Ɔwɔ-mɛ̀n-yrikàn 1:7 - Ɛmɛẅi ankà ankrànkràn 2003

⁷ Nyɛ́n nyan, nɛ̀n dú ɛwì-gbuemɛ̀n nɛ và! Yɔ lɛ fɛn yɔ lɛ kán nɛ̀n, yɔ hɔ̀n léyi sɔ́n nɛ̀n ebisɛn nɔn mán. Ɛnhibù wú fɛcüè hɔ̀n ke le dú obòtomɛ̀n n'ɛkruhú. Hɛ̀ɛ̀, ɔmu lɔ de ke le dù nɔn! Kè dú ɔmu lɔ.

Ɔwɔ-mɛ̀n-yrikàn 1:7 Iomraidhean Croise

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Matie 16:28

Mɛ dɔ́ nyɛ̀n annànwɔrɛ mɛ̀n le: anwrɔn hɔ̀n léyi dú ɛnu lɔ nɔn, ɛnjanbɔ̀ ke sɩ̀ wù, ke dú kɛ yɔ sɩ̀ kàn ɔwrɔnẅì Ẅì kɛ̀ và kɛ̀ hán ɛnnɛ̀ncüì hɔ́.”

Matie 24:30

Zɛtɛn, ɔwrɔnẅì Ẅì vá vra ci-woroan-ci kɛ lɛ srɔ anhobɩ́; zɛtɛn, ɛnhibù wú fɛcüè lɔ fɛn ke le dú obòto mɛ̀n, yɔ lɛ kán ɔwrɔnẅì Ẅì ke le dú ɛwì-gbú mɛ̀n anhobɩ́ kɛ̀ và, nɛ́n mán ɛkɔrɛ̀srɔn bobrebe mán eci-zrɔ mɛhi.

Matie 25:31

“Ɛnvra léyi ɔwrɔnẅì Ẅì kɛ lɛ vá n'eci-zrɔ lɔ mɛ̀n, nɛ́n mán Ɔwɔ-kùyüre-bɔ̀ lɔ fɛn mɛhi nɔn, nɛ lɛ yɛ́ n'eci-zrɔ-gbú-tobù lɔ wú.

Matie 26:64

Zhezü mrɛ́n nɛ̀n ɔmùan le: “Vɛ́n de ɛ dɔ̀ nɔn. Tɛ́n mɛ dɔ́ nyɛ̀n le: bukru zɛtɛ̀ lɔ nyɛ lɛ kán ɔwrɔnẅì Ẅì kɛ lɛ yɛ́ ɛkɔrɛ̀srɔn Wɔ zì-kɔrɛ̀ kɔrɛ̀a; nye le vru nyɛ́n kán nɛ̀n ne le dú anhobɩ́ nwì-gbúemɛ̀n nɛ lɛ và.”

Markɛ̀n 13:26

Zɛtɛn yɛ lɛ kán ɔwrɔnẅì Ẅì, ke le dú ɛwì-gbú wanzi kɛ lɛ và, nɛ́n mán n'ɔkɔrɛ̀srɔn bobrebe mán n'eci-zrɔ lɔ fɛn mɛhi.

Markɛ̀n 14:62

Zhezü mrɛ́n ɔmùan le: “Hɛ̀ɛ̀, mɛ̀n dú Ɔwɔ ẅì, kɩ nyɛ́n lɔ fɛn nyɛ lɛ kán ɔwrɔnẅì Ẅì kɛ lɛ yɛ́ ɛkɔrɛ̀srɔn Wɔ ezì-kɔrɛ̀a; nyɛ́n le vru nyɛ́n kán nɛ̀n anhobɩ́ wì-gbuemɛ̀n nɛ̀n và.”

Lükɛ̀n 21:27

Zɛtɛn, yɛ lɛ kán ɔwrɔnẅì Ẅì ke le dú ɛnwì-gbú mɛ̀n kɛ̀ và nɛ́n mán ɛkɔrɛ̀-srɔn vri mán eci-zrɔ mɛhi.

Zhan 19:34

Tɛ́n Gɔliɛ-wrɔn tɔ̀n bɩ́ ebisɛn sɔ́n nɛ̀n ɛgbroẅiè kɩ ɛnkrɛ̀ mán ɛnshi mɛhi srɔ ɛntrɛ ɛnvra zri lɔ.

Zhan 19:37

Kɩ owrú nyàntɛn tɔ̀n vru kɛ dɔ̀ le: “Yɔ lɛ kán ɔwrɔn léyi yɔ sɔ́n ebisɛn nɔn”.

1 Tesalonikɛ̀n anmàn-bɔ̀ 1:10

Nyɛ vrá Zhezü léyi dú n'Ɛnẅì, kè dú anhobɩ́ kɛ̀ và. Nɛ́n de Ɔwɔ bɩ́ nɛ̀n owú-bɔ̀ mɛ̀n sɩ́ ɔkɔrɛ-bɔ̀ mɛ̀n; nɛ mrɛ́n bɔ̀ nɛ̀n sɔhɔ́ Ɔwɔ mrɛ̀ncì léyi kɛ́n eburi nɔn mɛ̀n.

1 Tesalonikɛ̀n anmàn-bɔ̀ 4:17

zɛtɛn, bɔ́ léyi bɔ́ le dú ɔkɔrɛ-bɔ̀ mɛ̀n hɩ vra lɔ nɔn, ye le bɩ́ bɔ̀, yɔ mán bɔ́ mɛhi ye ci ɛnwì-gbú granmɛ̀n, ô bɔ̀ srɔ́n Ɛẅɛnwrɔn ɛsù ɔwràn mɛ̀n. Kɩ ɔmu lɔ, bɔ́ le dú bɔ́ mán Ɛẅɛnwrɔn mɛhi ɛnvra lɔ fɛn.

Ebre-bɔ̀ 10:29

Zɛtɛn, anhɔntan de kɛ lɛ hán kè dù tán ɔwrɔn léyi kɛ ẅɛn Ɔwɔ Ẅì gbrì, kɩ ke bɩ́ nɛ́n mìrɛ̀n-krɛ̀ léyi hɩ ɛmɛ̀n nɛ̀n cɔ́ edòmɛ̀n fí, kɩ kɛ wɔra Ɛnhɛ́n Prɔnprɔn léyi dú boafɔ̀n shibɛ́, hɩ ke bɩ́ nɛ̀n kɛ srɔ eci woro nɛ́n? Nyɛ́n ku anvɛ̀ nyɛ́n nyan ɛgbàn ẅɔ̀ɛn-dì vri shishi léyi ke le dú nɛ tɛn nɔn!

1 Zhan 3:2

M'annyran anvrɛn hɔ̀n, zɛtɛ̀ lɔ bò dú Ɔwɔ ẅì hɔ̀n, tɛ́n eci léyi bɔ́ lɛ srɔ nɔn, kɛ vá yé tán bɔ̀ bò nyri kpete mɛ̀n. Tɛ́n, bò nyri ankà ndɔ lɔ: ɛnvra léyi Krisì kɛ lɛ srɔ nɔn, bɔ́ le dù kɛ lɛ cá nɛ̀n. Ɔmuhi bɔ́ lɛ kán ɔmu le nɛ̀n hán nɛ́n dù nɔn.

Zhüdɛ̀n 1:14

Enɔkɛ̀n, Adamɛ̀n mɛẅi, ɔbɔ̀ɛn mɛ̀n ẅì kprɔ̀hɔ́, de ɛnvra sheshe mɛ̀n dɔ́ y'ɛwú ankà, kɩ nɛ́n dɔ̀ le: “Nyɛ́n die nukùɛ, Ɛẅɛnwrɔn kɛ lɛ và nɛ́n mán n'ɛkùyüre-bɔ̀ prɔnprɔn hɔ̀n bobrebe mɛhi,

Ɔwɔ-mɛ̀n-yrikàn 22:20

Ɔwrɔn léyi ke dí annanwɔrɛ ankà ndɔ lɔ nɛ́n dalɛfuɛ nɔn, kɛ dɔ̀ le: “Hɛ̀ɛ̀, mɛ vá ɛnvra buriemɛ̀n!” Annanwɔrɛ mɛ̀n! Kè dú ɔmu lɔ! Và, Ɛẅɛnwrɔn Zhezü!

Ɔwɔ-mɛ̀n-yrikàn 22:4

Yɔ lɛ kán nɛ̀n anvɛmɛ̀n, kɩ ye le merɛ́n n'ebi y'ezìwú.