Ɔwɔ-mɛ̀n-yrikàn 11:15 - Ɛmɛẅi ankà ankrànkràn 2003

¹⁵ Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 11:15 Iomraidhean Croise

Matie 24:31

Ɛbrɛ̀n vri lɔ ke le di nkù kɩ nɛ lɛ wá n'ɛkùyüre-bɔ̀ ɔkɔ̀hɔ̀n ɛnhibù kpɔsɔ d'anzɔ̀ lɔ wú; yɔ lɛ borɛ anwrɔn hɔ̀n léyi nɛ̀n mrɛ́n nɛ́n bɩ, ezì mán ɛmɛẅi nɔn ɛkru.”

Matie 6:13

E bɩ́ teze bɔ̀ ɔwɔɛ̀nnyan mɛ̀n, tɛ́n ɛ̀ mrɛ́n bɔ̀ ɛgbàn mɛ̀n ɛ̀ sɔhɔ́. [Ɔmuhi ɛyri-ẅɛ̀n, ɛkɔrɛ̀srɔn mán eci-zrɔ, dú vɛ tɛn ɛnvra lɔ fɛn. Ke dú ɔmu lɔ.]’

Lükɛ̀n 1:33

Kɩ nɛ lɛ ẅɛn Izraɛlɛ̀n fɛcüè ɛnvra lɔ fɛn, kɩ n'ɛyri-ẅɛ̀n lɔ ke sɩ̀ trɔ mrìmrì.”

Lükɛ̀n 15:10

Ɔmu zri lɔ, mɛ dɔ́ nyɛ̀n, pɔpüɛ̀-brà dú Ɔwɔ-kuyüre-bɔ̀ mɛ̀n, ɛgbàn-hán-wrɔn zri léyi bú ɛwúvà wrù ɛnkrú nɔn n'ɛkruhú.”

Lükɛ̀n 15:6

Ne bru ɛbemɛ̀n, kɩ ne bi nɛ́n nyrán hɔ̀n nɛ dɔ́ yɔ le: ‘Nyɛ́n brá pɔpüɛ̀, ɔmuhi mɛ̀n cɔ́ mɛ́n kɔ̀kɔ̀sɛ̀ zri léyi zrɛ́n nɔn!’

Ɔkɔ̀hɔ̀n-wá-bɔ̀ kɔ̀hɔ̀n hán 4:26

Ɛnhibù wú nɛ̀ncüì hɔ̀n wá anhà-kɔ̀n ankà esùva kɩ ɛyri-ẅɛn-bɔ̀ bɔsɔ y'edomɛ̀n ô kɛ̀ kɛ́n Ɛẅɛnwrɔn mán ɛnnɛ̀ncüì léyi nɛ́n wá ɛnzhì ɛnkru nɔn ezì.’

Ebre-bɔ̀ 1:8

Tɛ́n Ɛnẅì lɔ wú, nɛ́n dɔ̀ le: “V'ɛgbú-tòbù, ô Ɔwɔ, yɛ hán dú ɛnvra lɔ fɛn. Ɛnyrɔnnan mɛ̀n de ɛ̀ ẅɛn ɛyri v'ɛnnɛ̀ncüì-dúyri lɔ nɔn.

Ɔwɔ-mɛ̀n-yrikàn 10:7

Tɛ́n ɛnvra léyi ɔbɔ̀ɛn mɛ̀n Wɔ-kùyüre-wrɔn lɔ ke le mú ɛbrɛ̀n nɔn, zɛtɛn Ɔwɔ kɛ lɛ hán n'ankɔ́nda ci-bán-ci lɔ, hán ɔmu le nɛ̀n dɔ́ n'eci-bɩ̀tan-bɔ̀ léyi dú n'ɔmùan-wú-ankà-dɔ́-bɔ̀ nɔn.”

Ɔwɔ-mɛ̀n-yrikàn 12:10

Zɛtɛn mɛ̀n yá esùva cüìcüì tɔ̀n dú anhobɩ́ kɛ dɔ̀ le: “Zɛtɛ̀ lɔ ɛnkrukɔrɛ̀ vra ncɔ̀a! Zɛtɛ̀ lɔ b'Ɔwɔ lɔ yé n'ɛkɔrɛ̀srɔn mán n'ɛyri-ẅɛ̀n! Zɛtɛ̀ lɔ ɛkɔrɛlevri dú n'Ebɩdie-wrɔn antamɛ̀n. Ɔmuhi ye dú anhobɩ́ yɛ kɔ́n nɛ̀n ze, nɛ́n léyi nɛ ẅɛn ɛyɔ̀n tán bɔ́ muan-ẅì hɔ̀n, ɛnnyran mán ɛcɛ̀n b'Ɔwɔ zìwú nɔn.

Ɔwɔ-mɛ̀n-yrikàn 15:4

Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”

Ɔwɔ-mɛ̀n-yrikàn 16:17

Ɔbɔ̀ɛn mɛ̀n Wɔ-kùyüre-wrɔn lɔ cüe nɛ́n grashɛ̀n lɔ ɔwràn mɛ̀n. Esùva cüìcüì tɔ̀n dú Ɔwɔ-cice-wɔn mɛ̀n, nɛ̀n dú ɛgbú-tòbù tɛ̀sɛ̀n nɛ và kɩ nɛ dɔ̀ le: “Yɛ hán trɔa!”

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 19:1

Ndɔ lɔ n'ɛmɛẅi, mɛ̀n yá esùva cüìcüì tɔ̀n dú anhobɩ́ cá fɛcüè bobrebe hɔ̀n sùva; nɛ dɔ̀ le: “Aleluyà! Nyɛ́n mrɛ́n Ɛẅɛnwrɔn! Ɛnkrukɔrɛ̀, eci-zrɔ mán ɛkɔrɛ̀srɔn dú b'Ɔwɔ tɛ́n!

Ɔwɔ-mɛ̀n-yrikàn 19:6

Zɛtɛn mɛ̀n yá esùva tɔ̀n cá fɛcüè bobrebe hɔ̀n sùva; esùva lɔ ke shrì kɛ hán ɛnshi vri léyi kɛ nàn kɛ hán ɛwú-kù-dì hɔ́. Nyàn ankà léyi yɛ dɔ̀ nɔn: “Aleluyà! Nyɛ́n mrɛ́n Ɛẅɛnwrɔn! Ɔmuhi Ɛẅɛnwrɔn, bɔ́ ɛkɔrɛ̀srɔn-Wɔ lɔ, yrɛ́ n'ɛyri-ẅɛ̀n lɔ!

Ɔwɔ-mɛ̀n-yrikàn 20:4

Zɛtɛn mɛ̀n kán ɛgbú-tòbù hɔ̀n: anwrɔn hɔ̀n léyi yɛ́ yɔ ɛwúɛ nɔn, cɔ́ ɛkɔrɛ̀srɔn yɔ ci ɛmrɛ̀n. Mɛ̀n vru mɛ̀n kán anhɛ́n hɔ̀n léyi ye wri y'ɔmùan-zri-dì annanwɔrɛ ankà léyi Zhezü yé mán Ɔwɔ mùan-ankà-dɔ̀ wú nɔn. Yɔ sɩ̀ cüè ɔnɔ̀n lɔ mán nɛ́n picɛ̀ lɔ ankɔrɛ̀ ezìwúɛ, kɩ yɔ sɩ̀ cɔ̀ ɔnɔ̀n nrɛ̀n lɔ, ezìwú mán ɛmànmɛ̀n. Yɔ vru yɔ vá ɔkɔrɛ-bɔ̀ mɛ̀n kɩ yɔ ẅɛn ɛyri yɔ mán Krisì mɛhi ɛnnanwàn tɛ̀buri.

Ɔwɔ-mɛ̀n-yrikàn 8:12

Zɛtɛn anzɔmɛ̀n Wɔ-kùyüre-wrɔn lɔ mú ɛbrɛ̀n. Ɛnbri, n'anhɔnmɛ̀n cá ezì murɛn, ɔmu zri lɔ de dú tán okù mán okùcànkrò hɔ̀n, hán tán kɩ y'ɛgbrɛ́n lɔ srɔ anhɔnmɛ̀n cá; ɛcɛ̀n, n'anhɔnmɛ̀n cá mán ɛnnyran n'anhɔnmɛ̀n cá ke sɩ̀ ẅɛ̀n ɛyrikàn.

Ɔwɔ-mɛ̀n-yrikàn 9:1

Zɛtɛn ɛnríemɛ̀n Wɔ-kùyüre-wrɔn mú ɛbrɛ̀n. Mɛ̀n kán ɔkùcànkrò tɔ̀n dú anhobɩ́ bore ɛnhi wú; yɛ tán nɛ̀n ovru léyi n'ɛvrɛn kè sɩ̀ ẅɛ̀n ɛnkrutrɔ nɔn nɛ́n safɛ̀.

Ɔwɔ-mɛ̀n-yrikàn 9:13

Zɛtɛn Ɔwolemɛ̀n Wɔ-kùyüre-wrɔn lɔ mú ɛbrɛ̀n. Mɛ̀n yá esùva tɔ̀n dú ansikɛ-wɔ-cice-tɛbrɛ̀ léyi hɛ́n Ɔwɔ zìwú nɔn, n'ɛnkru d'anzɔ̀ lɔ wú nvà.