Ɔwɔ-mɛ̀n-yrikàn 11:10 - Ɛmɛẅi ankà ankrànkràn 2003

¹⁰ Ɛnhi wú anmàn-bɔ̀ ke le dú ɛnbɔrɛbruemɛ̀n y'owù lɔ kruhú, yɔ lɛ koran pɔpüɛ̀-brá mɛ̀n kɩ, yɔ lɛ ce y'edomɛ̀n eci, ɔmuhi Ɔwɔ-mùanwú-ankà-dɔ́-bɔ̀ anhyrɛ̀ ndɔ hɔ̀n lɔ hán anwrɔnẅì kán ɛgbàn nɔn.

Ɔwɔ-mɛ̀n-yrikàn 11:10 Iomraidhean Croise

Matie 10:22

Anwrɔn lɔ fɛn kɛ lɛ gbri nyɛ̀n m'ɛkruhú. Tɛ́n ɔwrɔn léyi kɛ lɛ ẅɛn m'ankà lɔ ɛshishiemɛ̀n hàn kɩ kɛ̀ cɔ́ ɛmɛẅi trɔ vra lɔ nɔn, nɛ lɛ cɔ́ ebɩdie.

Zhan 16:20

Mɛ dɔ́ nyɛ̀n annánwɔrɛ mɛ̀n le: nyɛ́n le wú eyú kɩ nye le di ejüe, tɛ́n ɛnhibù ke le dú pɔpƐɛ̀-brá mɛ̀n; tɛ́n ny'ejüedì lɔ kɛ lɛ srɔ pɔpüɛ̀.

Zhan 7:7

Ɛnhibù kè sɩ̀ ẅɛ̀n ny'egbrì, tɛ́n ɛnhibù ke gbri mɛ̀n, ɔmuhi mɛ dɔ̀ le n'ɛci-hán-ci hɔ̀n lɔ krɛ-gbàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:33

Ankà-dɔ̀-trɔ-bɔ̀ lɔ bɩ́ ɛmɛ̀nhyì ɛnvra léyi yɔ yá ankà ndɔ lɔ nɔn, kɩ yɔ ji yɔ di ɔkɔ̀hɔ̀n-wá-bɔ̀ lɔ owúemɛ̀n.

1 Korɛntɛ̀n anmàn-bɔ̀ 13:6

Ɔwrɔn léyi ẅɛn ɛcüɛ̀n nɔn, nɛ́n sɩ́ brá ɛgbàn pɔpüɛ̀, nɛ brá annanwɔrɛ pɔpüɛ̀.

Ɔwɔ-mɛ̀n-yrikàn 12:13

Ɛnvra léyi anwàn-lɛ̀brì lɔ ncɔ̀ nnyrì le yɛ kɔ́n nɛ̀n ze ɛnhi wú nɔn, nɛ̀n bukru nɛ kɛ́n ɛnnyɔnwrɔn léyi bî ɛnẅì nɔn ɛsɛ̀n.

Ɔwɔ-mɛ̀n-yrikàn 13:14

Nɛ wá ɛnhi-wú-bɔ̀ ɛzrɛ́n mɛ̀n, n'anvɛmɛ̀n-frɛ́n-ci léyi nɛ hán kpàkpà nɔ̀n lɔ zìwú nɔn. Nɛ dɔ́ yɔ, yɔ hán picɛ̀ tɔ̀n kè dú ɔnɔ̀n lɔ n'ɛmrɛ́n, nɛ́n léyi, eci wri nɛ̀n edù anhà-kɔ́n-nyan she mɛ̀n, kɩ vru kɔrɛ̀ nɔn.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 16:10

Ɛnriemɛ̀n Wɔ-kùyüre-wrɔn lɔ cüe nɛ́n grashɛ̀n lɔ ɔnɔ̀n lɔ n'ɛgbú-tòbù wú kɩ nɛ́n nɛ̀ncüì-dúyri dú ɛyri-yɔwɔ mɛ̀n. Anwrɔnẅì kɛ kɛ́n ɔwɔ̀ɛn ɛnnyî ɛgbànkan mɛ̀n;

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.