Ɔwɔ-mɛ̀n-yrikàn 13:15 - Ɛmɛẅi ankà ankrànkràn 2003

¹⁵ Anhyrɛmɛ̀n nɔ̀n lɔ cɔ́ ɛkɔrɛ̀srɔn kɛ̀ hán kpàkpà nɔ̀n picɛ̀ lɔ kɛ̀ dɔ́ ankà, ô kɛ̀ hán ye wri anwrɔn hɔ̀n lɔ fɛn léyi ke sɩ̀ cüe nɛ̀n ankɔrɛ̀ ezìwúɛ nɔn.

Ɔwɔ-mɛ̀n-yrikàn 13:15 Iomraidhean Croise

Zhakɛ̀n 2:26

Annànwɔrɛ mɛ̀n lɔ ɔmu zri lɔ de edùwrú léyi kè sɩ̀ ẅɛ̀n ɔkɔrɛ́-dɔ̀nwrɔ̀n nɔn dú owúemɛ̀n, hɩ zri lɔ de ankaẅì-bùtan léyi kè sɩ̀ ẅɛ̀n eci-hán nɔn mán, dú owúemɛ̀n.

Ɔwɔ-mɛ̀n-yrikàn 13:1

Zɛtɛn mɛ̀n kán ɔnɔ̀n tɔ̀n dú ecüe mɛ̀n srɔ ɛntrɛ. Nɛ̀n ẅɛn ɛtrù ɛvà mán ɛnkru ɔbɔ̀ɛn; kɩ ye merɛ́n n'ɛnkru hɔ̀n lɔ wú Ɔwɔ bɩ́ wora.

Ɔwɔ-mɛ̀n-yrikàn 13:12

Nɛ hán kpàkpà nɔ̀n kɔrɛ̀srɔn-ci lɔ fɛn n'ezìwú. Nɛ wá tán ɛnhi mán n'anwrɔn hɔ̀n mɛhi kè cüe kpàkpà nɔ̀n lɔ ankɔrɛ̀ ezìwúɛ, nɛ́n léyi n'owù-ci-fɔn lɔ wrú nɔn.

Ɔwɔ-mɛ̀n-yrikàn 13:14

Nɛ wá ɛnhi-wú-bɔ̀ ɛzrɛ́n mɛ̀n, n'anvɛmɛ̀n-frɛ́n-ci léyi nɛ hán kpàkpà nɔ̀n lɔ zìwú nɔn. Nɛ dɔ́ yɔ, yɔ hán picɛ̀ tɔ̀n kè dú ɔnɔ̀n lɔ n'ɛmrɛ́n, nɛ́n léyi, eci wri nɛ̀n edù anhà-kɔ́n-nyan she mɛ̀n, kɩ vru kɔrɛ̀ nɔn.

Ɔwɔ-mɛ̀n-yrikàn 14:11

Ɛnhyà-bri léyi kɛ hán yɔ, yɔ kán ɛgbàn nɔn, kɛ hɔ́n ɛwú ɛnvra lɔ fɛn. Yɔ sɩ̀ ẅɛ̀n ɛwrɔncüe ɛnnyran mán ɛcɛ̀n, anwrɔn hɔ̀n léyi ke cüe ɔnɔ̀n lɔ mán nɛ́n picɛ̀ ankorɛ̀ ezìwú mán ɔwrɔn totɔtɔ̀n léyi kɛ cɔ́ n'ebi lɔ n'ɛnrɛ̀n edòmɛ̀n nɔn.”

Ɔwɔ-mɛ̀n-yrikàn 14:9

Anhɔnmɛ̀n Wɔ-kùyüre-wrɔn tɔ̀n kɛ́n anhyrɛ̀ hɔ̀n lɔ, kɩ kɛ dɔ́ esùva cüìcüìemɛ̀n le: “Ɔwrɔn totɔtɔ̀n léyi ke cüe ɔnɔ̀n lɔ mán nɛ́n pícɛ̀ ankɔrɛ̀ ezìwú, kɩ ɛnrɛ̀n kɛ dɛ́ ezìwú, ɛnvra tɔ̀n hô ɛmànmɛ̀n nɔn,

Ɔwɔ-mɛ̀n-yrikàn 16:2

Kpàkpà Wɔ-kùyüre-wrɔn lɔ hɔ̀n kɩ cüe nɛ́n grashɛ̀n lɔ ɛnhi wú. Zɛtɛn ɛcífɔn gbàngbàn hɔ̀n léyi kɛ hán yɛ kán ɛgbàn nɔn, ke ku anwrɔnẅì edòmɛ̀n yɔ léyi ɔnɔ̀n nrɛ̀n dɛ́ yɔ edòmɛ̀n, kɩ kɛ sɛ́n ɔnɔ̀n lɔ nɛ́n picɛ̀ lɔ nɔn.

Ɔwɔ-mɛ̀n-yrikàn 16:5

Zɛtɛn mɛ̀n yá Ɔwɔ-kùyüre-wrɔn léyi ẅɛn ɛkɔrɛ̀levri ɛnshi hɔ̀n wú nɔn, kɛ dɔ̀ le: “Vɛ́n léyi è dú Prɔnprɔn, e dù kɩ e gɔ́ dù, è yé le è dú ɛnyrɔnnan-mrɛ̀nci-wrɔn.

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 17:17

Ɔmuhi Ɔwɔ wá y'ɛnbɔrɛ lɔ mɛ̀n, n'ɛkɔrɛ̀-zì-ci-hán; yɔ lɛ hán eci ɔmùan krɔn mɛ̀n, ô ɛnnɛ̀ncüì kɔrɛ̀srɔn léyi yɔ ẅɛ̀n nɔn, yɔ bɩ yɔ wá ɔnɔ̀n lɔ ci-bɩtan-kɔ̀hɔ́n mɛ̀n, hàn kɩ kɛ̀ cɔ́ ɛnvra léyi Ɔwɔ-mùan-ankà-dɔ̀ lɔ kɛ lɛ sá nmù nɔn.

Ɔwɔ-mɛ̀n-yrikàn 17:6

Mɛ̀n nyri ɔmu le ɛnnyɔnwrɔn ndɔ lɔ Ɔwɔ-fɛcüè mán anwrɔn hɔ̀n léyi ye wri y'ɔmùan-zri-dì Zhezü kruhú nɔn, yɔ krɛ̀ tàn kɛ kɔ́n nɛ̀n. Ɛnvra léyi mɛ̀n kán nɛ̀n nɔn, mɛ̀n dú anvɛmɛ̀n-frɛ́n vriemɛ̀n.

Ɔwɔ-mɛ̀n-yrikàn 18:20

Anhobɩ́, pɔpüɛ̀ kɛ̀ brá mɛ́n n'ɔgbɔ̀ngbɔ̀ lɔ wú! Ɔwɔ-fɛcüè-bɔ̀ pɔpüɛ̀ kɛ̀ brá nyɛ̀n, ɔkɔ̀hɔ̀n-wá-bɔ̀ mán Ɔwɔ-mùan-wú-ankà-dɔ́-bɔ̀! Ɔmuhi ɛgbàn léyi nɛ̀n hán nyɛ̀n nɔn, Ɔwɔ ci nɛ̀n ɛmrɛ̀n hɩ wú!

Ɔwɔ-mɛ̀n-yrikàn 18:24

Babilɔnɛ̀n anmàn de Ɔwɔ-mùan-wú-ankà-dɔ́-bɔ̀ mán Ɔwɔ-fɛcüè-bɔ̀ krɛ̀ cüe, anwrɔn lɔ fɛn léyi ye wri ɛnhi wú nɔn, y'ɛnkrɛ̀.

Ɔwɔ-mɛ̀n-yrikàn 19:20

Yɛ ẅɛn ɔnɔ̀n lɔ, ɔmu zri lɔ yɛ ẅɛn ɛyɔ̀n-wɔ-mùan-wú-ankà-dɔ́-wrɔn léyi hán anvɛmɛ̀n-frɛ́n-ci hɔ̀n lɔ n'ezìwú, ô kɛ̀ zrɛ́n anwrɔn hɔ̀n léyi cɔ́ ɔnɔ̀n lɔ n'ɛnrɛ̀n, kɩ ke cüe nɛ́n picɛ̀ lɔ ankorɛ̀ ezìwúɛ nɔn. Yɛ kɔ́n ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ ankɔrɛkɔrɛ mɛ̀n ku ɛnhyà-ẅì nɛnbà lɔ mɛ̀n.

Ɔwɔ-mɛ̀n-yrikàn 20:4

Zɛtɛn mɛ̀n kán ɛgbú-tòbù hɔ̀n: anwrɔn hɔ̀n léyi yɛ́ yɔ ɛwúɛ nɔn, cɔ́ ɛkɔrɛ̀srɔn yɔ ci ɛmrɛ̀n. Mɛ̀n vru mɛ̀n kán anhɛ́n hɔ̀n léyi ye wri y'ɔmùan-zri-dì annanwɔrɛ ankà léyi Zhezü yé mán Ɔwɔ mùan-ankà-dɔ̀ wú nɔn. Yɔ sɩ̀ cüè ɔnɔ̀n lɔ mán nɛ́n picɛ̀ lɔ ankɔrɛ̀ ezìwúɛ, kɩ yɔ sɩ̀ cɔ̀ ɔnɔ̀n nrɛ̀n lɔ, ezìwú mán ɛmànmɛ̀n. Yɔ vru yɔ vá ɔkɔrɛ-bɔ̀ mɛ̀n kɩ yɔ ẅɛn ɛyri yɔ mán Krisì mɛhi ɛnnanwàn tɛ̀buri.