Ɔwɔ-mɛ̀n-yrikàn 1:1 - Ɛmɛẅi ankà ankrànkràn 2003

¹ Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 1:1 Iomraidhean Croise

Zhan 12:49

Ɔmuhi, mɛ́n sɩ́ dɔ́ ankà mɛ́n zri m'ɛkɔrɛ̀-levriemɛ̀n, tɛ́n Dade léyi wá mɛ̀n ɔkɔhɔ̀n nɔn, wá tán mɛ̀n nɛ́n dùkù, ankà léyi ke ji le mɛ̀n dɔ̀, ô mɛ̀n yé nɔn.

Zhan 15:15

Mɛ́n sɩ̀ vru bi nyɛ̀n eci-bɩ̀tan-bɔ̀a, ɔmuhi eci-bɩ̀tan-wrɔn lɔ nɛ̀n sɩ̀ nyrɩ̀ eci léyi n'ɛẅɛnwrɔn kɛ hán nɔn. Me bi nyɛ̀n annyran hɔ̀n, ɔmuhi mɛ̀n hán nyɛ̀n nyɛ́n nyri eci lɔ fɛn léyi Dade yé mɛ̀n nɔn.

Zhan 17:8

ɔmuhi mɛ̀n tán yɔ ankà-dɔ̀ hɔ̀n léyi ɛ̀ tán mɛ̀n nɔn, kɩ yɔ cɔ́ ankà-dɔ̀ hɔ̀n lɔ. Yɔ nyri annanwɔrɛ mɛ̀n le v'eyri de mɛ́n dù mɛ và nɔn, kɩ yɔ bútan ankaẅì le vɛ́n de ɛ̀ wá mɛ̀n ɔkɔhɔ̀n nɔn.”

Zhan 3:32

Ne di dalɛfuɛ ɛci léyi nɛ́n kàn, mán hɩ léyi nɛ̀n yá nɔn hɩ wú, tɛ́n ɔwrɔn zriɛmɛ́n ke sɩ́ bɩ́ nɛ́n dalɛfuɛ-dì lɔ.

Zhan 8:26

Mɛ̀n ẅɛn ankà-dɔ̀ bobrebe mán ɛmrɛ̀n-cì ny'ɛwú. Tɛ́n ɔwrɔn léyi wá mɛ̀n ɔkɔhɔ̀n nɔn kɛ dɔ́ ankà annanwɔrɛ, kɩ me yé ɛnhibù ankà léyi nɛ̀n yé mɛ̀n nɔn.”

Rɔmɛ̀n-anmàn-bɔ̀ 16:25

Bɔ̀ mrɛ́n Ɔwɔ! Nɛ̀n ẅɛn ɛkɔrɛ̀srɔn nɛ lɛ tán bɔ̀ ecüì ankaẅì-bùtan mɛ̀n, Ɛmɛẅi ankà Ankrankran léyi mɛ dɔ̀ nɔn n'ɛwú, ɛkùyüre léyi mɛ tán Zhezü Krisì ankà wú nɔn, mán Ɔwɔ ankɔ́nda ci-hán ankà-bán-ankà léyi bɔ́ cɔ̀ bɔ́ nyrì nɔn n'ɛwú. Ankɔ́nda ci-hán ndɔ lɔ dú ɛbán mɛ̀n ɛnvra sheshe ɛnbiehɛ́n vra lɔ,

Galasi anmàn-bɔ̀ 1:12

Kè sɩ̀ dù ɔwrɔn tɔ̀n de kɛ̀ dɔ́ mɛ̀n yakɛ kè yé mɛ̀n ankà lɔ nɔn, tɛ́n Zhezü Krisì de hán tán mɛ̀n nyri ankà lɔ nɔn.

Efɛzɛ̀n anmàn-bɔ̀ 3:3

Ɔwɔ tán mɛ̀n ɛyri-kàn tɔ̀n, ô mɛ̀n nyri n'ankɔ́nda ankà-bán-ankà lɔ. Mɛ̀n merɛ́n ɛnkrubɔmɛ̀n lɔ, ɛwrú ankà ndɔ lɔ

Titɛ̀n 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Ɔwɔ ci-bɩ̀tan-wrɔn mán Zhezü Krisì kɔ̀hɔ̀n-wá-wrɔn nɔn. Yɔ wá mɛ̀n ɔkɔ̀hɔ̀n, ô anwrɔn hɔ̀n léyi Ɔwɔ mrɛ́n bɩ̀ nɔn, mɛ̀n hán yɔ yɛ nán esù ankaẅì-bùtan annanwɔrɛ wú,

Ɔwɔ-mɛ̀n-yrikàn 1:19

Zɛtɛn è merɛ́n eci leyi ɛ̀ kàn: mán eci léyi ke ci mɛ́n ezìwú, mán hɩ léyi kɛ lɛ wɔ̀ɛn nɔn.

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.

Ɔwɔ-mɛ̀n-yrikàn 17:1

Zɛtɛn Ɔwɔ-kuyüre-bɔ̀ ɔbɔ̀ɛn léyi ẅɛn grashɛ̀n ɔbɔ̀ɛn hɔ̀n lɔ anta nɔn, ɔtɔ̀n nvà dɔ́ mɛ̀n le: “Và kɩ me le yé mɛ́n nwùbɔ̀ léyi ke le dú wowie nyɔnwrɔn vri lɔ tɛn nɔn, anmàn cüìcüì léyi ye ku ɛnshi-gbɛ-shi hɔ̀n bobrebe tɛ̀sɛ̀n nɔn.

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.

Ɔwɔ-mɛ̀n-yrikàn 19:9

Ɔwɔ-kùyüre-wrɔn lɔ kɛ dɔ́ mɛ̀n le: “È merɛ́n: Ɛnbɔrɛbru dú anwrɔn hɔ̀n léyi ye bi Ɔwɔ-Kɔ̀kɔ̀sɛ̀-ẅì yiri ci-zî koran lɔ mɛ̀n nɔn.” Kɩ nɛ́n dɔ̀ le: “Ndɔ lɔ dú Ɔwɔ mùan-ankà-dɔ̀ annanwɔrɛ.”

Ɔwɔ-mɛ̀n-yrikàn 21:2

Kɩ mɛ̀n kán anmàn prɔnprɔn, Zherüzalɛmɛ̀n wrù léyi Ɔwɔ yüre dú anhobɩ́ kakɛ, krɔn kpehɛ́n hán ɛncɔnwrɔn-hi léyi fi n'edomɛ̀n kɛ̀ hɔ́n nɛ́n cüì ɛsù nɔn.

Ɔwɔ-mɛ̀n-yrikàn 21:9

Ɔwɔ-kùyüre-bɔ̀ ɔbɔ̀ɛn hɔ̀n léyi ɛmɛẅitrɔ gbán-hán-ci yɩ́ grashɛ̀n ɔbɔ̀ɛn dú antamɛ̀n nɔn, ɔtɔ̀n nvà kɛ dɔ́ mɛ̀n le: “Và kɩ me le yé mɛ́n eyiri-hi lɔ, Ɔwɔ Kɔ̀kɔ̀sɛ̀-ẅì hi lɔ.”

Ɔwɔ-mɛ̀n-yrikàn 22:1

Ɔwɔ-kùyüre-wrɔn lɔ vru yé mɛ̀n ɔkɔrɛ mancüè shi lɔ, kɛ gbrɛ́n kɛ hán obù ẅì fífí hɔ́, dú Ɔwɔ mán Ɔwɔ Kɔ̀kɔ̀sɛ̀-ẅì gbú-tòbù wú kɛ trɛ̀n,

Ɔwɔ-mɛ̀n-yrikàn 22:16

“Mɛ̀n Zhezü, mɛ̀n wá m'ɛkùyüre-wrɔn ɔkɔhɔ̀n kɛ̀ và kè yé eci ndɔ lɔ Ɔwɔ fɛcüè-bɔ̀ mɛ̀n. Mɛ̀n dú Davidɛ̀n mɛ̀n mɛ̀n mɛẅi-wrɔn, ɛcɛ̀n-dɔ̀gbɔ̀.”

Ɔwɔ-mɛ̀n-yrikàn 22:6

Zɛtɛn Ɔwɔ-kùyüre-wrɔn kɛ dɔ́ mɛ̀n le: “Ankà-dɔ̀ ndɔ hɔ̀n lɔ dú annanwɔrɛ kɩ ẅɛn esɛ́. Kɩ Ɛẅɛnwrɔn Ɔwɔ léyi kɛ tán n'ɔmùan-wú-ankà-dɔ́-bɔ̀ ankà-nyrì nɔn, wá n'ɛkùyüre-wrɔn ɔkɔhɔ̀n kè yé n'eci-bɩtan-bɔ̀ eci léyi kɛ lɛ wɔɛn ɛnvra bruemɛ̀n nɔn.”

Ɔwɔ-mɛ̀n-yrikàn 22:8

Mɛ̀n, Zhan, mɛ̀n yá kɩ mɛ̀n kán ɛci ndɔ hɔ̀n lɔ. Kɩ ɛnvra léyi mɛ̀n yá kɩ mɛ̀n kán yɔ nɔn, mɛ̀n bore Ɔwɔ kùyüre-wrɔn léyi yé mɛ̀n eci hɔ̀n lɔ nɔn, annan zìwú, ô mɛ̀n cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 22:9

Tɛ́n nɛ dɔ́ mɛ̀n le: “E bɩ́ hán eci ndɔ lɔ! Mɛ̀n dú eci-bɩtan-wrɔn tɔ̀n hán vɛ́n hɔ́, hán ɔmuan-ẅì hɔ̀n Ɔwɔ-mùan-wú-ankà-dɔ̀-bɔ̀, kɩ hán anwrɔn hɔ̀n lɔ fɛn léyi kɛ ẅɛn ɛshishiemɛ̀n owrú ndɔ lɔ n'ankà-dɔ̀ hɔ̀n kɛ hɛ́n nɔn. Ɔwɔ de ke ji le è cüe ankɔrɛ̀ ezìwúɛ nɔn!”

Ɔwɔ-mɛ̀n-yrikàn 4:1

Ndɔ lɔ mɛẅi, mɛ̀n cɔ́ ɛyrikàn nyantɛn tɔ̀n: mɛ̀n kán esù tɔ̀n srú anhobɩ́. Esùva léyi mɛ́n gɔ̀ yá, hɩ ke dí nkù kɛ hán ɛbrɛ̀n-gbá hɔ́ nɔn, kɛ dɔ́ mɛ̀n le: “Ɛ̀ kà ɛ̀ vá ɛnu lɔ, kɩ me le yé mɛ́n eci léyi kɛ lɛ wɔɛn zɛtɛn nɔn.”

Ɔwɔ-mɛ̀n-yrikàn 5:7

Ɔwɔ kɔ̀kɔ̀sɛ̀ ẅì lɔ sɔnba ezì kɩ bɩ́ owru léyi dú ɔwrɔn léyi yɛ́ ɛgbú-tòbù wú nɔn, n'ezì-kɔrɛ̀-màn mɛ̀n.