Ɔwɔ-mɛ̀n-yrikàn 11:1 - Ɛmɛẅi ankà ankrànkràn 2003

¹ Zɛtɛn yɛ tán mɛ̀n ɛfisɛ̀ tɔ̀n, ɛtɛ̀pkò-ci tɔ̀n léyi ye bɩ yɛ wɔɛn eci nɔn, kɩ yɛ dɔ́ mɛ̀n le: “Ɛ̀ hɔ̀n ɛ̀ wɔɛn Ɔwɔ cice-wɔn lɔ mán ɛcice tɛbrɛ̀ lɔ, ô ɛ̀ krɛ́ anwrɔn mùan léyi ke cüe Ɔwɔ ankɔrɛ̀ ezìwú ecice-wɔn lɔ mɛ̀n nɔn.

Ɔwɔ-mɛ̀n-yrikàn 11:1 Iomraidhean Croise

2 Korɛntɛ̀n anmàn-bɔ̀ 6:16

Ɔmùan-krɔn tán de ke le dú Ɔwɔ-cice-wɔn mán antɛ̀-buri-Wɔ wɔn angranmɛ̀n nɛ́n? Ɔmuhi bɔ́ dùku bɔ̀ dú Ɔwɔ kɔrɛkɔrɛ lɔ n'ecice-wɔn, hán ɔmu le Ɔwɔ dùku dɔ̀ nɔn: “Me le dú yɔ ɛmɛ̀n, kɩ yɔ mɛhi bɔ́ lɛ nán esù, me le dú y'Ɔwɔ kɩ yɔ le dú mɛ́n fɛcüè.”

1 Piɛrɛ̀n 2:5

Nyɛ́n mán nyɛ́n bɩ́ ɛyri kè dù kɛ̀ hán ɛbù kɔrɛkɔrɛ hɔ̀n léyi srɔ ɛnhɛ́n cice wɔn bù nɔn. Nyɛ lɛ wá Ɔwɔ cice-bɔ̀ kpɔsɔ krumù, yɛ lɛ wá ɛnzhì ɛnkru yɛ tán Ɔwɔ, nye le ce nɛ̀n ɛnhɛ́n mɛ̀n ci léyi kɛ lɛ cüɛn nɛ̀n ɛvɛ̀, Zhezü Krisì bɩmɛ̀n nɔn.

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.

Ɔwɔ-mɛ̀n-yrikàn 10:11

Zɛtɛn yɛ dɔ́ mɛ̀n le: “Ke ji le è vru ɛ̀ dɔ́ ankà léyi Ɔwɔ wá hɛ́n kè dú fɛcüè, ɛnhi wú anmàn hɔ̀n, ɛnbrɛ̀ hɔ̀n mán ɛnnɛ̀ncüì bobrebe hɔ̀n tɛn nɔn.”

Ɔwɔ-mɛ̀n-yrikàn 21:15

Ɔwɔ-kùyüre-wrɔn léyi kɛ dɔ́ mɛ̀n ankà nɔn, eci wɔɛn-ci tɔ̀n dú antamɛ̀n, ansikɛ fisè, ye bɩ yɛ wɔɛn anmàn lɔ, n'esù gbàtà hɔ̀n mán n'andrɛ́n.