Ɔwɔ-mɛ̀n-yrikàn 13:3 - Ɛmɛẅi ankà ankrànkràn 2003

³ Ɔnɔ̀n lɔ n'ɛnkru tɔ̀n hán le, eci wri edù ke ji kè wù, tɛ́n owù-ci-fɔn lɔ wrú. Ɛnhi mumù lɔ fɛn dú eci-zrɔ mɛ̀n kɩ dú ɔnɔn lɔ ɛmɛẅi.

Ɔwɔ-mɛ̀n-yrikàn 13:3 Iomraidhean Croise

Lükɛ̀n 2:1

Hɩ vra lɔ, Romɛ̀n ɛnhi wú govràn léyi dú Sezarɛ̀n Ogüsɛ̀n nɔn wá tán le, Romɛ̀n ɛnhi wú bɔ̀ lɔ fɛn, kɛ̀ hɔ́n y'anmàn kɛ̀ wá ebɩ́ owrúemɛ̀n.

Zhan 12:19

Ɔwɔ-nyanmàn-sùva-wá-bɔ̀ zɛtɛn kɛ dɔ́ y'edomɛ̀n le: “Nyɛ kán ɔmu le nyɛ́n sɩ̀ hán eci zriɛmɛ́n rɔ́; anwrɔn lɔ fɛn dú nɛ̀n ɛmɛẅi!”

Ɔkɔ̀hɔ̀n-wá-bɔ̀ kɔ̀hɔ̀n hán 8:13

Simɔn dùku mán bú tán ankaẅì kɩ yɛ wá nɛ̀n ɛnshi ɛnkru; nɛ̀n yɛ́ Filipɛ̀n ɛtɛ̀sɛ̀n kɩ nɛ̀n dú anvɛmɛ̀n-frɛ́n mɛ̀n, anvɛmɛ̀n-frɛ́n-ci ɛvrivri hɔ̀n mán ɛci-woroan-ci hɔ̀n léyi nɛ kàn yɛ hán nɔn.

Ɔwɔ-mɛ̀n-yrikàn 13:12

Nɛ hán kpàkpà nɔ̀n kɔrɛ̀srɔn-ci lɔ fɛn n'ezìwú. Nɛ wá tán ɛnhi mán n'anwrɔn hɔ̀n mɛhi kè cüe kpàkpà nɔ̀n lɔ ankɔrɛ̀ ezìwúɛ, nɛ́n léyi n'owù-ci-fɔn lɔ wrú nɔn.

Ɔwɔ-mɛ̀n-yrikàn 13:14

Nɛ wá ɛnhi-wú-bɔ̀ ɛzrɛ́n mɛ̀n, n'anvɛmɛ̀n-frɛ́n-ci léyi nɛ hán kpàkpà nɔ̀n lɔ zìwú nɔn. Nɛ dɔ́ yɔ, yɔ hán picɛ̀ tɔ̀n kè dú ɔnɔ̀n lɔ n'ɛmrɛ́n, nɛ́n léyi, eci wri nɛ̀n edù anhà-kɔ́n-nyan she mɛ̀n, kɩ vru kɔrɛ̀ nɔn.

Ɔwɔ-mɛ̀n-yrikàn 17:10

y'ɛmɛ̀n lɔ ɛnrì bore, ɔtɔ̀n ẅɛn ɛyri zɛtɛ̀ lɔ kɩ ɔbɔɛn mɛ̀n tɛn lɔ, kɛ vá và; ɛnvra léyi nɛ lɛ và nɔn, ɛnvra ẅiɛ kɩ kɛ lɛ wɔrɔ.

Ɔwɔ-mɛ̀n-yrikàn 17:11

Ɔnɔ̀n léyi ɛnbiɛhɛ́n dú ankɔrɛkɔrɛ mɛ̀n nɔn, tɛ́n nɛ̀n sɩ̀ vrù dù ɔmu lɔ, nɛ́n dùku mán nɛ̀n dú eẅiriemɛ̀n nɛ̀ncüì tɔ̀n; nɛ́n vru nɛ̀n dú ɛnvra zri lɔ ɛnnɛ̀ncüì ɔbɔ̀ɛn hɔ̀n lɔ ɔtɔ̀n, kɩ nɛ hɔ́n n'ɛzrɛ́n mɛ̀n.

Ɔwɔ-mɛ̀n-yrikàn 17:13

Yɔ, anwrɔn ɛvà hɔ̀n lɔ fɛn, yɔ ẅɛn ankàtro zri: yɔ bɩ́ y'ɛkɔrɛ̀srɔn mán y'ɛkɔrɛlevri yɔ wá ɔnɔ̀n lɔ, n'eci-bɩtan kɔ̀hɔ́n mɛ̀n.

Ɔwɔ-mɛ̀n-yrikàn 17:17

Ɔmuhi Ɔwɔ wá y'ɛnbɔrɛ lɔ mɛ̀n, n'ɛkɔrɛ̀-zì-ci-hán; yɔ lɛ hán eci ɔmùan krɔn mɛ̀n, ô ɛnnɛ̀ncüì kɔrɛ̀srɔn léyi yɔ ẅɛ̀n nɔn, yɔ bɩ yɔ wá ɔnɔ̀n lɔ ci-bɩtan-kɔ̀hɔ́n mɛ̀n, hàn kɩ kɛ̀ cɔ́ ɛnvra léyi Ɔwɔ-mùan-ankà-dɔ̀ lɔ kɛ lɛ sá nmù nɔn.

Ɔwɔ-mɛ̀n-yrikàn 17:6

Mɛ̀n nyri ɔmu le ɛnnyɔnwrɔn ndɔ lɔ Ɔwɔ-fɛcüè mán anwrɔn hɔ̀n léyi ye wri y'ɔmùan-zri-dì Zhezü kruhú nɔn, yɔ krɛ̀ tàn kɛ kɔ́n nɛ̀n. Ɛnvra léyi mɛ̀n kán nɛ̀n nɔn, mɛ̀n dú anvɛmɛ̀n-frɛ́n vriemɛ̀n.

Ɔwɔ-mɛ̀n-yrikàn 17:8

Ɔnɔ̀n léyi ɛ kàn nɔn, ɛnbiɛhɛ́n lɔ nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ankɔrɛkɔrɛ mɛ̀n hàn; ke ji le nɛ̀n dú gbàzrɔ mɛ̀n nɛ̀n srɔ ɛntrɛ, ô nɛ̀n hɔ́n n'ɛzrɛ́n mɛ̀n. Ɛnhi-wú-anmàn-bɔ̀ léyi ɛnhibù krubɔmɛ̀n hàn-hɛ́n ye sɩ̀ mrɛ̀n yɔ bi, kè dù ɔkɔrɛ wrú lɔ mɛ̀n nɔn, ke le dú anvɛmɛ̀n-frɛ́n mɛ̀n ɛnvra léyi yɔ lɛ kán ɔnɔ̀n lɔ nɔn: annanwɔrɛ mɛ̀n lɔ, ɛnbiɛhɛ́n vra lɔ, nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ɔmu lɔa, kɩ ne le vru nɛ̀n srɔ.