Ɔwɔ-mɛ̀n-yrikàn 1:11 - Ɛmɛẅi ankà ankrànkràn 2003

¹¹ esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”

Ɔwɔ-mɛ̀n-yrikàn 1:11 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 16:14

Y'ɛmɛ̀n lɔ, ɛnnyɔnwrɔn tɔ̀n ye bi Lidi, nɛ̀n dú anhàn-zhrɛ-hi léyi dú Tiatirɛ̀n anmàn nvà, nɛ hɛ́ ebɩ́di càsa wɔnsɛn ankrankran, kɩ nɛ sɛ́n Ɔwɔ. Ne die bɔ̀ nukùɛ, kɩ Ɛẅɛnwrɔn tán nɛ̀n ankà-die nukù, ô nɛ̀n yá Pɔlɛ̀n ankà léyi kɛ dɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 18:24

Zhüifɛ̀n-wrɔn tɔ̀n ye bi Apolɔsɛ̀n, nɛ̀n dú Alɛksandri anmàn-wrɔn, nèn vá Efɛzɛ̀n anmàn. Nɛ̀n dú ɔwrɔn léyi kɛ dɔ́ ankà anvrɛnvrɛn hɩ nyri Ɛwrú Prɔnprɔn hɔ̀n anvrɛnvrɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 20:17

Pɔlɛ̀n dú Milɛ anmàn yüre Efɛzɛ̀n anmàn Wɔ-wɔn-cüìcüì-bɔ̀ ɛkù kɛ vá Milɛ anmàn.

1 Korɛntɛ̀n anmàn-bɔ̀ 15:32

Ke dú kɛ ke dú anwrɔnẅì domɛ̀n ankà kruhú de mɛ lɛ kɔ́n ovú-nɔ̀n anhà, ɛnu Efɛzɛ̀n anmàn, vɔ̀nshɛ́ tán de mɛ lɛ cɔ́ n'ɛwú nɛ́n? Ke dú kɛ owú-bɔ̀ ke sɩ́ frɔ́a, zɛtɛn, hán ɔmu le yɛ dɔ̀ nɔn, “Bɔ́ zî ɛci, ô bɔ́ mi ɛnshi, ɔmuhi ɛnɛ̀n lɔ bɔ́ le wù nɔn”.

1 Korɛntɛ̀n anmàn-bɔ̀ 16:8

Tɛ́n, mɛ wá le mɛ̀n yɛ́ Efɛzɛ̀n anmàn, hàn kɩ kɛ̀ cɔ́ Ɛnhɛ́n-Prɔnprɔn nyànmán-bì lɔ.

Efɛzɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi Ɔwɔ kɔrɛ̀-levriemɛ̀n, nɛ̀n dú Zhezü Krisì kɔhɔ̀n-wá-wrɔn nɔn. Anwrɔn lɔ fɛn léyi dú Efɛzɛ̀n anmàn, hɩ dú Ɔwɔ-fɛcüè-bɔ̀ mɛ̀n, hɩ ke dí ɔmùan-zri yɔ mán Zhezü Krisì mɛhi y'ɔbɔ̀sɔ̀ lɔ mɛ̀n nɔn:

Kɔlɔsèn anmàn-bɔ̀ 2:1

Me ji mɛ̀n tán nyɛ̀n nyɛ́n nyri ɛgbànkàn shishi léyi mɛ kán ny'ɛwú, nyɛ́n mán Laodise anmàn-bɔ̀ mɛhi mán anwrɔn nyàntɛn hɔ̀n léyi kè sɩ̀ nyri mɛ̀n antà-dùwrú mɛ̀n nɔn.

Kpàkpà timote 1:3

Ɛ̀ yɛ́ Efɛzɛ̀n anmàn hán ɔmu le mɛ̀n wá tán mɛ́n, ɛnvra léyi mɛ́n dù mɛ hɔ́n Maseduanɛ̀n kpɔsɔ wú nɔn. Nanvrɛn lɔ anwrɔn dù ke yé anhyɔ̀n wɔ ankà kɩ ke ji le ɛ̀ wá tán, yɔ kɛ́n ɔmùan yɔ hɛ́n.

Ɔwɔ-mɛ̀n-yrikàn 1:17

Ɛnvra léyi mɛ̀n kán nɛ̀n nɔn, mɛ̀n bore nɛ̀n annan zìwú hán owú-wrɔn hɔ́. Nɛ̀n bɩ́ n'ezì-kɔrɛ̀ kɔrɛ̀ lɔ nɛ̀n di mɛ̀n ɛwú kɩ nɛ dɔ̀ le: “Ɛnjansù ke bɩ́ ẅɛn mɛ́n! Mɛ̀n dú kpàkpà-wrɔn mán ɛmɛẅitrɔ-wrɔn.

Ɔwɔ-mɛ̀n-yrikàn 1:19

Zɛtɛn è merɛ́n eci leyi ɛ̀ kàn: mán eci léyi ke ci mɛ́n ezìwú, mán hɩ léyi kɛ lɛ wɔ̀ɛn nɔn.

Ɔwɔ-mɛ̀n-yrikàn 1:2

Zhan di dalɛfuɛ le, eci léyi nɛ́n kàn nɔn dú Ɔwɔ mùan-ankà mán annanwɔrɛ ankà léyi Krisì yé nɔn.

Ɔwɔ-mɛ̀n-yrikàn 1:20

Nyàn ankà bán ankà léyi dú okùcankrò ɔbɔ̀ɛn hɔ̀n léyi ɛ kán m'ezì-kɔrɛ̀ kɔrɛ̀ màn lɔ mɛ̀n mán ansikɛ kɛniɛn hɔ̀n ɔbɔ̀ɛn lɔ mɛ̀n nɔn: okùcankrò ɔbɔ̀ɛn hɔ̀n lɔ dú Ɔwɔ fɛcüè hɔ̀n ɔbɔ̀ɛn lɔ y'Ɔwɔ kùyüre-bɔ̀, kɩ kɛniɛn hɔ̀n ɔbɔ̀ɛn lɔ, dú Ɔwɔ fɛcüè hɔ̀n ɔbɔ̀ɛn lɔ.”

Ɔwɔ-mɛ̀n-yrikàn 1:4

Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,

Ɔwɔ-mɛ̀n-yrikàn 1:8

“Mɛ̀n dú kpàkpà-wrɔn mán ɛmɛẅitrɔ-wrɔn”, ɔmu lɔ de Ɛẅɛnwrɔn, ɛkɔrɛ̀srɔn Wɔ kɛ dɔ̀ nɔn, nɛ́n léyi nɛ́n dù, nɛ́n go dù, kɩ nɛ và nɔn.

Ɔwɔ-mɛ̀n-yrikàn 10:4

Mɛ vá ankà léyi nɛ́n dɔ̀ nɔn e merɛ́n yri, tɛ́n mɛ̀n yá esùva tɔ̀n dú anhobɩ́ kɛ tán mɛ̀n ɛnyanmàn ndɔ lɔ: “Ɛwú kù-dì ɔbɔ̀ɛn mɛẅi ankà lɔ, kè dú v'ankà bán ankà; e bɩ́ merɛ́n nɛ̀n.”

Ɔwɔ-mɛ̀n-yrikàn 14:13

Zɛtɛn mɛ̀n yá anhobɩ́ sùva tɔ̀n kɛ dɔ́ mɛ̀n le: “È merɛ́n ankà ndɔ lɔ: ‘Ɛnbɔrɛbru dú anwrɔn hɔ̀n léyi zɛtɛ̀ lɔ ke wú Ɛẅɛnwrɔn ci-bɩ̀tan kɔ̀hɔ́n mɛ̀n nɔn!’ – ‘Hɛ̀ɛ̀, yɔ dú ɛnbɔrɛbruemɛ̀n, ɔmu lɔ de Ɛnhɛ́n kɛ dɔ̀ nɔn. Yɔ lɛ cɔ́ y'ɔkɔ̀hɔ̀n-shishi-hán wrɔncüe, ɔmuhi anvrɛn léyi yɔ hán nɔn, kɛ kɛ́n yɔ ɛsɛ̀n!’ ”

Ɔwɔ-mɛ̀n-yrikàn 19:9

Ɔwɔ-kùyüre-wrɔn lɔ kɛ dɔ́ mɛ̀n le: “È merɛ́n: Ɛnbɔrɛbru dú anwrɔn hɔ̀n léyi ye bi Ɔwɔ-Kɔ̀kɔ̀sɛ̀-ẅì yiri ci-zî koran lɔ mɛ̀n nɔn.” Kɩ nɛ́n dɔ̀ le: “Ndɔ lɔ dú Ɔwɔ mùan-ankà-dɔ̀ annanwɔrɛ.”

Ɔwɔ-mɛ̀n-yrikàn 2:1

“È merɛ́n owrú è yüre Ɔwɔ kùyüre-wrɔn léyi dú Efɛzɛ̀n anmàn Wɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi ẅɛn okùcankro hɔ̀n ɔbɔ̀ɛn lɔ n'ezi-kɔrɛ̀ màn mɛ̀n, kɩ kɛ nán esù ansikɛ kɛniɛn hɔ̀n ɔbɔ̀ɛn lɔ y'anwanzi kɛ dɔ̀ nɔn:

Ɔwɔ-mɛ̀n-yrikàn 2:12

“È merɛ́n owrú è yüre Ɔwɔ-kùyüre-wrɔn léyi dú Pergamɛ̀n anmàn nɔn: Nyàn ankà léyi ɔwrɔn léyi ẅɛn ezì-anhyrɛ̀-nyan-she piɛnpiɛn kɛ dɔ̀ nɔn:

Ɔwɔ-mɛ̀n-yrikàn 2:18

“È merɛ́n owrú è yüre Ɔwɔ-kùyüre-wrɔn léyí dú Tiatirɛ̀n anmàn, Ɔwɔ-fɛcüè-bɔ̀ lɔ mɛ̀n nɔn: Nyàn ankà léyi Ɔwɔ Ẅì kɛ dɔ̀ nɔn, nɛ́n léyi anvɛ̀ kɛ gbrɛ́n nɛ̀n kɛ hán ɛnhyá hɔ́, kɩ annan kɛ kɛ̀n kɛ hán pritù ẅì léyi ye fi edomɛ̀n nɔn hɔ́.

Ɔwɔ-mɛ̀n-yrikàn 2:24

Tɛ́n nyɛ́n léyi, Tiatirɛ̀n anmàn lɔ, nyɛ́n sɩ̀ bɩ ɛyɔ̀n wɔ ankà ndɔ lɔ, kɩ nyɛ́n sɩ̀ shrì nyɛ́n bɩ eci léyi anwrɔn ke bi ‘Anwawrɔn ankà-bán-ankà vrɛn hɔ̀n’, nyàn ankà léyi mɛ dɔ̀ nɔn: mɛ́n sɩ̀ tán nyɛ̀n ɛnlowrú nyàntɛn.

Ɔwɔ-mɛ̀n-yrikàn 2:8

“È merɛ́n owrú è yüre Ɔwɔ-kùyüre-wrɔn léyi dú Smirnɛ̀n anmàn nɔn: Nyàn ankà léyi kpàkpà-wrɔn mán ɛmɛẅi-trɔ-wrɔn kɛ dɔ̀ nɔn, ɔwrɔn léyi nwù kɩ vru vá ɔkɔrɛ-bɔ̀ mɛ̀n nɔn:

Ɔwɔ-mɛ̀n-yrikàn 21:5

Zɛtɛn ɔwrɔn léyi yɛ́ ɛgbú-tòbù wú nɔn kɛ dɔ̀ le: “Zɛtɛ̀ lɔ mɛ hán ecì hɔ̀n lɔ fɛn owrù.” Zɛtɛn nɛ dɔ́ mɛ̀n le: “È merɛ́n ndɔ lɔ, ɔmuhi m'ɔmùan-ankà-dɔ̀ hɔ̀n dú annanwɔrɛ kɩ ẅɛn esɛ́ nɔn.”

Ɔwɔ-mɛ̀n-yrikàn 22:10

Zɛtɛn nɛ dɔ́ mɛ̀n le: “E bɩ́ tɛhɛ́n ɛbánmɛ̀n Ɔwɔ-mùan-wú-ankà-dɔ̀ hɔ̀n léyi dú owrú ndɔ lɔ mɛ̀n nɔn, ɔmuhi ɛci ndɔ hɔ̀n lɔ, y'ɛnvra léyi yɛ wá nɔn, kɛ́n eburi.

Ɔwɔ-mɛ̀n-yrikàn 22:16

“Mɛ̀n Zhezü, mɛ̀n wá m'ɛkùyüre-wrɔn ɔkɔhɔ̀n kɛ̀ và kè yé eci ndɔ lɔ Ɔwɔ fɛcüè-bɔ̀ mɛ̀n. Mɛ̀n dú Davidɛ̀n mɛ̀n mɛ̀n mɛẅi-wrɔn, ɛcɛ̀n-dɔ̀gbɔ̀.”

Ɔwɔ-mɛ̀n-yrikàn 3:1

“È merɛ́n owrú è yüre Ɔwɔ kùyüre-wrɔn léyi dú Sardɛ̀n anmàn Wɔ fɛcüe-bɔ̀ mɛ̀n nɔn: Nyàn ankà léyi ɔwrɔn léyi ẅɛn Ɔwɔ Hɛ́n ɔbɔ̀ɛn hɔ̀n mán okùcankro hɔ̀n ɔbɔ̀ɛn kɛ dɔ̀ nɔn: Mɛ̀n nyri v'ɔkɔ̀hɔ̀n-hán-kɔ̀hɔ̀n; mɛ̀n nyri ɔmu le ɛ̀ ẅɛn ɛmrɛ́n ɔmuhi è dú ankɔrɛkɔrɛ mɛ̀n, zɛtɛn e wù.

Ɔwɔ-mɛ̀n-yrikàn 3:14

“È merɛ́n owrú è yüre Ɔwɔ-kùyüre-wrɔn léyi dú Laodise anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi Krisì kɛ dɔ̀, nɛ́n léyi nɛ̀n dú ɔmùan-zri dalɛfuɛ-di-wrɔn mán annanwɔrɛ, nɛ̀n dú eci lɔ fɛn léyi Ɔwɔ hán nɔn, n'ɛnkrubɔmɛ̀n, nɛ dɔ̀ le:

Ɔwɔ-mɛ̀n-yrikàn 3:4

Tɛ́n, v'anwrɔn jan-bɔ̀, Sardɛ̀n anmàn dùku lɔ, kè sɩ̀ wá y'ɛceci hɔ̀n ɛnbrá edomɛ̀n. Yɔ lɛ hɔ̀n sɩ́ mɛ̀n, ɛceci wosuemɛ̀n, ɔmuhi yɔ ẅɛn yi kɔrɛ̀levri lɔ nɔn.

Ɔwɔ-mɛ̀n-yrikàn 3:7

“È merɛ́n owrú è yüre Ɔwɔ-kuyüre-wrɔn léyi dú Filadɛlfi anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi dú prɔnprɔn mán annanwɔrɛ, nɛ́n léyi nɛ̀n ẅɛn ɛnnɛncüì Davidɛ̀n safɛ̀ lɔ, nɛ́n léyi ne srú kɩ ɔwrɔn zriɛmɛ́n ke sɩ́ sɛn rɔ́a nɔn, nɛ́n léyi nɛ sɛ̀n kɩ ɔwrɔn zriɛmɛ́n ke sɩ́ srú rɔ́a nɔn, nyan ankà léyi nɛ dɔ̀ nɔn: