Filipɛ̀n anmàn-bɔ̀ 3:17 - Ɛmɛẅi ankà ankrànkràn 2003

¹⁷ Anwrɔn-nɛ́n-muan-ẅì hɔ̀n, nyɛ lɛ fɛn nyɛ́n hán kɛ̀ hán mɛ̀n hɔ́. Bɔ̀ tán sɛnpò; zɛtɛn nyɛ́n crɛ̀ nyan anwrɔn hɔ̀n léyi kɛ hán sɛnpò ndɔ lɔ ne ci nɔn.

Filipɛ̀n anmàn-bɔ̀ 3:17 Iomraidhean Croise

Rɔmɛ̀n-anmàn-bɔ̀ 16:17

Mɛ dɔ́ nyɛ̀n, anwrɔn-nɛ́n-muan-ẅì hɔ̀n, nyɛ́n wá ny'edomɛ̀n esùva anwrɔn hɔ̀n léyi ke sɩ́ ɛsɔ̀nvoyan nɔn y'ɛtɛ̀sɛ̀n, yɔ léyi yɔ kɛ́n ankà-yé léyi ankaẅì-bùtan-ẅɛn-bɔ̀ ncɔ̀ nɔn ezì, kɩ kɛ hán yɔ, yɔ bru ɛzɛ́n mɛ̀n nɔn. Nyɛ́n cɔhɔ́ y'ɛtɛ̀sɛ̀n,

1 Korɛntɛ̀n anmàn-bɔ̀ 10:32

Ny'ɛwúvà-ẅɛ̀n ke bɩ́ jrɛ́ anwrɔn hɔ̀n léyi dú Zhüifɛ̀n-bɔ̀, anwrɔn hɔ̀n léyi kè sɩ̀ dù Zhüifɛ̀n-bɔ̀ mán Ɔwɔ-fɛcüè-bɔ̀ nɔn ɛnkruemɛ̀n.

1 Korɛntɛ̀n anmàn-bɔ̀ 11:1

Nyɛ́n bɩ́ mɛ́n sɛnpò lɔ, hán ɔmu le me bɩ́ Krisì tɛn lɔ nɔn.

1 Korɛntɛ̀n anmàn-bɔ̀ 4:16

Zɛtɛn mɛ sɛ́n nyɛ̀n, nyɛ́n nán esù mɛ́n sɛnpò lɔ wú.

Filipɛ̀n anmàn-bɔ̀ 4:9

Eci léyi nyɛ́n cɔ̀, mán ankà-yé léyi nyɛ́n cɔ́ m'eyri, ndɔ lɔ fɛn, nyɛ́n ẅɛ̀n hɛ́n, ndɔ léyi nyɛ́n yá mɛ́n dɔ̀, mán hɩ léyi nyɛ́n kàn mɛ̀n hán. Kɩ Ɔwɔ léyi kɛ tán anwɔwɔ nɔn, mɛhi nye le dù.

1 Tesalonikɛ̀n anmàn-bɔ̀ 1:6

Nyɛ́n bɩ́ bɔ́ sɛnpò mán Ɛẅɛnwrɔn tɛn lɔ; nyɛ́n kán ɛgbàn bobrebe, ɔmu tɛ̀kɩ nyɛ́n bɩ́ Ɔwɔ mùan-ankà-dɔ̀ lɔ pɔpüɛ̀ mɛ̀n, pɔpüɛ̀ léyi Ɛnhɛ́n Prɔnprɔn kɛ tán nɔn.

2 Tesalonikɛ̀n anmàn-bɔ̀ 3:14

Ke dú kɛ ɔwrɔn tɔ̀n ke sɩ́ wá ɛnyànmàn hɔ̀n léyi bɔ́ tán owrú ndɔ lɔ mɛ̀n nɔn, nyɛ́n wá ndɔ lɔ owrúemɛ̀n, ô nyɛ́n cɔhɔ́ nɛ̀n ɛtɛ̀sɛ̀n, ô anvɛvrà kè dú nɛ tɛn.

2 Tesalonikɛ̀n anmàn-bɔ̀ 3:7

Nyɛ́n dùku mán nyɛ́n nyri ɔmu le, ke ji le nyɛ́n bɩ́ bɔ́ sɛnpò lɔ. Ɔmuhi bɔ̀ sɩ̀ yɛ̀ ɛjɛmɛ̀n ny'anmàn lɔ nɔn.

2 Tesalonikɛ̀n anmàn-bɔ̀ 3:9

Bɔ̀ hán eci ndɔ lɔ, kè sɩ̀ dù hɩ le bɔ́ sɩ̀ ẅɛ̀n ny'ɛkɔrɛ̀-wá kɔrɛ̀levri, tɛ́n bɔ́ ji bɔ̀ tán nyɛ̀n sɛnpò léyi nyɛ lɛ nán esù ɛwú nɔn.

Kpàkpà timote 4:12

Ke sɩ́ ji le ɔwrɔn zriɛmɛ́n kɛ ẅɛn v'egbrì ɔmuhi è dú sùgban-wrɔn nɔn; tɛ́n è dú sɛnpò ɛ̀ tán ankaẅì-bùtan-ẅɛn-bɔ̀, v'ankà-dɔ́ mɛ̀n, v'esùnan mɛ̀n, v'ɛcüɛ̀n ci-hán mɛ̀n, v'ankaẅì-bùtan-ẅɛn mɛ̀n mán v'efifiemɛ̀n dù.

Ebre-bɔ̀ 13:7

Ɛcüìcüì-bɔ̀ léyi kɛ nyrɔn nyɛ̀n, kɩ dɔ́ nyɛ̀n Ɔwɔ mùan-ankà nɔn, y'ankà kè bru nyɛ̀n. Nyɛ́n tro y'ɛwúvà léyi yɔ ẅɛ̀n kɩ yɔ wù nɔn yi ankà, ô nyɛ́n ván y'ankaẅìbùtan lɔ.

1 Piɛrɛ̀n 5:3

Anwrɔn hɔ̀n léyi yɛ wá nyɛ̀n antamɛ̀n nɔn, nyɛ́n bɩ́ sɩ́ ny'edomɛ̀n ɛwú nyɛ́n tán yɔ, tɛ́n nyɛ́n dú kɔ̀kɔ̀sɛ̀-kà lɔ yɔ sɛnpò.