Filipɛ̀n anmàn-bɔ̀ 3:5 - Ɛmɛẅi ankà ankrànkràn 2003

⁵ Ye wi mɛ̀n wúcɔ̀-domɛ̀n ɛnvra léyi ye bî mɛ̀n, n'ɛbi eẅiriemɛ̀n. Ebîemɛ̀n lɔ mɛ̀n dú Izraɛlɛ̀n-wrɔn, Bɛnzhamɛn mɛ̀n lɔ mɛ̀n, Ebre hɔ̀n mɛẅi-wrɔn. Ɔwɔ-nyànmàn-sùva-wá-wrɔn ankrànkràn diemɛ̀n lɔ, mɛ̀n ẅɛn Zhüifɛ̀n-bɔ̀ nyànmàn mɛ̀n hɛ́n,

Filipɛ̀n anmàn-bɔ̀ 3:5 Iomraidhean Croise

Lükɛ̀n 1:59

Ɛnvra léyi, ɛnẅì lɔ di ɛnbi-fɔ́n-kru zri nɔn, yɛ và yɛ hán ye ẅí nɛ̀n wucɔ̀ domɛ̀n, kɩ ye ji yɔ wá nɛ̀n nɛ́n zi bɩ́, Zakari.

Lükɛ̀n 2:21

Ɛnbifɔn-kru zri vacì, ɛnvra léyi, ye le wí ɛnẅì cɛ lɔ wúcɔ̀ domɛ̀n nɔn, yɛ wá nɛ̀n ebɩ́ Zhezü, ebɩ́ léyi Ɔwɔ-kùyüre-wrɔn yé Mari yakɛ ye sî n'ɛmɛ̀ntɛ̀ nɔn.

Lükɛ̀n 5:38

Ke jí le nɛ̀n gbrɛ́ ankùa wrù mán ɔhɔnán, ô nɛ̀n gbrɛ́ ankùa cüɛ mán ɔhɔnán.

Ɔkɔ̀hɔ̀n-wá-bɔ̀ kɔ̀hɔ̀n hán 22:3

“Mɛ̀n dú Zhüifɛ̀n-wrɔn, ye bî mɛ̀n Tarsɛ̀n anmàn Silisi kpɔsɔ wú; tɛ́n ɛnu Zherüzalɛmɛ̀n anmàn de yɛ wá mɛ̀n kɩ m'ankà-yé-wrɔn dú Gamaliɛlɛ̀n, nɛ́n de nɛ̀n hán mɛ̀n nyri, bɔ́ nancüì hɔ̀n nyànmàn lɔ nɔn. Me yɩ́ edù Ɔwɔ kɔ̀hɔ̀n-hán mɛ̀n, hán ɔmu le nyɛ́n lɛ fɛn nyɛ́n dú ɛnyɔnci lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 23:6

Pɔlɛ̀n nyri ɔmu le ɛmrɛ̀nci-bɔ̀ lɔ, anwrɔn cá dú anwrɔn hɔ̀n léyi ke sɩ́ bú owúemɛ̀n-dú-frɔ́ ankà kɛ tán ankaẅì, kɩ ɛcá dú Ɔwɔ-nyànmàn-sùva-wa-bɔ̀; hɩ le kruhú de nɛ̀n sɩ́ ɔmùan ɛwú y'ezìwú nɛ dɔ̀ le: “Anwrɔn-nɛ́n-muan-ẅì hɔ̀n, mɛ́n dú Ɔwɔ-nyànmàn-sùva-wa-wrɔn, Ɔwɔ-nyànmàn-sùva-wa-wrɔn ẅì. Ɔmuhi me bú owúemɛ̀n-dú-frɔ́ ankà mɛ tán ankaẅì, hɩ kruhú de mɛ̀n dú ɛmrɛ̀nciemɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 6:1

Zɛtɛn hɩ vra lɔ mɛ̀n, ɛsɛ̀nkɛn-bɔ̀ bukru kɛ cüɛn, ankaẅì-bùtan-ẅɛn-bɔ̀ léyi dú grɛkɛ̀n-bɔ̀ nɔn, ke bɩ́ ɛmɛ̀nhyì ku anwrɔn hɔ̀n léyi kɛ vra ebre nɔn ɛwú: yɔ dɔ̀ le ɔngrɔn-wúyɔ hɔ̀n léyi dú grɛkɛ̀n-bɔ̀ fɛcüè lɔ mɛ̀n nɔn, ye sɩ́ wá yɔ esùva ɛnvra léyi, ɛnbɩ̀ lɔ fɛn, yɛ dɛ́ ɛci-zî-ci nɔn.

Rɔmɛ̀n-anmàn-bɔ̀ 11:1

Zɛtɛn me yrɛ le: Ɔwɔ teze nɛ́n fɛcüè lɔa nɛ̀n? Annànwɔrɛ mɛ̀n lɔ hɔ̂! Ɔmuhi mɛ́n dùku mán mɛ̀n dú Izraɛlɛ̀n ẅì, Abrahamɛ̀n mɛẅi-wrɔn, Bɛnzhamɛn mɛ̀n mɛ̀n-wrɔn nɔn.

2 Korɛntɛ̀n anmàn-bɔ̀ 11:22

Yɔ dú Ebre-bɔ̀a? Mɛ̀n mán. Izraɛlɛ̀n-bɔ̀a? Mɛ̀n mán. Abrahamɛ̀n mɛẅi-bɔ̀a? Mɛ̀n mán.