Filipɛ̀n anmàn-bɔ̀ 4:10 - Ɛmɛẅi ankà ankrànkràn 2003

¹⁰ Mɛ̀n cɔ́ pɔpüɛ̀-bra vri m'ɛwúvà lɔ mɛ̀n, mɛ̀n mán Ɛẅɛnwrɔn mɛhi: ɔtrɔmɛ̀n lɔ, nyɛ́n vru nyɛ́n yé mɛ̀n ny'ɛcüɛ̀n. Ɛcüɛ̀n ndɔ lɔ dú nyɛ̀n edomɛ̀n, tɛ́n nyɛ vá cɔ́ ɛnvra ô nyɛ́n yé mɛ̀n nɛ́n.

Filipɛ̀n anmàn-bɔ̀ 4:10 Iomraidhean Croise

2 Korɛntɛ̀n anmàn-bɔ̀ 11:9

Kɩ ɛnvra léyi mɛ̀n dú ny'edúyri nɔn, mɛ̀n sɩ̀ dù ɔwrɔn zriɛmɛ́n kɔrɛ̀-wá mɛ̀n ɛnvra léyi eci kɛ ẅɛn mɛ̀n ɛmìan nɔn, ɔmuhi anwrɔn-nɛ́n-muan-ẅì hɔ̀n léyi dú Maseduhanɛ̀n kpɔsɔ wú và nɔn, vá sɩ́ mɛ̀n ɛci hɔ̀n lɔ fɛn léyi me ji nɔn. Mɛ̀n ẅɛn m'edomɛ̀n mɛ̀n hɛ́n, ô mɛ́n bɩ́ srɔ ɛnlowrú mɛ́n tán nyɛ̀n eci totɔtɔ̀n mɛ̀n, kɩ me le dú esùva ndɔ lɔ n'ɛwá mɛ̀n.

2 Korɛntɛ̀n anmàn-bɔ̀ 6:7

bɔ́ annanwɔrɛ ankà-dɔ́ mɛ̀n mán Ɔwɔ kɔrɛ̀-srɔn mɛ̀n. B'anhà-kɔ́n-ci mán bɔ́ edùvra-ci dú hɩ le, ke ji le yɛ hán eci léyi nyrɔn Ɔwɔ zìwú nɔn.

Galasi anmàn-bɔ̀ 6:10

Ɔmu lɔ, ɛnvra totɔtɔ̀n léyi bɔ́ ẅɛn ɛkɔrɛ̀-levri nɔn, bɔ̀ hán anwrɔn lɔ fɛn anvrɛn, kɩ annannan le anwrɔn-nɛ́n-muan-ẅì hɔ̀n léyi dú ankaẅì-bùtan mɛ̀n nɔn.

Galasi anmàn-bɔ̀ 6:6

Ɔwrɔn léyi kɛ cɔ́ Krisì mɛ̀n ankaẅì-bùtan ankà-yé lɔ nɔn, ke ji le nɛ́n mán ankà-yé-wrɔn lɔ mɛhi yɔ dɛ́ vɔ̀nshɛ́ hɔ̀n léyi ankà-yé ndɔ lɔ kɛ tán nɔn.

Filipɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote léyi dú Zhezü Krisì ci-bɩ̀tan-bɔ̀ nɔn yri kɛ và. Anwrɔn hɔ̀n léyi dú Filipɛ̀n anmàn hɩ Zhezü Krisì bɩmɛ̀n lɔ, dú Ɔwɔ-fɛcüè tɛn, anwrɔn hɔ̀n léyi dú Ɔwɔ-fɛcüè nyrɔn-bɔ̀ mán eci-bɩ̀tan-bɔ̀ léyi kɛ wá ɛnlɔẅiɛ-bɔ̀ mán ɛmian-bɔ̀ esuva nɔn:

Filipɛ̀n anmàn-bɔ̀ 1:3

Mɛ tán m'Ɔwɔ ɔkùɛn ɛnvra totɔtɔ̀n léyi me tro ny'ankà nɔn.

Filipɛ̀n anmàn-bɔ̀ 2:30

ɔmuhi nɛ̀n bá owú tɛ̀sɛ̀n Krisì kɔhɔ̀n lɔ kruhú nɔn: nɛ̀n vá owú yri ɛnvra léyi nɛ̀n bɩ́ ny'ɛkɔrɛ̀-wá-ci léyi nyɛ́n dùku nyɛ́n sɩ̀ sɩ̀ɛ, hɩ nɛ́n bɩ̀ nɛ́n và sɩ́ mɛ̀n nɔn.