Ɔwɔ-mɛ̀n-yrikàn 13:7 - Ɛmɛẅi ankà ankrànkràn 2003

⁷ Yɛ tán ɛkɔrɛ̀levri nɛ̀n kɔ́n Ɔwɔ-fɛcüè anhà, ô nɛ̀n kɔ̀nkà; nɛ̀n cɔ́ ɛkɔrɛ̀srɔn ɛmɛ̀n lɔ fɛn wú, fɛcüè lɔ fɛn wú, ɛnbrɛ̀ lɔ fɛn wú mán ɛnhi wú anmàn lɔ fɛn wú.

Ɔwɔ-mɛ̀n-yrikàn 13:7 Iomraidhean Croise

Lükɛ̀n 4:6

kɩ kɛ dɔ́ nɛ̀n le: “Mɛ lɛ tán mɛ́n ɛkɔrɛ̀-srɔn ndɔ lɔ mán ɛnhibù wú nɛncüì-dì lɔ fɛn: ndɔ lɔ fɛn, yɛ wá mɛ̀n antamɛ̀n kɩ mɛ̀n ẅɛn ɛkɔrɛ̀-levri mɛ lɛ tán ɔwrɔn léyi me ji mɛ̀n tán nɔn.

Zhan 19:11

Zhezü mrɛ́n nɛ̀n ɔmùan le: “È sɩ̀ ẅɛ̀n ɛkɔrɛ̀srɔn zriɛmɛ́n m'ɛwú, ke dú kɛ kè sì dù hɩ le Ɔwɔ tán mɛ́n nɔn. Hɩ le kruhú de ɔwrɔn léyi ẅɛn mɛ̀n tán mɛ́n nɔn dú ɛgbàn mɛ̀n vrán vɛ́n.”

Ɔwɔ-mɛ̀n-yrikàn 10:11

Zɛtɛn yɛ dɔ́ mɛ̀n le: “Ke ji le è vru ɛ̀ dɔ́ ankà léyi Ɔwɔ wá hɛ́n kè dú fɛcüè, ɛnhi wú anmàn hɔ̀n, ɛnbrɛ̀ hɔ̀n mán ɛnnɛ̀ncüì bobrebe hɔ̀n tɛn nɔn.”

Ɔwɔ-mɛ̀n-yrikàn 11:18

Ɛnhi wú anmàn hɔ̀n sɩ́ y'edomɛ̀n ɛwú ɛmɛ̀nhyiemɛ̀n, tɛ́n zɛtɛ̀ lɔ, v'ɛmɛ̀nhyì bɩ de ke yé n'edomɛ̀n nɔn, owú-bɔ̀ mrɛ̀nci vra lɔ ncɔa, ɛnvra léyi ɛ lɛ bó, v'eci-bɩ̀tan-bɔ̀, Ɔwɔ-mùan-wú-ankà-dɔ́-bɔ̀ mán yɔ hɔ̀n léyi dú vɛ tɛn, kɩ kɛ wá mɛ́n, ɛcüìcüì mán ɛyriyri, anjakpà nɔn, ncɔa; ɛnvra léyi ke ji le yɛ jrɛ́ anwrɔn hɔ̀n léyi kɛ jrɛ́ ɛnhi nɔn, ncɔa!”

Ɔwɔ-mɛ̀n-yrikàn 11:7

Ɛnvra léyi yɔ lɛ trɔ y'ɛmɛẅi ankà lɔ dɔ̀ nɔn, ɔnɔ̀n léyi dú ɛnnànmàn vrɛ́n lɔ mɛ̀n nɔn, kɛ lɛ kɔ́n yɔ anhà. Nɛ lɛ ká yɔ, kɩ ne le wri yɔ.

Ɔwɔ-mɛ̀n-yrikàn 12:17

Ɛmɛ̀nhyì léyi nɛ̀n ẅɛn ɛnnyɔnwrɔn lɔ wú nɔn, wá tán nɛ̀n nɛ̀n hɔ̀n kɔ́n ɛnnyɔnwrɔn lɔ n'ɛmɛẅi-bɔ̀ anhà, yɔ léyi yɔ wá Ɔwɔ nyanmàn kɩ yɔ di ɔmùan zri Zhezü annanwɔrɛ ankà léyi yé nɔn hɩ wú.

Ɔwɔ-mɛ̀n-yrikàn 17:15

Ɔwɔ-kùyüre-wrɔn lɔ vru kɛ dɔ́ mɛ̀n le: “Ɛnshi hɔ̀n léyi ɛ̀ kán nanvrɛn ɛyri léyi wowie-nyɔnwrɔn lɔ nyɔn nɔn, yɔ dú fɛcüè hɔ̀n, ɛnhi-wú-anmàn-hɔ̀n mán ɛnbrɛ̀ hɔ̀n.

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.