Ɔwɔ-mɛ̀n-yrikàn 12:7 - Ɛmɛẅi ankà ankrànkràn 2003

⁷ Zɛtɛn, anhà-kɔ̀n tɔ̀n bukru anhobɩ́. Mishɛlɛ̀n mán n'ɛkùyüre-bɔ̀ mɛhi kɔ́n anwàn-lɛ̀brì lɔ anhà, kɩ anwàn-lɛ̀brì mán n'ɛkùyüre-bɔ̀ mɛhi bɩ́ ejì cɔ́ yɔ.

Ɔwɔ-mɛ̀n-yrikàn 12:7 Iomraidhean Croise

Matie 13:41

Ɔwrɔnẅì Ẅì kɛ lɛ wá n'ɛkùyüre-bɔ̀ ɔkɔ̀hɔ̀n, yɔ lɛ mrɛ́n anwrɔn hɔ̀n lɔ fɛn léyi kɛ hán yɔ muan-ẅì hɔ̀n ke bru ɛgbàn mɛ̀n, hɩ kɛ zrɛ́n y'ankàẅì-bùtan lɔ nɔn, kɛ̀ sɔhɔ́ n'edúyri,

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Matie 24:31

Ɛbrɛ̀n vri lɔ ke le di nkù kɩ nɛ lɛ wá n'ɛkùyüre-bɔ̀ ɔkɔ̀hɔ̀n ɛnhibù kpɔsɔ d'anzɔ̀ lɔ wú; yɔ lɛ borɛ anwrɔn hɔ̀n léyi nɛ̀n mrɛ́n nɛ́n bɩ, ezì mán ɛmɛẅi nɔn ɛkru.”

Matie 25:41

Zɛtɛn, ɛnnɛ̀ncüì lɔ kɛ lɛ dɔ́ yɔ hɔ̀n léyi nyɔn nɛ̀n ebrì-kɔrɛ̀a nɔn le: ‘Nyɛ́n sɔ̀n hɔ́n ɛmɛẅi esù-she m'ɛtɛ̀sɛ̀n, Ɔwɔ-ẅiɛ̀-dá-bɔ̀! Nyɛ́n hɔ́n ɛnhyà léyi ke sɩ́ zɛ́n hán, hɩ yɛ hán dú anwa-wrɔn mán n'ɛsɛ̀nkɛn-bɔ̀ tɛn nɔn mɛ̀n!

Matie 26:53

È sɩ̀ nyrì ɔmu le me le bi Dade tɛ̀, ô kɛ̀ wá mɛ̀n ɛkɔrɛ̀ kɩ kpatakpata lɔ ne le yüre mɛ̀n Ɔwɔ-kùyüre-bɔ̀ anhà-kɔ́n fɛcüè, ke le wi ɛvà-anhyrɛ̀ hà?

2 Korɛntɛ̀n anmàn-bɔ̀ 12:7

Tɛ́n, ô tùtre ke bɩ́ yí mɛ̀n edomɛ̀n ankà-bán-ankà-yé léyi mɛ́n cɔ̀ nɔn wú, yɛ tán mɛ̀n ɛgbànkàn vri m'edùwrú-ẅia mɛ̀n hán le Anwa-wrɔn mɛẅi ankà-dɔ́-wrɔn tɔ̀n léyi yɛ wá tán ke gorɛ mɛ̀n, ô ke bɩ́ tán mɛ̀n tùtre ci-hán.

Efɛzɛ̀n anmàn-bɔ̀ 6:12

Ɔmuhi bɔ́ mán anwrɔnẅì mɛhi bɔ̀ sɩ̀ ẅɛ̀n anhà-kɔ̀n, tɛ́n bɔ́ mán ɛkɔrɛ̀-srɔn hɛ́n gbàngbàn hɔ̀n léyi dú anhobɩ́ anmàn nɔn, ɛkɔrɛ̀levri-bɔ̀ mán anwrɔn-ẅɛn-bɔ̀ léyi dú ɛnhibù yɔwɔ ndɔ lɔ wú nɔn de yɔ mɛhi bɔ̀ ẅɛn anhàkɔ̀n nɔn.

2 Tesalonikɛ̀n anmàn-bɔ̀ 1:7

kɩ nɛ lɛ tán nyɛ̀n anwɔwɔ, nyɛ́n léyi nyɛ kán ɛgbàn mán bɔ́ mɛhi. Ndɔ lɔ kɛ lɛ wɔɛ̀n ɛnvra léyi Ɛẅɛnwrɔn Zhezü ke le dú anhobɩ́ kɛ̀ srɔ nɛ́n mán n'ɛkɔrɛ̀-srɔn wɔ-kùyüre-bɔ̀ mɛhi;

Ebre-bɔ̀ 2:10

Annanwɔrɛ mɛ̀n lɔ, zrɔ tán le Ɔwɔ léyi hán kɩ ẅɛn eci lɔ fɛn nɔn, kè sɩ́ Zhezü ɛwú, nɛ̀n zrɔ kokrohoo ɛgbànkàn wanzi, ô kɛ̀ hán tán nɛ̀n bɩ́ ɛẅì bobrebe kè dú n'eci-zrɔ lɔ mɛ̀n. Ɔmuhi Zhezü dú ɔwrɔn léyi kɛ nyrɔn yɔ sɩ́ ɛnkrukɔrɛ̀ mɛ̀n nɔn.

2 Piɛrɛ̀n 2:4

Annanwɔrɛ mɛ̀n lɔ, Ɔwɔ ke sɩ̀ mrɛ̀n ɛkùyüre-wrɔn gbàngbàn zriɛmɛ́n ke teze hɛ̀, tɛ́n nɛ̀n kɔ́n yɔ lɛ fɛn nɛ̀n ku ɛnhyà vriemɛ̀n, nanvrɛn de yɛ tɔ́n yɔ gbràka mɛ̀n, ɛyri yɔwɔ mɛ̀n, yɔ vrá ɛmrɛ̀nci bì lɔ.

Zhüdɛ̀n 1:9

Ɔwɔ kùyüre-bɔ̀ wrɔn cüìcüì, Mishɛlɛ̀n mán kè sɩ̀ hán eci ndɔ lɔ. N'ɛdrɛ̀ hán mɛ̀n, nɛ́n mán anwawrɔn mɛhi, ɛnvra léyi yi mɛhi yɔ wrɔ́n Mohizì dùwru lɔ nɔn, Mishɛlɛ̀n kè sɩ̀ dá nɛ̀n ɔwɔra ẅiɛ̀-dà; nɛ̀n dɔ́ yi le: “Ke ji le Ɛẅɛnwrɔn kɛ̀ hán mɛ́n ɛgbàn!”

Ɔwɔ-mɛ̀n-yrikàn 12:8

Tɛ́n anwàn-lɛ̀bri anhà nkà, kɩ nɛ́n mán n'ɛkuyüre-bɔ̀ mɛhi yɔ sɩ̀ vrù cɔ̀ ɛyri anhobɩ́ yɔ yɛ̀a.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 13:7

Yɛ tán ɛkɔrɛ̀levri nɛ̀n kɔ́n Ɔwɔ-fɛcüè anhà, ô nɛ̀n kɔ̀nkà; nɛ̀n cɔ́ ɛkɔrɛ̀srɔn ɛmɛ̀n lɔ fɛn wú, fɛcüè lɔ fɛn wú, ɛnbrɛ̀ lɔ fɛn wú mán ɛnhi wú anmàn lɔ fɛn wú.

Ɔwɔ-mɛ̀n-yrikàn 20:2

Nɛ̀n ẅɛn anwàn lɛbrì lɔ, ɛnbiɛhɛ́n lɛbrì, hɩ mɛ̀n kɛ dɔ̀ le anwawrɔn léyi ye bi Satan nɔn, kɩ nɛ̀n tɔ́n yi gbràka mɛ̀n kɛ̀ dì ɛnnanwàn tɛ̀buri.