Ɔwɔ-mɛ̀n-yrikàn 12:1 - Ɛmɛẅi ankà ankrànkràn 2003

¹ Eci-woroanci cüìcüì tɔ̀n srɔ anhobɩ́: ɛnnyɔnwrɔn tɔ̀n léyi ẅɛn ɛnbri-ci edòmɛ̀n, okù dú nɛ̀n annantrɛ krùgbɛ̀n kɩ okùcànkrò ɛvà-anhyrɛ̀ krusɔn-ci dú nɛ̀n ɛnkru.

Ɔwɔ-mɛ̀n-yrikàn 12:1 Iomraidhean Croise

Matie 12:38

Zɛtɛn ɛnyànmàn-gbànvri-ankà-yé-bɔ̀ mán Ɔwɔ-nyànmàn-sùva-wá-bɔ̀ jan kɛ dɔ́ Zhezü le: “Ankà-yé-wrɔn, bɔ́ ji ɛ̀ hán anvɛmɛ̀n-frɛ́n-ci tɔ̀n ɛ̀ tán bɔ̀, bɔ̀ kàn.”

Matie 24:30

Zɛtɛn, ɔwrɔnẅì Ẅì vá vra ci-woroan-ci kɛ lɛ srɔ anhobɩ́; zɛtɛn, ɛnhibù wú fɛcüè lɔ fɛn ke le dú obòto mɛ̀n, yɔ lɛ kán ɔwrɔnẅì Ẅì ke le dú ɛwì-gbú mɛ̀n anhobɩ́ kɛ̀ và, nɛ́n mán ɛkɔrɛ̀srɔn bobrebe mán eci-zrɔ mɛhi.

Markɛ̀n 13:25

okùcankro hɔ̀n ke le dú anhobɩ́ ke le cüe, anhobɩ́ cüì hɔ̀n lɔ fɛn kɛ lɛ jɔ̀kɔ̀.

Lükɛ̀n 21:11

Ɛnhibù kɛ lɛ jɔ̀kɔ̀ kɛ lɛ sevri kɩ, ɛyri bobrebe, ebrè mán ɛnlɔẅiɛ hɔ̀n ke le dù; ɛnjansu-ci mán ɛci-woroan-ci ɛvrivri hɔ̀n ke le dú anhobɩ́ kɛ lɛ và.

Lükɛ̀n 21:25

“Eci-woroan-ci ke le dú ɛnbri mɛ̀n, okù mɛ̀n mán okùcankro mɛ̀n. Ɛnhibù wú anmàn hɔ̀n ke le dú ɛnkrɛ̀ta mɛ̀n mán gbɔ̀gbɔ̀ mɛ̀n, ecüe mán ecüe-afù bobo vri léyi yɔ lɛ yá nɔn kruhú.

Zhan 3:29

Ɛnnyɔnwrɔn-nɛ́n-cüì lɔ, nɛ́n de eyri-hi lɔ dú nɛ tɛn nɔn; tɛ́n ɛnnyɔnwrɔn-nɛ́n-cüì nɛ́n nyran anvrɛn kɛ nyɔn nɛ̀n ɛtɛ̀sɛ̀n kɩ ke die nɛ̀n nukùɛ, kɩ ke dú pɔpüɛ̀-brá mɛ̀n ɛnvra léyi nɛ yá ɛnnyɔnwrɔn-nɛ́n-cüì sùva lɔ nɔn. Pɔpüɛ̀-brà ndɔ lɔ dú mɛ tɛn, kɩ zɛtɛ̀ lɔ nɛ̀n sá nmùɛn.

Ɔkɔ̀hɔ̀n-wá-bɔ̀ kɔ̀hɔ̀n hán 2:19

Mɛ lɛ hán eci-woroan-ci vɛ́n ɛwú anhobɩ́ kɩ mɛ lɛ hán anvɛmɛ̀n-frɛ́n-ci ɛnu ɛnhi: ɛnkrɛ̀, ɛnhyà mán ɛnwì yàbri ke le dù,

Rɔmɛ̀n-anmàn-bɔ̀ 13:14

Nyɛ́n ẅɛn edomɛ̀n, eci lɔ fɛn léyi Zhezü Krisì Ɛẅɛnwrɔn tán bɔ̀ nɔn, ô nyɛ́n bɩ́ vru teze ny'edomɛ̀n nyɛ́n tán nyɛ́n dukú ny'eci-gbàngbàn léyi nyɛ́n cüɛn n'ɛhán nɔn.

Rɔmɛ̀n-anmàn-bɔ̀ 3:22

Ɔwɔ kɛ srɔ anwrɔnẅì ɛnnyrɔnnan-bɔ̀ n'ezìwú y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú. Nɛ hán ndɔ lɔ tán anwrɔn hɔ̀n lɔ fɛn léyi ẅɛn ankaẅì-bùtan Krisì mɛ̀n nɔn, ɔmuhi yɔ lɔ fɛn nzriɛmɛ́n kè sɩ̀ vɛ̀n hàn nɔn:

2 Korɛntɛ̀n anmàn-bɔ̀ 11:2

Mɛ kɔ́n ecüì-hi ny'ɛwú ecüì-hi-kɔ̀n tɔ̀n léyi dú Ɔwɔ yri nvà nɔn: mɛ̀n wá nyɛ̀n eyiri-mùan ɛncɔnwrɔn zri yri, Krisì, kɩ me ji mɛ̀n bɩ́ nyɛ̀n mɛ̀n yé nɛ̀n kɛ hán ɛnnyrɔnẅì tɔ̀n léyi nfì, kè sɩ̀ nyrì ɛncɔnwrɔn ankà nɔn.

Galasi anmàn-bɔ̀ 3:27

Nyɛ lɛ fɛn, annanwɔrɛmɛ̀n lɔ, nyɛ́n dú ɔbɔ̀sɔ mɛ̀n ɛnshikru-wá mɛ̀n nyɛ́n mán Krisì mɛhi kɩ ɔmu lɔ, eci léyi nɛ̀n tán bɔ̀ nɔn, nyɛ́n ẅɛn nɛ̀n edomɛ̀n.

Galasi anmàn-bɔ̀ 4:26

Tɛ́n anhobɩ́ Zherüzalɛmɛ̀n lɔ nɛ̀n sɩ̀ dù anwɔ̀nẅiemɛ̀n, kɩ nɛ́n de nɛ̀n dù bɔ́ muan nɔn.

Galasi anmàn-bɔ̀ 6:14

Mɛ tɛn tɛ́n, m'ɔmùan-gbù ke le dú bɔ́ Ɛẅɛnwrɔn Zhezü Krisì gbàn-hán-tɛ̀ wú kɩ; annanwɔrɛ mɛ̀n lɔ, n'ɛkɔrɛ̀levriemɛ̀n de ɛnhibù wú m'ɛkruhú kɩ mɛ̀n wú ɛnhibù kruhú.

Efɛzɛ̀n anmàn-bɔ̀ 5:32

Ankà-bán-ankà vri tɔ̀n annanwɔrɛ de dú ankà-dɔ̀ ndɔ lɔ mɛ̀n nɔn. Mɛ tɛn, mɛ dɔ̀ le, ankà lɔ kɛ crɛ nyan Krisì mán Ɔwɔ-fɛcüè.

Ɔwɔ-mɛ̀n-yrikàn 1:20

Nyàn ankà bán ankà léyi dú okùcankrò ɔbɔ̀ɛn hɔ̀n léyi ɛ kán m'ezì-kɔrɛ̀ kɔrɛ̀ màn lɔ mɛ̀n mán ansikɛ kɛniɛn hɔ̀n ɔbɔ̀ɛn lɔ mɛ̀n nɔn: okùcankrò ɔbɔ̀ɛn hɔ̀n lɔ dú Ɔwɔ fɛcüè hɔ̀n ɔbɔ̀ɛn lɔ y'Ɔwɔ kùyüre-bɔ̀, kɩ kɛniɛn hɔ̀n ɔbɔ̀ɛn lɔ, dú Ɔwɔ fɛcüè hɔ̀n ɔbɔ̀ɛn lɔ.”

Ɔwɔ-mɛ̀n-yrikàn 11:19

Zɛtɛn, anhobɩ́-cice-wɔn lɔ gbɛ́ ɔmùan, kɩ mìrɛ̀n lakà lɔ srɔ́. Ɛyri kpɛ́n ɛnhyà, yɛ yá esùva hɔ̀n, kù-dì, ɛwú di nkù, ɛnhi jɔkɔ̀ kɩ ɛnshi vri tɔ̀n nnàn.

Ɔwɔ-mɛ̀n-yrikàn 12:3

Eci-woroanci nyàntɛn tɔ̀n srɔ anhobɩ́: anwàn-lɛ̀brì wɔnsɛn vri tɔ̀n di ɛnkru ɔbɔ̀ɛn kɩ ɛtrù ɛvà mán ɛnkrusɔn-ci dú n'ɛnkru hɔ̀n ɔbɔ̀ɛn lɔ wú.

Ɔwɔ-mɛ̀n-yrikàn 15:1

Zɛtɛn mɛ̀n kán eci woroanci nyantɛn tɔ̀n anhobɩ́, sevri kɩ nfì: Ɔwɔ-kùyüre-bɔ̀ ɔbɔ̀ɛn léyi ẅɛn ɛgbàn-hán-ci ɔbɔ̀ɛn anta nɔn. Yɔ dú ɛmɛẅì-trɔ gbàn-hán-ci, ɔmuhi yɔ dú Ɔwɔ mɛẅì-trɔ mɛ̀nhyì-bɩ́-ci hɔ̀n nɔn.

Ɔwɔ-mɛ̀n-yrikàn 21:14

Anmàn drɛ́n lɔ yɛ́ ɛbù-hi-nan ɛvà-anhyrɛ̀ wú, y'ɛwú lɔ ye merɛ́n Ɔwɔ-Kɔ̀kɔ̀sɛ̀-ẅì kɔ̀hɔ̀n-wá-bɔ̀ ɛvà-anhyrɛ̀ lɔ y'ebi.

Ɔwɔ-mɛ̀n-yrikàn 21:23

Anmàn lɔ ke sɩ́ ji ɛnbrí mán okù, ô kɛ̀ tán nɛ̀n ɛyrikàn, ɔmuhi Ɔwɔ-ci-zrɔ lɔ kɛ gbrɛ́n ku nɛ̀n ɛwú kɩ Ɔwɔ-Kɔ̀kɔ̀sɛ̀-ẅì dú nɛ́n kɛ̀niɛn nɔn.