Ɔwɔ-mɛ̀n-yrikàn 12:9 - Ɛmɛẅi ankà ankrànkràn 2003

⁹ Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 12:9 Iomraidhean Croise

Matie 13:39

egbri-wrɔn léyi kɛ tɛ́ ɛfi gbàngbàn nɔn, dú anwa-wrɔn; ɛci-küɛ-vra, dú ɛnhibù trɔ vra; kɩ ɛci-küɛ-bɔ̀ dú Ɔwɔ-kùyüre-bɔ̀.

Matie 24:24

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Matie 25:41

Zɛtɛn, ɛnnɛ̀ncüì lɔ kɛ lɛ dɔ́ yɔ hɔ̀n léyi nyɔn nɛ̀n ebrì-kɔrɛ̀a nɔn le: ‘Nyɛ́n sɔ̀n hɔ́n ɛmɛẅi esù-she m'ɛtɛ̀sɛ̀n, Ɔwɔ-ẅiɛ̀-dá-bɔ̀! Nyɛ́n hɔ́n ɛnhyà léyi ke sɩ́ zɛ́n hán, hɩ yɛ hán dú anwa-wrɔn mán n'ɛsɛ̀nkɛn-bɔ̀ tɛn nɔn mɛ̀n!

Matie 4:1

Zɛtɛn Ɔwɔ Hɛ́n kɛ́n Zhezü sɩ́ ɛnnùwì ô nɛ̀n dú ɔwɔɛ̀nnyan mɛ̀n anwa-wrɔn tamɛ̀n.

Matie 4:10

Zɛtɛn Zhezü kɛ dɔ́ nɛ̀n le: “Sɔ̀n hɔ́n ɛmɛẅi, Anwa-wrɔn! Ɔmuhi Owrú Prɔnprɔn kɛ dɔ̀ le: ‘È cüe Ɛẅɛnwrɔn v'Ɔwɔ ankɔ̀rɛ̀ ezìwúɛ, ô ɛ̀ sɛ́n nɛ́n zri kɩ.’ ”

Matie 4:5

Zɛtɛn anwa-wrɔn bɩ́ nɛ̀n hɔ́n Zherüzalɛmɛ̀n anmàn prɔnprɔn, nɛ̀n hɛ́n yi Ɔwɔ-cice-wɔn lɔ wú

Matie 4:8

Anwa-wrɔn vru bɩ́ nɛ̀n hɔ́n ɛnkpò vri tɔ̀n wú, yé nɛ̀n ɛnhibù wú nɛ̀ncüì-di-ci hɔ̀n lɔ fɛn mán y'ɛgbrɛ́n,

Lükɛ̀n 10:18

Kɩ Zhezü kɛ dɔ́ yɔ le: “Mɛ̀n kán anwa-wrɔn dú anhobɩ́ bore hán anhobɩ́ léyi kɛ kɛ́n ɛnhyà nɔn hɔ́.

Lükɛ̀n 13:16

Kɩ ɛnnyɔnwrɔn ndɔ léyi, dú Abrahamɛ̀n mɛẅi wrɔn, hɩ anwa-wrɔn kɔra hɛ́n ɛnnanwàn kru ɛvà eẅirì nɔn, kè sɩ̀ zrɔ tán le, yɛ kɔrɛ nɛ̀n ɛnyanmán-bì lɔa?”

Lükɛ̀n 22:3

Zɛtɛn, anwa-wrɔn bru Zhüda léyi ye bi Iskariɔtɛ̀n nɔn ɛnbɔrɛ mɛ̀n, nɛ́n léyi nɛ̀n dú Zhezü sɛnkɛn-bɔ̀ lɔ ɔtɔn nɔn.

Lükɛ̀n 22:31

“Simɔn, Simɔn! E die nukùɛ: anwa-wrɔn sán, ô yɛ jɔ̀kɔ nyɛ̀n kɛ hán ɔmu le yɛ kua saka-ẅì yɛ jrɔ́ ɛci ɛmɛ̀n nɔn.

Lükɛ̀n 8:12

Anwrɔn ndɔ hɔ̀n dú cá ɛnlevri mùan léyi antɛ̀-ẅì ke cüe nɔn: yɔ yá ankà lɔ, tɛ́n anwa-wrɔn kɛ và ke bɩ́ ankà-dɔ̀ lɔ kɛ sɔhɔ́ y'ɛnbɔrɛmɛ̀n, ô yɔ bɩ́ bú tán ankàẅì, ô yɔ bɩ́ cɔ́ ɛnkrukɔrɛ̀.

Zhan 12:31

Zɛtɛ̀ lɔ ɛnvra ndɔ lɔ mɛ̀n, de ye le ci ɛnhibù ɛmrɛ̀n nɔn; zɛtɛ̀ lɔ de yɛ lɛ wrɔ́ ɛnhibù ndɔ lɔ n'ɛnnɛncüì lɔ nɔn.

Zhan 14:30

Nyɛ́n mɛhi bɔ́ sɩ̀ vru dɔ́ ankà bobrebe, ɔmuhi ɛhibù wú nɛncüì lɔ kɛ và nɔn. Nɛ̀n sɩ̀ ẅɛn ɛkɔrɛ̀srɔn zriɛmɛ́n m'ɛwú,

Zhan 16:11

yɔ zɛ́n ɛmrɛ̀n-cì-ankà wú, ɔmuhi yɔ gɔ́ ci ɛnhibù wú nɛ̀ncüì lɔ ɛmrɛ̀n hàn nɔn.”

Zhan 8:44

Nyɛ́n zi dú anwawrɔn kɩ nye ji nyɛ́n hán eci léyi nyɛ́n zi anwawrɔn ke ji nɔn. Nɛ̀n dú ɔwrɔn wri-wrɔn ɛnkrubɔmɛ̀n hán hɛ́n. Ɛnbi zriɛmɛ́n nɛ vá nyɔn annanwɔrɛ ankà mɛ̀n, ɔmuhi annanwɔrɛ bada nɛ̀n ɛmɛ̀n nɔn. Ɛnvra léyi nɛ dɔ́ ɛyɔ̀n ankà, nɛ dɔ́ yi kɛ hán n'edù-ci hɔ́, ɔmuhi nɛ́n dú ɛyɔ̀n wrɔn mán ɛyɔ̀n nɛ́n zi nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Ɔkɔ̀hɔ̀n-wá-bɔ̀ kɔ̀hɔ̀n hán 5:3

Zɛtɛn Piɛrɛ̀n kɛ dɔ́ nɛ̀n le: “Ananiasɛ̀n, cɛci kruhú kɛ anwa-wrɔn cɔ́ ɛyri di v'ɛnbɔrɛ lɔ ɛkɔrɛ̀ ɛwúɛ? Ɛ̀ ẅɛn ɔyɔ̀n ɛ̀ tán Ɛhɛ́n Prɔnprɔn kɩ ɛkɛ̀tɛ̀ kùa lɔ è bɩ́ ɛcá ɛ̀ hɛ́n.

Rɔmɛ̀n-anmàn-bɔ̀ 16:18

ɔmuhi anwrɔn ɔmu hɔ̀n lɔ kè sɩ̀ dù Krisì, bɔ́ Ɛẅɛnwrɔn ci-bɩ̀tan-bɔ̀, tɛ́n yɔ dú yɔ dùku y'ɛmɛ̀ntɛ̀ ci-bɩ̀tan-bɔ̀! Y'anmuan mɛ̀n mrɛnmrɛn mán y'ɛfrɛ́n ankà-dɔ̀, kɛ hán yɔ, yɔ frɛ́n ɛnhyɔ̀bɔ̀-di-bɔ̀.

Rɔmɛ̀n-anmàn-bɔ̀ 16:20

Ɔwɔ, léyi dú anwɔwɔ shi-bɛ́ nɔn, kɛ lɛ boyɛ anwawrɔn wá ɛnvra buriemɛ̀n ny'annantrɛ̀ krugbɛ̀n. Ke ji le bɔ́ Ɛẅɛnwrɔn Zhezü boafɔ̀n lɔ kɛ và dú nyɛ̀n ɛmɛ̀n!

2 Korɛntɛ̀n anmàn-bɔ̀ 11:14

Ɛnu lɔ anvɛmɛ̀n-frɛ́n-ci zriɛmɛ́n bàdà nɛ̀n ɛmɛ̀n, ɔmuhi Anwa-wrɔn dùku mán kɛ srɔ n'edòmɛ̀n ɛyri-kán Wɔ-kùyüre-wrɔn nɔn.

2 Korɛntɛ̀n anmàn-bɔ̀ 11:3

Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.

2 Korɛntɛ̀n anmàn-bɔ̀ 12:7

Tɛ́n, ô tùtre ke bɩ́ yí mɛ̀n edomɛ̀n ankà-bán-ankà-yé léyi mɛ́n cɔ̀ nɔn wú, yɛ tán mɛ̀n ɛgbànkàn vri m'edùwrú-ẅia mɛ̀n hán le Anwa-wrɔn mɛẅi ankà-dɔ́-wrɔn tɔ̀n léyi yɛ wá tán ke gorɛ mɛ̀n, ô ke bɩ́ tán mɛ̀n tùtre ci-hán.

2 Korɛntɛ̀n anmàn-bɔ̀ 2:11

ô bɔ́ bí teze Anwa-wrɔn kɔrɛ̀ kɛ dɛ́ bɔ̀ ɛwúɛ; annanwɔrɛ mɛ̀n lɔ, bɔ̀ nyri n'ankà-tro hɔ̀n lɔ fɛn.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Efɛzɛ̀n anmàn-bɔ̀ 4:14

Zɛtɛn, bɔ́ sɩ̀ vru dú ɛẅì hɔ̀n léyi Ɔwɔ ankà-dɔ̀ nyàntɛn hɔ̀n dɔ̀nwrɔ̀n kɛ kɛ́n sɩ́ ɛzɛnmɛ̀n, kɩ ɛfrɛ́n-bɔ̀ kɛ wán sɩ́ ɛzrɛ́n levri wú nɔn.

2 Tesalonikɛ̀n anmàn-bɔ̀ 2:3

Eci zriɛmɛ́n mán mɛ̀n, nyɛ́n bɩ́ teze ɔwrɔn zriɛmɛ́n kɛ frɛ́n nyɛ̀n. Ɔmuhi ɛnbì ndɔ lɔ ke sɩ̀ và ke dú kɛ Ɛmɛẅitrɔ zìkɛ̀n ankà lɔ mán anbɔrɛ ci-hán-wrɔn kɛ vá srɔ, nɛ́n léyi nɛ́n dú ɛjrɛ́ tɛn nɔn.

Kpàkpà timote 2:14

Kɩ kè sɩ̀ dù Adamɛ̀n de kè tezè n'edomɛ̀n anwawrɔn kɛ̀ frɛ́n nɛ̀n, tɛ́n Ɛvɛ̀n léyi dú ɛnnyɔnwrɔn nɔn, de bru ɛfrɛ́n ankà mɛ̀n, kɩ fɔndɔ́n Ɔwɔ nyanmàn.

Anhyrɛmɛ̀n timote 3:13

Tɛ́n anbɔrɛ-bɔ̀ mán anhyɔ̀n-bɔ̀ kɛ lɛ hɔ́n esù she y'eci-gbàngbàn hán mɛ̀n, yɔ lɛ frɛ́n anwrɔn ndɔ hɔ̀n kɩ yɔ mán yɔ lɛ frɛ́n yɔ.

Ebre-bɔ̀ 2:14

Ɔmuhi ɛẅì ndɔ hɔ̀n lɔ fɛn dú anẅia mán ɛnkrɛ̀ ci nɔn, Zhezü dùku mán ndù hán yɔ hɔ́, nɛ́n mán nɛ̀n dú y'ɔwrɔnẅì wúvà lɔ mɛ̀n. Ɔmu lɔ de n'owù lɔ mɛ̀n, anwawrɔn léyi ẅɛn owú kɔrɛ̀srɔn lɔ hɛ́n nɔn, nɛ̀n bɔyɛ yi nɛ̀n wá,

1 Piɛrɛ̀n 5:8

Anvɛ̀ kè kpri nyɛ̀n, anvɛmɛ̀n kè bi nyɛ̀n! Ɔmuhi ny'egbriwrɔn anwawrɔn, kɛ gbrɛnkɛn ɔmùan kɛ hán gɔ̀ngɔ̀sɔvɛ̀ léyi esùvamɛ̀n ke shrì ke ji ɔwrɔn tɔ̀n kɛ̀ rá nɔn.

1 Zhan 5:19

Bɔ̀ nyri ɔmu le bɔ̀ dú Ɔwɔ tɛn, kɩ ɛnhibù mumù dú eci gbangbàn-hán-wrɔn kɔrɛ̀srɔn wú.

Zhüdɛ̀n 1:9

Ɔwɔ kùyüre-bɔ̀ wrɔn cüìcüì, Mishɛlɛ̀n mán kè sɩ̀ hán eci ndɔ lɔ. N'ɛdrɛ̀ hán mɛ̀n, nɛ́n mán anwawrɔn mɛhi, ɛnvra léyi yi mɛhi yɔ wrɔ́n Mohizì dùwru lɔ nɔn, Mishɛlɛ̀n kè sɩ̀ dá nɛ̀n ɔwɔra ẅiɛ̀-dà; nɛ̀n dɔ́ yi le: “Ke ji le Ɛẅɛnwrɔn kɛ̀ hán mɛ́n ɛgbàn!”

Ɔwɔ-mɛ̀n-yrikàn 12:12

Hɩ le kruhú de nyɛ́n, anhobɩ́-anmàn-bɔ̀ pɔpüɛ̀ kɛ̀ brá nyɛ̀n! Tɛ́n, ɛnhi mán ecüe, muzhie dú nyɛ tɛn! Anwawrɔn dú ɛwú kakɛ nyɛ̀n ɛmɛ̀n, ɛgbàn-dì yɩ́ ɛnbɔrɛmɛ̀n, ɔmuhi nɛ̀n nyri ɔmu le ɛnvra kè sɩ̀ vrù gbɔ́ nɛ̀n hàn nɔn.”

Ɔwɔ-mɛ̀n-yrikàn 12:3

Eci-woroanci nyàntɛn tɔ̀n srɔ anhobɩ́: anwàn-lɛ̀brì wɔnsɛn vri tɔ̀n di ɛnkru ɔbɔ̀ɛn kɩ ɛtrù ɛvà mán ɛnkrusɔn-ci dú n'ɛnkru hɔ̀n ɔbɔ̀ɛn lɔ wú.

Ɔwɔ-mɛ̀n-yrikàn 12:7

Zɛtɛn, anhà-kɔ̀n tɔ̀n bukru anhobɩ́. Mishɛlɛ̀n mán n'ɛkùyüre-bɔ̀ mɛhi kɔ́n anwàn-lɛ̀brì lɔ anhà, kɩ anwàn-lɛ̀brì mán n'ɛkùyüre-bɔ̀ mɛhi bɩ́ ejì cɔ́ yɔ.

Ɔwɔ-mɛ̀n-yrikàn 12:8

Tɛ́n anwàn-lɛ̀bri anhà nkà, kɩ nɛ́n mán n'ɛkuyüre-bɔ̀ mɛhi yɔ sɩ̀ vrù cɔ̀ ɛyri anhobɩ́ yɔ yɛ̀a.

Ɔwɔ-mɛ̀n-yrikàn 13:14

Nɛ wá ɛnhi-wú-bɔ̀ ɛzrɛ́n mɛ̀n, n'anvɛmɛ̀n-frɛ́n-ci léyi nɛ hán kpàkpà nɔ̀n lɔ zìwú nɔn. Nɛ dɔ́ yɔ, yɔ hán picɛ̀ tɔ̀n kè dú ɔnɔ̀n lɔ n'ɛmrɛ́n, nɛ́n léyi, eci wri nɛ̀n edù anhà-kɔ́n-nyan she mɛ̀n, kɩ vru kɔrɛ̀ nɔn.

Ɔwɔ-mɛ̀n-yrikàn 16:14

Yɔ dú anwa-bɔ̀ hɛ́n hɔ̀n léyi kɛ hán anvɛmɛ̀n frɛ́n-ci nɔn. Yɔ hɔ́n ɛnhi mumù lɔ fɛn nɛ̀ncüì hɔ̀n tɛsɛ̀n, ô yɛ bɔrɛ yɔ ɛkru ɛkɔrɛ̀srɔn-Wɔ lɔ n'anhà-kɔ́n bì vri lɔ mɛ̀n.

Ɔwɔ-mɛ̀n-yrikàn 18:2

Ne di bobo ecüiemɛ̀n: “Nɛ̀n bore, nɛ̀n bore Babilɔnɛ̀n cüìcüì lɔ! Zɛtɛ̀ lɔ nɛ̀n srɔ anwa-bɔ̀ dúyri, ɛbán-yri léyi dú anhɛ́n gbàngbàn hɔ̀n mɛ̀ntɛ mɛ̀ntɛ lɔ fɛn tɛn nɔn; nanvrɛn de annrɛn hɔ̀n mán nbrá mɛ̀n nɔ̀n hɔ̀n mɛ̀ntɛ mɛ̀ntɛ léyi kɛ cà nɔn, sɔ́n ebɩ́.

Ɔwɔ-mɛ̀n-yrikàn 18:23

Kèniɛn hyà ke sɩ̀ vru kán ɛyri mrìmrì v'ebɩ́ lɔ mɛ̀n. Ye sɩ̀ vru yá eyiri-bɔ̀ ɔmùan. V'anhàn-zhrɛ-bɔ̀ ẅɛn vɔ̀nshɛ́ ɛnhibù mumù lɔ fɛn wú, kɩ vɛ́n seke-kɔ̀hɔ̀n-hán mɛ̀n lɔ, ɛ̀ zrɛ́n fɛcüè hɔ̀n lɔ fɛn.”

Ɔwɔ-mɛ̀n-yrikàn 19:20

Yɛ ẅɛn ɔnɔ̀n lɔ, ɔmu zri lɔ yɛ ẅɛn ɛyɔ̀n-wɔ-mùan-wú-ankà-dɔ́-wrɔn léyi hán anvɛmɛ̀n-frɛ́n-ci hɔ̀n lɔ n'ezìwú, ô kɛ̀ zrɛ́n anwrɔn hɔ̀n léyi cɔ́ ɔnɔ̀n lɔ n'ɛnrɛ̀n, kɩ ke cüe nɛ́n picɛ̀ lɔ ankorɛ̀ ezìwúɛ nɔn. Yɛ kɔ́n ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ ankɔrɛkɔrɛ mɛ̀n ku ɛnhyà-ẅì nɛnbà lɔ mɛ̀n.

Ɔwɔ-mɛ̀n-yrikàn 2:13

Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.

Ɔwɔ-mɛ̀n-yrikàn 2:24

Tɛ́n nyɛ́n léyi, Tiatirɛ̀n anmàn lɔ, nyɛ́n sɩ̀ bɩ ɛyɔ̀n wɔ ankà ndɔ lɔ, kɩ nyɛ́n sɩ̀ shrì nyɛ́n bɩ eci léyi anwrɔn ke bi ‘Anwawrɔn ankà-bán-ankà vrɛn hɔ̀n’, nyàn ankà léyi mɛ dɔ̀ nɔn: mɛ́n sɩ̀ tán nyɛ̀n ɛnlowrú nyàntɛn.

Ɔwɔ-mɛ̀n-yrikàn 2:9

Mɛ̀n nyri v'ejüedì mán v'ɛmiàn; tɛ́n annanwɔrɛ mɛ̀n lɔ, è di ɛnnɛ̀ncüì! Mɛ̀n nyri ankà gbàn léyi anwrɔn hɔ̀n léyi ke bú y'edomɛ̀n kɛ hán Zhüifɛ̀n-bɔ̀ hɔ́ hɩ kɛ dɔ́ tán mɛ́n nɔn, tɛ́n yɔ sɩ̀ dù Zhüifɛ̀n-bɔ̀: yɔ dú Anwa-wrɔn-fɛcüè tɔ̀n!

Ɔwɔ-mɛ̀n-yrikàn 20:10

Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.

Ɔwɔ-mɛ̀n-yrikàn 20:8

kɩ nɛ lɛ hɔ̀n nɛ̀n frɛ́n ɛnhi-wú-anmàn hɔ̀n léyi bonyi ɛnhibù mumù lɔ fɛn wú, hɩ mɛ̀n kɛ dɔ̀ le, ɛnhi-wú-anmàn hɔ̀n léyi ke gbri Ɔwɔ-fɛcüè-bɔ̀ nɔn. Nɛ lɛ borɛ yɔ ɛkru, ô yɛ kɔ́n anhà, kɩ yɔ lɛ cüɛn bobrebe kɛ lɛ hán ecüe gbàta-mùan hiẅia hɔ́.

Ɔwɔ-mɛ̀n-yrikàn 3:9

Nyàn eci léyi mɛ lɛ hán Anwa-wrɔn fɛcüè-bɔ̀ cüìcüì, anhyɔ̀n-bɔ̀ ndɔ hɔ̀n léyi ke bú y'edomɛ̀n kɛ hán Zhüifɛ̀n-bɔ̀, tɛ́n yɔ sɩ̀ dù Zhüifɛ̀n-bɔ̀: mɛ lɛ ẅɛn yɔ kèkrèmɛ̀n yɔ lɛ và shɛ́n mɛ́n annankru zìwú, ô yɔ mrɛ́n mɛ́n. Yɔ le nyri ɔmu le mɛ cüɛn mɛ́n.

Ɔwɔ-mɛ̀n-yrikàn 9:1

Zɛtɛn ɛnríemɛ̀n Wɔ-kùyüre-wrɔn mú ɛbrɛ̀n. Mɛ̀n kán ɔkùcànkrò tɔ̀n dú anhobɩ́ bore ɛnhi wú; yɛ tán nɛ̀n ovru léyi n'ɛvrɛn kè sɩ̀ ẅɛ̀n ɛnkrutrɔ nɔn nɛ́n safɛ̀.

Ɔwɔ-mɛ̀n-yrikàn 9:20

Anwrɔnẅì léyi wɔrɔ dú ɛnhibù wú nɔn, yɔ lɔ fɛn léyi ɛgbán-hán-ci ndɔ hɔ̀n lɔ, kè sɩ̀ wrì yɔ nɔn, yɔ sɩ̀ crɛ̀ ejüì yɔ sɔ̀n antɛ̀buri-wɔ léyi yɔ dùku yɔ bɩ́ y'ɛmàn, yɔ hán nɔn; yɔ dú anwa-bɔ̀ sɛ́n mɛ̀n mán ansíkɛ, ɔkùa, pritù, obù mán antɛ̀buri hɔ̀n léyi ke sɩ́ kán ɛyri rɔ́a, ke sɩ́ yá ankà rɔ́a, ke sɩ́ nán esù rɔ́a nɔn, y'ɛsɛ́n mɛ̀n.