Ɔwɔ-mɛ̀n-yrikàn 1:5 - Ɛmɛẅi ankà ankrànkràn 2003

⁵ kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 1:5 Iomraidhean Croise

Matie 20:28

ɔmu lɔ de ɔwrɔnẅì Ẅì mán kè sɩ̀ và, ô kɛ̀ ẅɛ̀n eci-bɩtan-bɔ̀, tɛ́n nɛ́n và, ô nɛ̀n srɔ eci-bɩtan-wrɔn, nɛ̀n bɩ́ n'ɛwúvà nɛ̀n wá *anhɔ́ba, ô nɛ̀n srú anwrɔn bobrebe nɛ̀n ze.”

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Zhan 13:1

Ye dú ɛnyanmán-bì vra bì mɛ̀n, ô yɛ koran abutùkumɛ́n-kɔ́ nyanmán-bì. Zhezü nyri ɔmu le ɛnvra léyi ne le bɩ nɛ̀n hɔ̀n cɔ́ nɛ́n zi Ɔwɔ nɔn ncɔa. Nɛ̀n cüɛn n'anwrɔn hɔ̀n léyi dú ɛnhibù wú nɔn kɩ nɛ̀n cüɛn yɔ ɛnvra lɔ fɛn, kɩ nɛ̀n dú yɔ ɛcƐɛn mɛ̀n hàn kɩ ɔtrɔmɛ̀n.

Zhan 13:34

Mɛ tán nyɛ̀n ɛnyanmàn wrù tɔ̀n: nyɛ́n cüɛn ny'edomɛ̀n. Ke ji le nyɛ́n cüɛn ny'edomɛ̀n hán ɔmu le mɛ cüɛn nyɛ̀n nɔn.

Zhan 15:9

Mɛ cüɛn nyɛ̀n ke hán ɔmu le Dade kɛ cüɛn mɛ̀n nɔn hɔ́. Nyɛ́n yɛ́ m'ɛcüɛ̀n lɔ mɛ̀n.

Zhan 18:37

Zɛtɛn Pilatɛ̀n mrɛ́n nɛ̀n ɔmùan le: “Zɛtɛn e dú ɛnnɛ̀ncüìɛ?” Zhezü mrɛ́n ɔmùan le: “Hɩ de ɛ dɔ̀ nɔn: mɛ̀n dú ɛnnɛ̀ncüì. Ye bî mɛ̀n, kɩ mɛ̀n vá ɛnhibù wú ankà annànwɔrɛ dɔ́-yri. Ɔwrɔn totɔtɔ̀n léyi dú ankà annànwɔrɛ mɛ̀n-wrɔn nɔn, ke die ankà léyi mɛ dɔ́ nɔn nukùɛ.”

Zhan 3:11

Annanwɔrɛ mɛ̀n mɛ dɔ́ mɛ́n le: bɔ́ dɔ́ ɛci hɔ̀n léyi bɔ́ nyrì nɔn y'ankà, kɩ bɔ́ di dalɛfuɛ eci léyi bɔ́ kàn nɔn wú, tɛ́n nyɛ́n sɩ́ ji nyɛ́n bɩ́ bɔ́ dalɛfuɛ-di-ankà lɔ.

Zhan 3:16

Ɔmuhi Ɔwɔ zeze cüɛ́n ɛnhibù-wú-bɔ̀ kɩ nɛ̀n tán yɔ n'Ɛnẅì zri lɔ, ô ɔwrɔn totɔtɔ̀n léyi kɛ ẅɛn n'ankaẅì-bùtan nɔn ke bɩ́ wúɛ, tɛ́n nɛ̀n cɔ́ ɛwúvà léyi ke sɩ́ trɔa nɔn.

Zhan 3:32

Ne di dalɛfuɛ ɛci léyi nɛ́n kàn, mán hɩ léyi nɛ̀n yá nɔn hɩ wú, tɛ́n ɔwrɔn zriɛmɛ́n ke sɩ́ bɩ́ nɛ́n dalɛfuɛ-dì lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 26:23

le Ebɩdie-wrɔn lɔ kɛ lɛ kán ɛgbàn, ne le dú ɛnvrakpà-wrɔn léyi ke le dú owúemɛ̀n kɛ̀ frɔ́ kɩ nɛ lɛ dɔ́ ɛyri-kàn krukɔrɛ̀ ankà nɛ̀n tán bɔ́ fɛcüè mán ɛnhibù anmàn wú nyantɛn bɔ̀.”

Rɔmɛ̀n-anmàn-bɔ̀ 3:25

Ɔwɔ bɩ́ nɛ̀n ce eci, ô n'owù lɔ mɛ̀n, Krisì kɛ̀ cɔ́ ɛgbàn-bɩ̀-ce kè dú anwrɔn hɔ̀n léyi ẅɛn ankaẅì-bùtan n'ɛwú nɔn tɛn. Ɔmu lɔ de Ɔwɔ yé ɛnvra lɔ fɛn le, nɛ̀n dú ɛnyrɔnnan-wrɔn: nɛ́n gɔ̀ dú ɛnyrɔnnan-wrɔn ɛnbìɛhɛ́n, ɛnvra léyi anwrɔnẅì dú ɛgbàn mɛ̀n, hɩ nɛ̀n sɩ̀ bɩ̀ ɛmɛ̀nhyì nɛ̀n teze yɔ, yɔ dú ɛgbàn-hán mɛ̀n; nɛ̀n dú ɔmu zri lɔ zɛtɛ̀ lɔ, ɔmuhi ne ji ɛnvra zri lɔ mɛ̀n nɛ̀n dú ɛnyrɔnnan-wrɔn, ô anwrɔn hɔ̀n léyi ẅɛn ankaẅì-bùtan Zhezü mɛ̀n nɔn, nɛ̀n srɔ yɔ ɛnyrɔnnan-bɔ̀.

Rɔmɛ̀n-anmàn-bɔ̀ 8:37

Tɛ́n eci ndɔ lɔ fɛn mɛ̀n, b'ɔkɔ̀nkà lɔ sá nmù, ɔwrɔn léyi cüɛn bɔ̀ nɔn, n'ebɩmɛ̀n.

1 Korɛntɛ̀n anmàn-bɔ̀ 6:11

Nyàn eci léyi dú anwrɔn janbɔ̀ ny'ɛmɛ̀n lɔ nɔn. Tɛ́n ye fi nyɛ̀n edomɛ̀n, ye bɩ́ nyɛ̀n yɛ srɔ Ɔwɔ tɛn, yɛ srɔ nyɛ̀n ɛnnyrɔnnan-bɔ̀ Ɔwɔ zìwú, Ɛẅɛnwrɔn Zhezü Krisì bɩmɛ̀n mán b'Ɔwɔ Hɛ́n mɛ̀n.

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Efɛzɛ̀n anmàn-bɔ̀ 2:4

Tɛ́n Ɔwɔ yɔ̀bɔ̀-nyrì lɔ sevri, ecüɛ̀n léyi nɛ̀n ẅɛn bɔ́ ɛwú nɔn, hán tán,

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

Kɔlɔsèn anmàn-bɔ̀ 1:18

Ɔwɔ-fɛcüè-bɔ̀ léyi ndù hán edùwrú hɔ́ nɔn, nɛ̀n dú y'ɛnkru; n'ɛmɛ̀n de ɛwúvà wrù kɛ bukru nɔn, nɛ̀n dú ɛnvrapkà-bî-ẅì, ɛnvrapkà-wrɔn léyi vru vá ɔkɔrɛ-bɔ̀ mɛ̀n, ô eci lɔ fɛn mɛ̀n lɔ nɛ̀n ẅɛn ɛnvrapkà yɛ́yri.

Kpàkpà timote 6:13

Ɔwɔ zìwú, nɛ́n léyi nɛ tán eci lɔ fɛn ɔkɔrɛ̀ wúvà mán Zhezü Krisì zìwú, nɛ́n léyi Pilatɛ̀n zìwú, nɛ̀n dɔ́ nɛ́n dalɛfue-di ankà ankrankran ankaẅìbùtan ẅɛ̀n wú nɔn, mɛ wá tán mɛ́n le:

Kpàkpà timote 6:15

Krisì và bì ndɔ lɔ kɛ lɛ cɔ̀, ɛnvra léyi Ɔwɔ wá tán nɔn, nɛ́n léyi nɛ́n dú ɛyri-ẅɛnwrɔn zri lɔ nɔn, ɛnbɔrɛ-bru shi-bɛ́, ɛnnɛ̀ncüì hɔ̀n Nɛ̀ncüì mán ɛẅɛn-bɔ̀ lɔ fɛn y'Ɛẅɛnwrɔn nɔn.

Ebre-bɔ̀ 10:29

Zɛtɛn, anhɔntan de kɛ lɛ hán kè dù tán ɔwrɔn léyi kɛ ẅɛn Ɔwɔ Ẅì gbrì, kɩ ke bɩ́ nɛ́n mìrɛ̀n-krɛ̀ léyi hɩ ɛmɛ̀n nɛ̀n cɔ́ edòmɛ̀n fí, kɩ kɛ wɔra Ɛnhɛ́n Prɔnprɔn léyi dú boafɔ̀n shibɛ́, hɩ ke bɩ́ nɛ̀n kɛ srɔ eci woro nɛ́n? Nyɛ́n ku anvɛ̀ nyɛ́n nyan ɛgbàn ẅɔ̀ɛn-dì vri shishi léyi ke le dú nɛ tɛn nɔn!

Ebre-bɔ̀ 9:14

Ke dú ɔmu lɔ de ndù nɔn hô, andɛ̀n ɛ̀bɛ́ de Krisì krɛ̀ lɔ kɛ lɛ ẅɛn vɔnshɛ́! Ɛnhɛ́n léyi kè sɩ̀ ẅɛ̀n ɔtrɔ nɔn, n'ecüiemɛ̀n de nɛ̀n bɩ́ nɛ́n dùku n'edomɛ̀n nɛ̀n ce Ɔwɔ, dú nmù sà cice. N'ɛnkrɛ̀ ke le fi bɔ́ wàwúyɛ lɔ n'ɛci-hán gbàngbàn hɔ̀n lɔ mɛ̀n, ô Ɔwɔ kɔrɛkɔrɛ lɔ, bɔ́ dú n'eci-bɩ̀tan-bɔ̀.

1 Piɛrɛ̀n 1:19

de ye bɩ ye srú nyɛ̀n ɛgbàn mɛ̀n nɔn; hɔ̂, Krisì krɛ̀ prɔnprɔn lɔ n'ɛmɛ̀n de ye ce eci dú cá kɔ̀kɔ̀sɛ-ẅì léyi eci-fɔn mán nbrá bàdà edomɛ̀n nɔn.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.

1 Zhan 4:10

Kɩ ɛcüɛ̀n dú eci ndɔ lɔ: ke sɩ̀ dù hɩ le bɔ̀ cüɛn Ɔwɔ nɔn, tɛ́n hɩ le nɛ̀n cüɛn bɔ̀ kɩ nɛ̀n wá n'Ɛnẅì ɔkɔ̀hɔ̀n, ô n'ecice lɔ mɛ̀n, bɔ̀ cɔ́ ɛgbàn-bɩ̀ce.

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 11:3

Mɛ lɛ wá mɛ́n dalɛfuɛ-di-bɔ̀ anhyrɛ̀ ɔkɔ̀hɔ̀n, yɔ le ku ɛbrá ceci edù, kɩ yɔ lɛ dɔ́ ɛmɛẅi ankà léyi yɔ cɔ́ Ɔwɔ yri ɛbi tɛ̀buri kru zri mán ɛkɔẅi ɛvà anhɔ̀n ndɔ hɔ̀n granmɛ̀n nɔn.”

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 19:11

Zɛtɛn mɛ̀n kán anhobɩ́ gbɛ́ ɔmùan, kɩ kpàngɔ wosu tɔ̀n srɔ. Ɔwrɔn léyi yɛ́ nɛ̀n ɛwú nɔn, ye bi nɛ̀n Ɔmùanzri-dì mán Annanwɔrɛ; ne ci ɛmrɛ̀n kɩ nɛ kɔ́n anhà ɛnyrɔnnan mɛ̀n.

Ɔwɔ-mɛ̀n-yrikàn 19:16

N'ɛceci she lɔ wú mán n'annan-bɔ̀n-mɛ̀n ye merɛ́n ebi ndɔ lɔ: “Ɛnnɛncüì hɔ̀n Nɛ̀ncüì mán ɛẅɛn-bɔ̀ Ẅɛnwrɔn”.

Ɔwɔ-mɛ̀n-yrikàn 2:13

Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.

Ɔwɔ-mɛ̀n-yrikàn 3:14

“È merɛ́n owrú è yüre Ɔwɔ-kùyüre-wrɔn léyi dú Laodise anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi Krisì kɛ dɔ̀, nɛ́n léyi nɛ̀n dú ɔmùan-zri dalɛfuɛ-di-wrɔn mán annanwɔrɛ, nɛ̀n dú eci lɔ fɛn léyi Ɔwɔ hán nɔn, n'ɛnkrubɔmɛ̀n, nɛ dɔ̀ le:

Ɔwɔ-mɛ̀n-yrikàn 7:14

Mɛ̀n mrɛ́n nɛ̀n ɔmùan le: “Vɛ́n de e nyrì nɔn m'ɛẅɛnwrɔn.” Zɛtɛn nɛ dɔ́ mɛ̀n le: “Yɔ dú anwrɔn hɔ̀n léyi ci ɛgbànkàn vriemɛ̀n. Yɔ jru y'ɛceci she hɔ̀n lɔ kɩ yɔ srɔ yɔ ɛwosu Ɔwɔ Kɔ̀kɔ̀sɛ̀-ẅì krɛ̀ lɔ mɛ̀n.