Ɔwɔ-mɛ̀n-yrikàn 12:6 - Ɛmɛẅi ankà ankrànkràn 2003

⁶ Ɛnnyɔnwrɔn lɔ tɛn, srɛ́ hɔ́n ɛnnùwì, ɛyri léyi Ɔwɔ hán ɛyri hɛ́n nɛ̀n, ô nɛ̀n zî ɛci ɛbi tɛ̀buri kru zri mán ɛẅì ɛkoẅi ɛvà anhɔ̀n nɔn.

Ɔwɔ-mɛ̀n-yrikàn 12:6 Iomraidhean Croise

Matie 4:11

Ɛnvra zri ndɔ lɔ mɛ̀n, anwa-wrɔn teze nɛ̀n. Zɛtɛn Ɔwɔ-kùyüre-bɔ̀ vá Zhezü ɛtɛ̀sɛ̀n kɩ wá nɛ̀n esùva.

Ɔwɔ-mɛ̀n-yrikàn 12:14

Tɛ́n gbohò vri tɔ̀n tán nɛ̀n n'ɛtùvàkɔrɛ̀ anhyrɛ̀ lɔ, ô nɛ̀n hɔ́n ɛyri léyi yɛ hán yɛ hɛ́n nɛ̀n ɛnnùwì, ô nɛ̀n zî ɛci ɛnnanwàn kru anhɔ̀n mán ɛcá, nɛ̀n dú ɛbanmɛ̀n, ô ɛnlɛ̀brì lɔ ke bɩ́ cɔ̀ nɛ̀n eci zriɛmɛ́n hán yri.

Ɔwɔ-mɛ̀n-yrikàn 12:4

Nɛ̀n bɩ́ n'ɛẅiè lɔ nɛ́n tàka anhobɩ́ kùcànkrò hɔ̀n lɔ y'anhɔ́nmɛ̀n cá nɛ̀n cüe ɛnhi wú. Nɛ̀n nyɔn ɛnnyɔnwrɔn léyi kɛ vá ɛnẅì-bî-yri nɔn ezìwúɛ, ô ɛnvra léyi ne bî ɛnẅì lɔ nɔn, nɛ̀n ẅɛn ɛnẅì lɔ nɛ̀n rá.

Ɔwɔ-mɛ̀n-yrikàn 13:5

Yɛ tán ɔnɔn lɔ ɛkɔrɛ̀levri kɛ dɔ́ ɔwora ankà gbàngbàn kɛ̀ tán Ɔwɔ; nɛ̀n cɔ́ ɛkɔrɛ̀srɔn, ô nɛ̀n hán eci okù ɛkoẅi anhyrɛ̀ mán ɛẅì anhyrɛ̀.

Ɔwɔ-mɛ̀n-yrikàn 17:3

Ɛnhɛ́n bru mɛ̀n edù kɩ Ɔwɔ-kùyüre-wrɔn lɔ bɩ́ mɛ̀n sɩ́ ɛnnùwì tɔ̀n wú. Nanvrɛn lɔ, mɛ̀n kán ɛnnyɔnwrɔn tɔ̀n yɛ́ ɔnɔ̀n wɔnsɛn vàà tɔ̀n wú, n'edomɛ̀n lɔ ye merɛ́n Ɔwɔ bɩ́ wora bobrebe; ɔnɔ̀n ndɔ lɔ di ɛnkru ɔbɔ̀ɛn mán ɛtrù ɛvà.