Ɔwɔ-mɛ̀n-yrikàn 12:3 - Ɛmɛẅi ankà ankrànkràn 2003

³ Eci-woroanci nyàntɛn tɔ̀n srɔ anhobɩ́: anwàn-lɛ̀brì wɔnsɛn vri tɔ̀n di ɛnkru ɔbɔ̀ɛn kɩ ɛtrù ɛvà mán ɛnkrusɔn-ci dú n'ɛnkru hɔ̀n ɔbɔ̀ɛn lɔ wú.

Ɔwɔ-mɛ̀n-yrikàn 12:3 Iomraidhean Croise

Ɔwɔ-mɛ̀n-yrikàn 12:1

Eci-woroanci cüìcüì tɔ̀n srɔ anhobɩ́: ɛnnyɔnwrɔn tɔ̀n léyi ẅɛn ɛnbri-ci edòmɛ̀n, okù dú nɛ̀n annantrɛ krùgbɛ̀n kɩ okùcànkrò ɛvà-anhyrɛ̀ krusɔn-ci dú nɛ̀n ɛnkru.

Ɔwɔ-mɛ̀n-yrikàn 12:13

Ɛnvra léyi anwàn-lɛ̀brì lɔ ncɔ̀ nnyrì le yɛ kɔ́n nɛ̀n ze ɛnhi wú nɔn, nɛ̀n bukru nɛ kɛ́n ɛnnyɔnwrɔn léyi bî ɛnẅì nɔn ɛsɛ̀n.

Ɔwɔ-mɛ̀n-yrikàn 12:17

Ɛmɛ̀nhyì léyi nɛ̀n ẅɛn ɛnnyɔnwrɔn lɔ wú nɔn, wá tán nɛ̀n nɛ̀n hɔ̀n kɔ́n ɛnnyɔnwrɔn lɔ n'ɛmɛẅi-bɔ̀ anhà, yɔ léyi yɔ wá Ɔwɔ nyanmàn kɩ yɔ di ɔmùan zri Zhezü annanwɔrɛ ankà léyi yé nɔn hɩ wú.

Ɔwɔ-mɛ̀n-yrikàn 12:4

Nɛ̀n bɩ́ n'ɛẅiè lɔ nɛ́n tàka anhobɩ́ kùcànkrò hɔ̀n lɔ y'anhɔ́nmɛ̀n cá nɛ̀n cüe ɛnhi wú. Nɛ̀n nyɔn ɛnnyɔnwrɔn léyi kɛ vá ɛnẅì-bî-yri nɔn ezìwúɛ, ô ɛnvra léyi ne bî ɛnẅì lɔ nɔn, nɛ̀n ẅɛn ɛnẅì lɔ nɛ̀n rá.

Ɔwɔ-mɛ̀n-yrikàn 12:7

Zɛtɛn, anhà-kɔ̀n tɔ̀n bukru anhobɩ́. Mishɛlɛ̀n mán n'ɛkùyüre-bɔ̀ mɛhi kɔ́n anwàn-lɛ̀brì lɔ anhà, kɩ anwàn-lɛ̀brì mán n'ɛkùyüre-bɔ̀ mɛhi bɩ́ ejì cɔ́ yɔ.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 13:1

Zɛtɛn mɛ̀n kán ɔnɔ̀n tɔ̀n dú ecüe mɛ̀n srɔ ɛntrɛ. Nɛ̀n ẅɛn ɛtrù ɛvà mán ɛnkru ɔbɔ̀ɛn; kɩ ye merɛ́n n'ɛnkru hɔ̀n lɔ wú Ɔwɔ bɩ́ wora.

Ɔwɔ-mɛ̀n-yrikàn 13:2

Ɔnɔn léyi mɛ́n kàn nɔn cá ɛkuan-lɛ̀tù, n'annan ndù hán anwɔ-lɛ̀tù, kɩ n'ɔmùan kɛ cá gɔ̀ngɔ̀nsɔvɛ̀ hɔ́. Anwàn-lɛ̀brì lɔ wá nɛ̀n n'ɛkɔrɛ̀srɔn, n'ɛgbú-tòbù mán ɛkɔrɛ̀srɔn vri tɔ̀n antamɛ̀n.

Ɔwɔ-mɛ̀n-yrikàn 13:4

Anwrɔn lɔ fɛn bukru ke cüe anwàn-lɛ̀bri lɔ ankɔrɛ̀ ezìwú, ɔmuhi nɛ̀n tán ɔnɔ̀n lɔ ɛkɔrɛ̀srɔn nɔn. Yɔ lɛ fɛn, ɔmu zri lɔ mán de yɔ cüe ɔnɔ̀n lɔ ankɔrɛ̀ ezìwú kɩ yɔ dɔ̀ le: “Antɔ̀n de dù cá ɔnɔ̀n lɔ nɛ́n? Antɔ̀n de kɛ lɛ kɔ́n nɛ̀n anhà tɛ̀ nɛ́n?”

Ɔwɔ-mɛ̀n-yrikàn 15:1

Zɛtɛn mɛ̀n kán eci woroanci nyantɛn tɔ̀n anhobɩ́, sevri kɩ nfì: Ɔwɔ-kùyüre-bɔ̀ ɔbɔ̀ɛn léyi ẅɛn ɛgbàn-hán-ci ɔbɔ̀ɛn anta nɔn. Yɔ dú ɛmɛẅì-trɔ gbàn-hán-ci, ɔmuhi yɔ dú Ɔwɔ mɛẅì-trɔ mɛ̀nhyì-bɩ́-ci hɔ̀n nɔn.

Ɔwɔ-mɛ̀n-yrikàn 16:13

Zɛtɛn mɛ́n kán anhɛ́n gbàngbàn anhɔ̀n, cá angbràn, dú anwàn-lɛ̀brì mùan mɛ̀n srɔ, ɔnɔ̀n lɔ mùan mɛ̀n srɔ, mán ɛyɔ̀n-wɔ-mùan-wú-ankà-dɔ́-wrɔn tɔ̀n mùan mɛ̀n srɔ.

Ɔwɔ-mɛ̀n-yrikàn 17:12

Ɛtrù ɛvà hɔ̀n léyi ɛ kàn nɔn, dú ɛnnɛ̀ncüì hɔ̀n ɛvà léyi kɛ vá ẅɛn ɛyri nɔn; tɛ́n yɔ lɛ cɔ́ ɛkɔrɛ̀srɔn yɔ ẅɛn ɛyri wacɛ̀n zri granmɛ̀n yɔ mán ɔnɔ̀n lɔ mɛhi.

Ɔwɔ-mɛ̀n-yrikàn 17:16

Ɛtrù ɛvà hɔ̀n léyi ɛ kàn mán ɔnɔ̀n lɔ ke le gbri wowie-hi lɔ: yɔ lɛ kua nɛ̀n ɛci lɔ fɛn léyi nɛ́n ẅɛ̀n nɔn, edomɛ̀n yɔ sɔhɔ́, nɛ lɛ nyɔn ɛsɛ̀n kora, yɔ lɛ rá n'anẅia kɩ yɔ lɛ jrɛ́ nɛ́n lokro hɔ̀n lɔ fɛn ɛnhyà mɛ̀n.

Ɔwɔ-mɛ̀n-yrikàn 17:7

Zɛtɛn Ɔwɔ-kùyüre-wrɔn lɔ kɛ dɔ́ mɛ̀n le: “Ecitan kruhú kɛ frɛ́n mɛ́n anvɛmɛ̀n hàn? Me le yé mɛ́n ankà-bán-ankà léyi dú ɛnnyɔnwrɔn lɔ angranmɛ̀n nɛ́n mán ɔnɔ̀n léyi di ɛnkru ɔbɔ̀ɛn mán ɛtrù ɛvà, hɩ kɛ wɔrɔ nɛ̀n nɔn.

Ɔwɔ-mɛ̀n-yrikàn 19:12

N'anvɛ̀ hɔ̀n lɔ kɛ gbrɛ́n kɛ hán ɛnhyà hɔ́ kɩ ɛnkrusɔn-ci hɔ̀n bobrebe dú nɛ̀n ɛnkru. Nɛ̀n di ebi tɔ̀n ye merɛ́n, kɩ nɛ́n zri kɩ nɛ̀n nyri ebi lɔ.

Ɔwɔ-mɛ̀n-yrikàn 20:2

Nɛ̀n ẅɛn anwàn lɛbrì lɔ, ɛnbiɛhɛ́n lɛbrì, hɩ mɛ̀n kɛ dɔ̀ le anwawrɔn léyi ye bi Satan nɔn, kɩ nɛ̀n tɔ́n yi gbràka mɛ̀n kɛ̀ dì ɛnnanwàn tɛ̀buri.