Ɔwɔ-mɛ̀n-yrikàn 11:8 - Ɛmɛẅi ankà ankrànkràn 2003

⁸ Yɔ ezhe dùwru hɔ̀n lɔ kɛ lɛ dɛ́ anmàn drɛ́nmɔɛn mɛ̀n, ɛyri léyi yɛ gɔ́n y'Ɛẅɛnwrɔn brɛ́ ɛgbàn-hán-tɛ̀ tɔ̀n domɛ̀n nɔn. Anmàn ndɔ lɔ nyàndrɛn ankà-dɔ́ mɛ̀n lɔ ye bi nɛ̀n Sodɔmɛ̀n, ɛnvra tɔ̀n hô Ezhiptɛ̀n.

Ɔwɔ-mɛ̀n-yrikàn 11:8 Iomraidhean Croise

Matie 10:15

Mɛ dɔ́ nyɛ̀n annànwɔrɛ mɛ̀n le: ɛmrɛ̀nci bì lɔ, kɛ lɛ sɔ́ tán anmàn ndɔ lɔ bɔ̀ kɛ lɛ vrán Sodɔmɛ̀n mán Gomɔrɛ̀n anmàn-bɔ̀.”

Ɔkɔ̀hɔ̀n-wá-bɔ̀ kɔ̀hɔ̀n hán 9:4

Nɛ̀n bore ɛnhibɩ́ kɩ nɛ̀n yá esùva tɔ̀n kɛ dɔ́ nɛ̀n le: “Sɔlɛ̀n, Sɔlɛ̀n, cɛci kruhú kɛ̂ ɛ kɔ́n mɛ̀n anhàà?” (9:4)

Ebre-bɔ̀ 13:12

Hɩ le kruhú de Zhezü mán wú anmàn mɛẅi, ô nɛ̀n fi fɛcüè edomɛ̀n nɛ́n dùku n'ɛnkrɛ̀ lɔ mɛ̀n.

2 Piɛrɛ̀n 2:6

Ɔwɔ bɔ́ Sodɔmɛ̀n mán Gomɔrɛ̀n anmàn nwù kɩ nɛ̀n jrɛ́ yɔ ɛnhyà mɛ̀n, ɔmu lɔ de nɛ̀n tán sɛnpò tɔ̀n léyi ke le dú ɛgbàn-hán-bɔ̀ lɔ fɛn tɛn nɔn.

Zhüdɛ̀n 1:7

Sodɔmɛ̀n, Gomɔrɛ̀n mán anmàn hɔ̀n léyi dú yɔ ɛtɛ̀sɛ̀n nɔn, y'ankà ke bru nyɛ̀n: y'anmàn-bɔ̀ ẅɛn esùnàn gbàngbàn hán Ɔwɔ-kùyüre-bɔ̀ ndɔ hɔ̀n lɔ hɔ́, kɩ yɔ hán ɛnbrá mɛ̀n ci léyi kè sɩ̀ dù eci-hán-ci nɔn; yɔ cɔ́ ɛgbàn-wɔɛ̀n-dì léyi dú ɛnhyá léyi ke sɩ́ trɔa nɔn mɛ̀n, kɩ ndɔ lɔ de dú ankà-bi-dɔ̀ léyi yɛ tán anwrɔn lɔ fɛn nɔn.

Ɔwɔ-mɛ̀n-yrikàn 11:13

Ɛnvra zri lɔ, ɛnhi jɔkɔ ecüiemɛ̀n; anmàn lɔ, n'ɛvamɛ̀n cá gbɔngbɔ̀ kɩ anwrɔn tɛ̀buri kru ɔbɔ̀ɛn wú ɛnhi jɔ̀kɔ̀ ndɔ lɔ mɛ̀n. Anwrɔn nyàntɛn hɔ̀n lɔ gbɔ̀gbɔ̀ bru edù kɩ yɔ zrɔ anhobɩ́ Wɔ lɔ eci.

Ɔwɔ-mɛ̀n-yrikàn 11:9

Fɛcüè lɔ fɛn mɛ̀n-bɔ̀, ɛmɛ̀n hɔ̀n lɔ fɛn bɔ̀, ɛnbrɛ̀ hɔ̀n lɔ fɛn bɔ̀, mán ɛnhi wú anmàn hɔ̀n lɔ fɛn bɔ̀, kɛ lɛ nyan y'ezhe dùwru lɔ ɛbi anhɔ̀n mán ɛcá, kɩ yɔ sɩ̀ tán ɛkɔrɛ̀levri yɛ wá edùwru hɔ̀n lɔ annanmàn mɛ̀n.

Ɔwɔ-mɛ̀n-yrikàn 14:20

Yɛ boyɛ antɛ̀ẅì lɔ ɛntàn-borɛ-ci lɔ mɛ̀n anmàn mɛẅi; ɛntàn-borɛ-ci lɔ mɛ̀n, ɛnkrɛ̀ shi dú srɔ, hɔ́n cɔ́ kpàngɔ hɔ̀n mùan mɛ̀n, kɩ bonyi esù-she cɔ́ anhɛ́-kɔrɛ̀ tɛ̀buri-kru zri mán ɛẅì ɛkoẅi ɛnrì dɛ̀n ɔwole.

Ɔwɔ-mɛ̀n-yrikàn 14:8

Anhyrɛmɛ̀n Wɔ-kùyüre-wrɔn tɔ̀n kɛ́n kpàkpà tɛn lɔ, kɩ kɛ dɔ̀ le: “Nɛ̀n bore, nɛ̀n bore Babilɔnɛ̀n cüìcüì lɔ! Nɛ̀n hán ɛnhi-wú-anmàn hɔ̀n lɔ fɛn mi n'ɛmɛ̀nhyì wúvà-gbàngbàn-ci-hán tàn wɔnsɛn!”

Ɔwɔ-mɛ̀n-yrikàn 16:19

Anmàn vri lɔ vɔ́n n'edomɛ̀n anhɔ̀n kɩ ɛnhi wú anmàn hɔ̀n lɔ fɛn gbɔngbɔ̀. Ɔwɔ kè sɩ̀ tezè Babilɔnɛ̀n cüìcüì lɔ; nɛ̀n hán yi mi n'ɛntàn wɔnsɛn grashɛ̀n lɔ, n'ɛmɛ̀nhyì vri tàn wɔnsɛn lɔ.

Ɔwɔ-mɛ̀n-yrikàn 17:1

Zɛtɛn Ɔwɔ-kuyüre-bɔ̀ ɔbɔ̀ɛn léyi ẅɛn grashɛ̀n ɔbɔ̀ɛn hɔ̀n lɔ anta nɔn, ɔtɔ̀n nvà dɔ́ mɛ̀n le: “Và kɩ me le yé mɛ́n nwùbɔ̀ léyi ke le dú wowie nyɔnwrɔn vri lɔ tɛn nɔn, anmàn cüìcüì léyi ye ku ɛnshi-gbɛ-shi hɔ̀n bobrebe tɛ̀sɛ̀n nɔn.

Ɔwɔ-mɛ̀n-yrikàn 17:18

Ɔtrɔ mɛ̀n lɔ, ɛnnyɔnwrɔn léyi ɛ kàn nɔn, nɛ̀n dú anmàn vri léyi dú ɛnhi wú nɛ̀ncüì hɔ̀n ɛwú nɔn.”

Ɔwɔ-mɛ̀n-yrikàn 17:5

N'ezìwú lɔ ye merɛ́n ebi tɔ̀n léyi n'ɛmɛ̀n dú ɛbánmɛ̀n: “Babilɔnɛ̀n cüìcüì, wowie mán ɛnhibù-wú ci-gbangbàn-hán nɛ́n muan.”

Ɔwɔ-mɛ̀n-yrikàn 18:10

Yɔ lɛ nyɔn, esù-she ɛnjansuemɛ̀n, n'ɛgbàn hɔ̀n wɔɛ̀ndi tɛ̀sɛ̀n, kɩ yɔ lɛ dɔ̀ le: “Muzhie! Muzhie tán! Ô babilɔnɛ̀n, anmàn vri mán ɛkɔrɛ̀srɔn anmàn! Wacɛ̀n zri kɩ ke ji, ô vɛ́n nwù-bɔ̀ lɔ ke gorɛ mɛ̀n!”

Ɔwɔ-mɛ̀n-yrikàn 18:18

kɩ ke di bobo ɛnvra léyi yɔ kán anmàn léyi yɛ wá ɛnhyà nɔn n'ɛnhyàbri, kɩ yɔ dɔ̀ le: “Yɛ vá kán anmàn vri ɔmu lɔ mrìmrì!”

Ɔwɔ-mɛ̀n-yrikàn 18:2

Ne di bobo ecüiemɛ̀n: “Nɛ̀n bore, nɛ̀n bore Babilɔnɛ̀n cüìcüì lɔ! Zɛtɛ̀ lɔ nɛ̀n srɔ anwa-bɔ̀ dúyri, ɛbán-yri léyi dú anhɛ́n gbàngbàn hɔ̀n mɛ̀ntɛ mɛ̀ntɛ lɔ fɛn tɛn nɔn; nanvrɛn de annrɛn hɔ̀n mán nbrá mɛ̀n nɔ̀n hɔ̀n mɛ̀ntɛ mɛ̀ntɛ léyi kɛ cà nɔn, sɔ́n ebɩ́.

Ɔwɔ-mɛ̀n-yrikàn 18:21

Zɛtɛn ɛkɔrɛ̀srɔn Wɔ-kùyüre-wrɔn tɔ̀n bɩ́ obù tɔ̀n cá ɛci-zhɛ́-bù vri tɔ̀n kɩ kɔ́n nɛ̀n di ecüe wú kɩ kɛ dɔ̀ le: “Ɔmu lɔ de yɛ lɛ kɔ́n Babilɔnɛ̀n anmàn vri lɔ ye ze ecüemɛ̀n, kɩ ye sɩ̀ vru kán nɛ̀n mrìmrì.

Ɔwɔ-mɛ̀n-yrikàn 18:24

Babilɔnɛ̀n anmàn de Ɔwɔ-mùan-wú-ankà-dɔ́-bɔ̀ mán Ɔwɔ-fɛcüè-bɔ̀ krɛ̀ cüe, anwrɔn lɔ fɛn léyi ye wri ɛnhi wú nɔn, y'ɛnkrɛ̀.