Ɔwɔ-mɛ̀n-yrikàn 11:6 - Ɛmɛẅi ankà ankrànkràn 2003

⁶ Yɔ ẅɛn ɛkɔrɛ̀srɔn yɔ lɛ sɛ́n anhobɩ́ sù, ô yɔ kɛ́n ɛnshi-nàn yɔ hɛ́n, ɛnvra mùan léyi yɔ ji nɔn, ô yɔ dɔ́ ɛmɛẅi ankà léyi yɔ cɔ́ Ɔwɔ yri nɔn. Yɔ vru yɔ ẅɛn ɛkɔrɛ̀srɔn yɔ le bɩ́ ɛnshi yɔ srɔ ɛnkrɛ̀, ô yɔ hán ɛnhi kɛ̀ kán ejüedì mɛ̀ntɛ mɛ̀ntɛ, ɛnvra mùan léyi yɔ ji nɔn.

Ɔwɔ-mɛ̀n-yrikàn 11:6 Iomraidhean Croise

Lükɛ̀n 4:25

Me kro nyɛ̀n le, Eli vra lɔ, ɛngrɔn-wúyɔ̀ bobrebe dú Izraɛlɛ̀n, ɛnvra léyi ɛnshi kè sɩ̀ nàn ɛnnanwàn krú anhɔ̀n mán ɛcá, kɩ ebrɛ̀ vri tɔ̀n kɛ́ anmàn lɔ fɛn wú.

Ɔwɔ-mɛ̀n-yrikàn 11:3

Mɛ lɛ wá mɛ́n dalɛfuɛ-di-bɔ̀ anhyrɛ̀ ɔkɔ̀hɔ̀n, yɔ le ku ɛbrá ceci edù, kɩ yɔ lɛ dɔ́ ɛmɛẅi ankà léyi yɔ cɔ́ Ɔwɔ yri ɛbi tɛ̀buri kru zri mán ɛkɔẅi ɛvà anhɔ̀n ndɔ hɔ̀n granmɛ̀n nɔn.”

Ɔwɔ-mɛ̀n-yrikàn 16:3

Anhyrɛmɛ̀n Wɔ-kùyüre-wrɔn lɔ cüe nɛ́n grashɛ̀n lɔ ecüemɛ̀n. Ecüe shi lɔ srɔ owú-wrɔn tɔ̀n krɛ̀ kɩ ɛci-kɔrɛkɔrɛ hɔ̀n lɔ fɛn léyi dú ecüemɛ̀n nɔn nwù.

Ɔwɔ-mɛ̀n-yrikàn 16:4

Anhɔ́n mɛ̀n Wɔ-kùyüre-wrɔn lɔ cüe nɛ́n grashɛ̀n lɔ mancüè hɔ̀n mán ɛnshi-bɛ́ hɔ̀n mɛ̀n, kɩ ɛnshi hɔ̀n lɔ srɔ ɛnkrɛ̀.

Ɔwɔ-mɛ̀n-yrikàn 8:8

Zɛtɛ̀n anhyrɛmɛ̀n Wɔ-kùyüre-wrɔn lɔ mú ɛbrɛ̀n. Eci mù tɔ̀n cá ɛnkpò vri tɔ̀n léyi ke wrù, eci mù ndɔ lɔ, yɛ kɔ́n nɛ̀n di ecüe mɛ̀n. Ecüe, n'anhɔnmɛ̀n cá srɔ ɛnkrɛ̀.