Ɔwɔ-mɛ̀n-yrikàn 11:7 - Ɛmɛẅi ankà ankrànkràn 2003

⁷ Ɛnvra léyi yɔ lɛ trɔ y'ɛmɛẅi ankà lɔ dɔ̀ nɔn, ɔnɔ̀n léyi dú ɛnnànmàn vrɛ́n lɔ mɛ̀n nɔn, kɛ lɛ kɔ́n yɔ anhà. Nɛ lɛ ká yɔ, kɩ ne le wri yɔ.

Ɔwɔ-mɛ̀n-yrikàn 11:7 Iomraidhean Croise

Lükɛ̀n 13:32

Zhezü kɛ dɔ́ yɔ le: “Nyɛ́n hɔ̀n nyɛ́n dɔ́ kpekpe vɛ́n ndɔ lɔ le: ‘Mɛ wrɔ́ anhɛ́n gbàngbàn kɩ mɛ kɔrɛ ɛnlɔẅiɛ-bɔ̀ ɛnyɔncì mán ɛnɛ́n, kɩ̀ ɛbi anhɔn-bì lɔ, mɛ trɔ m'ɔkɔ̀hɔ̀n-hán.

Lükɛ̀n 8:31

Kɩ anhɛ́n hɔ̀n lɔ kɛ sɛ́n Zhezü ô, ke bɩ́ kɔ́n yɔ ku ɛnnànmàn léyi n'ɛvrɛ́n kè sɩ̀ ẅɛ̀n ɛnkru-trɔ nɔn mɛ̀n.

Zhan 17:4

Mɛ̀n yé v'eci-zrɔ lɔ ɛnhibù wú; ɔkɔhɔ̀n léyi ɛ̀ tán mɛ̀n nɔn, mɛ̀n hán trɔ.

Zhan 19:30

Ɛnvra léyi Zhezü sɔ́n ɛntàn-drɔ lɔ ɔmùan nɔn, nɛ dɔ̀ le: “Eci lɔ fɛn lɔ trɔa!” Zɛtɛn nɛ̀n sɩ́ ɛnkru ɛnhi, kɩ nɛ́n wù.

Ɔkɔ̀hɔ̀n-wá-bɔ̀ kɔ̀hɔ̀n hán 20:24

Tɛ́n mɛ́n dùku m'ɛwúvà, kè sɩ̀ dù eci zriɛmɛ́n m'ezìwú; hɩ le dú ɛshishi nɔn, dú hɩ le, ke ji le mɛ̀n hɔ̀n mɛ̀n cɔ́ m'ɔkɔ̀hɔ̀n lɔ n'ɛnkrutrɔ, ô mɛ̀n trɔ ɔkɔ̀hɔ̀n léyi Ɛẅɛnwrɔn Zhezü tán mɛ̀n nɔn n'ɛhán: Ɔwɔ boafɔ̀n lɔ, n'Ɛmɛẅi ankà Ankrankran lɔ, mɛ̀n dɔ́ nɛ̀n.

Anhyrɛmɛ̀n timote 4:7

Mɛ̀n kɔ́n anhà ankrankran, mɛ́n hɔ̀n hàn mán mɛ̀n cɔ́ m'ɛsrɛ́-krutrɔ-yri, mɛ̀n ẅɛn ankàẅi-bùtan mɛ̀n hɛ́n.

Ɔwɔ-mɛ̀n-yrikàn 11:3

Mɛ lɛ wá mɛ́n dalɛfuɛ-di-bɔ̀ anhyrɛ̀ ɔkɔ̀hɔ̀n, yɔ le ku ɛbrá ceci edù, kɩ yɔ lɛ dɔ́ ɛmɛẅi ankà léyi yɔ cɔ́ Ɔwɔ yri ɛbi tɛ̀buri kru zri mán ɛkɔẅi ɛvà anhɔ̀n ndɔ hɔ̀n granmɛ̀n nɔn.”

Ɔwɔ-mɛ̀n-yrikàn 12:17

Ɛmɛ̀nhyì léyi nɛ̀n ẅɛn ɛnnyɔnwrɔn lɔ wú nɔn, wá tán nɛ̀n nɛ̀n hɔ̀n kɔ́n ɛnnyɔnwrɔn lɔ n'ɛmɛẅi-bɔ̀ anhà, yɔ léyi yɔ wá Ɔwɔ nyanmàn kɩ yɔ di ɔmùan zri Zhezü annanwɔrɛ ankà léyi yé nɔn hɩ wú.

Ɔwɔ-mɛ̀n-yrikàn 13:11

Zɛtɛn mɛ̀n kán ɔnɔ̀n nyàntɛn tɔ̀n; nɛ̀n dú ɛnhibɩ́ nɛ̀n srɔ. Nɛ̀n di ɛtrù anhyrɛ̀, cá kɔ̀kɔ̀sɛ̀ ẅì tɛn lɔ hɔ́ kɩ nɛ dɔ́ ankà kɛ hán anwàn-lɛ̀brì hɔ́.

Ɔwɔ-mɛ̀n-yrikàn 13:7

Yɛ tán ɛkɔrɛ̀levri nɛ̀n kɔ́n Ɔwɔ-fɛcüè anhà, ô nɛ̀n kɔ̀nkà; nɛ̀n cɔ́ ɛkɔrɛ̀srɔn ɛmɛ̀n lɔ fɛn wú, fɛcüè lɔ fɛn wú, ɛnbrɛ̀ lɔ fɛn wú mán ɛnhi wú anmàn lɔ fɛn wú.