔ̀ tɛn nɔn mɛ̀n!

Matie 25:46

Kɩ yɔ lɛ hɔ̀n di ɛgbàn-wɔɛ̀n léyi ke sɩ́ trɔa nɔn, tɛ́n yɔ hɔ̀n léyi hán Ɔwɔ kɔrɛ̀zì-ci nɔn, kɛ lɛ hɔ́n ɛwúvà léyi ke sɩ̀ ẅɛ̀n ɛnkru-trɔ nɔn mɛ̀n.”

Ebre-bɔ̀ 1:8

Tɛ́n Ɛnẅì lɔ wú, nɛ́n dɔ̀ le: “V'ɛgbú-tòbù, ô Ɔwɔ, yɛ hán dú ɛnvra lɔ fɛn. Ɛnyrɔnnan mɛ̀n de ɛ̀ ẅɛn ɛyri v'ɛnnɛ̀ncüì-dúyri lɔ nɔn.

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 13:12

Nɛ hán kpàkpà nɔ̀n kɔrɛ̀srɔn-ci lɔ fɛn n'ezìwú. Nɛ wá tán ɛnhi mán n'anwrɔn hɔ̀n mɛhi kè cüe kpàkpà nɔ̀n lɔ ankɔrɛ̀ ezìwúɛ, nɛ́n léyi n'owù-ci-fɔn lɔ wrú nɔn.

Ɔwɔ-mɛ̀n-yrikàn 13:15

Anhyrɛmɛ̀n nɔ̀n lɔ cɔ́ ɛkɔrɛ̀srɔn kɛ̀ hán kpàkpà nɔ̀n picɛ̀ lɔ kɛ̀ dɔ́ ankà, ô kɛ̀ hán ye wri anwrɔn hɔ̀n lɔ fɛn léyi ke sɩ̀ cüe nɛ̀n ankɔrɛ̀ ezìwúɛ nɔn.

Ɔwɔ-mɛ̀n-yrikàn 13:17

Ɔwrɔn zriɛmɛ́n kè sɩ̀ ẅɛ̀n ɛci-wɔ̀ mán ɛci-hɛ̀ kɔrɛ̀levri ke dú kɛ ɛnrɛ̀n ndɔ lɔ badá nɛ̀n edomɛ̀n, hɩ mɛ̀n kɛ dɔ̀ le, ɔnɔ̀n lɔ n'ebi, mán n'owrúẅì-ci-krɛ̀ léyi ke yé ebi ndɔ lɔ nɔn.

Ɔwɔ-mɛ̀n-yrikàn 14:9

Anhɔnmɛ̀n Wɔ-kùyüre-wrɔn tɔ̀n kɛ́n anhyrɛ̀ hɔ̀n lɔ, kɩ kɛ dɔ́ esùva cüìcüìemɛ̀n le: “Ɔwrɔn totɔtɔ̀n léyi ke cüe ɔnɔ̀n lɔ mán nɛ́n pícɛ̀ ankɔrɛ̀ ezìwú, kɩ ɛnrɛ̀n kɛ dɛ́ ezìwú, ɛnvra tɔ̀n hô ɛmànmɛ̀n nɔn,

Ɔwɔ-mɛ̀n-yrikàn 18:18

kɩ ke di bobo ɛnvra léyi yɔ kán anmàn léyi yɛ wá ɛnhyà nɔn n'ɛnhyàbri, kɩ yɔ dɔ̀ le: “Yɛ vá kán anmàn vri ɔmu lɔ mrìmrì!”

Ɔwɔ-mɛ̀n-yrikàn 18:9

Ɛnhi wú nɛ̀ncüì hɔ̀n léyi cɔ́ nɛ̀n mɛhi yɔ hán ɛci-gbàngbàn mán evridì kɔ̀hɔ̀n nɔn, ke le wú eyú kɩ ke le bòto n'ɛwú, ɛnvra léyi yɔ lɛ kán anmàn vri lɔ n'ɛbiɛ hyà-bri.

Ɔwɔ-mɛ̀n-yrikàn 19:3

Kɩ yɔ vru yɔ dɔ̀ le: “Aleluyà! Nyɛ́n mrɛ́n Ɛẅɛnwrɔn! Anmàn cüìcüì léyi yɛ wá ɛnhyà nɔn, n'ɛnhyàbri kɛ hɔ́n ɛwú ɛnvra lɔ fɛn!”

Ɔwɔ-mɛ̀n-yrikàn 20:10

Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.

Ɔwɔ-mɛ̀n-yrikàn 22:5

Ɛnnyran ke sɩ̀ vru dùɛ, kɩ ye sɩ̀ vru ji kɛ̀níɛn mán ɛnbrí yrikàn, ɔmuhi Ɛẅɛnwrɔn Ɔwɔ kɛ lɛ tán yɔ n'ɛyri-kàn, kɩ yɔ lɛ ẅɛn ɛyri ɛnvra lɔ fɛn nɔn.

Ɔwɔ-mɛ̀n-yrikàn 7:12

kɩ yɔ dɔ̀ le: “Kè dú ɔmu lɔ! Hɛ̀ɛ̀, ɛmrɛ́n, ecizrɔ, ankà-nyrì, ɛnyri-kùɛn-tán, evrisì, ɛkɔrɛ̀srɔn mán ecüì dú b'Ɔwɔ tɛn ɛnvra lɔ fɛn! Kè dú ɔmu lɔ.”