Ɔwɔ-mɛ̀n-yrikàn 1:4 - Ɛmɛẅi ankà ankrànkràn 2003

⁴ Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,

Ɔwɔ-mɛ̀n-yrikàn 1:4 Iomraidhean Croise

Zhan 1:1

Ɛnkrubɔmɛ̀n lɔ, ɛnvra léyi Ɔwɔ hán ɛnhibù nɔn, ankà-dɔ̀ gɔ́ dù; ɔwrɔn léyi dú ankà-dɔ̀ nɔn, nɛ́n mán Ɔwɔ mɛhi yɔ dù, kɩ nɛ̀n dú Ɔwɔ.

Ɔkɔ̀hɔ̀n-wá-bɔ̀ kɔ̀hɔ̀n hán 19:10

Pɔlɛ̀n ci-yé ndɔ lɔ di ɛnnànwàn kru anhyrɛ̀, hán tán kɩ anwrɔn lɔ fɛn léyi dú Azi kpɔsɔ wú nɔn, Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yá Ɛẅɛnwrɔn ankà-dɔ̀ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 2:9

Bɔ ɛmɛ̀n lɔ, ndɔ hɔ̀n dú Partɛ̀n, Medi mán Elamɛ̀n ɛnhi wú anmàn nvà. Mezopotami, Zhüde mán Kapadɔsɛ̀n, Pɔn mán Azi kpɔsɔ wú;

Rɔmɛ̀n-anmàn-bɔ̀ 1:7

Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

1 Korɛntɛ̀n anmàn-bɔ̀ 1:3

Ɔwɔ léyi dú bɔ́ Zi mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

2 Korɛntɛ̀n anmàn-bɔ̀ 1:2

Ɔwɔ bɔ́ Zi mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

Ebre-bɔ̀ 13:8

Zhezü Krisì dú ɔwrɔn léyi dú ɛnɛ́n, ɛnyɔnci mán ɛnvra lɔ fɛn nɔn.

Zhakɛ̀n 1:17

Ecice anvrɛnvrɛn mán ecitán ankrankran ke dú anhobɩ́ kɛ và, yɔ dú Ɔwɔ yri yɛ và, nɛ́n léyi nɛ̀n dú anhobɩ́-yri-kàn-hán-wrɔn nɔn. Kɩ Ɔwɔ ke sɩ́ crɔn hán, yakɛ nɛ́n sɩ́ hán ɛyri-yɔwɔ n'eci-hán lɔ fɛn mɛ̀n.

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 1:11

esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”

Ɔwɔ-mɛ̀n-yrikàn 1:17

Ɛnvra léyi mɛ̀n kán nɛ̀n nɔn, mɛ̀n bore nɛ̀n annan zìwú hán owú-wrɔn hɔ́. Nɛ̀n bɩ́ n'ezì-kɔrɛ̀ kɔrɛ̀ lɔ nɛ̀n di mɛ̀n ɛwú kɩ nɛ dɔ̀ le: “Ɛnjansù ke bɩ́ ẅɛn mɛ́n! Mɛ̀n dú kpàkpà-wrɔn mán ɛmɛẅitrɔ-wrɔn.

Ɔwɔ-mɛ̀n-yrikàn 1:20

Nyàn ankà bán ankà léyi dú okùcankrò ɔbɔ̀ɛn hɔ̀n léyi ɛ kán m'ezì-kɔrɛ̀ kɔrɛ̀ màn lɔ mɛ̀n mán ansikɛ kɛniɛn hɔ̀n ɔbɔ̀ɛn lɔ mɛ̀n nɔn: okùcankrò ɔbɔ̀ɛn hɔ̀n lɔ dú Ɔwɔ fɛcüè hɔ̀n ɔbɔ̀ɛn lɔ y'Ɔwɔ kùyüre-bɔ̀, kɩ kɛniɛn hɔ̀n ɔbɔ̀ɛn lɔ, dú Ɔwɔ fɛcüè hɔ̀n ɔbɔ̀ɛn lɔ.”

Ɔwɔ-mɛ̀n-yrikàn 1:8

“Mɛ̀n dú kpàkpà-wrɔn mán ɛmɛẅitrɔ-wrɔn”, ɔmu lɔ de Ɛẅɛnwrɔn, ɛkɔrɛ̀srɔn Wɔ kɛ dɔ̀ nɔn, nɛ́n léyi nɛ́n dù, nɛ́n go dù, kɩ nɛ và nɔn.

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.

Ɔwɔ-mɛ̀n-yrikàn 16:5

Zɛtɛn mɛ̀n yá Ɔwɔ-kùyüre-wrɔn léyi ẅɛn ɛkɔrɛ̀levri ɛnshi hɔ̀n wú nɔn, kɛ dɔ̀ le: “Vɛ́n léyi è dú Prɔnprɔn, e dù kɩ e gɔ́ dù, è yé le è dú ɛnyrɔnnan-mrɛ̀nci-wrɔn.

Ɔwɔ-mɛ̀n-yrikàn 2:12

“È merɛ́n owrú è yüre Ɔwɔ-kùyüre-wrɔn léyi dú Pergamɛ̀n anmàn nɔn: Nyàn ankà léyi ɔwrɔn léyi ẅɛn ezì-anhyrɛ̀-nyan-she piɛnpiɛn kɛ dɔ̀ nɔn:

Ɔwɔ-mɛ̀n-yrikàn 2:18

“È merɛ́n owrú è yüre Ɔwɔ-kùyüre-wrɔn léyí dú Tiatirɛ̀n anmàn, Ɔwɔ-fɛcüè-bɔ̀ lɔ mɛ̀n nɔn: Nyàn ankà léyi Ɔwɔ Ẅì kɛ dɔ̀ nɔn, nɛ́n léyi anvɛ̀ kɛ gbrɛ́n nɛ̀n kɛ hán ɛnhyá hɔ́, kɩ annan kɛ kɛ̀n kɛ hán pritù ẅì léyi ye fi edomɛ̀n nɔn hɔ́.

Ɔwɔ-mɛ̀n-yrikàn 2:8

“È merɛ́n owrú è yüre Ɔwɔ-kùyüre-wrɔn léyi dú Smirnɛ̀n anmàn nɔn: Nyàn ankà léyi kpàkpà-wrɔn mán ɛmɛẅi-trɔ-wrɔn kɛ dɔ̀ nɔn, ɔwrɔn léyi nwù kɩ vru vá ɔkɔrɛ-bɔ̀ mɛ̀n nɔn:

Ɔwɔ-mɛ̀n-yrikàn 22:16

“Mɛ̀n Zhezü, mɛ̀n wá m'ɛkùyüre-wrɔn ɔkɔhɔ̀n kɛ̀ và kè yé eci ndɔ lɔ Ɔwɔ fɛcüè-bɔ̀ mɛ̀n. Mɛ̀n dú Davidɛ̀n mɛ̀n mɛ̀n mɛẅi-wrɔn, ɛcɛ̀n-dɔ̀gbɔ̀.”

Ɔwɔ-mɛ̀n-yrikàn 22:8

Mɛ̀n, Zhan, mɛ̀n yá kɩ mɛ̀n kán ɛci ndɔ hɔ̀n lɔ. Kɩ ɛnvra léyi mɛ̀n yá kɩ mɛ̀n kán yɔ nɔn, mɛ̀n bore Ɔwɔ kùyüre-wrɔn léyi yé mɛ̀n eci hɔ̀n lɔ nɔn, annan zìwú, ô mɛ̀n cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 3:1

“È merɛ́n owrú è yüre Ɔwɔ kùyüre-wrɔn léyi dú Sardɛ̀n anmàn Wɔ fɛcüe-bɔ̀ mɛ̀n nɔn: Nyàn ankà léyi ɔwrɔn léyi ẅɛn Ɔwɔ Hɛ́n ɔbɔ̀ɛn hɔ̀n mán okùcankro hɔ̀n ɔbɔ̀ɛn kɛ dɔ̀ nɔn: Mɛ̀n nyri v'ɔkɔ̀hɔ̀n-hán-kɔ̀hɔ̀n; mɛ̀n nyri ɔmu le ɛ̀ ẅɛn ɛmrɛ́n ɔmuhi è dú ankɔrɛkɔrɛ mɛ̀n, zɛtɛn e wù.

Ɔwɔ-mɛ̀n-yrikàn 3:14

“È merɛ́n owrú è yüre Ɔwɔ-kùyüre-wrɔn léyi dú Laodise anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi Krisì kɛ dɔ̀, nɛ́n léyi nɛ̀n dú ɔmùan-zri dalɛfuɛ-di-wrɔn mán annanwɔrɛ, nɛ̀n dú eci lɔ fɛn léyi Ɔwɔ hán nɔn, n'ɛnkrubɔmɛ̀n, nɛ dɔ̀ le:

Ɔwɔ-mɛ̀n-yrikàn 3:7

“È merɛ́n owrú è yüre Ɔwɔ-kuyüre-wrɔn léyi dú Filadɛlfi anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi dú prɔnprɔn mán annanwɔrɛ, nɛ́n léyi nɛ̀n ẅɛn ɛnnɛncüì Davidɛ̀n safɛ̀ lɔ, nɛ́n léyi ne srú kɩ ɔwrɔn zriɛmɛ́n ke sɩ́ sɛn rɔ́a nɔn, nɛ́n léyi nɛ sɛ̀n kɩ ɔwrɔn zriɛmɛ́n ke sɩ́ srú rɔ́a nɔn, nyan ankà léyi nɛ dɔ̀ nɔn:

Ɔwɔ-mɛ̀n-yrikàn 4:5

Ɛgbú-tòbù wú lɔ, anhobɩ́ hyà, esùva bobo mán ɛwú kù-dì ke dù kɛ và. Ɛnhyà lakà ɔbɔ̀ɛn ke wrú ɛgbú-tòbù zìwú; ndɔ lɔ de dú Ɔwɔ hɛ́n ɔbɔ̀ɛn hɔ̀n lɔ nɔn.

Ɔwɔ-mɛ̀n-yrikàn 4:8

Ɛci kɔrɛkɔrɛ anzɔ̀ lɔ, ɔwrɔnwrɔn ẅɛn ɛtùvàkɔrɛ̀ ɔwole, anvɛ̀ dú ɛwú mán anhɛ̀. Yɔ dú ɛcɔ̀-krɛmɛ̀n ɛnvra lɔ fɛn, ɛnnyran mán ɛcɛ̀n: “Prɔnprɔn, prɔnprɔn, prɔnprɔn dú Ɛẅɛnwrɔn, ɛkɔrɛ̀srɔn Wɔ, nɛ́n léyi nɛ́n go dù, nɛ́n dù kɩ nɛ và nɔn.”

Ɔwɔ-mɛ̀n-yrikàn 5:6

Kɩ mɛ̀n kán Ɔwɔ kɔ̀kɔ̀sɛ̀ ẅì nyɔn ɛgbú-tòbù wanzi, ɛci kɔrɛkɔrɛ anzɔ̀ hɔ̀n lɔ mán ɛcüìcüì-bɔ̀ gbrɛnkɛ́n nɛ̀n ɔmùan. Nɛ̀n cá eci léyi ye wi esùva nɔn. Nɛ̀n ẅɛn ɛtrù ɔbɔ̀ɛn mán anvɛ̀ ɔbɔ̀ɛn léyi dú Ɔwɔ hɛ́n ɔbɔ̀ɛn léyi yɛ hán dú ɛnhibù mumù lɔ fɛn wú và nɔn.

Ɔwɔ-mɛ̀n-yrikàn 8:2

Zɛtɛn mɛ̀n kán Ɔwɔ-kùyüre-bɔ̀ ɔbɔ̀ɛn lɔ nyɔn Ɔwɔ zìwú; yɛ tán yɔ anbrɛ̀n ɔbɔ̀ɛn.