Ɔwɔ-mɛ̀n-yrikàn 13:8 - Ɛmɛẅi ankà ankrànkràn 2003

⁸ Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 13:8 Iomraidhean Croise

Matie 25:34

Zɛtɛn ɛnnɛ̀ncüì lɔ kɛ lɛ dɔ́ anwrɔn hɔ̀n léyi dú nɛ̀n ezì-kɔrɛ̀ nɔn le: ‘Nyɛ́n và, nyɛ́n léyi Dade fú nyɛ̀n ɛnshi nɔn, nyɛ́n bru Anhobɩ́ nɛ̀ncüì-dúyri léyi yɛ hán yɛ hɛ́n nyɛ̀n ɛnhibù krubɔmɛ̀n hán hɛ́n nɔn.

Lükɛ̀n 10:20

Tɛ́n ke sɩ́ ji le nyɛ́n brá pɔpüɛ̀, ɔmuhi anhɛ́n gbangàn ke die nyɛ̀n nukùɛ nɔn; tɛ́n pɔpüɛ̀ kɛ̀ brá nyɛ̀n ɔmuhi ye merɛ́n ny'ebí dú owrúemɛ̀n anhobɩ́ nɔn.”

Zhan 1:29

Ɛnvra léyi ɛcɛ̀n cüe nɔn, Zhan kán Zhezü, jí nɛ̀n nvà kɩ nɛ dɔ̀ le: “Nyàn Ɔwɔ Kɔ̀kɔ̀sɛ̀-ẅì léyi kɛ gbú ɛnhibù gbàn lɔ sɔhɔ́ nɔn.

Efɛzɛ̀n anmàn-bɔ̀ 1:4

Ɛnhibù kɛ vá bukru, Ɔwɔ gɔ́ mrɛ́n bɔ̀ nbɩ̀, ô bɔ́ dú nɛ tɛn Krisì bɩmɛ̀n, ô bɔ́ dú prɔnprɔn mán ɛfifiemɛ̀n n'ezìwú. N'ɛcüɛ̀n lɔ mɛ̀n,

Filipɛ̀n anmàn-bɔ̀ 4:3

Kɩ vɛ́n mán, m'ɔmùan-zri-di-wrɔn mán m'ɛkɔrɛ̀-wá-wrɔn mɛ dɔ́ mɛ́n ɛ̀ wá yɔ ɛkɔrɛ̀; Yɔ mán mɛ̀n mɛhi annanwɔrɛmɛ̀n lɔ, bɔ́ kɔ́n anhà, ô Ɛmɛẅi ankà Ankrankran lɔ kè bonyì, hán ɔmu le bɔ̀ hán bɔ́ mán Kleman mán ɛkɔrɛ̀-wá-bɔ̀ ndɔ hɔ̀n lɔ fɛn léyi y'ebi dú ɔkɔrɛ wrú lɔ mɛ̀n nɔn.

Titɛ̀n 1:2

ô yɔ cɔ́ ɛwúvà léyi ke sɩ́ trɔa nɔn n'esɛ́. Ɔwɔ léyi ke sɩ́ ẅɛn ɛyɔ̀n nɔn, wá bɔ̀ ɛwúvà ndɔ lɔ n'ɔmùan, yakɛ ɛnhibù bukru;

Ɔwɔ-mɛ̀n-yrikàn 12:15

Zɛtɛn ɛnlɛ̀brì lɔ bɩ́ n'ɔmùan mɛ̀n shi wá ɛnnyɔnwrɔn lɔ hán mancüè shi hɔ́, dú ɛnnyɔnwrɔn lɔ ɛmɛẅi, ô ɛnshi lɔ kɛ̀ wán nɛ̀n kè bɩ.

Ɔwɔ-mɛ̀n-yrikàn 13:12

Nɛ hán kpàkpà nɔ̀n kɔrɛ̀srɔn-ci lɔ fɛn n'ezìwú. Nɛ wá tán ɛnhi mán n'anwrɔn hɔ̀n mɛhi kè cüe kpàkpà nɔ̀n lɔ ankɔrɛ̀ ezìwúɛ, nɛ́n léyi n'owù-ci-fɔn lɔ wrú nɔn.

Ɔwɔ-mɛ̀n-yrikàn 17:8

Ɔnɔ̀n léyi ɛ kàn nɔn, ɛnbiɛhɛ́n lɔ nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ankɔrɛkɔrɛ mɛ̀n hàn; ke ji le nɛ̀n dú gbàzrɔ mɛ̀n nɛ̀n srɔ ɛntrɛ, ô nɛ̀n hɔ́n n'ɛzrɛ́n mɛ̀n. Ɛnhi-wú-anmàn-bɔ̀ léyi ɛnhibù krubɔmɛ̀n hàn-hɛ́n ye sɩ̀ mrɛ̀n yɔ bi, kè dù ɔkɔrɛ wrú lɔ mɛ̀n nɔn, ke le dú anvɛmɛ̀n-frɛ́n mɛ̀n ɛnvra léyi yɔ lɛ kán ɔnɔ̀n lɔ nɔn: annanwɔrɛ mɛ̀n lɔ, ɛnbiɛhɛ́n vra lɔ, nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ɔmu lɔa, kɩ ne le vru nɛ̀n srɔ.

Ɔwɔ-mɛ̀n-yrikàn 21:27

Tɛ́n ɛnbrá-ci zriɛmɛ́n ke sɩ̀ bru anmàn ndɔ lɔ mɛ̀n, ɔwrɔn léyi kɛ hán ɛci-promɛ̀n mán ɛyɔ̀n kɔ̀hɔ̀n nɔn. Yɔ léyi ye merɛ́n y'ebi ɔkɔrɛ-wrú léyi dú Ɔwɔ-Kɔ̀kɔ̀sɛ̀-ẅì lɔ tɛn nɔn, yɔ zri kɩ yɔ le bru anmàn ndɔ lɔ mɛ̀n.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.

Ɔwɔ-mɛ̀n-yrikàn 3:20

È die nukùɛ, mɛ̀n nyɔn angbàtà mùan kɩ mɛ gɔ́n esù ɛkɔrɛ̀; ke dú kɛ ɔwrɔn tɔ̀n kɛ yá m'esùva kɩ ke srú esù, me le bru nɛ̀n ɛbemɛ̀n kɩ nɛ́n mán mɛ̀n mɛhi bo le zî ɛci zri.

Ɔwɔ-mɛ̀n-yrikàn 3:5

Anwrɔn hɔ̀n léyi kɛ lɛ kɔ̀nkà nɔn, ɔmu lɔ yɔ lɛ cɔ́ ɛceci wɔsù; mɛ́n sɩ̀ gbú y'ebi mɛ̀n sɔhɔ́ ɛwúvà kɔrɛ̀ wrú lɔ mɛ̀n. Dade zìwú mán n'ɛkùyüre-bɔ̀ zìwú, me le nyri ɔmu le yɔ dú mɛ tɛn.

Ɔwɔ-mɛ̀n-yrikàn 5:12

kɩ yɔ krɛ́ ɛcɔ̀ esùva cüìcüìemɛ̀n: “Ɔwɔ kɔ̀kɔ̀sɛ̀ ẅì léyi ye di owúemɛ̀n nɔn, krɔn kpehɛ́n kɛ̀ cɔ́ ɛkɔrɛ̀srɔn, ɛnnɛ̀ncüì-dì, ankà-nyrì mán ecüì, evrisì, eci-zrɔ mán ɛmrɛ́n!”

Ɔwɔ-mɛ̀n-yrikàn 5:13

Mɛ̀n vru mɛ̀n yá Ɔwɔ-kɔrɛ̀-ci hɔ̀n lɔ fɛn léyi dú anhobɩ́, ɛnhi wú, ɛnhibɩ́ mán ecüemɛ̀n (Ɔwɔ-kɔrɛ̀-ci hɔ̀n lɔ fɛn léyi dú ɛnhibù mumù lɔ fɛn wú nɔn) kɛ krɛ́ ɛcɔ̀: “Nɛ́n léyi nɛ̀n yɛ́ ɛgbú-tòbù wú nɔn mán Ɔwɔ kɔ̀kɔ̀sɛ̀-ẅi lɔ, ɛmrɛ́n, ɛvrisì, eci-zrɔ mán ɛkɔrɛ̀srɔn kè dú nɛ tɛn ɛnvra lɔ fɛn!”

Ɔwɔ-mɛ̀n-yrikàn 6:1

Zɛtɛn mɛ̀n kán Ɔwɔ kɔ̀kɔ̀sɛ́ ẅi srú ɛci-tɔn-ci hɔ̀n ɔbɔ̀ɛn lɔ kpàkpà tɛn lɔ, kɩ mɛ̀n yá ɛci kɔrɛkɔrɛ hɔ̀n anzɔ̀ lɔ, ɔtɔ̀n esùva mùan kɛ dɔ́ ankà ke shrì kɛ hán ɛwú kùdì hɔ́: “Và!”