Ɔwɔ-mɛ̀n-yrikàn 11:19 - Ɛmɛẅi ankà ankrànkràn 2003

¹⁹ Zɛtɛn, anhobɩ́-cice-wɔn lɔ gbɛ́ ɔmùan, kɩ mìrɛ̀n lakà lɔ srɔ́. Ɛyri kpɛ́n ɛnhyà, yɛ yá esùva hɔ̀n, kù-dì, ɛwú di nkù, ɛnhi jɔkɔ̀ kɩ ɛnshi vri tɔ̀n nnàn.

Ɔwɔ-mɛ̀n-yrikàn 11:19 Iomraidhean Croise

Ɔwɔ-mɛ̀n-yrikàn 11:13

Ɛnvra zri lɔ, ɛnhi jɔkɔ ecüiemɛ̀n; anmàn lɔ, n'ɛvamɛ̀n cá gbɔngbɔ̀ kɩ anwrɔn tɛ̀buri kru ɔbɔ̀ɛn wú ɛnhi jɔ̀kɔ̀ ndɔ lɔ mɛ̀n. Anwrɔn nyàntɛn hɔ̀n lɔ gbɔ̀gbɔ̀ bru edù kɩ yɔ zrɔ anhobɩ́ Wɔ lɔ eci.

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 12:1

Eci-woroanci cüìcüì tɔ̀n srɔ anhobɩ́: ɛnnyɔnwrɔn tɔ̀n léyi ẅɛn ɛnbri-ci edòmɛ̀n, okù dú nɛ̀n annantrɛ krùgbɛ̀n kɩ okùcànkrò ɛvà-anhyrɛ̀ krusɔn-ci dú nɛ̀n ɛnkru.

Ɔwɔ-mɛ̀n-yrikàn 16:1

Zɛtɛn mɛ̀n yá esùva cüìcüì tɔ̀n dú Ɔwɔ-cice-wɔn mɛ̀n nvà kɩ kɛ dɔ́ Ɔwɔ-kùyüre-bɔ̀ ɔbɔ̀ɛn lɔ le: “Nyɛ́n hɔ́n ɛnhi wú nyɛ́n cüe Ɔwɔ-mɛ̀nhyì-grashɛ̀n ɔbɔ̀ɛn hɔ̀n lɔ!”

Ɔwɔ-mɛ̀n-yrikàn 16:18

Zɛtɛn ɛyri kpɛ́n ɛnhyà, esùva hɔ̀n dɔ́ ankà, ɛwú di nkù kɩ ɛnhi jɔkɔ́ ecüìemɛ̀n. Ɛnhi jɔ̀kɔ̀ ndɔ lɔ zeze ẅɛn ecüì kɩ, yɛ vá kán nɛ̀n ɛnbì zriɛmɛ́n mrìmrì ɔwrɔnẅì krubɔmɛ̀n hàn-hɛ́n!

Ɔwɔ-mɛ̀n-yrikàn 16:21

Ɛnshi ẅian srɔnsrɔn vri dú anhobɩ́ ku anwrɔnẅì ɛwú. Kɩ anwrɔnẅi kɛ wora Ɔwɔ n'ɛgban-hán-ci hɔ̀n léyi dú ɛnshi ẅian lɔ nɔn kruhú, ɔmuhi nɛ̀n dú ɛgbàn-hán-ci shishi tɔ̀n nɔn.

Ɔwɔ-mɛ̀n-yrikàn 19:11

Zɛtɛn mɛ̀n kán anhobɩ́ gbɛ́ ɔmùan, kɩ kpàngɔ wosu tɔ̀n srɔ. Ɔwrɔn léyi yɛ́ nɛ̀n ɛwú nɔn, ye bi nɛ̀n Ɔmùanzri-dì mán Annanwɔrɛ; ne ci ɛmrɛ̀n kɩ nɛ kɔ́n anhà ɛnyrɔnnan mɛ̀n.

Ɔwɔ-mɛ̀n-yrikàn 4:1

Ndɔ lɔ mɛẅi, mɛ̀n cɔ́ ɛyrikàn nyantɛn tɔ̀n: mɛ̀n kán esù tɔ̀n srú anhobɩ́. Esùva léyi mɛ́n gɔ̀ yá, hɩ ke dí nkù kɛ hán ɛbrɛ̀n-gbá hɔ́ nɔn, kɛ dɔ́ mɛ̀n le: “Ɛ̀ kà ɛ̀ vá ɛnu lɔ, kɩ me le yé mɛ́n eci léyi kɛ lɛ wɔɛn zɛtɛn nɔn.”

Ɔwɔ-mɛ̀n-yrikàn 4:5

Ɛgbú-tòbù wú lɔ, anhobɩ́ hyà, esùva bobo mán ɛwú kù-dì ke dù kɛ và. Ɛnhyà lakà ɔbɔ̀ɛn ke wrú ɛgbú-tòbù zìwú; ndɔ lɔ de dú Ɔwɔ hɛ́n ɔbɔ̀ɛn hɔ̀n lɔ nɔn.

Ɔwɔ-mɛ̀n-yrikàn 7:15

Hɩ le kruhú de yɔ nyɔn Ɔwɔ gbú-tòbù zìwú kɩ yɔ sɛ́n nɛ̀n ɛnnyran mán ɛcɛ̀n, n'ecice wɔn lɔ mɛ̀n. Ɔwrɔn léyi yɛ́ ɛgbútòbù wú nɔn, kɛ lɛ wá yɔ esùva.

Ɔwɔ-mɛ̀n-yrikàn 8:5

Zɛtɛn Ɔwɔ-kùyüre-wrɔn lɔ bɩ́ kpokpo léyi yɛ bíɛ ɛci banban ɛwú nɔn, ku Ɔwɔ-cice-tɛbrɛ̀ hyà lɔ ɛmɛ̀n ɛnhyì kɩ kɔ́nze ɛnhi wú. Ɛnvra zri lɔ ɛwú di nkù bobrebe, esùva bobo ke shrì, ɛwú hyà hɔ̀n kɛ gbrɛ́n kɩ ɛnhi jɔkɔ̀.

Ɔwɔ-mɛ̀n-yrikàn 8:7

Kpàkpà Wɔ-kùyüre-wrɔn lɔ mú ɛbrɛ̀n. Ɛnshiẅian mán ɛnhyà gbro ɛnkrɛ̀ mɛ̀n dú ɛwú cüe ɛnhiɛ. Ɛnhi, n'anhɔnmɛ̀n cá mán antɛ̀, y'anhɔnmɛ̀n cá wrú ɛnhyà, ɔmu zri lɔ de dú tán ɛfi wɔ̀ lɔ fɛn mán nɔn.