Ɔwɔ-mɛ̀n-yrikàn 1:9 - Ɛmɛẅi ankà ankrànkràn 2003

⁹ Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.

Ɔwɔ-mɛ̀n-yrikàn 1:9 Iomraidhean Croise

Matie 20:23

Zhezü mrɛ́n yɔ ɔmùan le: “Annanwɔrɛ mɛ̀n lɔ, nye le mi m'ɛntàn glashɛ̀n lɔ. Tɛ́n kè sɩ̀ dù mɛ̀n de mɛ̀n ẅɛ̀n ezì-kɔrɛ̀ mán ebrì yɛ́-yri lɔ nɔn; ɛyɛ́-yri ndɔ hɔ̀n lɔ dú anwrɔn léyi Dade wá ɔmùan nɔn tɛn.”

Markɛ̀n 10:39

Kɩ yɔ mrɛ́n nɛ̀n ɔmùan le: “Bɔ́ lɛ hán tɛ̀.” Zhezü kɛ dɔ́ yɔ le: “Mɛ́n nyrì le nyɛ lɛ mi ɛgbànkàn shi grashɛ̀n lɔ kɩ nyɛ lɛ cɔ́ ejüezì shi-kru-wá lɔ.

Zhan 16:33

Mɛ̀n dɔ́ nyɛ̀n ankà ndɔ lɔ fɛn, ô nyɛ́n cɔ́ anwɔwɔ nyɛ́n mɛhi b'ɔbɔ̀sɔ̀ lɔ mɛ̀n. Nyɛ lɛ kán ɛgbàn ɛnhibù wú. Tɛ́n edù kè yɩ́ nyɛ̀n! Mɛ́n kɔ̀n ká ɛnhibù!”

Ɔkɔ̀hɔ̀n-wá-bɔ̀ kɔ̀hɔ̀n hán 1:15

Ɛnbì ndɔ hɔ̀n lɔ ɔtɔ̀n, ankaẅì-bùtan-ẅɛn-bɔ̀ léyi borɛkru nɔn, yɔ dú anwrɔn ɛkoẅi-ɔwole. Piɛrɛ̀n tɔhú y'anwanzi kɩ kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 14:22

Yɔ tán ankaẅì-bùtan-ẅɛn-bɔ̀ ɛnbɔrɛ sɔ́, yɔ tán yɔ edùyì ankaẅì-bùtan-ẅɛn mɛ̀n. Kɩ yɔ dɔ́ yɔ le: “Ke ji le bɔ̀ kán ɛgbàn bobrebe, ô bɔ̀ bru Anhobɩ́ nɛ̀ncüì-dúyri.”

Rɔmɛ̀n-anmàn-bɔ̀ 8:17

Bɔ̀ dú n'ɛẅì hɔ̀n, ke dú ɔmu lɔ hô, bɔ́ mán bɔ́ lɛ cɔ́ anvrɛn léyi Ɔwɔ wá nɛ́n fɛcüè ɔmùan, bɔ́ mán Krisì mɛhi bɔ́ le dú n'anvrɛn lɔ mɛ̀n; ɔmuhi ke dú kɛ bɔ́ mán Krisì mɛhi bɔ́ kán ɛgbàn hô, bɔ́ mán nɛ́n mɛhi bɔ́ le dú n'eci-zrɔ lɔ mɛ̀n.

Rɔmɛ̀n-anmàn-bɔ̀ 8:25

Tɛ́n ke dú kɛ bɔ́ ẅɛn esɛ́ eci léyi bɔ́ sɩ́ kán nɔn wú, bɔ́ vrá eci lɔ ɛnbɔrɛ-ẅɛ̀n-hɛ́n mɛ̀n.

2 Korɛntɛ̀n anmàn-bɔ̀ 1:7

Ɔmu lɔ de bɔ̀ ẅɛn esɛ́ vri ny'ɛwú; ɔmuhi, bɔ́ nyrì le, hán ɔmu le nyɛ́n dú bɔ́ ɛgbànkàn hɔ̀n lɔ mɛ̀n nɔn, nyɛ́n mán nyɛ́n dú ɛnbɔrɛ-bi-wá léyi bɔ́ cɔ̀ nɔn mɛ̀n.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 4:14

Tɛ́n nyɛ́n hán eci ankrankran, ɔmuhi nyɛ́n bɩ́ m'ɛgbànkàn hɔ̀n lɔ ɛcá nɔn.

2 Tesalonikɛ̀n anmàn-bɔ̀ 3:5

Ɛẅɛnwrɔn kɛ̀ ẅɛn ny'ɛnbɔrɛ hɔ̀n lɔ kè dú Ɔwɔ cüɛn mɛ̀n mán ɛnbɔrɛ-ẅɛn-hɛ́n léyi Krisì kɛ tán nɔn mɛ̀n.

Anhyrɛmɛ̀n timote 1:8

Anvɛvrà ke bɩ́ ẅɛn mɛ́n bɔ́ Ɛẅɛnwrɔn dalɛfue-diemɛ̀n; m'ɛkruhú mán, anvɛvrà ke bɩ́ ẅɛn mɛ́n, mɛ̀n dú anwɔn-mɛ̀n-wa-wɔn mɛ̀n n'ɛkruhú. Tɛ́n, è shri ɛgbànkàn è bɩ vɛ́n mán mɛ̀n mɛhi Ɛmɛẅi ankà Ankrankran kruhú, ô ɛ̀ ẅɛn esɛ́ ecüì léyi Ɔwɔ kɛ tán nɔn hɩ wú.

Ebre-bɔ̀ 10:36

Ɛnbɔrɛ-ẅɛn-hɛ́n kè dú ny'eci, ô nyɛ́n hán Ɔwɔ kɔrɛ̀zì-ci, ô ɔmu lɔ nyɛ́n cɔ́ n'ɔmùan-wá-ci lɔ.

1 Piɛrɛ̀n 5:1

Mɛ dɔ́ zɛtɛ̀ lɔ, anwrɔn hɔ̀n léyi ny'ɛmɛ̀n lɔ dú ɛcüìcüì-bɔ̀ Ɔwɔ fɛcüè mɛ̀n nɔn ankà. Mɛ̀n mán mɛ̀n dú ecüìcüì; mɛ̀n dú Krisì gbànkán hɔ̀n lɔ yɔ dalɛfuɛ-di-wrɔn kɩ mɛ lɛ cɔ́ n'eci-zrɔ léyi ye le yé nɔn. Nyàn eci léyi mɛ dɔ́ yɔ yɛ hán nɔn:

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 1:2

Zhan di dalɛfuɛ le, eci léyi nɛ́n kàn nɔn dú Ɔwɔ mùan-ankà mán annanwɔrɛ ankà léyi Krisì yé nɔn.

Ɔwɔ-mɛ̀n-yrikàn 1:4

Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,

Ɔwɔ-mɛ̀n-yrikàn 1:6

nɛ̀n srɔ bɔ̀ Ɔwɔ-cice-bɔ̀, ô bo dú nɛ́n Zi Ɔwɔ ci-bɩ̀tan kɔ̀hɔ́n mɛ̀n. Eci-zrɔ mán ɛkɔrɛ̀srɔn kè dú nɛ tɛn ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 11:7

Ɛnvra léyi yɔ lɛ trɔ y'ɛmɛẅi ankà lɔ dɔ̀ nɔn, ɔnɔ̀n léyi dú ɛnnànmàn vrɛ́n lɔ mɛ̀n nɔn, kɛ lɛ kɔ́n yɔ anhà. Nɛ lɛ ká yɔ, kɩ ne le wri yɔ.

Ɔwɔ-mɛ̀n-yrikàn 12:11

Bo muanẅì hɔ̀n kɔ́nká nɛ̀n Ɔwɔ Kɔ̀kɔ̀sɛ̀-ẅì krɛ̀ kɔrɛ̀levriemɛ̀n, mán ankà léyi yɔ di dalɛfuɛ n'ɛwú nɔn n'ɛmɛ̀n; yɔ sɩ̀ bàn y'ɛwúvà lɔ, yɔ krɔn kpehɛ́n, ô yɔ wù.

Ɔwɔ-mɛ̀n-yrikàn 12:17

Ɛmɛ̀nhyì léyi nɛ̀n ẅɛn ɛnnyɔnwrɔn lɔ wú nɔn, wá tán nɛ̀n nɛ̀n hɔ̀n kɔ́n ɛnnyɔnwrɔn lɔ n'ɛmɛẅi-bɔ̀ anhà, yɔ léyi yɔ wá Ɔwɔ nyanmàn kɩ yɔ di ɔmùan zri Zhezü annanwɔrɛ ankà léyi yé nɔn hɩ wú.

Ɔwɔ-mɛ̀n-yrikàn 13:10

Ɔwrɔn léyi yɛ wá le ne le dú anwɔn-mɛ̀n-wá-wɔn mɛ̀n nɔn, kɛ zrɔ, nɛ lɛ hɔ́n anwɔn-mɛ̀n-wá-wɔn mɛ̀n; ɔwrɔn léyi yɛ wá le ne le wú anhà-kɔ́n-nyan she mɛ̀n nɔn, kɛ zrɔ, ne le wú anhà-kɔ́n-nyan she mɛ̀n. Nyàn hɩ le kruhú de ke ji le Ɔwɔ fɛcüè kɛ̀ ẅɛn ɛnbɔrɛ kɛ̀ hɛ́n, ô kè dú ankàẅìbùtan-ẅɛn mɛ̀n.”

Ɔwɔ-mɛ̀n-yrikàn 14:12

Nyàn hɩ le kruhú de, anwrɔn hɔ̀n léyi dú Ɔwɔ tɛn, kɛ wá n'ɛnyanmàn hɔ̀n lɔ, kɩ ke di ɔmuan zri Zhezü tɛ̀sɛ̀n nɔn, ke ji le yɔ hán ɛnbɔrɛ-ẅɛ̀n-hɛ́n-ci.

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.

Ɔwɔ-mɛ̀n-yrikàn 20:4

Zɛtɛn mɛ̀n kán ɛgbú-tòbù hɔ̀n: anwrɔn hɔ̀n léyi yɛ́ yɔ ɛwúɛ nɔn, cɔ́ ɛkɔrɛ̀srɔn yɔ ci ɛmrɛ̀n. Mɛ̀n vru mɛ̀n kán anhɛ́n hɔ̀n léyi ye wri y'ɔmùan-zri-dì annanwɔrɛ ankà léyi Zhezü yé mán Ɔwɔ mùan-ankà-dɔ̀ wú nɔn. Yɔ sɩ̀ cüè ɔnɔ̀n lɔ mán nɛ́n picɛ̀ lɔ ankɔrɛ̀ ezìwúɛ, kɩ yɔ sɩ̀ cɔ̀ ɔnɔ̀n nrɛ̀n lɔ, ezìwú mán ɛmànmɛ̀n. Yɔ vru yɔ vá ɔkɔrɛ-bɔ̀ mɛ̀n kɩ yɔ ẅɛn ɛyri yɔ mán Krisì mɛhi ɛnnanwàn tɛ̀buri.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.

Ɔwɔ-mɛ̀n-yrikàn 6:9

Ɛnvra léyi Ɔwɔ kɔ̀kɔ̀sɛ̀-ẅì srú ɛnriemɛ̀n ci-tɔ́n-ci lɔ nɔn, mɛ̀n kán anwrɔn hɔ̀n léyi ye wri y'ɔmùan-zri-dì kruhú Ɔwɔ ankà-dɔ́ mɛ̀n mán yɔ dalɛfuɛ ankrànkràn dìemɛ̀n nɔn, y'anhɛ́n hɔ̀n lɔ Ɔwɔ-cice-tɛbrɛ̀ krugbɛ̀n.

Ɔwɔ-mɛ̀n-yrikàn 7:14

Mɛ̀n mrɛ́n nɛ̀n ɔmùan le: “Vɛ́n de e nyrì nɔn m'ɛẅɛnwrɔn.” Zɛtɛn nɛ dɔ́ mɛ̀n le: “Yɔ dú anwrɔn hɔ̀n léyi ci ɛgbànkàn vriemɛ̀n. Yɔ jru y'ɛceci she hɔ̀n lɔ kɩ yɔ srɔ yɔ ɛwosu Ɔwɔ Kɔ̀kɔ̀sɛ̀-ẅì krɛ̀ lɔ mɛ̀n.