Ɔwɔ-mɛ̀n-yrikàn 13:18 - Ɛmɛẅi ankà ankrànkràn 2003

¹⁸ Ɛnu lɔ, ke ji ankanyrì. Ɔwrɔn léyi ẅɛn ɛnkruemɛ̀n nɔn kɛ lɛ cɔ́ ɔnɔ̀n lɔ n'owrúẅì-ci-krɛ̀ lɔ n'ɛmɛ̀n kè nyrì, ɔmuhi owrúẅì-ci-krɛ̀ ndɔ lɔ dú ɔwrɔn tɔ̀n bi. Owrúẅì-ci-krɛ̀ ndɔ lɔ nɛ̀n dú eci ɛkɔẅi ɛẅia ɛvà anhɔ̀n mán ɛẅì ɔwole.

Ɔwɔ-mɛ̀n-yrikàn 13:18 Iomraidhean Croise

Markɛ̀n 13:14

“Nyɛ lɛ kán ɔwrɔn léyi ye bi ‘ Eci-jrɛ́-wrɔn vri’ nɛ lɛ nyɔn ɛyri léyi ke sɩ̀ dù n'ɛnyɔn-yri nɔn. (Ke ji le ɔwrɔn léyi kɛ krɛ́ eci nɔn kɛ yá ankà lɔ anvrɛnvrɛn!) Zɛtɛn anwrɔn hɔ̀n léyi yɛ́ anmàn nɔn ke ji le yɛ srɛ́ yɔ hɔ́n ovomɛ̀n ɛnkpò wú;

Rɔmɛ̀n-anmàn-bɔ̀ 3:5

Tɛ́n ke dú kɛ ɛgbàn léyi bɔ́ hán nɔn, n'ɛwú lɔ Ɔwɔ kɛ hán bɔ̀ ɛgbàn hô, ankà tán bɔ́ lɛ dɔ̀a? Ɔwɔ kè sɩ̀ dù ɛnyrɔnnan-wrɔn ɔmuhi nɛ hán bɔ̀ ɛgbàn nɛ́n? (Mɛ dɔ́ anwrɔnẅìemɛ̀n ankà.)

Ɔwɔ-mɛ̀n-yrikàn 1:3

Ɛnbɔrɛbru dú ɔwrɔn léyi kɛ krɛ́ owrú ndɔ lɔ nɔn tɛn, ɛnbɔrɛbru dú anwrɔn hɔ̀n léyi ke díe Ɔwɔ-mùanwú-ankà-dɔ̀ ndɔ lɔ nukùɛ, kɩ kɛ ẅɛn eci léyi ye merɛ́n nɔn n'ankà ɛshishiemɛ̀n kɛ hɛ́n nɔn tɛn! Ɔmuhi ɛnvra léyi yɛ wá ô ɛci hɔ̀n lɔ kɛ̀ hán nɔn, kɛ́n eburiɛ.

Ɔwɔ-mɛ̀n-yrikàn 15:2

Zɛtɛn mɛ̀n kán eci cá ecüe léyi ɛmɛ̀n bí hán zɛnci hɔ́, ɛnhyà dú nɛ̀n ɛmɛ̀n. Anwrɔn hɔ̀n lɔ fɛn léyi kɔ́nká ɔnɔ̀n lɔ, nɛ́n picɛ̀ mán eci-krɛ̀ léyi dú n'ebi lɔ wú nɔn, nyɔn ɛwú, ecüe zɛnci ndɔ lɔ wú. Anhɛ́ mràn léyi Ɔwɔ tán yɔ nɔn, dú yɔ antamɛ̀n.

Ɔwɔ-mɛ̀n-yrikàn 17:9

Ɛnu lɔ, ke ji ɛnkruemɛ̀n-ẅɛ̀n mán ankà-nyrì. Ɛnkru ɔbɔ̀ɛn hɔ̀n lɔ dú nkpò ɔbɔ̀ɛn hɔ̀n léyi ɛnnyɔnwrɔn lɔ yɛ́ ɛwú nɔn. Nkpò ɔbɔ̀ɛn hɔ̀n lɔ mán dú ɛnnɛ̀ncüì hɔ̀n ɔbɔ̀ɛn:

Ɔwɔ-mɛ̀n-yrikàn 21:17

Nɛ̀n wɔɛn andrɛn lɔ mán: ɛkɔrɛ̀-cìca ɛkɔẅi-ɔbɔ̀ɛn mán ɛẅì anzɔ̀ dú n'ɛwúciemɛ̀n, eci-wɔɛn-ci léyi nɛ́n bɩ nɔn, hi wú de nɛ krɛ̀ nɔn.