Filipɛ̀n anmàn-bɔ̀ 3:20 - Ɛmɛẅi ankà ankrànkràn 2003

²⁰ Tɛ́n bɔ́ tɛn, bɔ̀ dú anhobɩ́-bɔ̀, nanvrɛn lɔ de bɔ́ vrá, bɔ́ Ebɩ̀die-wrɔn, Ɛẅɛnwrɔn Zhezü Krisì kè dù kɛ̀ và nɔn.

Filipɛ̀n anmàn-bɔ̀ 3:20 Iomraidhean Croise

Matie 19:21

Zhezü kɛ dɔ́ nɛ̀n le: “Ke dú kɛ e ji è krɔn kpehɛ́n hô, ɛ̀ hɔ̀n hɛ́ v'ɛci hɔ̀n lɔ fɛn, è bɩ́ ɔkùa lɔ ɛ̀ tán ɛmian-bɔ̀, zɛtɛn ɛ lɛ cɔ́ ɛnnɛ̀ncüì-di-ci anhobɩ́; zɛtɛn è vru ɛ̀ và, ô ɛ̀ kɛ́n mɛ̀n ɛsɛ̀n.”

Lükɛ̀n 12:21

Zhezü vru kɛ dɔ̀ le: “Ɔmu lɔ de ke le dù tán ɔwrɔn léyi kɛ hán ɛnnɛ̀ncüì-di-kɔ̀hɔ̀n tán nɛ́n mumù, hɩ Ɔwɔ zìwú tɛ́n kè sɩ̀ dì ɛnnɛ̀ncüì nɔn.”

Lükɛ̀n 14:14

E le dú ɛnbɔrɛ-bruemɛ̀n, ɔmuhi yɔ sɩ̀ wɔrɛ̀ tán mɛ́n rɔ́ nɔn. Ɔwɔ kɛ lɛ wɔrɛ̀ tán mɛ́n ɛnvra léyi yɔ hɔ̀n léyi hán anvrɛn nɔn, ke le dú owúemɛ̀n kɛ̀ wɔrɛ̀ vá ɔkɔrɛ-bɔ̀ mɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 1:11

kɩ kɛ dɔ́ yɔ le: “Galile-bɔ̀, cɛci kruhú kɛ̂ nyɛ́n nyɔn ɛnu lɔ nyɛ nyán anhobɩ́ɛ? Zhezü ndɔ léyi ye bɩ́ sɔhɔ́ ny'antamɛ̀n kɛ hɔ́n anhobɩ́ nɔn, ke le vru kɛ̀ vá ɔmu zri léyi nyɛ́n kán nɛ̀n nɛ hɔ̀n nɔn.”

1 Korɛntɛ̀n anmàn-bɔ̀ 1:7

hán tán kɩ Ɔwɔ cüì zriɛmɛ́n kè sɩ̀ ẅɛn nyɛ̀n ɛmian, nyɛ́n léyi nyɛ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ srɔ nɔn.

1 Korɛntɛ̀n anmàn-bɔ̀ 15:48

Ɛnhibù wú ci kɔrɛkɔrɛ hɔ̀n lɔ dú eci zri lɔ tán ɔwrɔn léyi ye bɩ́ antà-hiwɔ̀n yɛ hán nɔn, tɛ́n anhobɩ́ ci kɔrɛkɔrɛ hɔ̀n lɔ dú eci zri lɔ tán ɔwrɔn léyi dú anhobɩ́ và nɔn.

2 Korɛntɛ̀n anmàn-bɔ̀ 4:18

Ɔmuhi bɔ́ sɩ́ hɛ́n bɔ́ esùvá-wá eci léyi bɔ́ kàn nɔn wú, tɛ́n esùvá-wá ke dú bɔ̀ eci léyi bɔ́ sɩ́ kán nɔn wú. Eci léyi yɛ kàn nɔn, ke sɩ́ mɔɛnhán, tɛ́n, hɩ léyi ye sɩ́ kán nɔn, dú ɛnvra lɔ fɛn.

2 Korɛntɛ̀n anmàn-bɔ̀ 5:8

Edùyì dú bɔ̀ ɛmɛ̀n kɩ bɔ́ cüɛn ɔmu le bɔ̀ teze edùwrú ndɔ lɔ, ô bɔ̀ hɔ̀n yɛ́ Ɛẅɛnwrɔn tɛ̀sɛ̀n.

Galasi anmàn-bɔ̀ 4:26

Tɛ́n anhobɩ́ Zherüzalɛmɛ̀n lɔ nɛ̀n sɩ̀ dù anwɔ̀nẅiemɛ̀n, kɩ nɛ́n de nɛ̀n dù bɔ́ muan nɔn.

Efɛzɛ̀n anmàn-bɔ̀ 2:19

Hɩ le kruhú, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn, nyɛ́n sɩ̀ vrù dù ɛmɛ̀n-nyàntɛn-mɛ̀n-bɔ̀, anwrɔn hɔ̀n léyi dú ɛyri nyàntɛn nvà nɔn; tɛ́n nyɛ́n dú zɛtɛ̀ lɔ Ɔwɔ-fɛcüè-mɛ̀n-bɔ̀, nyɛ́n dú Ɔwɔ mɛ̀n mɛ̀n-bɔ̀.

Efɛzɛ̀n anmàn-bɔ̀ 2:6

Bɔ́ mán Krisì mɛhi b'ɔbɔ̀sɔ̀ lɔ mɛ̀n, Ɔwɔ hán nɛ́n mán bɔ́ mɛhi bɔ̀ vá ɔkɔrɛ-bɔ̀ mɛ̀n, ô nɛ́n mán bɔ́ mɛhi bɔ̀ ẅɛn ɛyri anhobɩ́ anmàn.

Filipɛ̀n anmàn-bɔ̀ 1:10

ô nyɛ́n cɔ́ ɛyri nyɛ́n nyri eci léyi zrɔ nɔn. Ɔmu lɔ de nye le dú ɛfifiemɛ̀n mán ɛyrɔnnan mɛ̀n ɛnbì léyi Krisì kɛ lɛ và nɔn.

Filipɛ̀n anmàn-bɔ̀ 1:27

Tɛ́n, ny'esùnàn kè ci Krisì Mɛẅi ankà Ankrankran ci-hán lɔ wú. Ɔmu lɔ de, ke dú kɛ mɛ hɔ́n nyan nyɛ̀n, kɩ mɛ́n sɩ́ dú nyɛ̀n ɛmɛ̀n mán, mɛ lɛ yá le nyɛ́n dú ɔbɔ̀sɔ mɛ̀n ɛshishiemɛ̀n mán ɛnhɛ́n zriemɛ̀n, kɩ nyɛ kɔ́n anhà ɛnbɔrɛ zriemɛ̀n, ankaẅì-bùtan léyi nyɛ cɔ́ Ɛmɛẅi ankà Ankrankran lɔ wú nɔn hɩ kruhú.

Kɔlɔsèn anmàn-bɔ̀ 1:5

Ɛnvra léyi annanwɔrɛ Mɛẅi ankà Ankrankran lɔ vá cɔ́ nyɛ̀n kpàkpà bì lɔ nɔn, nyɛ́n cɔ̀ nyɛ́n nyri eci léyi Ɔwɔ wá hɛ́n nyɛ̀n anhobɩ́ nɔn: ny'ankaẅì-bùtan mán ny'ɛcüɛn-bɔrɛ dú esɛ́ ndɔ lɔ mɛ̀n srɔ.

1 Tesalonikɛ̀n anmàn-bɔ̀ 1:10

Nyɛ vrá Zhezü léyi dú n'Ɛnẅì, kè dú anhobɩ́ kɛ̀ và. Nɛ́n de Ɔwɔ bɩ́ nɛ̀n owú-bɔ̀ mɛ̀n sɩ́ ɔkɔrɛ-bɔ̀ mɛ̀n; nɛ mrɛ́n bɔ̀ nɛ̀n sɔhɔ́ Ɔwɔ mrɛ̀ncì léyi kɛ́n eburi nɔn mɛ̀n.

1 Tesalonikɛ̀n anmàn-bɔ̀ 4:16

Yɛ lɛ yá ɛnyànmàn-tán bobo tɔ̀n, Ɔwɔ-kùyüre-wrɔn cüìcüì sùva mán Ɔwɔ brɛ̀n kù-dì, kɩ Ɛẅɛnwrɔn dùku ke le dú anhobɩ́ kɛ lɛ kàkɛ. Anwrɔn hɔ̀n léyi wú Krisì ankàẅì-bùtan lɔ mɛ̀n nɔn, yɔ le dú kpàkpà-bɔ̀ yɔ vá ɔkɔrɛ-bɔ̀ mɛ̀n;

Anhyrɛmɛ̀n timote 4:8

Kɩ zɛtɛ̀ lɔ ɛkɔ̀nkà wɔ̀ɛndi kɛ vrá mɛ̀n: ɔwɔ̀ɛndì ndɔ lɔ dú ɛnkrukɔrɛ̀ krusɔnci léyi Ɛẅɛnwrɔn, ɛnyrɔnnan mrɛ̀nci-wrɔn, kɛ lɛ tán mɛ̀n ɛmrɛ̀nci bì lɔ nɔn, kɩ kè sɩ̀ dù mɛ́n zri kɩ, tɛ́n anwrɔn lɔ fɛn léyi kɛ vrá ɛcüɛn mɛ̀n ɛnvra léyi Ɛẅɛnwrɔn kɛ lɛ srɔ nɔn.

Titɛ̀n 2:13

Ɔmu lɔ de ke ji le bɔ̀ vrá ɛnbɔrɛbru léyi bɔ̀ ẅɛn esɛ́ n'ɛwú ɛnbì léyi Zhezü Krisì léyi dú b'Ɔwɔ vri mán bɔ́ Ebɩdie-wrɔn ci-zrɔ kɛ lɛ srɔ nɔn.

Ebre-bɔ̀ 12:22

Tɛ́n nyɛ tɛn nyɛ́n sɔ̀nba Siɔn kpò mán Ɔwɔ kɔrɛkɔrɛ dúyri tɛsɛ̀n, anhobɩ́ Zherüzalɛmɛ̀n, nyɛ́n mán n'ɛkùyüre-bɔ̀ fɛcüè mɛhi.

Ebre-bɔ̀ 9:28

Ɔmu zri lɔ, Krisì mán ye bɩ ye ce eci ɛdɛ̀n zri, ô kɛ̀ mrɛ́n anwrɔn fɛcüè hɔ̀n ɛgbàn mɛ̀n kɛ̀ sɔhɔ́. Nɛ lɛ srɔ andɛ̀n anhyrɛmɛ̀n, kè sɩ̀ dù hɩ le ne le gbú ɛgbàn nɛ̀n sɔhɔ́ nɔn, tɛ́n, nɛ̀n bɩ́ ɛnkrukɔrɛ̀ nɛ̀n tán anwrɔn hɔ̀n léyi kɛ vrá nɛ̀n nɔn.

Ɔwɔ-mɛ̀n-yrikàn 1:7

Nyɛ́n nyan, nɛ̀n dú ɛwì-gbuemɛ̀n nɛ và! Yɔ lɛ fɛn yɔ lɛ kán nɛ̀n, yɔ hɔ̀n léyi sɔ́n nɛ̀n ebisɛn nɔn mán. Ɛnhibù wú fɛcüè hɔ̀n ke le dú obòtomɛ̀n n'ɛkruhú. Hɛ̀ɛ̀, ɔmu lɔ de ke le dù nɔn! Kè dú ɔmu lɔ.