Filipɛ̀n anmàn-bɔ̀ 3:19 - Ɛmɛẅi ankà ankrànkràn 2003

¹⁹ Yɔ srɛ́ hɔ́n y'ɛzrɛ́n mɛ̀n, ɔmuhi y'Ɔwɔ lɔ dú y'ɛmɛ̀ntɛ̀, yɔ dú ɔmùan-gbúemɛ̀n anvɛvrà ci-hán mɛ̀n, kɩ ɛnhibù ci hɔ̀n lɔ ankà kɩ dú yɔ ɛnkruemɛ̀n.

Filipɛ̀n anmàn-bɔ̀ 3:19 Iomraidhean Croise

Matie 16:23

Tɛ́n Zhezü crɛ̀ kɩ kɛ dɔ́ Piɛrɛ̀n le: “Sɔ́n hɔ̀n ɛmɛẅi esù she m'ɛtɛ̀sɛ̀n, Anwa-wrɔn! È dú eci léyi dabra dɛ́ mɛ̀n ɛnlevri wanziɛ nɔn, ɔmuhi è sɩ̀ ẅɛ̀n Ɔwɔ ankà-tro nɔn, tɛ́n anwrɔnẅì ankà-tro de ɛ ẅɛ̀n nɔn.”

Matie 25:41

Zɛtɛn, ɛnnɛ̀ncüì lɔ kɛ lɛ dɔ́ yɔ hɔ̀n léyi nyɔn nɛ̀n ebrì-kɔrɛ̀a nɔn le: ‘Nyɛ́n sɔ̀n hɔ́n ɛmɛẅi esù-she m'ɛtɛ̀sɛ̀n, Ɔwɔ-ẅiɛ̀-dá-bɔ̀! Nyɛ́n hɔ́n ɛnhyà léyi ke sɩ́ zɛ́n hán, hɩ yɛ hán dú anwa-wrɔn mán n'ɛsɛ̀nkɛn-bɔ̀ tɛn nɔn mɛ̀n!

Lükɛ̀n 12:19

Zɛtɛn mɛ lɛ dɔ́ m'edomɛ̀n le: m'annyran-anvrɛn, ɛ̀ ẅɛn ɛci cüɛn, kɛ lɛ cɔ́ mɛ́n ɛnnanwàn bobrebe, ɛ̀ wrɔncüe, zî ɛci, mi ɛntàn, ô ɛ̀ brá pɔpüɛ̀ ɛ̀ tán v'edomɛ̀n.’

Lükɛ̀n 16:19

“Ɔwrɔn tɔ̀n ndù di ɛnnɛ̀ncüì, kɩ anhàn shishi domɛ̀n-ẅɛn-ci ankrànkràn lɔ fɛn dú n'ɛci nɛ ẅɛn edomɛ̀n ɛnbì lɔ fɛn, kɩ nɛ̀n dú ɛwúvà ankrànkràn mɛ̀n ɛci-zîemɛ̀n mán pɔpüɛ̀-brá mɛ̀n.

Lükɛ̀n 18:4

Ɛnvra sheshe mɛ̀n de ɛmrɛ̀n-ci-wrɔn lɔ ke sɩ́ shriɛ kɩ zɛtɛn nɛ dɔ́ n'edomɛ̀n le: ‘Ankàẅì, mɛ̀n sɩ̀ ẅɛ̀n Ɔwɔ sù kɩ mɛ́n sɩ́ wá ɔwrɔn zriɛmɛ́n;

Rɔmɛ̀n-anmàn-bɔ̀ 16:18

ɔmuhi anwrɔn ɔmu hɔ̀n lɔ kè sɩ̀ dù Krisì, bɔ́ Ɛẅɛnwrɔn ci-bɩ̀tan-bɔ̀, tɛ́n yɔ dú yɔ dùku y'ɛmɛ̀ntɛ̀ ci-bɩ̀tan-bɔ̀! Y'anmuan mɛ̀n mrɛnmrɛn mán y'ɛfrɛ́n ankà-dɔ̀, kɛ hán yɔ, yɔ frɛ́n ɛnhyɔ̀bɔ̀-di-bɔ̀.

Rɔmɛ̀n-anmàn-bɔ̀ 6:21

Zɛtɛn zɛtɛ̀ lɔ, ecitan de nyɛ́n cɔ́ ny'anvɛvrà ci-gbàngbàn hɔ̀n lɔ hán mɛ̀n nɛ́n? Eci-hán-ci ndɔ hɔ̀n lɔ ke sɩ́ owúemɛ̀n!

1 Korɛntɛ̀n anmàn-bɔ̀ 3:3

ɔmuhi ny'ɛwúvà dú cá ɛnhibù ndɔ lɔ bɔ̀ wúvà hɔ́. Hɩ le ecüì-hi-kɔ̀n mán annankran dú nyɛ̀n ɛmɛ̀n, nyɛ́n sɩ́ yé tán le nyɛ́n dú ɛnhibù ndɔ lɔ n'anwrɔn, kɩ nyɛ nyrɔn ny'edomɛ̀n kɛ hán anwrɔnẅì hɔ́a?

1 Korɛntɛ̀n anmàn-bɔ̀ 5:2

Kɩ nye vru nyɛ hán ɛgbúgbú-ci! Tɛ́n ke ji le, eci-hán ndɔ lɔ kè dú ny'edomɛ̀n-bru-ankà, ô eci gbàngbàn-hán-wrɔn ndɔ lɔ, yɛ wrɔ́ nɛ̀n ny'anwanzi.

1 Korɛntɛ̀n anmàn-bɔ̀ 5:6

Ɔmùan-gbú-ankà bàdà ɛmɛ̀n! Nyɛ́n nyri ankà ndɔ lɔ anvrɛnvrɛn: “Eci-fɔ́-ci ẅiɛ kɩ kɛ hán dùdú-sɔ́n kɛ fɔ́.”

2 Korɛntɛ̀n anmàn-bɔ̀ 11:12

Me le dú eci lɔ n'ɛhán mɛ̀n kɛ lɛ hán zɛtɛ̀ lɔ hɔ́, ô anwrɔn hɔ̀n léyi ke ji kè gbú ɔmùan kɛ̀ dɔ̀ le yɔ mɛhi bɔ̀ krɔn nɔn, mɛ̀n mrɛ́n yɔ ankà-tro ndɔ lɔ ɛnkruemɛ̀n mɛ̀n sɔhɔ́.

2 Korɛntɛ̀n anmàn-bɔ̀ 11:15

Kè sɩ̀ dù anvɛmɛ̀n-frɛ́n-ci, ke dú kɛ n'eci-bɩtan-bɔ̀ hɔ̀n mán, kɛ srɔ y'edòmɛ̀n ɛnyrɔnnan Wɔ ci-bɩtan-bɔ̀. Tɛ́n yɔ lɛ cɔ́ ɔtrɔ léyi vɛ́n y'eci-hán hɔ̀n lɔ nɔn.

Galasi anmàn-bɔ̀ 6:13

Anwrɔn ndɔ hɔ̀n léyi kɛ hán wúcɔ̀-domɛ̀n-wí kɔhɔ̀n nɔn, yɔ mumù mán yɔ sɩ́ hán ɛnyànmàn kɔrɛ̀-zì-ci; yɔ ji le ye wi nyɛ̀n wúcɔ̀-domɛ̀n, ô yɔ gbú ɔmùan le, yɔ de yɔ hán ye di nyɛ̀n ɛnrɛ̀n ndɔ lɔ anẅia mɛ̀n nɔn.

Filipɛ̀n anmàn-bɔ̀ 2:21

Anwrɔn ndɔ hɔ̀n lɔ fɛn kɛ nyan y'ɔkɔ̀hɔ̀n ankà kɩ, kè sɩ̀ dù Zhezü Krisì ankà ke bru yɔ.

Kɔlɔsèn anmàn-bɔ̀ 3:2

Ɛci hɔ̀n léyi dú ɛwú nɔn, y'ankà kè dú ny'ankà shishi, tɛ́n ke bɩ́ dú yɔ hɔ̀n léyi dú ɛnu ɛnhi nɔn.

2 Tesalonikɛ̀n anmàn-bɔ̀ 1:9

Y'ɛjrɛ́ gòdòò, ke le dú y'ɛgbàn-wɔɛ̀n-dì, yɔ le dú esù she Ɛẅɛnwrɔn kɔrɛ̀-srɔn ci-zrɔ lɔ tɛ̀sɛ̀n,

2 Tesalonikɛ̀n anmàn-bɔ̀ 2:12

Ɔmu lɔ de anwrɔn hɔ̀n lɔ fɛn léyi kè sɩ̀ bú annanwɔrɛ ankà kɛ̀ tán ankaẅì, tɛ́n bɩ́ ɛgbàn-hán ankà srɔ yɔ pɔpüɛ̀-brà nɔn, nwù-bɔ̀ dú yɔ tɛn.

2 Tesalonikɛ̀n anmàn-bɔ̀ 2:8

Zɛtɛn, anbɔrɛ-wrɔn kɛ lɛ srɔ, kɩ Ɛẅɛnwrɔn Zhezü kɛ lɛ hán nɛ̀n, ne le wú n'ɔmùan dɔ̀nwrɔ̀n mɛ̀n, nɛ lɛ jrɛ́ yi, n'ɛvà vrisì lɔ mɛ̀n.

Kpàkpà timote 6:5

mán ecüìwrɔn léyi kè sɩ̀ ẅɛ̀n ɛnkrutrɔ hɩ dú anwrɔn hɔ̀n léyi ẅɛn ɛyɔ̀n hɛ́n dú angranmɛ̀n, kɩ ankaẅì annànwɔrɛ ankà zrɛ́n yɔ ɛnkruemɛ̀n nɔn. Yɔ tro le, Ɔwɔ mɛ̀n ankaẅì-bùtan ẅɛ̀n lɔ, dú eci léyi kɛ tán ɛnnɛncüì-dì nɔn.

Anhyrɛmɛ̀n timote 3:4

yɔ lɛ dú ankà-mrɛ́n-bɔ̀ kɩ tùtre ke le yɩ́ yɔ ɛnbɔrɛ mɛ̀n, yɔ lɛ cüɛn ɛmankɔ̀n kɛ lɛ vrán Ɔwɔ;

Zhakɛ̀n 4:16

Tɛ́n annànwɔrɛ mɛ̀n lɔ, nye di tùtre, kɩ nyɛ́n ẅɛn ɛvrivri. Tùtre totɔtɔ̀n lɔ fɛn dú eci gbàngbàn.

2 Piɛrɛ̀n 2:1

Ɛyɔ̀n wɔ-mùan-wú-ankà-dɔ́-bɔ̀ srɔ ɛnbiɛhɛ́n vra Izraɛlɛ̀n fɛcüè mɛ̀n; ɔmu zri lɔ de, ɛyɔ̀n ankà-yé-bɔ̀ kɛ lɛ srɔ nyɛ̀n ɛmɛ̀n. Yɔ le sɩ́ ɛyɔ̀n wɔ ankà léyi ẅɛn ɛnjansù kɩ yɔ le teze Ankà-yé-wrɔn léyi bɩ́ yɔ die nɔn; ɔmu lɔ de yɔ lɛ sɩ́ ɛjrɛ́ kpràkprà yɔ tán y'edomɛ̀n.

2 Piɛrɛ̀n 2:13

ɔmu lɔ de yɔ lɛ cɔ́ ɔwɔ̀ɛn-dì y'ɛgbàn hɔ̀n lɔ fɛn léyi yɔ hán nɔn hɩ wú. Yɔ cɔ́ yɔ pɔpüɛ̀-brà y'ankàtro gbàngbàn ci-hán mɛ̀n, ɛcɛ̀n pupu mɛ̀n; y'anwrɔn mɛ̀n dù ẅɛn anvɛvrà mán ɛnkruemɛ́n jrɛ́ ɛnvra léyi yɔ dú ɛcizîemɛ̀n yɔ mán nyɛ́n mɛhi kɩ yɔ brá ɛfrɛ́n pɔpüɛ̀.

2 Piɛrɛ̀n 2:3

Ɔkua cüɛ̀n kruhú ɛyɔ̀n ankà-yé-bɔ̀ ndɔ hɔ̀n lɔ kɛ lɛ frɛ́n nyɛ̀n y'ɛyɔ̀n ankà dɔ́ mɛ̀n. Tɛ́n ɛnvra sheshe mɛ̀n de yɔ nwù-bɔ̀ krɔn kpehɛ́n hɛ́n, kɩ y'ɛjrɛ́ mán ke sɩ̀ mɔ̀ɛn!

Zhüdɛ̀n 1:10

Tɛ́n anwrɔn ndɔ hɔ̀n lɔ yɔ wɔra eci léyi yɔ sɩ̀ nyrìɛn nɔn; kɩ eci léyi yɔ nyri anvɛmɛ̀n hán ovú nɔ̀n hɔ́ nɔn, ndɔ lɔ mán ke sɩ́ yɔ ɛzrɛ́n mɛ̀n.

Zhüdɛ̀n 1:16

Anwrɔn ndɔ hɔ̀n lɔ dú ezì mú mɛ̀n ɛnvra lɔ fɛn kɩ yɔ boto y'edomɛ̀n; yɔ kɛ́n yɔ dùku y'ankàtro hɔ̀n ci-hán ɛsɛ̀n; yɔ dɔ́ tùtre ankà kɩ yɔ frɛ́n anwrɔn ɛ̀merɛ́n mɛ̀n.

Zhüdɛ̀n 1:4

Annanwɔrɛ mɛ̀n lɔ, anwrɔn gbàngbàn ndɔ hɔ̀n bru nyɛ̀n ɛmɛ̀n anbanmɛ̀n; yɔ jrɛ́ b'Ɔwɔ nboafɔ̀n, kɩ yɔ bɩ́ nɛ̀n yɔ wá y'ɛwúvà gbàngbàn ẅɛ̀n wú, kɩ ɔmu lɔ yɔ kɔ́n Zhezü-Krisì ze, nɛ́n léyi nɛ̀n dú b'Ankà-yé-wrɔn zri mán Ɛẅɛnwrɔn nɔn. Ɛnvra sheshe mɛ̀n de Ɛwrú Prɔnprɔn hɔ̀n kɛ dɔ́ nwù-bɔ̀ léyi ke le dú yɔ ɛwú nɔn yi ankà.

Ɔwɔ-mɛ̀n-yrikàn 18:7

Nyɛ́n tán nɛ̀n ɛgbànkàn mán ejüedì zri hɔ̀n léyi nɛ̀n hán anwrɔn n'ecizrɔ mɛ̀n mán n'evridì lɔ mɛ̀n. Nɛ dɔ́ n'edòmɛ̀n le: ‘Mɛ̀n yɛ́ ɛnu lɔ hán ɛnnɛ̀ncüì-hi hɔ́, mɛ̀n sɩ̀ dù ɛngrɔn-hi, kɩ mɛ́n sɩ̀ nyri ɛngrɔn-dì ankà zriɛmɛ́n mrìmrì.’

Ɔwɔ-mɛ̀n-yrikàn 19:20

Yɛ ẅɛn ɔnɔ̀n lɔ, ɔmu zri lɔ yɛ ẅɛn ɛyɔ̀n-wɔ-mùan-wú-ankà-dɔ́-wrɔn léyi hán anvɛmɛ̀n-frɛ́n-ci hɔ̀n lɔ n'ezìwú, ô kɛ̀ zrɛ́n anwrɔn hɔ̀n léyi cɔ́ ɔnɔ̀n lɔ n'ɛnrɛ̀n, kɩ ke cüe nɛ́n picɛ̀ lɔ ankorɛ̀ ezìwúɛ nɔn. Yɛ kɔ́n ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ ankɔrɛkɔrɛ mɛ̀n ku ɛnhyà-ẅì nɛnbà lɔ mɛ̀n.

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”

Ɔwɔ-mɛ̀n-yrikàn 22:15

Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!