Ɔwɔ-mɛ̀n-yrikàn 13:10 - Ɛmɛẅi ankà ankrànkràn 2003

¹⁰ Ɔwrɔn léyi yɛ wá le ne le dú anwɔn-mɛ̀n-wá-wɔn mɛ̀n nɔn, kɛ zrɔ, nɛ lɛ hɔ́n anwɔn-mɛ̀n-wá-wɔn mɛ̀n; ɔwrɔn léyi yɛ wá le ne le wú anhà-kɔ́n-nyan she mɛ̀n nɔn, kɛ zrɔ, ne le wú anhà-kɔ́n-nyan she mɛ̀n. Nyàn hɩ le kruhú de ke ji le Ɔwɔ fɛcüè kɛ̀ ẅɛn ɛnbɔrɛ kɛ̀ hɛ́n, ô kè dú ankàẅìbùtan-ẅɛn mɛ̀n.”

Ɔwɔ-mɛ̀n-yrikàn 13:10 Iomraidhean Croise

Matie 26:52

Zɛtɛn Zhezü kɛ dɔ́ n'ɛsɛ̀nkɛn-wrɔn lɔ le: “Bɩ v'ɛnyan lɔ hɛ̀n n'ɛhɛ́n-yriɛ, ɔmuhi anwrɔn hɔ̀n léyi ke bɩ́ annyan nɔn, ke le wú annyan mɛ̀n.

Matie 7:2

Ɔmuhi Ɔwɔ mán ke le ci nyɛ̀n ɛmrɛ̀n kɛ lɛ hán ɔmu le nye ci nyɛ́n nyran hɔ̀n ɛmrɛ̀n, kɩ ne le bɩ́ eci zri léyi nye bɩ nyɛ wɔɛ́n ɛci nyɛ tán nyɛ́n nyran hɔ̀n nɔn, nɛ̀n wɔɛ́n ɛci nɛ̀n tán nyɛ̀n.

Lükɛ̀n 21:19

Nyɛ́n ẅɛn nɛ̀n nyɛ́n hɛ́n ɛshishiemɛ̀n: ɔmu lɔ de nye le bɩ́ ny'ɛwúvà hɔ̀n lɔ nyɛ́n die nɔn.”

Kɔlɔsèn anmàn-bɔ̀ 1:11

Bɔ́ sán nɛ̀n, nɛ̀n tán nyɛ̀n ecüì eci lɔ fɛn mɛ̀n n'eci-zrɔ kɔrɛ̀-srɔn lɔ mɛ̀n, ô nyɛ́n ẅɛn ɛnbɔrɛ nyɛ́n hɛ́n eci lɔ fɛn mɛ̀n.

Ebre-bɔ̀ 6:12

Nyɛ́n bɩ́ srɔ ɛjɛ́-bɔ̀, tɛ́n nyɛ́n bɩ́ anwrɔn hɔ̀n léyi kɛ ẅɛn ankaẅìbùtan edùyiemɛ̀n, kɩ kɛ cɔ́ Ɔwɔ mùan-wá ci lɔ nɔn, yɔ sɛnpò.

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.

Ɔwɔ-mɛ̀n-yrikàn 11:18

Ɛnhi wú anmàn hɔ̀n sɩ́ y'edomɛ̀n ɛwú ɛmɛ̀nhyiemɛ̀n, tɛ́n zɛtɛ̀ lɔ, v'ɛmɛ̀nhyì bɩ de ke yé n'edomɛ̀n nɔn, owú-bɔ̀ mrɛ̀nci vra lɔ ncɔa, ɛnvra léyi ɛ lɛ bó, v'eci-bɩ̀tan-bɔ̀, Ɔwɔ-mùan-wú-ankà-dɔ́-bɔ̀ mán yɔ hɔ̀n léyi dú vɛ tɛn, kɩ kɛ wá mɛ́n, ɛcüìcüì mán ɛyriyri, anjakpà nɔn, ncɔa; ɛnvra léyi ke ji le yɛ jrɛ́ anwrɔn hɔ̀n léyi kɛ jrɛ́ ɛnhi nɔn, ncɔa!”

Ɔwɔ-mɛ̀n-yrikàn 14:12

Nyàn hɩ le kruhú de, anwrɔn hɔ̀n léyi dú Ɔwɔ tɛn, kɛ wá n'ɛnyanmàn hɔ̀n lɔ, kɩ ke di ɔmuan zri Zhezü tɛ̀sɛ̀n nɔn, ke ji le yɔ hán ɛnbɔrɛ-ẅɛ̀n-hɛ́n-ci.

Ɔwɔ-mɛ̀n-yrikàn 16:6

Annanwɔrɛ mɛ̀n lɔ anwrɔn hɔ̀n léyi dú vɛtɛn mán v'ɔmùan-wú-ankà-dɔ́-bɔ̀ mɛhi, yɛ hán y'ɛnkrɛ̀ cüe, kɩ zɛtɛ̀ lɔ ɛ̀ tán yɔ ɛnkrɛ̀ yɔ mì. Yɔ cɔ́ eci léyi vɛn yɔ nɔn!”

Ɔwɔ-mɛ̀n-yrikàn 17:11

Ɔnɔ̀n léyi ɛnbiɛhɛ́n dú ankɔrɛkɔrɛ mɛ̀n nɔn, tɛ́n nɛ̀n sɩ̀ vrù dù ɔmu lɔ, nɛ́n dùku mán nɛ̀n dú eẅiriemɛ̀n nɛ̀ncüì tɔ̀n; nɛ́n vru nɛ̀n dú ɛnvra zri lɔ ɛnnɛ̀ncüì ɔbɔ̀ɛn hɔ̀n lɔ ɔtɔ̀n, kɩ nɛ hɔ́n n'ɛzrɛ́n mɛ̀n.

Ɔwɔ-mɛ̀n-yrikàn 17:8

Ɔnɔ̀n léyi ɛ kàn nɔn, ɛnbiɛhɛ́n lɔ nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ankɔrɛkɔrɛ mɛ̀n hàn; ke ji le nɛ̀n dú gbàzrɔ mɛ̀n nɛ̀n srɔ ɛntrɛ, ô nɛ̀n hɔ́n n'ɛzrɛ́n mɛ̀n. Ɛnhi-wú-anmàn-bɔ̀ léyi ɛnhibù krubɔmɛ̀n hàn-hɛ́n ye sɩ̀ mrɛ̀n yɔ bi, kè dù ɔkɔrɛ wrú lɔ mɛ̀n nɔn, ke le dú anvɛmɛ̀n-frɛ́n mɛ̀n ɛnvra léyi yɔ lɛ kán ɔnɔ̀n lɔ nɔn: annanwɔrɛ mɛ̀n lɔ, ɛnbiɛhɛ́n vra lɔ, nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ɔmu lɔa, kɩ ne le vru nɛ̀n srɔ.

Ɔwɔ-mɛ̀n-yrikàn 2:19

Mɛ̀n nyri v'ɔkɔ̀hɔ̀n-hán-kɔ̀hɔ̀n, v'ɛcüɛ̀n, v'ɔmùan-zri-dì, v'edùyì-ci-hán mán v'ɛnbɔrɛ-ẅɛ̀n-hɛ́n-sɛ́. Mɛ̀n vru mɛ̀n nyri ɔmu le zɛtɛ̀ lɔ, è dú edùyiemɛ̀n vrán ɛnkrubɔmɛ̀n lɔ.

Ɔwɔ-mɛ̀n-yrikàn 2:2

Mɛ̀n nyri v'ɔkɔ̀hɔ̀n-hán-kɔ̀hɔ̀n, ɛgbànkàn léyi ɛ̀ tán v'edomɛ̀n mán v'ɛnbɔrɛ-ẅɛ̀n-hɛ́n-sɛ́. Mɛ̀n nyri ɔmu le e sɩ́ cüɛn anbɔrɛ-bɔ̀, anwrɔn hɔ̀n léyi kɛ krɛ́ y'edomɛ̀n ɔkɔ̀hɔ̀n-wá-bɔ̀ nɔn, ɛ̀ wɔɛn yɔ ɛ̀ nyan, tɛ́n yɔ sɩ̀ dù ɔkɔ̀hɔ̀n-wá-bɔ̀ kɩ ɛ cɔ̀ e nyrì le, yɔ dú anhyɔ̀n-bɔ̀.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.

Ɔwɔ-mɛ̀n-yrikàn 3:3

Ankà-yé léyi ɛ cɔ̀ mán ɔmu le ɛ̀ hán ɛ̀ yá nɛ̀n nɔn, è krosi v'edomɛ̀n; è di ɔmùan zri n'ɛtɛ̀sɛ̀n, ô ɛ̀ crɔn v'eci-hán-ci. Ke dú kɛ è sɩ̀ gbɛ́ anvɛ̀, mɛ lɛ và ẅɛn mɛ́n kɛ lɛ hán ɛci-yerɛ-wrɔn hɔ́, kɩ e sɩ̀ nyri ɛnvra léyi mɛ lɛ và nɔn.