Ɔwɔ-mɛ̀n-yrikàn 11:3 - Ɛmɛẅi ankà ankrànkràn 2003

³ Mɛ lɛ wá mɛ́n dalɛfuɛ-di-bɔ̀ anhyrɛ̀ ɔkɔ̀hɔ̀n, yɔ le ku ɛbrá ceci edù, kɩ yɔ lɛ dɔ́ ɛmɛẅi ankà léyi yɔ cɔ́ Ɔwɔ yri ɛbi tɛ̀buri kru zri mán ɛkɔẅi ɛvà anhɔ̀n ndɔ hɔ̀n granmɛ̀n nɔn.”

Ɔwɔ-mɛ̀n-yrikàn 11:3 Iomraidhean Croise

Matie 11:21

“Muzhie dú vɛ tɛn, Korazɛn! Muzhie dú vɛ tɛn, Bɛtsahida! Ɔmuhi anvɛmɛ̀n-frɛ́n-ci hɔ̀n léyi yɛ hán nye yri nɔn, ke dú kɛ yɛ hán yɔ, Tirɛ̀n mán Sidɔn anmàn hô, ɛnvra sheshemɛ̀n de y'anmàn-bɔ̀ kɛ lɛ cɔ́ ɛceci gbrɔ̀, kɛ wá ɛnwɔ̀n edomɛ̀n, ô kè yé le, yɔ ji yɔ crɔn y'eci-hán-ci.

Matie 18:16

Tɛ́n, ke dú kɛ nɛ̀n sɩ̀ shrì nɛ̀n die mɛ́n nukùɛ, è bɩ́ ɔwrɔn zri mán anhyrɛ̀, hán ɔmu le Owrú Prɔnprɔn kɛ dɔ̀ nɔn, ‘ɛdrɛ̀-hán-ankà lɔ fɛn, yɛ dɔ́ nɛ̀n dalɛfuɛ-di-bɔ̀ anhyrɛ̀ mán anhɔ̀n zìwú.’

Lükɛ̀n 10:13

“Muzhie dú vɛ tɛn Korazɛn! Muzhie dú vɛ tɛn Bɛtsahida! Ɔmuhi, ke dú kɛ anvɛmɛ̀n-frɛ́n-ci hɔ̀n lɔ fɛn léyi yɔ hán ny'anmàn lɔ nɔn, ye bɩ yɛ hán Tirɛ̀n mán Sìdɔn kpɔsɔ wú hô, ɛnvra sheshemɛ̀n de y'anmàn-bɔ̀ lɔ kɛ lɛ yɛ́ ɛnhibɩ́, ke le ku ɛceci gbrɔ̀gbrɔ̀ edù, kɩ yɔ le bɩ́ nwɔ̀n yɔ ku edomɛ̀n, ô kè ye le yɔ crɔn ɛnkruɛ.

Lükɛ̀n 24:48

Nyɛ́n dú ankà ndɔ lɔ nɛ́n dalɛfuɛ-di-bɔ̀.

Zhan 15:27

Kɩ nyɛ́n mán, nye le di mɛ̀n dalɛfuɛ, ɔmuhi nyɛ́n mɛhi bɔ́ dú ɛnkrubɔmɛ̀n hàn hɛ́n nɔn.”

Zhan 3:27

Zhan mrɛ́n yɔ ɔmùan le: “Ɔwrɔn zriɛmɛ́n ke sɩ̀ ẅɛn ɛci zriɛmɛ́n rɔ́, ke dú kɛ Ɔwɔ kè sì tán nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 1:8

Tɛ́n nyɛ lɛ cɔ́ ecüì tɔ̀n ɛnvra léyi Ɛnhɛ́n Prɔnprɔn kɛ lɛ vá ny'ɛwú nɔn. Zɛtɛn, nyɛ lɛ srɔ mɛ́n dalɛfuɛ-di-bɔ̀ Zherüzalɛmɛ̀n anmàn, Zhüde mán Samari kpɔsɔ wú hàn mán ɛnhibù kru trɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 13:31

Ɛnvra bobrebe, Zhezü bɩ́ n'edomɛ̀n yé anwrɔn hɔ̀n léyi dú Galile kpɔsɔ wú hɔ́n sɩ́ nɛ̀n Zherüzalɛmɛ̀n anmàn, hɩ zɛtɛn dú nɛ́n dalɛfuɛ-di-bɔ̀ Izraɛlɛ̀n fɛcüè zìwú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:32

Zhezü ndɔ léyi mɛ dɔ́ n'ankà nɔn, Ɔwɔ frɔ́ nɛ̀n kɩ bɔ́ lɔ fɛn bɔ́ dú nɛ́n dalɛfuɛ-di-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 3:15

Ɔmu lɔ de nyɛ́n hán ɛwúvà nɛ́n zi nwù nɔn. Tɛ́n Ɔwɔ bɩ́ nɛ̀n sɩ́ ɔkɔrɛ-bɔ̀ mɛ̀n, kɩ bɔ́ dú nɛ́n dalɛfuɛ-di-bɔ̀.

1 Korɛntɛ̀n anmàn-bɔ̀ 12:28

Ɔmu lɔ de, Ɔwɔ-fɛcüè mɛ̀n lɔ, Ɔwɔ wá ɔkɔ̀hɔ̀n-wá-bɔ̀ kpàkpà-bɔ̀, anhyrɛmɛ̀n dú Ɔwɔ-mùanwú-ankà-dɔ́-bɔ̀, kɩ eci-yé-bɔ̀ dú anhɔnmɛ̀n; kɩ zɛtɛn yɛ wá anwrɔn hɔ̀n léyi kɛ hán anvɛmɛ̀n-frɛ́n-ci, anwrɔn hɔ̀n léyi kɛ korɛ ɛnlɔẅiɛ-bɔ̀, anwrɔn hɔ̀n léyi ẅɛn ɛkɔrɛwá cice, kɩ kɛ nyrɔn anwrɔn janbɔ̀, kɩ yɔ vru yɔ vrá ɛnbrɛ̀ vɛnvɛn nyàntɛn hɔ̀n nɔn.

2 Korɛntɛ̀n anmàn-bɔ̀ 13:1

Andɛ̀n anhɔnmɛ̀n de mɛ lɛ vá ny'edúyri nɔn. Hán ɔmu le ye merɛ́n nɔn: “Ke ji le yɛ dɔ́ ankà totɔtɔ̀n lɔ fɛn anwrɔn anhyrɛ̀ mán anhɔ̀n kè di dalɛfuɛ ankà lɔ mɛ̀n.”

Efɛzɛ̀n anmàn-bɔ̀ 4:11

Nɛ́n de nɛ̀n ce ɔwrɔnwrɔn eci: ndɔ hɔ̀n nɛ̀n srɔ ɔkɔhɔ̀n-wá-bɔ̀, ɛnjanbɔ̀ srɔ Ɔwɔ-mùanwú-ankà-dɔ́-bɔ̀, kɩ ndɔ hɔ̀n vru srɔ Ɛmɛẅi ankà Ankrankran dɔ́-bɔ̀, Ɔwɔ-bɔ̀, ankà-yé-bɔ̀.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 11:2

Tɛ́n è teze ɔhɔnan, ecice-wɔn bɩ́ lɔ; e bɩ́ wɔɛn nɛ̀n, ɔmuhi ye bɩ́ nɛ̀n yɛ tán anwrɔn hɔ̀n léyi ke sɩ̀ nyrì Ɔwɔ nɔn, kɩ kɛ lɛ nán esù anmàn prɔnprɔn lɔ ɛwú okù ɛkoẅi anhyrɛ̀ mán ɛẅì anhyrɛ̀.

Ɔwɔ-mɛ̀n-yrikàn 11:6

Yɔ ẅɛn ɛkɔrɛ̀srɔn yɔ lɛ sɛ́n anhobɩ́ sù, ô yɔ kɛ́n ɛnshi-nàn yɔ hɛ́n, ɛnvra mùan léyi yɔ ji nɔn, ô yɔ dɔ́ ɛmɛẅi ankà léyi yɔ cɔ́ Ɔwɔ yri nɔn. Yɔ vru yɔ ẅɛn ɛkɔrɛ̀srɔn yɔ le bɩ́ ɛnshi yɔ srɔ ɛnkrɛ̀, ô yɔ hán ɛnhi kɛ̀ kán ejüedì mɛ̀ntɛ mɛ̀ntɛ, ɛnvra mùan léyi yɔ ji nɔn.

Ɔwɔ-mɛ̀n-yrikàn 12:6

Ɛnnyɔnwrɔn lɔ tɛn, srɛ́ hɔ́n ɛnnùwì, ɛyri léyi Ɔwɔ hán ɛyri hɛ́n nɛ̀n, ô nɛ̀n zî ɛci ɛbi tɛ̀buri kru zri mán ɛẅì ɛkoẅi ɛvà anhɔ̀n nɔn.

Ɔwɔ-mɛ̀n-yrikàn 13:5

Yɛ tán ɔnɔn lɔ ɛkɔrɛ̀levri kɛ dɔ́ ɔwora ankà gbàngbàn kɛ̀ tán Ɔwɔ; nɛ̀n cɔ́ ɛkɔrɛ̀srɔn, ô nɛ̀n hán eci okù ɛkoẅi anhyrɛ̀ mán ɛẅì anhyrɛ̀.

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.

Ɔwɔ-mɛ̀n-yrikàn 20:4

Zɛtɛn mɛ̀n kán ɛgbú-tòbù hɔ̀n: anwrɔn hɔ̀n léyi yɛ́ yɔ ɛwúɛ nɔn, cɔ́ ɛkɔrɛ̀srɔn yɔ ci ɛmrɛ̀n. Mɛ̀n vru mɛ̀n kán anhɛ́n hɔ̀n léyi ye wri y'ɔmùan-zri-dì annanwɔrɛ ankà léyi Zhezü yé mán Ɔwɔ mùan-ankà-dɔ̀ wú nɔn. Yɔ sɩ̀ cüè ɔnɔ̀n lɔ mán nɛ́n picɛ̀ lɔ ankɔrɛ̀ ezìwúɛ, kɩ yɔ sɩ̀ cɔ̀ ɔnɔ̀n nrɛ̀n lɔ, ezìwú mán ɛmànmɛ̀n. Yɔ vru yɔ vá ɔkɔrɛ-bɔ̀ mɛ̀n kɩ yɔ ẅɛn ɛyri yɔ mán Krisì mɛhi ɛnnanwàn tɛ̀buri.