Filipɛ̀n anmàn-bɔ̀ 3:8 - Ɛmɛẅi ankà ankrànkràn 2003

⁸ Kɩ mɛ nyan eci totɔtɔ̀n kɛ hán ɛzrɛ́n-ci, anvrɛn vri ndɔ lɔ zìwú: mɛ̀n nyri Zhezü Krisì m'ɛẅɛnwrɔn, nɛ́n léyi n'ɛkruhú mɛ́n tecüe mɛ́n dùku mɛ́n vɔ̀nshɛ́ ci; mɛ nyan eci ndɔ lɔ fɛn kɛ hán anwrɔ̀n-ci hɔ́, ô mɛ̀n cɔ́ Krisì,

Filipɛ̀n anmàn-bɔ̀ 3:8 Iomraidhean Croise

Lükɛ̀n 1:43

Ecitan dú mɛ̀n kɛ̂, m'Ɛẅɛnwrɔn nɛ́n muan ke bru m'ebɩ́ lɔ mɛ̀n hàn?

Lükɛ̀n 11:20

Annànwɔrɛ mɛ̀n, Ɔwɔ kɔrɛ̀srɔn mɛ̀n de mɛ wrɔ́ anhɛ́n gbàngbàn, hɩ mɛ̀n kɛ dɔ̀ le, Anhobɩ́ Nɛ̀ncüì-dúyri lɔ gɔ́ vá dú nyɛ̀n ɛmɛ̀n.

Zhan 14:20

Ɛnvra léyi ɛnbì ndɔ lɔ kɛ lɛ cɔ̀ nɔn, nye le nyri ɔmu le mɛ̀n dú Dade mɛ̀n, kɩ nyɛ́n dú mɛ̀n ɛmɛ̀n, kɩ mɛ̀n dú nyɛ̀n ɛmɛ̀n.”

Zhan 14:7

Ke dú kɛ nyɛ́n nyri mɛ̀n hô, nye le nyri Dade mán. Kɩ zɛtɛ̀ lɔ, nyɛ́n nyri nɛ̀n, kɩ nyɛ́n kán nɛ̀n mán.”

Zhan 16:3

Yɔ lɛ hán ɔmu lɔ ɔmuhi yɔ sɩ̀ nyrì Dade mán, kɩ yɔ sɩ̀ nyri mɛ̀n mán nɔn.

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Zhan 17:8

ɔmuhi mɛ̀n tán yɔ ankà-dɔ̀ hɔ̀n léyi ɛ̀ tán mɛ̀n nɔn, kɩ yɔ cɔ́ ankà-dɔ̀ hɔ̀n lɔ. Yɔ nyri annanwɔrɛ mɛ̀n le v'eyri de mɛ́n dù mɛ và nɔn, kɩ yɔ bútan ankaẅì le vɛ́n de ɛ̀ wá mɛ̀n ɔkɔhɔ̀n nɔn.”

Zhan 20:13

Ɔwɔ-kùyüre-bɔ̀ lɔ ke yrɛ nɛ̀n le: “Cɛci kruhú kɛ e wú eyúɛ?” Nɛ̀n mrɛ́n yɔ ɔmùan le: “Ye bɩ́ m'Ɛẅɛnwrɔn yɛ sɔhɔ́ kɩ mɛ̀n sɩ̀ nyrì ɛyri léyi yɛ hɛ́n nɛ̀n hàn nɔn.”

Zhan 20:28

Toma mrɛ́n nɛ̀n ɔmùan le: “M'Ɛẅɛnwrɔn mán m'Ɔwɔ!”

Ɔkɔ̀hɔ̀n-wá-bɔ̀ kɔ̀hɔ̀n hán 20:24

Tɛ́n mɛ́n dùku m'ɛwúvà, kè sɩ̀ dù eci zriɛmɛ́n m'ezìwú; hɩ le dú ɛshishi nɔn, dú hɩ le, ke ji le mɛ̀n hɔ̀n mɛ̀n cɔ́ m'ɔkɔ̀hɔ̀n lɔ n'ɛnkrutrɔ, ô mɛ̀n trɔ ɔkɔ̀hɔ̀n léyi Ɛẅɛnwrɔn Zhezü tán mɛ̀n nɔn n'ɛhán: Ɔwɔ boafɔ̀n lɔ, n'Ɛmɛẅi ankà Ankrankran lɔ, mɛ̀n dɔ́ nɛ̀n.

Rɔmɛ̀n-anmàn-bɔ̀ 8:18

Me tro le bɔ́ ejüe-dì hɔ̀n léyi dú ɛnvra ndɔ lɔ mɛ̀n nɔn, ke sɩ̀ krɔn eci-zrɔ léyi Ɔwɔ kɛ lɛ hán bɔ̀ bɔ̀ kàn nɔn.

Rɔmɛ̀n-anmàn-bɔ̀ 8:39

ɛwú-cüì-hɔ̀n lɔ mán, ɛnhi tɛn hɔ̀n lɔ mán, eci nyàntɛn léyi Ɔwɔ hán nɔn mán, eci-ẅì zriɛmɛ́n ke sɩ̀ ẅɛn bɔ̀ mrìmrì kɛ̀ sɔhɔ́ ɛcüɛ̀n léyi Ɔwɔ ẅɛn bɔ́ ɛwú, Zhezü Krisì, bɔ́ Ɛẅɛnwrɔn kruhú nɔn.

1 Korɛntɛ̀n anmàn-bɔ̀ 2:2

Ɔmuhi mɛ̀n wá le mɛ́n sɩ̀ dɔ́ eci zriɛmɛ́n ankà ɛnvra léyi me le bɩ, mɛ̀n dú nyɛ̀n ɛmɛ̀n, ke dú kɛ kè sɩ̀ dù Zhezü Krisì ankà, annannan le Zhezü Krisì léyi yɛ gɔ́n-brɛ́ ɛgbàn-hán-tɛ̀ domɛ̀n nɔn.

1 Korɛntɛ̀n anmàn-bɔ̀ 9:10

Annanwɔrɛ mɛ̀n lɔ, kè sɩ̀ dù bɔ́ kruhú de nɛ̀n dɔ̀ ankà ɔmu lɔ nɛ́n? Annànwɔrɛ mɛ̀n, ankà-dɔ̀ ndɔ lɔ ye merɛ́n nɛ̀n bɔ́ kruhú. Ke ji le ɔwrɔn léyi kɛ wá ɛci-tɛ́ nànmàn mán ɔwrɔn léyi kɛ küɛ ɛci nɔn, kɛ̀ hán ɔkɔ̀hɔ̀n lɔ, ô yɔ ẅɛn esɛ́ le, yɔ lɛ cɔ́ yɔ tɛn ɛci.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

Efɛzɛ̀n anmàn-bɔ̀ 4:13

Ɔmu lɔ de, bɔ́ lɔ fɛn bɔ́ lɛ cɔ́ ankaẅì-bùtan bɔ̀sɔ̀ Ɔwɔ Ẅì nyriemɛ̀n; bɔ́ lɛ srɔ anwrɔn fán hɔ̀n léyi y'ɔsɔ́ mán Krisì tɛn lɔ ke le dú eci zri léyi sɛ́n nmù nɔn.

Filipɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote léyi dú Zhezü Krisì ci-bɩ̀tan-bɔ̀ nɔn yri kɛ và. Anwrɔn hɔ̀n léyi dú Filipɛ̀n anmàn hɩ Zhezü Krisì bɩmɛ̀n lɔ, dú Ɔwɔ-fɛcüè tɛn, anwrɔn hɔ̀n léyi dú Ɔwɔ-fɛcüè nyrɔn-bɔ̀ mán eci-bɩ̀tan-bɔ̀ léyi kɛ wá ɛnlɔẅiɛ-bɔ̀ mán ɛmian-bɔ̀ esuva nɔn:

Filipɛ̀n anmàn-bɔ̀ 3:10

Eci lɔ fɛn léyi me ji nɔn, dú hɩ le me le nyri Krisì mán n'owúemɛ̀n-dùfrɔ́ kɔrɛ̀srɔn lɔ, mɛ̀n dú m'ɛgbànkàn hɔ̀n lɔ mɛ̀n, ô mɛ̀n dù mɛ̀n cá nɛ̀n, n'owù lɔ mɛ̀n,

Filipɛ̀n anmàn-bɔ̀ 3:12

Mɛ́n sɩ́ tro le zɛtɛn mɛ̀n cɔ́ ɛsànnyɔn-yri, kɩ mɛ́n sɩ́ bú tán le mɛ̀n zrɔ kokroho. Tɛ́n mɛ̀n dú ɛnlevri sùnan mɛ̀n, ô mɛ̀n hán kekrèmɛ̀n mɛ̀n cɔ́ n'ɔwɔɛ̀n-dì, ɔmuhi mɛ́n mumù mán Krisì di mɛ̀n ɛkɔrɛ̀ ɛwú nɔn.

Filipɛ̀n anmàn-bɔ̀ 3:7

Tɛ́n eci-ankrankran-hán ndɔ lɔ hɩ mɛ tán vɔ̀nshɛ́ nɔn, mɛ nyan yɔ zɛtɛ̀ lɔ kɛ hán eci-zrɛ́n-ci Krisì kruhú.

Anhyrɛmɛ̀n timote 4:6

Tɛ́n mɛ tɛn, mɛ̀n krɔn kpehɛ́n, ô ye sɩ́ mɛ̀n ewri-yri; ɛnvra léyi ke ji le mɛ̀n tán ɛnhibù ndɔ lɔ m'ɛyri-hɔ̀n binyan nɔn ncɔa.

Ebre-bɔ̀ 3:14

Annanwɔrɛ mɛ̀n lɔ, bɔ̀ dú Krisì sɛnkɛn-bɔ̀, ke dú kɛ bɔ́ ẅɛn nɛ̀n eshishiemɛ̀n hàn mán kɛ cɔ́ ɔtrɔ vra, esɛ́ léyi bɔ̀ ẅɛn ɛnkrubɔmɛ̀n nɔn.

1 Piɛrɛ̀n 2:7

Ɔbù ndɔ lɔ ẅɛn vɔ̀nshɛ́ vri tán nyɛ́n ankaẅìbùtan-ẅɛn-bɔ̀, tɛ́n anwrɔn hɔ̀n léyi kè sɩ̀ ẅɛ̀n ankaẅìbùtan nɔn, “Ɔbù léyi ɔwɔn-ku-bɔ̀ kɔ́n ze nɔn, srɔ ɔwɔn kavà-mɛ̀n-bù.”

2 Piɛrɛ̀n 1:2

Nboafɔ̀n mán anwɔwɔ bobrebe kɛ và cɔ́ nyɛ̀n, Ɔwɔ mán bɔ́ Ɛẅɛnwrɔn Zhezü nyrì annanwɔrɛ mɛ̀n.

2 Piɛrɛ̀n 1:3

N'Ɔwɔ kɔrɛ̀srɔn mɛ̀n lɔ, Ɛẅɛnwrɔn tán bɔ̀ eci lɔ fɛn léyi ke ji, ô bɔ́ ɛwúvà kè dú Ɔwɔ mɛ̀n; nɛ̀n hán bɔ̀, bo nyri ɔwrɔn léyi bi bɔ̀, bɔ̀ và dú nɛ́n dùku n'eci-zrɔ mán n'ɛzrɔ lɔ mɛ̀n.

2 Piɛrɛ̀n 1:8

Ndɔ lɔ de dú eci-hán léyi ke ji kè dú ny'edùci, kɩ ke dú kɛ nyɛ ẅɛn yɔ, yɔ cüɛn, yɔ lɛ srɔ nyɛ̀n edùyi-bɔ̀ kɩ yɔ lɛ hán nyɛ̀n nyɛ́n hɔ́n ezì, bɔ́ Ɛẅɛnwrɔn Zhezü Krisì nyrì lɔ mɛ̀n.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.

1 Zhan 1:3

Eci léyi bɔ́ kàn, mán ankà léyi bɔ̀ yá nɔn, nyɛ́n mán bɔ́ dɔ́ tán nyɛ̀n; ɔmu lɔ de nyɛ lɛ cɔ́ bɔ̀ bò dú ɔbɔ̀sɔ̀ léyi bɔ̀ ẅɛn Ɔwɔ Zi mán n'Ɛnẅì Zhezü-Krisì mɛ̀n nɔn.

1 Zhan 2:19

Anwrɔn ndɔ hɔ̀n lɔ, annanwɔrɛ mɛ̀n, yɔ sɩ̀ dú bɔ̀ ɛmɛ̀n, kɩ hɩ le kruhú de yɔ cɔhɔ́ bɔ́ ɛmɛ̀n nɔn; annanwɔrɛ mɛ̀n lɔ, kè dú kɛ yɔ dú bɔ̀ ɛmɛ̀n hô, yɔ lɛ cɔ́ bɔ̀ mɛhi bɔ̀ yɛ́. Tɛ́n yɔ cɔhɔ́ bɔ̀ ɛmɛ̀n, ô ye nyri kpetemɛ̀n le, y'ɛmɛ̀n lɔ, ɔwrɔn zriɛmɛ́n annanwɔrɛ mɛ̀n lɔ, bàda bɔ̀ ɛmɛ̀n.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.