Ɔwɔ-mɛ̀n-yrikàn 1:2 - Ɛmɛẅi ankà ankrànkràn 2003

² Zhan di dalɛfuɛ le, eci léyi nɛ́n kàn nɔn dú Ɔwɔ mùan-ankà mán annanwɔrɛ ankà léyi Krisì yé nɔn.

Ɔwɔ-mɛ̀n-yrikàn 1:2 Iomraidhean Croise

Zhan 1:32

Zhan vru kɛ dɔ̀ le: “Mɛ̀n kán Ɛnhɛ́n Prɔnprɔn bɩ́ brɛndre dùwru dú anhobɩ́ kakɛ nɛ̀n ɛwúɛ.

Zhan 12:17

Anwrɔn hɔ̀n léyi dú Zhezü ɛtɛsɛ̀n ɛnvra léyi nɛ̀n hán Lazarɛ̀n dú owú-bɔ̀ mɛ̀n vá ɔkɔrɛ-bɔ̀ mɛ̀n nɔn, kɛ dɔ́ eci léyi yɔ kàn nɔn yi ankà.

Zhan 19:35

Ɔwrɔn léyi kɛ dɔ́ ankà ndɔ hɔ̀n lɔ nɔn, kán ankà hɔ̀n lɔ ɛyri, kɩ ankà léyi nɛ́n dɔ̀ nɔn dú annànwɔrɛ. Nɛ tɛn nɛ̀n nyri ɔmu le nɛ dɔ́ ankà annànwɔrɛ, ô nyɛ́n mán nyɛ́n bùtan ankaẅì.

Zhan 21:24

Ɛsɛnkɛn-wrɔn ndɔ lɔ, nɛ́n de nɛ́n dɔ̀ kɩ nɛ̀n merɛ̀n ankà ndɔ hɔ̀n lɔ fɛn, kɩ bɔ̀ nyri ɔmu le ankà léyi nɛ́n dɔ̀ nɔn dú annànwɔrɛ.

Zhan 3:11

Annanwɔrɛ mɛ̀n mɛ dɔ́ mɛ́n le: bɔ́ dɔ́ ɛci hɔ̀n léyi bɔ́ nyrì nɔn y'ankà, kɩ bɔ́ di dalɛfuɛ eci léyi bɔ́ kàn nɔn wú, tɛ́n nyɛ́n sɩ́ ji nyɛ́n bɩ́ bɔ́ dalɛfuɛ-di-ankà lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 22:15

Ɔmuhi ke ji le è dú nɛ́n dalɛfuɛ-di-wrɔn, ô ɛ̀ dɔ́ anwrɔnẅì lɔ fɛn zìwú, eci léyi ɛ kàn mán hɩ léyi ɛ̀ yá nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:16

Tɛ́n, sɩ̀ ezì ɛwú, tɔhú nyɔn. Mɛ̀n hán tán ɛ̀ kán mɛ̀n, ô ɛ̀ srɔ m'eci-bɩ̀tan-wrɔn; e le dú mɛ́n dalɛfuɛ-di-wrɔn ô ɛ̀ dɔ́ ɔmu le ɛ̀ hán ɛ̀ kán mɛ̀n ɛnyɔncì lɔ, ô ɛ̀ dɔ́ ankà léyi mɛ lɛ hán tán mɛ́n è vru è nyrì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:20

Bɔ́ tɛn, bɔ́ sɩ̀ kɛ́n ɔmùan bɔ̀ hɛ́n rɔ́, eci léyi bɔ́ kàn hɩ bɔ̀ yá nɔn n'ɛwú.”

1 Korɛntɛ̀n anmàn-bɔ̀ 1:6

Dalɛfuɛ léyi nyɛ́n di Krisì tɛ̀sɛ̀n nɔn wá nyɛ̀n ecüì edomɛ̀n,

1 Korɛntɛ̀n anmàn-bɔ̀ 2:1

Anwrɔn-nɛ́n-muan-ẅì hɔ̀n, ɛnvra léyi mɛ̀n hɔ́n nyɛ̀n ɛnyan-yri, ô mɛ̀n sɩ́ Ɔwɔ ankɔ́nda-ci-hán ankà-bán-ankà lɔ ɛwú mɛ̀n tán nyɛ̀n nyɛ́n nyrì nɔn, mɛ̀n sɩ̀ dɔ́ nyɛ̀n ankà ɛnbrɛ̀ shishiemɛ̀n mán ankà-nyrì vriemɛ̀n.

1 Zhan 1:1

Eci léyi dú ɛnkrubɔmɛ̀n nɔn, bɔ̀ yá n'ankà, bɔ̀ kán nɛ̀n bo dùku b'anvɛ̀ẅiemɛ̀n, kɩ b'ankɔrɛ̀ tɛ́ nɛ̀n: nɛ̀n dú Ɔwɔ mùan ankà-dɔ̀ léyi kɛ tán ɛwúvà-kɔrɛ̀ nɔn.

1 Zhan 4:14

Kɩ bɔ́ kàn, kɩ bɔ́ dɔ̀ le Ɔwɔ wá n'Ɛnẅì ɔkɔhɔ̀n kè dú ɛnhibù Bɩdie-wrɔn.

3 Zhan 1:12

Anwrɔn lɔ fɛn kɛ dɔ́ Demetrihüsɛ̀n ankà anvrɛnvrɛn, kɩ annanwɔrɛ léyi dú nɛ̀n ɛmɛ̀n nɔn, ke di nɛ̀n dalɛfuɛ. Bɔ́ mán, bo di nɛ̀n dalɛfüɛ ankrankran, kɩ e nyrì le, dalɛfuɛ-dì ndɔ lɔ dú annanwɔrɛ.

Ɔwɔ-mɛ̀n-yrikàn 1:11

esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”

Ɔwɔ-mɛ̀n-yrikàn 1:19

Zɛtɛn è merɛ́n eci leyi ɛ̀ kàn: mán eci léyi ke ci mɛ́n ezìwú, mán hɩ léyi kɛ lɛ wɔ̀ɛn nɔn.

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.

Ɔwɔ-mɛ̀n-yrikàn 12:11

Bo muanẅì hɔ̀n kɔ́nká nɛ̀n Ɔwɔ Kɔ̀kɔ̀sɛ̀-ẅì krɛ̀ kɔrɛ̀levriemɛ̀n, mán ankà léyi yɔ di dalɛfuɛ n'ɛwú nɔn n'ɛmɛ̀n; yɔ sɩ̀ bàn y'ɛwúvà lɔ, yɔ krɔn kpehɛ́n, ô yɔ wù.

Ɔwɔ-mɛ̀n-yrikàn 12:17

Ɛmɛ̀nhyì léyi nɛ̀n ẅɛn ɛnnyɔnwrɔn lɔ wú nɔn, wá tán nɛ̀n nɛ̀n hɔ̀n kɔ́n ɛnnyɔnwrɔn lɔ n'ɛmɛẅi-bɔ̀ anhà, yɔ léyi yɔ wá Ɔwɔ nyanmàn kɩ yɔ di ɔmùan zri Zhezü annanwɔrɛ ankà léyi yé nɔn hɩ wú.

Ɔwɔ-mɛ̀n-yrikàn 20:4

Zɛtɛn mɛ̀n kán ɛgbú-tòbù hɔ̀n: anwrɔn hɔ̀n léyi yɛ́ yɔ ɛwúɛ nɔn, cɔ́ ɛkɔrɛ̀srɔn yɔ ci ɛmrɛ̀n. Mɛ̀n vru mɛ̀n kán anhɛ́n hɔ̀n léyi ye wri y'ɔmùan-zri-dì annanwɔrɛ ankà léyi Zhezü yé mán Ɔwɔ mùan-ankà-dɔ̀ wú nɔn. Yɔ sɩ̀ cüè ɔnɔ̀n lɔ mán nɛ́n picɛ̀ lɔ ankɔrɛ̀ ezìwúɛ, kɩ yɔ sɩ̀ cɔ̀ ɔnɔ̀n nrɛ̀n lɔ, ezìwú mán ɛmànmɛ̀n. Yɔ vru yɔ vá ɔkɔrɛ-bɔ̀ mɛ̀n kɩ yɔ ẅɛn ɛyri yɔ mán Krisì mɛhi ɛnnanwàn tɛ̀buri.

Ɔwɔ-mɛ̀n-yrikàn 22:21

Ɛẅɛnwrɔn Zhezü boafɔ̀n ke dú nyɛ lɛ fɛn ɛmɛ̀n.

Ɔwɔ-mɛ̀n-yrikàn 6:9

Ɛnvra léyi Ɔwɔ kɔ̀kɔ̀sɛ̀-ẅì srú ɛnriemɛ̀n ci-tɔ́n-ci lɔ nɔn, mɛ̀n kán anwrɔn hɔ̀n léyi ye wri y'ɔmùan-zri-dì kruhú Ɔwɔ ankà-dɔ́ mɛ̀n mán yɔ dalɛfuɛ ankrànkràn dìemɛ̀n nɔn, y'anhɛ́n hɔ̀n lɔ Ɔwɔ-cice-tɛbrɛ̀ krugbɛ̀n.