Ɔwɔ-mɛ̀n-yrikàn 13:14 - Ɛmɛẅi ankà ankrànkràn 2003

¹⁴ Nɛ wá ɛnhi-wú-bɔ̀ ɛzrɛ́n mɛ̀n, n'anvɛmɛ̀n-frɛ́n-ci léyi nɛ hán kpàkpà nɔ̀n lɔ zìwú nɔn. Nɛ dɔ́ yɔ, yɔ hán picɛ̀ tɔ̀n kè dú ɔnɔ̀n lɔ n'ɛmrɛ́n, nɛ́n léyi, eci wri nɛ̀n edù anhà-kɔ́n-nyan she mɛ̀n, kɩ vru kɔrɛ̀ nɔn.

Ɔwɔ-mɛ̀n-yrikàn 13:14 Iomraidhean Croise

2 Tesalonikɛ̀n anmàn-bɔ̀ 2:4

Anbɔrɛ-wrɔn ndɔ lɔ kɛ lɛ kɛ́n eci lɔ fɛn léyi anwrɔn kɛ̀ sɛ̀n hɩ ke bɩ̀ kɛ hán Ɔwɔ nɔn ezì. Ne le tɔhú nɛ̀n kɛ́n eci ndɔ lɔ fɛn ezì, kɩ nɛ lɛ hɔ́n Ɔwɔ-cice-wɔn mɛ̀n nɛ̀n yɛ́, ô nɛ̀n bɩ́ n'edomɛ̀n nɛ̀n srɔ Ɔwɔ.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 13:1

Zɛtɛn mɛ̀n kán ɔnɔ̀n tɔ̀n dú ecüe mɛ̀n srɔ ɛntrɛ. Nɛ̀n ẅɛn ɛtrù ɛvà mán ɛnkru ɔbɔ̀ɛn; kɩ ye merɛ́n n'ɛnkru hɔ̀n lɔ wú Ɔwɔ bɩ́ wora.

Ɔwɔ-mɛ̀n-yrikàn 13:15

Anhyrɛmɛ̀n nɔ̀n lɔ cɔ́ ɛkɔrɛ̀srɔn kɛ̀ hán kpàkpà nɔ̀n picɛ̀ lɔ kɛ̀ dɔ́ ankà, ô kɛ̀ hán ye wri anwrɔn hɔ̀n lɔ fɛn léyi ke sɩ̀ cüe nɛ̀n ankɔrɛ̀ ezìwúɛ nɔn.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 14:11

Ɛnhyà-bri léyi kɛ hán yɔ, yɔ kán ɛgbàn nɔn, kɛ hɔ́n ɛwú ɛnvra lɔ fɛn. Yɔ sɩ̀ ẅɛ̀n ɛwrɔncüe ɛnnyran mán ɛcɛ̀n, anwrɔn hɔ̀n léyi ke cüe ɔnɔ̀n lɔ mán nɛ́n picɛ̀ ankorɛ̀ ezìwú mán ɔwrɔn totɔtɔ̀n léyi kɛ cɔ́ n'ebi lɔ n'ɛnrɛ̀n edòmɛ̀n nɔn.”

Ɔwɔ-mɛ̀n-yrikàn 14:9

Anhɔnmɛ̀n Wɔ-kùyüre-wrɔn tɔ̀n kɛ́n anhyrɛ̀ hɔ̀n lɔ, kɩ kɛ dɔ́ esùva cüìcüìemɛ̀n le: “Ɔwrɔn totɔtɔ̀n léyi ke cüe ɔnɔ̀n lɔ mán nɛ́n pícɛ̀ ankɔrɛ̀ ezìwú, kɩ ɛnrɛ̀n kɛ dɛ́ ezìwú, ɛnvra tɔ̀n hô ɛmànmɛ̀n nɔn,

Ɔwɔ-mɛ̀n-yrikàn 15:2

Zɛtɛn mɛ̀n kán eci cá ecüe léyi ɛmɛ̀n bí hán zɛnci hɔ́, ɛnhyà dú nɛ̀n ɛmɛ̀n. Anwrɔn hɔ̀n lɔ fɛn léyi kɔ́nká ɔnɔ̀n lɔ, nɛ́n picɛ̀ mán eci-krɛ̀ léyi dú n'ebi lɔ wú nɔn, nyɔn ɛwú, ecüe zɛnci ndɔ lɔ wú. Anhɛ́ mràn léyi Ɔwɔ tán yɔ nɔn, dú yɔ antamɛ̀n.

Ɔwɔ-mɛ̀n-yrikàn 16:13

Zɛtɛn mɛ́n kán anhɛ́n gbàngbàn anhɔ̀n, cá angbràn, dú anwàn-lɛ̀brì mùan mɛ̀n srɔ, ɔnɔ̀n lɔ mùan mɛ̀n srɔ, mán ɛyɔ̀n-wɔ-mùan-wú-ankà-dɔ́-wrɔn tɔ̀n mùan mɛ̀n srɔ.

Ɔwɔ-mɛ̀n-yrikàn 16:2

Kpàkpà Wɔ-kùyüre-wrɔn lɔ hɔ̀n kɩ cüe nɛ́n grashɛ̀n lɔ ɛnhi wú. Zɛtɛn ɛcífɔn gbàngbàn hɔ̀n léyi kɛ hán yɛ kán ɛgbàn nɔn, ke ku anwrɔnẅì edòmɛ̀n yɔ léyi ɔnɔ̀n nrɛ̀n dɛ́ yɔ edòmɛ̀n, kɩ kɛ sɛ́n ɔnɔ̀n lɔ nɛ́n picɛ̀ lɔ nɔn.

Ɔwɔ-mɛ̀n-yrikàn 18:23

Kèniɛn hyà ke sɩ̀ vru kán ɛyri mrìmrì v'ebɩ́ lɔ mɛ̀n. Ye sɩ̀ vru yá eyiri-bɔ̀ ɔmùan. V'anhàn-zhrɛ-bɔ̀ ẅɛn vɔ̀nshɛ́ ɛnhibù mumù lɔ fɛn wú, kɩ vɛ́n seke-kɔ̀hɔ̀n-hán mɛ̀n lɔ, ɛ̀ zrɛ́n fɛcüè hɔ̀n lɔ fɛn.”

Ɔwɔ-mɛ̀n-yrikàn 19:20

Yɛ ẅɛn ɔnɔ̀n lɔ, ɔmu zri lɔ yɛ ẅɛn ɛyɔ̀n-wɔ-mùan-wú-ankà-dɔ́-wrɔn léyi hán anvɛmɛ̀n-frɛ́n-ci hɔ̀n lɔ n'ezìwú, ô kɛ̀ zrɛ́n anwrɔn hɔ̀n léyi cɔ́ ɔnɔ̀n lɔ n'ɛnrɛ̀n, kɩ ke cüe nɛ́n picɛ̀ lɔ ankorɛ̀ ezìwúɛ nɔn. Yɛ kɔ́n ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ ankɔrɛkɔrɛ mɛ̀n ku ɛnhyà-ẅì nɛnbà lɔ mɛ̀n.

Ɔwɔ-mɛ̀n-yrikàn 2:10

E bɩ́ sú ɛgbànkàn léyi ɛ lɛ cɔ̀ nɔn. Die nukùɛ: anwawrɔn kɛ lɛ wɔɛn nyɛ̀n nyan, kɩ ny'ɛmɛ̀n lɔ, ne le ku bobrebe anwɔn-mɛ̀n-wá-wɔn mɛ̀n; yɛ lɛ hán nyɛ̀n ɛgbàn ɛbi ɛvà. È di ɔmùan zri hàn kɩ kɛ cɔ́ v'owú vra, kɩ mɛ lɛ tán mɛ́n ɛkɔ̀nkà krusɔn-ci, ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 20:10

Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.