Ɔwɔ-mɛ̀n-yrikàn 1:18 - Ɛmɛẅi ankà ankrànkràn 2003

¹⁸ Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 1:18 Iomraidhean Croise

Matie 11:23

Kɩ vɛ́n, Kapɛrnahümɛ̀n, e tro le e le sɩ́ v'edomɛ̀n ɛwú hàn kɩ ɛ̀ cɔ́ anhobɩ́ hɛ́? Ye le sɩ́ mɛ́n ɛnhi hàn kɩ ɛ lɛ cɔ́ owú-bɔ̀ anmàn. Ɔmuhi anvɛmɛ̀n-frɛ́n-ci hɔ̀n léyi yɛ hán v'eyri nɔn, ke dú kɛ yɛ hán yɔ Sodɔmɛ̀n anmàn hô, anmàn ndɔ lɔ ke le vru kè dú ɛnyɔncì lɔ.

Matie 16:19

Mɛ lɛ tán mɛ́n Anhobɩ́ Nɛ̀ncüì-dúyri safɛ̀ hɔ̀n lɔ: eci léyi ɛ lɛ mrɛ́n sɔhɔ́ ɛnhi wú nɔn, anhobɩ́ mán yɛ lɛ mrɛ́n sɔhɔ́; eci léyi e le bɩ́ ɛnhi wú nɔn anhobɩ́ mán ye le bɩ.”

Lükɛ̀n 24:5

Ɔmuhi ɛnjansù kɛ ẅɛn yɔ kɩ yɔ sɩ́ sɩ́ ɛzì ɛwú rɔa nɔn, wúcɔ̀ hɔ̀n lɔ kɛ dɔ́ yɔ le: “Cɛci kruhú kɛ nye jí owú-bɔ̀ mɛ̀n, ɔwrɔn léyi dú ɔkɔrɛ-bɔ̀ mɛ̀n nɛ́n?

Zhan 11:25

Zhezü kɛ dɔ́ nɛ̀n le: “Mɛ̀n dú owúemɛ̀n-dù-frɔ mán ɛwúvà-kɔrɛ̀. Ɔwrɔn léyi ke bú m'ankà kɛ tán ankaẅì nɔn, ne le dú ɔkɔrɛ-bɔ̀ mɛ̀n ke dú kɛ ne wù mán;

Zhan 14:19

Ɛnvra buriemɛ̀n ɛnhibù ke sɩ̀ vru kán mɛ̀n, tɛ́n nyɛ́n, nyɛ lɛ kán mɛ̀n, ɔmuhi mɛ̀n dú ɔkɔrɛmɛ̀n kɩ nyɛ́n mán nye le dú ɔkɔrɛmɛ̀n nɔn.

Rɔmɛ̀n-anmàn-bɔ̀ 6:9

Bɔ́ nyri annanwɔrɛ mɛ̀n le, ɛnvra sheshe léyi Krisì dú owú-bɔ̀ mɛ̀n vru vá ɔkɔrɛ-bɔ̀ mɛ̀n nɔn, nɛ́n sɩ̀ vru wùɛ: owù kè sɩ̀ vrù ẅɛ̀n ɛkɔrɛ̀-srɔn zriɛmɛ́n n'ɛwúɛ.

2 Korɛntɛ̀n anmàn-bɔ̀ 13:4

Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Kɔlɔsèn anmàn-bɔ̀ 3:3

Ɔmuhi nyɛ́n wù kɩ ny'ɛwúvà lɔ mán Krisì mɛhi bán dú Ɔwɔ mɛ̀n.

Ebre-bɔ̀ 1:3

Ɛnẅì lɔ ke yé Ɔwɔ vrisì ci-zrɔ lɔ, nɛ́n dù nɛ̀n hán ɔmu le Ɔwɔ dù nɔn, n'ankà-dɔ̀ kɔrɛ̀srɔn mɛ̀n lɔ, nɛ̀n ẅɛn n'ɛkɔrɛ̀-ci lɔ fɛn nɛ̀n hɛ́n. Ɛnvra léyi nɛ̀n juru anwrɔnẅì hɔ̀n ɛgbàn edomɛ̀n trɔ nɔn, nɛ̀n yɛ́ anhobɩ́ ɛkɔrɛ̀srɔn Wɔ zì-kɔrɛ̀-kɔrɛa.

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.

Ebre-bɔ̀ 7:16

Nɛ̀n sɩ̀ srɔ Ɔwɔ-cice-wrɔn ɔwrɔnẅì nyanmàn ci-hán lɔ mɛ̀n; nɛ̀n srɔ Ɔwɔ-cice-wrɔn ɛkɔrɛ̀srɔn wúvà léyi kè sɩ̀ ẅɛ̀n ɔtrɔ nɔn mɛ̀n.

Ebre-bɔ̀ 7:25

Hɩ le kruhú de anwrɔn hɔ̀n léyi kɛ sɔnbá Ɔwɔ ɛtɛ̀sɛ̀n n'ebɩmɛ̀n nɔn, ne le bɩ́ yɔ tɛ̀ nɛ̀n die brɛzri, ɔmuhi nɛ̀n dú ɛnvra lɔ fɛn ankɔrɛkɔrɛ mɛ̀n, ô nɛ̀n sɛ́n Ɔwɔ nɛ̀n tán yɔ nɔn.

Ɔwɔ-mɛ̀n-yrikàn 10:6

kɩ wá ɔmùan tɔ̀n, Ɔwɔ léyi dú ɛnvra lɔ fɛn, hán anhobɩ́ mán ɛnhi, ecüe mán eci lɔ fɛn léyi dú nɛ̀n ɛmɛ̀n nɔn, n'ebɩ́mɛ̀n. Ɔwɔ-kùyüre-wrɔn lɔ dɔ̀ le: “Ye sɩ̀ vru wá ɛnvra ha!

Ɔwɔ-mɛ̀n-yrikàn 15:7

Ɛci kɔrɛkɔrɛ hɔ̀n anzɔ̀ lɔ, ɔtɔ̀n tán Ɔwɔ-kùyüre-bɔ̀ ɔbɔ̀ɛn lɔ, ansikɛ grashɛ̀n ɔbɔ̀ɛn, Ɔwɔ mɛ̀nhyì yɩ́ ɛmɛ̀n, nɛ́n léyi nɛ̀n dú ɛnvra lɔ fɛn nɔn.

Ɔwɔ-mɛ̀n-yrikàn 2:8

“È merɛ́n owrú è yüre Ɔwɔ-kùyüre-wrɔn léyi dú Smirnɛ̀n anmàn nɔn: Nyàn ankà léyi kpàkpà-wrɔn mán ɛmɛẅi-trɔ-wrɔn kɛ dɔ̀ nɔn, ɔwrɔn léyi nwù kɩ vru vá ɔkɔrɛ-bɔ̀ mɛ̀n nɔn:

Ɔwɔ-mɛ̀n-yrikàn 20:13

Ecüe tán owú-bɔ̀ hɔ̀n léyi nɛ́n bɩ nɔn. Owù mán owú-bɔ̀-hibù, yɔ mán yɔ tán y'owú-bɔ̀. Kɩ yɔ lɛ fɛn ye ci yɔ ɛmrɛ̀n eci léyi yɔ hán nɔn hɩ wú.

Ɔwɔ-mɛ̀n-yrikàn 20:14

Owù mán owú-bɔ̀-hibù, yɔ lɔ fɛn yɛ kɔ́n yɔ ku ɛnhyà-ẅì nɛnbà lɔ mɛ̀n. Nɛ́nbà ndɔ lɔ dú anhyrɛmɛ̀n wù.

Ɔwɔ-mɛ̀n-yrikàn 3:7

“È merɛ́n owrú è yüre Ɔwɔ-kuyüre-wrɔn léyi dú Filadɛlfi anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi dú prɔnprɔn mán annanwɔrɛ, nɛ́n léyi nɛ̀n ẅɛn ɛnnɛncüì Davidɛ̀n safɛ̀ lɔ, nɛ́n léyi ne srú kɩ ɔwrɔn zriɛmɛ́n ke sɩ́ sɛn rɔ́a nɔn, nɛ́n léyi nɛ sɛ̀n kɩ ɔwrɔn zriɛmɛ́n ke sɩ́ srú rɔ́a nɔn, nyan ankà léyi nɛ dɔ̀ nɔn:

Ɔwɔ-mɛ̀n-yrikàn 4:9

Ɛnvra totɔtɔ̀n léyi ɛci kɔrɛkɔrɛ hɔ̀n anzɔ̀ lɔ kɛ krɛ́ ɛcɔ̀, kɛ zrɔ eci, kɛ mrɛ́n, ô kɛ̀ tán ɔwrɔn léyi yɛ́ Ɛgbú-tòbù wú ɔkùɛn nɔn, Ɔwrɔn léyi dú ɛwúvà mɛ̀n ɛnvra lɔ fɛn nɔn,

Ɔwɔ-mɛ̀n-yrikàn 5:14

Ɛci kɔkɔrɛ anzɔ̀ hɔ̀n lɔ mrɛ́n ɔmùan le: “Kè dú ɔmu lɔ!” Kɩ ɛcüìcüì-bɔ̀ kɛ shran annankruemɛ̀n kɩ ke cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 6:8

Mɛ̀n nyan kɩ mɛ̀n kán kpangɔ tɔ̀n léyi di ɛẅi wɔ̀ dùwru nɔn. Ɔwrɔn léyi yɛ́ nɛ̀n ɛwú nɔn, ye bi nɛ̀n Owù, kɩ ɛnhibùwú-bɔ̀ kɛ kɛ́n nɛ̀n ɛsɛ̀n. Yɛ tán yɔ ɛkɔrɛ̀srɔn ɛnhibù anzɔmɛ̀n cá wú, ô yɛ hán anwrɔn ke wú anhà-kɔ́n mɛ̀n, ɔmùanwúemɛ̀n, ɛnlɔẅiɛ mɛ̀n, ô annɔ̀n gbàngbàn hɔ̀n kɛ̀ hán yɔ yɔ wù.

Ɔwɔ-mɛ̀n-yrikàn 9:1

Zɛtɛn ɛnríemɛ̀n Wɔ-kùyüre-wrɔn mú ɛbrɛ̀n. Mɛ̀n kán ɔkùcànkrò tɔ̀n dú anhobɩ́ bore ɛnhi wú; yɛ tán nɛ̀n ovru léyi n'ɛvrɛn kè sɩ̀ ẅɛ̀n ɛnkrutrɔ nɔn nɛ́n safɛ̀.