Filipɛ̀n anmàn-bɔ̀ 3:15 - Ɛmɛẅi ankà ankrànkràn 2003

¹⁵ Bɔ́ lɛ fɛn lɔ bɔ̀ srɔ ɛcüìcüì Ɛnhɛ́n mɛ̀n, ke ji le ankà-tro ndɔ lɔ kè dú bɔ́ tɛn. Tɛ́n, ke dú kɛ nyɛ́n ẅɛn ankà-tro nyàntɛn, Ɔwɔ kɛ lɛ tán nyɛ̀n ɛyri-kàn hɩ wú.

Filipɛ̀n anmàn-bɔ̀ 3:15 Iomraidhean Croise

Matie 5:48

Nyɛ́n krɔn kpehɛ́n kɛ hán nyɛ́n Zi léyi dú anhobɩ́ nɔn hɔ́.”

Lükɛ̀n 11:13

Anwrɔn gbangbàn hɔ̀n léyi dú nyɛ̀n nɔn, nye nyri tán ny'ɛẅì hɔ̀n ɛci ankrànkràn. Andɛ̀n ɛbɛ de bɔ́ Zi léyi dú anhobɩ́ nɔn, ke sɩ̀ tán n'Ɛnhɛ́n Prɔnprɔn lɔ, anwrɔn hɔ̀n léyi kɛ sán nɛ̀n nɔn!”

Zhan 6:45

Ɔwɔ-mùanwú-ankà-dɔ́-bɔ̀ merɛ́n ankà ndɔ lɔ: ‘Yɔ lɔ fɛn Ɔwɔ kɛ lɛ tán yɔ ɛnkruemɛ̀n-ẅɛ̀n’. Ɔwrɔn totɔtɔ̀n léyi ke die Dade nukùɛ hɩ kɛ cɔ́ n'ankà-yé lɔ nɔn, kɛ vá m'eyri.

Zhan 7:17

Ɔwrɔn léyi krɔn kpehɛ́n kɛ̀ hán Ɔwɔ kɔrɛzì-ci nɔn, ke le nyrì ke dú kɛ m'ankà-yé lɔ dú Ɔwɔ yri và, kàle mɛ́n dùku de mɛ dɔ́ m'ɛkɔrɛ̀levri ankà nɔn.

Rɔmɛ̀n-anmàn-bɔ̀ 15:1

Bɔ́ léyi ankaẅì-bùtan ẅɛn bɔ̀ ecüì nɔn, ke ji le bɔ̀ bɩ́ ɛnbɔrɛ wɔwɔ mɛ̀n, anwrɔn hɔ̀n léyi ankaẅì-bùtan kè sɩ̀ ẅɛ̀n ecüì nɔn, y'ɛzɛ̀n-ci-hán lɔ. Ke sɩ́ ji le bɔ́ ji eci léyi dú bɔ́ ɛcüɛn-ci nɔn.

1 Korɛntɛ̀n anmàn-bɔ̀ 14:20

Anwrɔn-nɛ́n-muan-ẅì hɔ̀n nyɛ́n bɩ́ tro ankà kɛ hán ɛẅì hɔ̀n hɔ́; nyɛ́n srɔ ɛẅì hɔ̀n ɛgbàn tɛ̀sɛ̀n, tɛ́n nyɛ́n srɔ anwrɔn cüìcüì hɔ̀n ny'ankà-tro mɛ̀n.

1 Korɛntɛ̀n anmàn-bɔ̀ 2:6

Kɩ, Ɔwɔ ankà-nyrì de me yé Krisì-sɛ̀nkɛn-bɔ̀ léyi Ɛnhɛ́n Prɔnprɔn mɛ̀n anvɛmɛ̀n cüe nɔn. Tɛ́n kè sɩ̀ dù ɛnhibù wú ankà-nyrì mán ɛkɔrɛ̀-srɔn-bɔ̀ ankà-nyrì léyi ẅɛn ɛyri ɛnhibù ndɔ lɔ wú, hɩ dú eci-jrɛ́-ci nɔn.

Galasi anmàn-bɔ̀ 5:10

Tɛ́n, Ɛẅɛnwrɔn kɛ tán mɛ̀n esɛ́ eci léyi kɛ crɛ nyan nyɛ̀n nɔn hɩ wú: mɛ̀n nyri annanwɔrɛmɛ̀n le nyɛ́n mán nyɛ́n sɩ̀ ẅɛn ankà-tro vɛ́n nyantɛn ke dú kɛ kè sɩ̀ dù m'ankà-tro lɔ. Tɛ́n ɔwrɔn léyi kɛ wá nyɛ̀n gbɔ̀gbɔ̀ edomɛ̀n nɔn, eci totɔtɔ̀n léyi dú nɛ̀n nɔn, nɛ lɛ cɔ́ Ɔwɔ nwù-bɔ̀.

Efɛzɛ̀n anmàn-bɔ̀ 1:17

kɩ mɛ sán dɔ́ Ɛẅɛnwrɔn Zhezü Krisì Wɔ lɔ, bɔ́ Zi léyi ẅɛn eci-zrɔ nɔn, kɛ̀ tán nyɛ̀n ankà-nyrì Hɛ́n léyi ke le yé nyɛ̀n nɛ́n, ô kɛ̀ hán ye nyri nɛ̀n annanwɔrɛ mɛ̀n.

Kɔlɔsèn anmàn-bɔ̀ 1:28

Ɔmu lɔ de bɔ́ dɔ́ krisì ankà tán ɔwrɔnẅì totɔtɔ̀n lɔ fɛn nɔn. Bɔ́ bi dɔ̀, kɩ bɔ́ yé ɔwrɔnwrɔn, ankà-nyriemɛ̀n, ô ɔwrɔnwrɔn kɛ srɔ ecüìcüì ɛnhɛ́n mɛ̀n, nɛ́n mán Krisì mɛhi y'ɔbɔ̀sɔ̀ lɔ mɛ̀n.

Kɔlɔsèn anmàn-bɔ̀ 4:12

Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.

1 Tesalonikɛ̀n anmàn-bɔ̀ 4:9

Ɔwrɔn-nɛ́n-muan-ẅì cüɛ̀n ankà lɔ, ke sɩ́ ji le ye merɛ́n nyɛ̀n owrú, ɔmuhi annanwɔrɛ mɛ̀n lɔ, Ɔwɔ yé nyɛ̀n nyɛ́n dùku ny'edomɛ̀n cüɛ̀n.

Anhyrɛmɛ̀n timote 3:17

ô Ɔwɔ wrɔn kɛ̀ krɔn kpehɛ́n n'eci ankrankran hán mɛ̀n.

Ebre-bɔ̀ 5:14

Tɛ́n, ɛcizî dùku lɔ, dú ɛcüìcüì-bɔ̀ tɛn, yɔ léyi y'eci-hán mɛ̀n, yɔ nyri eci léyi dú anvrɛn mán ɛgbàn nɔn.

1 Zhan 2:5

Tɛ́n ke dú kɛ ɔwrɔn tɔ̀n ke die n'ɔmùan ankà nukùɛ, Ɔwɔ cüɛ̀n dú nɛ̀n ɛmɛ̀n annanwɔrɛ mɛ̀n kokroho. Nyàn ɔmu le bɔ́ lɛ ẅɛn esɛ́ le bɔ́ mán Ɔwɔ mɛhi bɔ́ bɔsɔ̀ nɔn: