Filipɛ̀n anmàn-bɔ̀ 3:6 - Ɛmɛẅi ankà ankrànkràn 2003

⁶ kɩ mɛ̀n dú ankà-tro-zri-wrɔn ɛnyànmàn ci-hán mɛ̀n, kɩ mɛ hán Ɔwɔ-fɛcüè-bɔ̀ ɛgbàn. Eci léyi dú ɛwúvà nyrɔnnan-ci, hɩ ɛnyànmàn wá nɔn, mɛ̀n dú n'ɛẅɛnmɛ̀n ɛshishiemɛ̀n.

Filipɛ̀n anmàn-bɔ̀ 3:6 Iomraidhean Croise

Matie 23:25

Muzhie dú nyɛ tɛn, ɛnyànmàn-gbànvri-ankà-yé-bɔ̀ mán ɛnyànmàn-sùva-wá-bɔ̀, anmùan-anhyrɛ̀-bɔ̀! Nyɛ́n juru grashɛ̀n mán ɛci-zî kpokpo edomɛ̀n, tɛ́n ny'ɛci-yerɛ-ci mán ny'ankà-tro gbàngbàn yɩ́ grashɛ̀n mán pkopko mɛ̀n.

Matie 5:20

Mɛ dɔ́ nyɛ̀n annànwɔrɛ mɛ̀n le: ke dú kɛ nyɛ́n sɩ̀ hàn eci léyi Ɔwɔ ke ji, kɛ̀ vràn ɛnyànmàn-gbànvri-ankà-yé-bɔ̀ mán Ɔwɔ-nyànmàn-sùva-wá-bɔ̀ hô, nyɛ́n sɩ̀ bru Anhobɩ́-Nɛ̀ncüì-dúyri rɔ́.”

Lükɛ̀n 1:6

Zakari mán nɛ́n hi dú ɛnyrɔnnanmɛ̀n Ɔwɔ Zìwú, kɩ yɛ wá Ɛẅɛnwrɔn nyanmàn lɔ fɛn esùva anvrɛnvrɛn.

Ɔkɔ̀hɔ̀n-wá-bɔ̀ kɔ̀hɔ̀n hán 21:20

Ɛnvra léyi yɔ yá n'ankà lɔ trɔ nɔn, yɔ mrɛ́n Ɔwɔ. Zɛtɛn yɔ dɔ́ Pɔlɛ̀n le: “Ɛ kàn, ɔwrɔn-nɛ́n-mùan-ẅì, Zhüifɛ̀n-bɔ̀ tɛ̀bru kru ɛbɛ́ de srɔ Zhezü sɛ̀nkɛn-bɔ̀: yɔ lɔ fɛn, yɔ ẅɛn ɛnyànmàn ɛshishiemɛ̀n yɔ hɛ́n.

Ɔkɔ̀hɔ̀n-wá-bɔ̀ kɔ̀hɔ̀n hán 22:5

Ɔwɔ-cice-wrɔn cüìcüì mán ɛcüìcüì-bɔ̀ hɔ̀n fɛcüè ke le di mɛ̀n dalɛfuɛ le, mɛ dɔ́ ankà annanwɔrɛ. Mɛ̀n cɔ́ y'antamɛ̀n wrú léyi ke ji le, mɛ̀n bɩ tán nmàn-ẅì hɔ̀n léyi dú Damasɛ̀n anmàn, kɩ mɛ̀n hɔ́n anmàn ndɔ lɔ: me ji mɛ̀n ẅɛn ankaẅì-bùtan-ẅɛn-bɔ̀ léyi dú nanvrɛn lɔ, mɛ̀n sɩ́ yɔ Zherüzalɛmɛ̀n anmàn, ô yɛ hán yɔ ɛgbàn.”

Ɔkɔ̀hɔ̀n-wá-bɔ̀ kɔ̀hɔ̀n hán 26:5

Yɔ nyri mɛ̀n ɛnvra sheshe, kɩ hɩ wú lɔ, yɔ le di mɛ̀n dalɛfuɛ ke dú kɛ yɔ ji, le mɛ̀n dú bɔ́ fɛcüè Wɔ-wɔn lɔ, ɔwrɔn léyi kɛ ẅɛn n'ankà ɛshieshiemɛ̀n, Ɔwɔ-nyànmàn-sùva-wá-bɔ̀ hɔ̀n mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 8:3

Sɔlɛ̀n tɛn, kɛ hán kekremɛ̀n, ô kɛ̀ jrɛ́ Ɔwɔ fɛcüè-bɔ̀ lɔ; ne ci ebɩ́bɩ́, nɛ ẅɛn ankaẅì-bùtan-ẅɛn-bɔ̀ lɔ, wúcɔ̀ mán wúyɔ̀ kɩ ne ku yɔ anwɔn-mɛ̀n-wá-wɔn mɛ̀n.

Rɔmɛ̀n-anmàn-bɔ̀ 7:9

Ɛnbìɛhɛ́n léyi ɛnyànmàn bàdà nɔn, mɛ̀n dú ɔwrɔn kɔrɛ-kɔrɛ; tɛ́n ɛnvra léyi ɛnyànmàn nvà nɔn, ɛgbàn bru ɛwúvà mɛ̀n

1 Korɛntɛ̀n anmàn-bɔ̀ 10:32

Ny'ɛwúvà-ẅɛ̀n ke bɩ́ jrɛ́ anwrɔn hɔ̀n léyi dú Zhüifɛ̀n-bɔ̀, anwrɔn hɔ̀n léyi kè sɩ̀ dù Zhüifɛ̀n-bɔ̀ mán Ɔwɔ-fɛcüè-bɔ̀ nɔn ɛnkruemɛ̀n.

1 Korɛntɛ̀n anmàn-bɔ̀ 15:9

Annanwɔrɛ mɛ̀n lɔ, mɛ̀n dú ɔkɔ̀hɔ̀n-wá-wrɔn cɛ́ ɔkɔ̀hɔ̀n-wá-bɔ̀ lɔ mɛ̀n, annanwɔrɛ ankà dɔ́ mɛ̀n lɔ, mɛ̀n sɩ̀ krɔn ɔmu le y'á bi mɛ̀n ɔkɔ̀hɔ̀n-wá-wrɔn, ɔmuhi mɛ̀n kɔ́n Ɔwɔ-fɛcüè hɔ̀n anhà nɔn.

Filipɛ̀n anmàn-bɔ̀ 2:15

ô nyɛ́n dú ɛnyrɔnnanmɛ̀n mán ɛfifiemɛ̀n, nyɛ́n dú Ɔwɔ-ẅì hɔ̀n léyi ɛgbàn zriɛmɛ́n bàdà edomɛ̀n ɛnu ɛnhibù ndɔ lɔ wú, ɛyɔ̀n-bɔ̀ mán anwrɔn gbàngbàn hɔ̀n wanzi. Ke ji le nyɛ́n dú y'ɛmɛ̀n nyɛ́n gbrɛ́n kɛ̀ hán anhobɩ́ kùcànkrò hɔ́,

Filipɛ̀n anmàn-bɔ̀ 3:9

ô nɛ́n mɛhi bɔ́ dú ɔbɔ̀sɔ mɛ̀n kokroho. Mɛ́n sɩ́ vru ẅɛn ankà-tro le mɛ̀n dú ɛnyrɔnnan-wrɔn m'ɛnyànmàn ci-hán mɛ̀n. Krisì ankaẅì-bùtan-ẅɛn mɛ̀n de mɛ̀n dú ɛnyrɔnnan-wrɔn, ɛkɔrɛ̀levri ci-hán ndɔ lɛ́yi, Ɔwɔ hán kè dú ankàẅì-bùtan-ẅɛ̀n ci-tán nɔn.

Kpàkpà timote 1:13

kɩ nɛ̀n sɩ̀ crɛ̀ nyan ɛnbìɛhɛ́n ci gbàngbàn léyi mɛ̀n hán nɛ̀n, mán ɔwra léyi mɛ̀n ku nɛ̀n ɛwú nɔn. Tɛ́n Ɔwɔ nyri mɛ̀n ɛnhyɔ̀bɔ̀, ɔmuhi mɛ̀n sɩ̀ ẅɛ̀n ankaẅìbùtan, kɩ mɛ́n sɩ́ nyri eci léyi mɛ hán nɔn.