Ɔwɔ-mɛ̀n-yrikàn 13:6 - Ɛmɛẅi ankà ankrànkràn 2003

⁶ Nɛ̀n bukru nɛ dɔ́ Ɔwɔ ankà-gbàn, nɛ wora Ɔwɔ bi mán n'edúyri, mán anwrɔn hɔ̀n léyi, yɔ mɛhi yɛ sɔ́n ebɩ́ anhobɩ́ nɔn.

Ɔwɔ-mɛ̀n-yrikàn 13:6 Iomraidhean Croise

Matie 12:34

Ɛnlɛbrì mɛ̀n bɔ̀! Anhɔntan de nyɛ lɛ hán nyɛ́n dɔ́ ankà ankrànkràn tɛ́n nyɛ́n dú anwrɔn gbàngbàn hɔ̀n nɛ́n? Ɔmuhi ɔmùan kɛ dɔ́ ankà hɔ̀n léyi nhyì dú ɛnbɔrɛ mɛ̀n nɔn.

Matie 15:19

Ɔmuhi ankà-tro gbàngbàn hɔ̀n léyi ke dú ɔwrɔnẅì ɛnbɔrɛ mɛ̀n kɛ và nɔn de kɛ wá tán le ye wri ɔwrɔn, yɛ hán ɛnnyɔnwrɔn mán ɛncɔnwrɔn-bi-gbàn, yɛ hán eci gbàngbàn, ye yerɛ ɛci, yɛ ẅɛn ɛyɔ̀n ye ku ɔwrɔn ɛwú kɩ yɛ dɔ́ anwrɔn ankà gbàngbàn ɛmɛẅi.

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Rɔmɛ̀n-anmàn-bɔ̀ 3:13

Y'esùva mɛ̀n lɔ dú cá ezhe nànmàn léyi ɔmùan vru dɛ́, y'ɔwɔ̀ɛn lɔ kɛ tán yɔ ɛfrɛ́n ci-hán, ɛnlɛbrì dà de ke dú yɔ ɔmùanwrú wú kɛ srɔ ɛntrɛ,

Kɔlɔsèn anmàn-bɔ̀ 1:19

Ɔmuhi Ɔwɔ wá kè dú n'Ɛnẅì mɛ̀n kokroho

Kɔlɔsèn anmàn-bɔ̀ 2:9

Ɔmuhi eci lɔ fɛn léyi dú Ɔwɔ mɛ̀n nɔn, bɩ́ edùwrú Krisì mɛ̀n, kɩ sɔ́n ebɩ́ kokroho n'ɛmɛ̀n;

Ebre-bɔ̀ 9:2

Ye ku ɛcàsa-wɔn anhyrɛ̀. Ɛnvrakpà yri léyi ye bi ɛyri prɔnprɔn nɔn, yɛ cɔ́ kɛ̀niɛn wú-hɛ́n-ci mán tɛbrɛ̀ léyi Ɔwɔ cice abutùkumɛ́n dú ɛwú nɔn.

Ebre-bɔ̀ 9:24

Ɔmuhi Krisì kè sɩ̀ brù Ɔwɔ yri prɔnprɔn léyi anwrɔnẅì nkù, hɩ dú Ɔwɔ yri prɔnprɔn lɔ nɛ́n picɛ̀ annanwɔrɛ tɔ̀n nɔn. Nɛ́n bru anhobɩ́ dùku, nanvrɛn lɔ de zɛtɛ̀ lɔ ne yé n'edomɛ̀n Ɔwɔ zìwú bɔ́ kruhú.

Ɔwɔ-mɛ̀n-yrikàn 11:12

Zɛtɛn Ɔwɔ-mùan-wú-ankà-dɔ́-bɔ̀ anhyrɛ̀ lɔ yá esùva cüìcüì tɔ̀n dú anhobɩ́ nvà, wá tán yɔ le: “Nyɛ́n kà nyɛ́n vá ɛnu lɔ!” Yɔ tɔhú, yɔ hɔ́n anhobɩ́ ɛnwì-gbuemɛ̀n, y'egbri-bɔ̀ zìwú.

Ɔwɔ-mɛ̀n-yrikàn 12:12

Hɩ le kruhú de nyɛ́n, anhobɩ́-anmàn-bɔ̀ pɔpüɛ̀ kɛ̀ brá nyɛ̀n! Tɛ́n, ɛnhi mán ecüe, muzhie dú nyɛ tɛn! Anwawrɔn dú ɛwú kakɛ nyɛ̀n ɛmɛ̀n, ɛgbàn-dì yɩ́ ɛnbɔrɛmɛ̀n, ɔmuhi nɛ̀n nyri ɔmu le ɛnvra kè sɩ̀ vrù gbɔ́ nɛ̀n hàn nɔn.”

Ɔwɔ-mɛ̀n-yrikàn 15:5

Ndɔ lɔ mɛẅi, mɛ̀n kán anhobɩ́-cice-wɔn nɛ́n mán Ɔwɔ mìrɛ̀n càsa mɛhi.

Ɔwɔ-mɛ̀n-yrikàn 18:20

Anhobɩ́, pɔpüɛ̀ kɛ̀ brá mɛ́n n'ɔgbɔ̀ngbɔ̀ lɔ wú! Ɔwɔ-fɛcüè-bɔ̀ pɔpüɛ̀ kɛ̀ brá nyɛ̀n, ɔkɔ̀hɔ̀n-wá-bɔ̀ mán Ɔwɔ-mùan-wú-ankà-dɔ́-bɔ̀! Ɔmuhi ɛgbàn léyi nɛ̀n hán nyɛ̀n nɔn, Ɔwɔ ci nɛ̀n ɛmrɛ̀n hɩ wú!

Ɔwɔ-mɛ̀n-yrikàn 21:3

Mɛ̀n yá esùva cüìcüì tɔ̀n dú ɛgbú-tòbù wú kɛ và kɩ kɛ dɔ̀ le: “Zɛtɛ̀ lɔ Ɔwɔ-dúyri dú anwrɔnẅiemɛ̀n! Nɛ́n mán yɔ mɛhi yɔ le dù kɩ yɔ lɛ srɔ nɛ́n fɛcüè-bɔ̀. Ɔwɔ dùku mán ke le dú yɔ ɛmɛ̀n, ne le dú y'Ɔwɔ.

Ɔwɔ-mɛ̀n-yrikàn 4:1

Ndɔ lɔ mɛẅi, mɛ̀n cɔ́ ɛyrikàn nyantɛn tɔ̀n: mɛ̀n kán esù tɔ̀n srú anhobɩ́. Esùva léyi mɛ́n gɔ̀ yá, hɩ ke dí nkù kɛ hán ɛbrɛ̀n-gbá hɔ́ nɔn, kɛ dɔ́ mɛ̀n le: “Ɛ̀ kà ɛ̀ vá ɛnu lɔ, kɩ me le yé mɛ́n eci léyi kɛ lɛ wɔɛn zɛtɛn nɔn.”

Ɔwɔ-mɛ̀n-yrikàn 4:4

Ɛgbú-tòbù lɔ dòmɛ̀n, ɛgbú-tòbù ɛẅia anzɔ̀ nyantɛn hɔ̀n ndù, y'ɛwú lɔ ɛcüìcüì-bɔ̀ ɛẅia anzɔ̀ cɔ́ ɛceci wosú yɛ́, kɩ ansikɛ krusɔn-ci dú yɔ ɛnkru.

Ɔwɔ-mɛ̀n-yrikàn 5:13

Mɛ̀n vru mɛ̀n yá Ɔwɔ-kɔrɛ̀-ci hɔ̀n lɔ fɛn léyi dú anhobɩ́, ɛnhi wú, ɛnhibɩ́ mán ecüemɛ̀n (Ɔwɔ-kɔrɛ̀-ci hɔ̀n lɔ fɛn léyi dú ɛnhibù mumù lɔ fɛn wú nɔn) kɛ krɛ́ ɛcɔ̀: “Nɛ́n léyi nɛ̀n yɛ́ ɛgbú-tòbù wú nɔn mán Ɔwɔ kɔ̀kɔ̀sɛ̀-ẅi lɔ, ɛmrɛ́n, ɛvrisì, eci-zrɔ mán ɛkɔrɛ̀srɔn kè dú nɛ tɛn ɛnvra lɔ fɛn!”

Ɔwɔ-mɛ̀n-yrikàn 7:15

Hɩ le kruhú de yɔ nyɔn Ɔwɔ gbú-tòbù zìwú kɩ yɔ sɛ́n nɛ̀n ɛnnyran mán ɛcɛ̀n, n'ecice wɔn lɔ mɛ̀n. Ɔwrɔn léyi yɛ́ ɛgbútòbù wú nɔn, kɛ lɛ wá yɔ esùva.

Ɔwɔ-mɛ̀n-yrikàn 7:9

Eci ndɔ lɔ n'ɛmɛẅi lɔ, mɛ̀n vru mɛ̀n nyan kɩ mɛ̀n kán anwrɔn fɛcüè vri léyi ɔwrɔn zriɛmɛ́n ke sɩ̀ krɛ̀ rɔ́ nɔn. Yɔ dú ɛnhi wú anmàn lɔ fɛn, ɔkpɔsɔ lɔ fɛn, fɛcüè lɔ fɛn mán ɛnbrɛ̀ lɔ fɛn bɔ̀. Yɔ nyɔn ɛgbú-tòbù mán Ɔwɔ Kɔ̀kɔ̀sɛ̀-ẅì zìwú, yɔ cɔ́ ɛceci she wosù kɩ ɛnnangbànkɔrɛ̀ dú yɔ ɛmàn mɛ̀n.